আদিপর্ব – অধ্যায় ২১৯

আদিপর্ব – অধ্যায় ২১৯

॥ শ্রীঃ ॥

১.২১৯. অধ্যায়ঃ ২১৯

Mahabharata – Adi Parva – Chapter Topics

বিদুরাৎ জ্ঞাতপাণ্ডববৃত্তান্তেন ধৃতরাষ্ট্রেণ দ্রৌপদ্যানয়নার্থমাজ্ঞাপনম্॥ ১ ॥ ধৃতরাষ্ট্রসমীপে কর্ণদুর্যোধনয়োর্ভাষণম্॥ ২ ॥

Mahabharata – Adi Parva – Chapter Text

১-২১৯-০ (৯৫৬৮)
বৈশম্পায়ন উবাচ। ১-২১৯-০x (১২১৩)
বৃত্তে স্বয়ংবরে চৈব রাজানঃ সর্ব এব তে।
যথাগতং বিপ্রজগ্মুর্বিদিৎবা পাণ্ডবান্বৃতান্॥ ১-২১৯-১ (৯৫৬৯)
অথ দুর্যোধনো রাজা বিমনা ভ্রাতৃভিঃ সহ।
অশ্বত্থাম্না মাতুলেন কর্ণেন চ কৃপেণ চ॥ ১-২১৯-২ (৯৫৭০)
বিনিবৃত্তো বৃতং দৃষ্ট্বা দ্রৌপদ্যা শ্বেতবাহনম্।
তং তু দুঃশাসনোঽব্রীডো মন্দংমন্দমিবাব্রবীৎ॥ ১-২১৯-৩ (৯৫৭১)
যদ্যসৌ ব্রাহ্মণো ন স্যাদ্বিন্দেত দ্রৌপদীং ন সঃ।
ন হি তং তত্ৎবতো রাজন্বেদ কশ্চিদ্ধনংজয়ম্॥ ১-২১৯-৪ (৯৫৭২)
দৈবং চ পরমং মন্যে পৌরুষং চাপ্যনর্থকম্।
ধিগস্তু পৌরুষং মন্ত্রং যদ্ধরন্তীহ পাণ্ডবাঃ॥ ১-২১৯-৫ (৯৫৭৩)
`বধ্বা চক্ষূংষি নঃ পার্থা রাজ্ঞাং চ দ্রুপদাত্মজাম্।
উদ্বাহ্য রাজ্ঞাং তৈর্ন্যস্তো বামঃ পাদঃ পৃথাসুতৈঃ॥ ১-২১৯-৬ (৯৫৭৪)
বিমুক্তাঃ কথমেতেন জতুবেশ্মবির্ভুজঃ।
অস্মাকং পৌরুষং সৎবং বুদ্ধিশ্চাপি গতা ততঃ॥ ১-২১৯-৭ (৯৫৭৫)
বয়ং হতা মাতুলাদ্য বিশ্বস্য চ পুরোচনম্।
অদগ্ধ্বা পাণ্ডবানেতান্স্বয়ং দগ্ধো হুতাশনে॥ ১-২১৯-৮ (৯৫৭৬)
মত্তো মাতুল মন্যেঽহং পাণ্ডবা বুদ্ধিমত্তরাঃ।
তেষাং নাস্তি ভয়ং মৃত্যোর্মুক্তানাং জতুবেশ্মনঃ॥ ১-২১৯-৯ (৯৫৭৭)
বৈশংপাবয়ন উবাচ। ১-২১৯-১০x (১২১৪)
এবং সংভাষমাণাস্তে নিন্দন্তশ্চ পুরোচনম্।
পঞ্চপুত্রাং কিরাতীং চ বিদুরং চ মহামতিম্॥’ ১-২১৯-১০ (৯৫৭৮)
বিবিশুর্হাস্তিনপুরং দীনা বিগতচেতসঃ॥ ১-২১৯-১১ (৯৫৭৯)
ত্রস্তা বিগতসংকল্পা দৃষ্ট্বা পার্থান্মহৌজসঃ।
মুক্তান্হব্যভুজশ্চৈব সংয়ুক্তান্দ্রুপদেন চ॥ ১-২১৯-১২ (৯৫৮০)
ধৃষ্টদ্যুম্নং তু সংচিন্ত্য তথৈব চ শিখণ্ডিনম্।
দ্রুপদস্যাত্মজাংশ্চান্যান্সর্বয়ুদ্ধবিশারদান্॥ ১-২১৯-১৩ (৯৫৮১)
বিদুরস্ৎবথ তাঞ্শ্রুৎবা দ্রৌপদ্যা পাণ্ডবান্বৃতান্।
ব্রীডিতান্ধার্তরাষ্ট্রাংশ্চ ভগ্নদর্পানুপাগতান্॥ ১-২১৯-১৪ (৯৫৮২)
ততঃ প্রীতমনাঃ ক্ষত্তা ধৃতরাষ্ট্রং বিশাংপতে।
উবাচ দিষ্ট্যা কুরবো বর্ধ্ত ইতি বিস্মিতঃ॥ ১-২১৯-১৫ (৯৫৮৩)
বৈচিত্রবীর্যস্তু নৃপো নিশম্য বিদুরস্য তৎ।
অব্রবীৎপরমপ্রীতো দিষ্ট্যা দিষ্ট্যেতি ভারত॥ ১-২১৯-১৬ (৯৫৮৪)
মন্যতে স বৃতং পুত্রং জ্যেষ্ঠং দ্রুপদকন্যযা।
দুর্যোধনমবিজ্ঞানাৎপ্রজ্ঞাচক্ষুর্নরেশ্বরঃ॥ ১-২১৯-১৭ (৯৫৮৫)
অথ ৎবাজ্ঞাপয়ামাস দ্রৌপদ্যা ভূষণং বহু।
আনীয়তাং বৈ কৃষ্ণেতি পুত্রং দুর্যোধনং তদা॥ ১-২১৯-১৮ (৯৫৮৬)
`অথ স্ম পশ্চাদ্বিদুর আচখ্যাবম্বিকাত্মজম্।
কৌরব্যা ইতি সামান্যান্ন মন্যেথাস্তবাত্মজান্॥ ১-২১৯-১৯ (৯৫৮৭)
বর্ধন্ত ইতি মদ্বাক্যাদ্বর্ধিতাঃ পাণ্ডুনন্দনাঃ।
কৃষ্ণয়া সংবৃতাঃ পার্থা বিমুক্তা রাজসঙ্গরাৎ॥ ১-২১৯-২০ (৯৫৮৮)
দিষ্ট্যা কুশলিনো রাজন্পূজিতা দ্রুপদেন চ॥ ১-২১৯-২১ (৯৫৮৯)
বৈশম্পায়ন উবাচ। ১-২১৯-২২x (১২১৫)
এতচ্ছ্রুৎবা তু বচনং বিদুরস্য নরাধিপঃ।
আকারচ্ছাদনার্থায় দিষ্ট্যাদিষ্ট্যেতি চাব্রবীৎ॥ ১-২১৯-২২ (৯৫৯০)
ধৃতরাষ্ট্র উবাচ। ১-২১৯-২৩x (১২১৬)
এবং বিদুর ভদ্রং তে যদি জীবন্তি পাণ্ডবাঃ।
ন মমৌ মে তনৌ প্রীতিস্ৎবদ্বাক্যামৃতসংভবা॥ ১-২১৯-২৩ (৯৫৯১)
সাধ্বাচারতয়া তেষাং সংবন্ধো দ্রুপদেন চ।
বভূব পরমশ্লাঘ্যো দিষ্ট্যাদিষ্ট্যেতি চাব্রবীৎ॥ ১-২১৯-২৪ (৯৫৯২)
অন্ববায়ে বসোর্জাতঃ প্রবরে মাৎস্যকে কুলে।
বৃত্তবিদ্যাতপোবৃদ্ধঃ পার্থিবানাং চ সংমতঃ॥ ১-২১৯-২৫ (৯৫৯৩)
পুত্রাশ্চাস্য তথা পৌত্রাঃ সর্বে সুচরিতব্রতাঃ।
তেষাং সংবন্ধিনশ্চান্যে বহবঃ সুমহাবলাঃ॥ ১-২১৯-২৬ (৯৫৯৪)
যথৈব পাণ্ডোঃ পুত্রাস্তে ততোঽপ্যভ্যধিকা মম।
সেয়মভ্যধিকান্যেভ্যো বৃত্তির্বিদুর মে মতা॥ ১-২১৯-২৭ (৯৫৯৫)
যা প্রীতিঃ পাণ্ডুপুত্রেষু ন সাঽন্যত্র মমাভিভো।
নিত্যোঽয়ং চিন্তিতঃ ক্ষত্তঃ সত্যং সত্যেন শপে॥ ১-২১৯-২৮ (৯৫৯৬)
যত্তে কুশলিনো বীরাঃ পাণ্ডুপুত্রা মহারথাঃ।
মিত্রবন্তোঽভবন্পুত্রা দুর্যোধনমুখাস্তথা॥ ১-২১৯-২৯ (৯৫৯৭)
ময়া শ্রুতং যদা বহ্নের্দগ্ধাঃ পাণ্ডুসুতা ইতি।
তদাঽদহ্যং দিবারাত্রং ন ভোক্ষ্যে ন স্বপামি চ॥ ১-২১৯-৩০ (৯৫৯৮)
অসহায়াশ্চং মে পুত্রা লূনপক্ষা ইব দ্বিজাঃ।
তত্ৎবতঃ শৃণু মে ক্ষত্তঃ সুসহায়াঃ সুতা মম।
অদ্য বৈ স্থিরসাম্রাজ্যমাচন্দ্রার্কং মমাভবৎ॥’ ১-২১৯-৩১ (৯৫৯৯)
কো হি দ্রুপদমাসাদ্য মিত্রং ক্ষত্তঃ সবান্ধবম্।
ন বুভূষেদ্ভবেনার্থী গতশ্রীরপি পার্থিবঃ॥ ১-২১৯-৩২ (৯৬০০)
বৈশম্পায়ন উবাচ। ১-২১৯-৩৩x (১২১৭)
তং তথা ভাষমাণং তু বিদুরঃ প্রত্যভাষত।
নিত্যং ভবতু তে বুদ্ধিরেষা রাজঞ্ছতং সমাঃ।
ইত্যুক্ৎবা প্রয়যৌ রাজন্বিদুরঃ স্বং নিবেশনম্॥ ১-২১৯-৩৩ (৯৬০১)
ততো দুর্যোধনশ্চাপি রাধেয়শ্চ বিশাংপতে।
ধৃতরাষ্ট্রমুপাগম্য বচোঽব্রূতামিদং তদা॥ ১-২১৯-৩৪ (৯৬০২)
সন্নিধৌ বিদুরস্য ৎবাং দোষং বক্তুং ন শক্নুবঃ।
বিবিক্তমিতি বক্ষ্যাবঃ কিং তবেদং চিকীর্ষিতম্॥ ১-২১৯-৩৫ (৯৬০৩)
সপত্নবৃদ্ধিং যত্তাত মন্যসে বৃদ্ধিমাত্মনঃ।
অভিষ্টৌষি চ যৎক্ষত্তুঃ সমীপে দ্বিপদাংবর॥ ১-২১৯-৩৬ (৯৬০৪)
অন্যস্মিন্নৃপ কর্তব্যে ৎবমন্যৎকুরুষেঽনঘ।
তেষাং বলবিঘাতো হি কর্তব্যস্তাত নিত্যশঃ॥ ১-২১৯-৩৭ (৯৬০৫)
তে বয়ং প্রাপ্তকালস্য চিকীর্ষাং মন্ত্রয়ামহে।
যথা নো ন গ্রসেয়ুস্তে সপুত্রবলবান্ধবান্॥ ॥ ১-২১৯-৩৮ (৯৬০৬)

ইতি শ্রীমন্মহাভারতে আদিপর্বমি বিদুরাগমনরাজ্যলাভপর্বণি একোনবিংশত্যধিকদ্বিশততমোঽধ্যায়ঃ॥ ২১৯ ॥

Mahabharata – Adi Parva – Chapter Footnotes

১-২১৯-৩২ গতশ্রীর্নষ্টশ্রীঃ কো ভবেন ঐশ্বর্যেণার্থী ন বুভূষেদ্ভবিতুমিচ্ছেদপি তু সর্বোপীচ্ছেৎ॥ একোনবিংশত্যধিকদ্বিশততমোঽধ্যায়ঃ॥ ২১৯ ॥