আদিপর্ব – অধ্যায় ২৩২

আদিপর্ব – অধ্যায় ২৩২

॥ শ্রীঃ ॥

১.২৩২. অধ্যায়ঃ ২৩২

Mahabharata – Adi Parva – Chapter Topics

সুন্দোপসুন্দলমীপে তিলোত্তমায়া আগমনম্॥ ১ ॥ তস্যাং সকাময়োস্তয়োঃ পরস্পরং গদাপ্রহারেণ মরণম্॥ ২ ॥ তিলোত্তমায়া ব্রহ্মণা বরদানম্॥ ৩ ॥ নারদোক্তামিমাং কথাং শ্রুতবদ্ভিঃ পাণ্ডবৈঃ তৎসমক্ষং দ্রৌপদীবিষয়ে সময়করণম্॥ ৪ ॥

Mahabharata – Adi Parva – Chapter Text

১-২৩২-০ (১০০৬৯)
নারদ উবাচ। ১-২৩২-০x (১২৬২)
জিৎবা তু পৃথিবীং দৈত্যৌ নিঃসপত্নৌ গতব্যথৌ।
কৃৎবা ত্রৈলোক্যমব্যগ্রং কৃতকৃত্যৌ বভূবতুঃ॥ ১-২৩২-১ (১০০৭০)
দেবগন্ধর্বয়ক্ষাণাং নাগপার্থিবরক্ষসাম্।
আদায় সর্বরত্নানি পরাং তুষ্টিমুপাগতৌ॥ ১-২৩২-২ (১০০৭১)
যদা ন প্রতিষেদ্ধারস্তয়োঃ সন্তীহ কেচন॥
নিরুদ্যোগৌ তদা ভূৎবা বিজহ্রাতেঽমরাবিব॥ ১-২৩২-৩ (১০০৭২)
স্ত্রীভির্মাল্যৈশ্চ গন্ধৈশ্চ ভক্ষ্যভোজ্যৈঃ সুপুষ্কলৈঃ।
পানৈশ্চ বিবিধৈর্হৃদ্যৈঃ পরাং প্রীতিমবাপতুঃ॥ ১-২৩২-৪ (১০০৭৩)
অন্তঃপুরবনোদ্যানে পর্বতেষু বনেষু চ।
যথেপ্সিতেষু দেশেষু বিজহ্রাতেঽমরাবিব॥ ১-২৩২-৫ (১০০৭৪)
ততঃ কদাচিদ্বিন্ধ্যস্য প্রস্থে সমশিলাতলে।
পুষ্পিতাগ্রেষু সালেষু বিহারমভিজগ্মতুঃ॥ ১-২৩২-৬ (১০০৭৫)
দিব্যেষু সর্বকামেষু সমানীতেষু তাবুভৌ।
বরাসনেষু সংহৃষ্টৌ সহ স্ত্রীভির্নিষীদতুঃ॥ ১-২৩২-৭ (১০০৭৬)
ততো বাদিত্রনৃত্তাভ্যামুপাতিষ্ঠন্ত তৌ স্ত্রিয়ঃ।
গীতৈশ্চ স্তুতিসংয়ুক্তৈঃ প্রীত্যা সমুপজগ্মিরে॥ ১-২৩২-৮ (১০০৭৭)
ততস্তিলোত্তমা তত্র বনে পুষ্পাণি চিন্বতী।
বেষং সা ক্ষিপ্তমাধায় রক্তেনৈকেন বাসসা॥ ১-২৩২-৯ (১০০৭৮)
নদীতীরেষু জাতান্সা কর্ণিকারান্প্রচিন্বতী।
শনৈর্জগাম তং দেশং যত্রাস্তাং তৌ মহাসুরৌ॥ ১-২৩২-১০ (১০০৭৯)
তৌ তু পীৎবা বরং পানং মদরক্তান্তলোচনৌ।
দৃষ্ট্বৈব তাং বরারোহাং ব্যথিতৌ সংবভূবতুঃ॥ ১-২৩২-১১ (১০০৮০)
তাবুত্থায়াসনং হিৎবা জগ্মতুর্যত্র সা স্থিতা।
উভৌ চ কামসংমত্তাবুভৌ প্রার্থয়তশ্চ তাম্॥ ১-২৩২-১২ (১০০৮১)
দক্ষিণে তাং করে সুভ্রূং সুন্দো জগ্রাহ পাণিনা।
উপসুন্দোপি জগ্রাহ বামে পাণৌ তিলোত্তমাম্॥ ১-২৩২-১৩ (১০০৮২)
বরপ্রদানমত্তৌ তাবৌরসেন বলেন চ।
ধনরত্নমদাভ্যাং চ সুরাপানমদেন চ॥ ১-২৩২-১৪ (১০০৮৩)
সর্বৈরেতৈর্মদৈর্মত্তাবন্যোন্যং ভ্রুকুটীকৃতৌ।
মদকামসমাবিষ্টৌ পরস্পরমথোচতুঃ॥ ১-২৩২-১৫ (১০০৮৪)
মম ভার্যা তব গুরুরিতি সুন্দোঽভ্যভাষত।
মম ভার্যা তব বধূরুপসুন্দোঽভ্যভাষত॥ ১-২৩২-১৬ (১০০৮৫)
নৈষা তব মমৈষেতি ততস্তৌ মন্যুরাবিশৎ।
তস্যা রূপেণ সংমত্তৌ বিগতস্নেহসৌহৃদৌ॥ ১-২৩২-১৭ (১০০৮৬)
তস্যা হেতোর্গদে ভীমে সংগৃহ্ণীতামুভৌ তদা।
প্রগৃহ্য চ গদে ভীমে তস্যাং তৌ কামমোহিতৌ॥ ১-২৩২-১৮ (১০০৮৭)
অহংপূর্বমহংপূর্বমিত্যন্যোন্যং নিজঘ্নতুঃ।
তৌ গদাভিহতৌ ভীমৌ পেততুর্ধরণীতলে॥ ১-২৩২-১৯ (১০০৮৮)
রুধিরেণাবসিক্তাঙ্গৌ দ্বাবিবার্কৌ নভশ্চ্যুতৌ।
ততস্তা বিদ্রুতা নার্যঃ স চ দৈত্যগণস্তথা॥ ১-২৩২-২০ (১০০৮৯)
পাতালমগমৎসর্বো বিষাদভয়কম্পিতঃ।
ততঃ পিতামহস্তত্র সহদেবৈর্মহর্ষিভিঃ॥ ১-২৩২-২১ (১০০৯০)
আজগাম বিশুদ্ধাত্মা পূজয়ংশ্চ তিলোত্তমাম্।
বরেণ চ্ছন্দয়ামাস ভগবান্প্রপিতামহঃ॥ ১-২৩২-২২ (১০০৯১)
বরং দিৎসুঃ স তত্রৈনাং প্রীতঃ প্রাহ পিতামহঃ।
আদিত্যচরিতাঁল্লোকান্বিচরিষ্যসি ভামিনি॥ ১-২৩২-২৩ (১০০৯২)
তেজসা চ সুদৃষ্টাং ৎবাং ন করিষ্যতি কশ্চন।
এবং তস্যৈ বরং দৎবা সর্বলোকপিতামহঃ॥ ১-২৩২-২৪ (১০০৯৩)
ইন্দ্রে ত্রৈলোক্যমাধায় ব্রহ্মলোকং গতঃ প্রভুঃ।
এবং তৌ সহিতৌ ভঊৎবা সর্বার্থেষ্বেকনিশ্চয়ৌ॥ ১-২৩২-২৫ (১০০৯৪)
তিলোত্তমার্থং সংক্রুদ্ধাবন্যোন্যমভিজঘ্নতুঃ।
তস্মাদ্ব্রবীমি বঃ স্নেহাৎসর্বাভরতসত্তমাঃ॥ ১-২৩২-২৬ (১০০৯৫)
যথা বো নাত্র ভেদঃ স্যাৎসর্বেষাং দ্রৌপদীকৃতে।
তথা কুরুত ভদ্রং বো মম চেৎপ্রিয়মিচ্ছথ॥ ১-২৩২-২৭ (১০০৯৬)
বৈশম্পায়ন উবাচ। ১-২৩২-২৮x (১২৬৩)
এবমুক্তা মহাত্মানো নারদেন মহর্ষিণা।
সময়ং চক্রিরে রাজংস্তেঽন্যোন্যবশমাগতাঃ।
সমক্ষং তস্য দেবর্ষের্নারদস্যামিতৌজসঃ॥ ১-২৩২-২৮ (১০০৯৭)
`একৈকস্য গৃহে কৃষ্ণা বসেদ্বর্ষমকল্মষা’
দ্রৌপদ্যা নঃ সহাসীনানন্যোন্যং যোঽভিদর্শয়েৎ।
স নো দ্বাদশ মাসানি ব্রহ্মচারী বনে বসেৎ॥ ১-২৩২-২৯ (১০০৯৮)
কৃতে তু সময়ে তস্মিন্পাণ্ডবৈর্ধর্মচারিভিঃ।
নারদোঽপ্যগমৎপ্রীত ইষ্টং দেশং মহামুনিঃ॥ ১-২৩২-৩০ (১০০৯৯)
এবং তৈঃ সময়ঃ পূর্বং কৃতো নারদচোদিতৈঃ।
ন চাভিদ্যন্ত তে সর্বে তদান্যোন্যেন ভারত॥ ১-২৩২-৩১ (১০১০০)
`অভ্যনন্দন্ত তে সর্বে তদান্যোন্যং চ পাণ্ডবাঃ।
এতদ্বিস্তরশঃ সর্বমাখ্যাতং তে নরাধিপ॥ ১-২৩২-৩২ (১০১০১)
কালে চ তস্মিন্সংপন্নে যথাবজ্জনমেজয়॥’ ॥ ১-২৩২-৩৩ (১০১০২)

ইতি শ্রীমন্মহাভারতে আদিপর্বণি বিদুরাগমনরাজ্যলাভপর্বণি দ্বাত্রিংশদধিকদ্বিশততমোঽধ্যায়ঃ॥ ২৩২ ॥ ॥ সমাপ্তং চ বিদুরাগমনরাজ্যলাভপর্ব ॥

Mahabharata – Adi Parva – Chapter Footnotes

১-২৩২-২৪ তেজসাঽর্কবৎপরদৃষ্ট্যভিভাবকৎবাৎসুদৃষ্টাং সম্যগ্দৃষ্টাং ন করিষ্যতি কশ্চিৎ॥ দ্বাত্রিংশদধিকদ্বিশততমোঽধ্যায়ঃ॥ ২৩২ ॥