আদিপর্ব – অধ্যায় ২৪৩
॥ শ্রীঃ ॥
১.২৪৩. অধ্যায়ঃ ২৪৩
Mahabharata – Adi Parva – Chapter Topics
কৃষ্ণরথমাস্থায় সুভদ্রয়াসহ অর্জুনস্য খাণ্ডবপ্রস্থং গন্তুং যত্নঃ॥ ১ ॥
Mahabharata – Adi Parva – Chapter Text
১-২৪৩-০ (১০৫১৮)
বৈশম্পায়ন উবাচ। ১-২৪৩-০x (১৩০৩)
বৃষ্ম্যন্ধকপুরাত্তস্মাদপয়াতুং ধনঞ্জয়ঃ।
বিনিশ্চিত্য তয়া সার্ধং সুভদ্রামিদমব্রবীৎ॥ ১-২৪৩-১ (১০৫১৯)
দ্বিজানাং গুণমুখ্যানাং যথার্হং প্রতিপাদয়।
ভোজ্যৈর্ভক্ষ্যৈশ্চ কামৈশ্চ স্বপুরীং প্রতিয়াস্যতাম্॥ ১-২৪৩-২ (১০৫২০)
আত্মনশ্চ সমুদ্দিশ্য মহাব্রতসমাপনম্।
গচ্ছ ভদ্রে স্বয়ং তূর্ণং মহারাজনিবেশনম্॥ ১-২৪৩-৩ (১০৫২১)
তেজোবলজবোপেতৈঃ শুক্লৈর্হয়বরোত্তমৈঃ।
বাজিভিঃ শৈব্যসুগ্রীবমেঘপুষ্পবলাহকৈঃ॥ ১-২৪৩-৪ (১০৫২২)
যুক্তং রথবরং তূর্ণমিহানয় সুসৎকৃতম্।
ব্রতার্থমিতি ভাষিৎবা সখীভিঃ সুভগে সহ॥ ১-২৪৩-৫ (১০৫২৩)
ক্ষিপ্রমাদায় পর্যেহি সহ সর্বায়ুধেন চ।
অনুকর্ষান্তপতাকাশ্চ তূণীরাংশ্চ ধনূংষি চ॥ ১-২৪৩-৬ (১০৫২৪)
সর্বান্রথবরে স্থাপ্য সোৎসেধাশ্চ মহাগদাঃ॥ ১-২৪৩-৭ (১০৫২৫)
বৈশম্পায়ন উবাচ। ১-২৪৩-৮x (১৩০৪)
অর্জুনেনৈবমুক্তা সা সুভদ্রা ভদ্রভাষিণী।
জগাম নৃপতের্বেশ্ম সখীভিঃ সহিতা তদা॥ ১-২৪৩-৮ (১০৫২৬)
ব্রতার্থমিতি তত্রস্থান্রক্ষিণো বাক্যমব্রবীৎ।
রথেনানেন যাস্যামি মহাব্রতসমাপনম্॥ ১-২৪৩-৯ (১০৫২৭)
শৈব্যসুগ্রীবয়ুক্তেন সায়ুধেনৈব শার্ঙ্গিণঃ।
রথেন রমণীয়েন প্রয়াস্যামি ব্রতার্থিনী॥ ১-২৪৩-১০ (১০৫২৮)
সুভধ্রয়ৈবমুক্তে তু জনাঃ প্রাঞ্জলয়োঽভবন্।
যোজয়িৎবা রথবরং কল্যাণৈরভিভাষ্য তাম্॥ ১-২৪৩-১১ (১০৫২৯)
যথোক্তং সর্বমারোপ্য আয়ুধানি চ ভামিনী।
ক্ষিপ্রমাদায় কল্যাণী সুভদ্রাঽর্জুনমব্রবীৎ॥ ১-২৪৩-১২ (১০৫৩০)
রথোঽয়ং রথিনাং শ্রেষ্ঠ আনীতস্তব শাসনাৎ।
স ৎবং যাহি যথাকামং কুরূন্কৌরবনন্দন॥ ১-২৪৩-১৩ (১০৫৩১)
বৈশম্পায়ন উবাচ। ১-২৪৩-১৪x (১৩০৫)
নিবেদ্য তু রথং ভর্তুঃ সুভদ্রা ভদ্রসংমতা।
ব্রাহ্মণানাং তদা হৃষ্টা দদৌ সা বিবিধং বসু॥ ১-২৪৩-১৪ (১০৫৩২)
স্নেহবন্তি চ ভোজ্যানি প্রদদাবীপ্সিতানি চ।
যথাকামং যথাশ্রদ্ধং বস্ত্রাণি বিবিধানি চ॥ ১-২৪৩-১৫ (১০৫৩৩)
তর্পিতা বিবিধৈর্ভোজ্যৈস্তান্যবাপ্য বসূনি চ।
ব্রাহ্মণাঃ স্বগৃহং জগ্মুঃ প্রয়ুজ্য পরমাশিষঃ॥ ১-২৪৩-১৬ (১০৫৩৪)
সুভদ্রয়া তু বিজ্ঞপ্তঃ পূর্বমেব ধনঞ্জয়ঃ।
অভীশুগ্রহণে পার্থ ন মেঽস্তি সদৃশো ভুবি॥ ১-২৪৩-১৭ (১০৫৩৫)
তস্মাৎসা পূর্বমারুহ্য রশ্মীঞ্জগ্রাহ মাধবী।
সোদরা বাসুদেবস্য কৃতস্বস্ত্যযনা হয়ান্॥ ১-২৪৩-১৮ (১০৫৩৬)
ব্যত্যযিৎবা তু তল্লিঙ্গং যতিবেষং ধনঞ্জয়ঃ।
আমুচ্য কবচং বীরঃ সমুচ্ছ্রিতমহদ্ধনুঃ॥ ১-২৪৩-১৯ (১০৫৩৭)
আরুরোহ রথশ্রেষ্ঠং শুক্লবাসা ধনঞ্জয়ঃ।
মহেন্দ্রদত্তং মুকুটং তথৈবাভরণানি চ॥ ১-২৪৩-২০ (১০৫৩৮)
অলঙ্কৃত্য তু কৌন্তেয়ঃ প্রয়াতুমুপচক্রমে।
ততঃ কন্যাপুরে ঘোষস্তুমুলঃ সমপদ্যত॥ ১-২৪৩-২১ (১০৫৩৯)
দৃষ্ট্বা নববরং পার্থং বাণখড্গধনুর্ধরম্।
অভীশুহস্তাং সুশ্রোণীমর্জুনেন রথে স্থিতাম্॥ ১-২৪৩-২২ (১০৫৪০)
ঊচুঃ কন্যাস্তদা যান্তীং বাসুদেবসহোদরাম্।
সর্বকামসমৃদ্ধা ৎবং সুভদ্রে ভদ্রভাষিণি॥ ১-২৪৩-২৩ (১০৫৪১)
বাসুদেবপ্রিয়ং লব্ধ্বা ভর্তারং বীরমর্জুনম্।
সর্বসীমন্তিনীনাং ৎবাং শ্রেষ্ঠাং কৃষ্ণসহোদরীম্॥ ১-২৪৩-২৪ (১০৫৪২)
মন্যামহে মহাভাগে সুভদ্রে ভদ্রভাষিণি।
যস্মাৎসর্বমনুষ্যাণাং শ্রেষ্ঠো ভর্তা তবার্জুনঃ॥ ১-২৪৩-২৫ (১০৫৪৩)
উপপন্নস্ৎবয়া বীরঃ সর্বলোকমহারথঃ।
হে প্রয়াহি গৃহান্ভদ্রে সুহৃদ্ভিঃ সংগমোঽস্তু তে॥ ১-২৪৩-২৬ (১০৫৪৪)
বৈশম্পায়ন উবাচ। ১-২৪৩-২৭x (১৩০৬)
এবমুক্তা প্রহৃষ্টাভিঃ সখীভিঃ প্রতিনন্দিতা।
ভদ্রা ভদ্রজবোপেতানশ্বান্পুনরচোদয়ৎ॥ ১-২৪৩-২৭ (১০৫৪৫)
পার্শ্বে চামরহস্তা সা সখী তস্যাঙ্গনাঽভবৎ।
ততঃ কন্যাপুরদ্বারাৎসঘোষাদভিনিঃসৃতম্॥ ১-২৪৩-২৮ (১০৫৪৬)
দদৃশুস্তং রথশ্রেষ্ঠং জনা জীমূতনিস্বনম্।
সুভদ্রাসঙ্গৃহীতস্য রথস্য মহতঃ স্বনম্॥ ১-২৪৩-২৯ (১০৫৪৭)
মেঘস্বনমিবাকাশে শুশ্রুবুঃ পুরবাসিনঃ।
সুভদ্রয়া তু সংপন্নে তিষ্ঠন্রথবরেঽর্জুনঃ॥ ১-২৪৩-৩০ (১০৫৪৮)
প্রবভৌ চ তয়োপেতঃ কৈলাস ইব গঙ্গয়া।
পার্থঃ সুভদ্রাসহিতো বিররাজ মহারথঃ॥ ১-২৪৩-৩১ (১০৫৪৯)
বিরাজতে যথা শক্রো রাজঞ্শচ্যা সমন্বিতঃ।
সুভদ্রাং প্রেক্ষ্য পার্থেন হ্রিয়মাণাং যশস্বিনীম্॥ ১-২৪৩-৩২ (১০৫৫০)
চক্রুঃ কিলকিলাশব্দানাসাদ্য বহবো জনাঃ।
দাশার্হাণাং কুলস্য শ্রীঃ সুভদ্রা মদ্রভাষিণী॥ ১-২৪৩-৩৩ (১০৫৫১)
অভিকামা সকামেন পার্থেন সহ গচ্ছতি।
অথাপরে তু সংক্রুদ্ধা গৃহ্ণীত ঘ্নত মাচিরম্॥ ১-২৪৩-৩৪ (১০৫৫২)
ইতি সংবার্য শস্ত্রাণি ববর্ষুরভিতো দিশম্।
ইতি সংভাষমাণানাং স নাদঃ সুমহানভূৎ॥ ১-২৪৩-৩৫ (১০৫৫৩)
স তেন জনঘোষেণ বীরো গজ ইবার্দিতঃ।
ববর্ষ শরবর্ষাণি ন তু কংচন রোষয়ৎ॥ ১-২৪৩-৩৬ (১০৫৫৪)
মুমোচ নিশিতান্বাণান্দীপ্যমানান্স্বতেজসা।
প্রাসাদবরসঙ্ঘেষু হর্ম্যেষু ভবনেষু চ॥ ১-২৪৩-৩৭ (১০৫৫৫)
ক্ষোভয়িৎবা পুরশ্রেষ্ঠং গরুত্মানিব সাগরম্।
প্রেক্ষন্রৈবকতদ্বারং নির্যযৌ ভরতর্ষভঃ॥ ॥ ১-২৪৩-৩৮ (১০৫৫৬)
ইতি শ্রীমন্মহাভারতে আদিপর্বণি সুভদ্রাহরণপর্বণি ত্রিচৎবারিংশদধিকদ্বিশততমোঽধ্যায়ঃ॥ ২৪৩ ॥