আদিপর্ব – অধ্যায় ২১৩

আদিপর্ব – অধ্যায় ২১৩

॥ শ্রীঃ ॥

১.২১৩. অধ্যায়ঃ ২১৩

Mahabharata – Adi Parva – Chapter Topics

কথং নালায়নী মৎপুত্রী জাতেতি ব্যাসং প্রতি দ্রুপদস্য প্রশ্নঃ॥ ১ ॥ পুনর্নালায়নীকথাকথনং॥ ২ ॥ কামোপভোগবিরক্তেন মৌদ্গল্যেন কামাতৃপ্তায়াঃ নালাদন্যাঃ পঞ্চপতিৎবশাপঃ॥ ৩ ॥ নালায়ন্যা রুদ্রমুদ্দিশ্য তপঃকরণম্॥ ৪ ॥ নালয়ন্যা পতিং দেহীতি পঞ্চকৃৎবঃ প্রার্থিতেন রুদ্রেণ অন্যজন্মনি পঞ্চ তে পতয়ো ভবিষ্যন্তীতি বরদানম্॥ ৫ ॥ পুনঃ রুদ্রাত নি কৌৎপবরপ্রাপ্তিঃ॥ ৬ ॥ ৎবয়ি গঙ্গাজলস্থায়াং তত্রাগমিষ্যন্তমিন্দ্রমানয়েতি নালায়নীংপ্রতি রুদ্রস্যাজ্ঞাপনম্॥ ৭ ॥

Mahabharata – Adi Parva – Chapter Text

১-২১৩-০ (৯২৯৮)
দ্রুপদ উবাচ। ১-২১৩-০x (১১৭৯)
ব্রূহি তৎকারণং যেন ব্রহ্মন্নালায়নী শুভা।
জাতা মমাধ্বরে কৃষ্মা সর্ববেদবিদাং বর॥ ১-২১৩-১ (৯২৯৯)
ব্যাস উবাচ। ১-২১৩-২x (১১৮০)
শৃণু রাজন্যথা হ্যস্যা দত্তো রুদ্রেণ বৈ বরঃ।
যদর্থং চৈব সংভূতা তব গেহে যশস্বিনী॥ ১-২১৩-২ (৯৩০০)
হন্ত ত কথয়িষ্যামি কৃষ্মায়াঃ পৌর্বদেহিকম্।
ইন্দ্রসেনেতি বিখ্যাতা পুরা নালায়নী শুভা॥ ১-২১৩-৩ (৯৩০১)
মৌদ্গল্যস্য পতিমাসাদ্য চচার বিগতজ্বরা।
মৌদ্গল্যস্য মহর্ষেশ্চ রমমাণস্য বৈ তয়া॥ ১-২১৩-৪ (৯৩০২)
সংবৎসরগণা রাজন্ব্যতীয়ুঃ ক্ষণবত্তদা।
ততঃ কদাচিদ্ধর্মাত্মা তৃপ্তঃ কামৈর্ব্যরজ্যত॥ ১-২১৩-৫ (৯৩০৩)
অন্বিচ্ছন্পরমং ধর্মং ব্রহ্ময়োগপরোঽভবৎ।
উৎসসর্জ স তাং বিপ্রঃ সা তদা চাপতদ্ভুবি।
মৌদ্গল্যো রাজশার্দূল তপোভির্ভাবিতঃ সদা॥ ১-২১৩-৬ (৯৩০৪)
নালায়ন্যুবাচ। ১-২১৩-৭x (১১৮১)
প্রসীদ ভগবন্মহ্যং ন মামুৎস্রষ্টুমর্হসি।
অবিতৃপ্তাস্মি ব্রহ্মর্ষে কামানাং কামসেবনাৎ॥ ১-২১৩-৭ (৯৩০৫)
মৌদ্গল্য উবাচ। ১-২১৩-৮x (১১৮২)
যস্মাত্ৎবং মামনিঃশঙ্কা হ্যবক্তব্যং ভাষসে।
আচরন্তী তপোবিঘ্নং তস্মাচ্ছৃণু বচো মম॥ ১-২১৩-৮ (৯৩০৬)
ভবিষ্যসি নৃলোকে ৎবং রাজপুত্রী যশস্বি।
পাঞ্চালরাজস্য সুতা দ্রুপদস্য মহাত্মনঃ॥ ১-২১৩-৯ (৯৩০৭)
ভবিতারস্তত্র তব পতয়ঃ পঞ্চ বিপ্লুতাঃ।
তৈঃ সার্ধং মধুরাকারৈশ্চিরং রতিমবাপ্স্যসি॥ ১-২১৩-১০ (৯৩০৮)
বৈশম্পায়ন উবাচ। ১-২১৩-১১x (১১৮৩)
সৈবং শপ্তা তু বিমনা বনং প্রাগাদ্যশস্বিনী।
ভোগৈরতৃপ্তা দেবেশং তপসাঽঽরাধয়ত্তদা॥ ১-২১৩-১১ (৯৩০৯)
নিরাশীর্মারুতাহারা নিরাহারা তথৈব চ।
অনুবর্তমানা ৎবাদিত্যং তথা পঞ্চতপাভবৎ॥ ১-২১৩-১২ (৯৩১০)
তীব্রেণ তপসা তস্যাস্তুষ্টঃ পশুপতিঃ স্বয়ম্।
বচং প্রাদাত্তদা রুদ্রঃ সর্বলোকেশ্বরঃ প্রভুঃ॥ ১-২১৩-১৩ (৯৩১১)
ভবিষ্যতি পরং জন্ম ভবিষ্যতি বরাঙ্গনা।
ভবিষ্যন্তি পরং ভদ্রে পতয়ঃ পঞ্চ বিশ্রুতাঃ॥ ১-২১৩-১৪ (৯৩১২)
মহেন্দ্রবপুষঃ সর্বে মহেন্দ্রসমবিক্রমাঃ।
তত্রস্থা চ মহৎকর্ম সুরাণাং ৎবং করিষ্যসি॥ ১-২১৩-১৫ (৯৩১৩)
স্ত্র্যুবাচ। ১-২১৩-১৬x (১১৮৪)
একঃ খলু ময়া ভর্তা বৃতঃ পঞ্চ ৎবিমে কথম্।
একো ভবতি নৈকস্যা বহবস্তদ্ব্রবীহি মে॥ ১-২১৩-১৬ (৯৩১৪)
মহেশ্বর উবাচ। ১-২১৩-১৭x (১১৮৫)
পঞ্চকৃৎবস্ৎবয়া চোক্তঃ পতিং দেহীত্যহং পুনঃ।
পঞ্চতে পতয়ো ভদ্রে ভবিষ্যন্তি সুখাবহাঃ॥ ১-২১৩-১৭ (৯৩১৫)
স্ত্র্যুবাচ। ১-২১৩-১৮x (১১৮৬)
ধর্ম একঃ পতিঃ স্ত্রীণাং পূর্বমে প্রকল্পিতঃ।
বহুপত্নীকতা পুংসো ধর্মশ্চ বহুভিঃ কৃতঃ॥ ১-২১৩-১৮ (৯৩১৬)
স্ত্রীধর্মঃ পূর্বমেবায়ং নির্মিতো মুনিভিঃ সদা।
সহধর্মচরী ভর্তুরেকা একস্য চোচ্যতে॥ ১-২১৩-১৯ (৯৩১৭)
একো হি ভর্তা নারীণাং কৌমার ইতি লৌকিকঃ।
আপৎসু চ নিয়োগেন ভর্তুর্নার্যাঃ পরঃ স্মৃতঃ॥ ১-২১৩-২০ (৯৩১৮)
গচ্ছেত ন তৃতীয়ং তু তস্যা নিষ্কৃতিরুচ্যতে।
চতুর্থে পতিতা নারী পঞ্চমে বর্ধকী ভবেৎ॥ ১-২১৩-২১ (৯৩১৯)
এবং গতে ধর্মপথে ন বৃণে বহুপুংস্কতাম্।
অলোকাচরিতাত্ৎসমাৎকথং মুচ্যেয় সঙ্করাৎ॥ ১-২১৩-২২ (৯৩২০)
মহেশ্বর উবাচ। ১-২১৩-২৩x (১১৮৭)
অনাবৃতাঃ পুরা নার্যো হ্যাসঞ্শুধ্যন্তি চার্তবে।
সকৃদুক্তং ৎবয়া নৈতন্নাধর্মস্তে ভবিষ্যতি॥ ১-২১৩-২৩ (৯৩২১)
স্ত্র্যুবাচ। ১-২১৩-২৪x (১১৮৮)
যদি মে পতয়ঃ পঞ্চ রতিমিচ্ছামি তৈর্মিথঃ।
কৌমারং চ ভবেৎসর্বৈঃ সংগমে সংগমে চ মে॥ ১-২১৩-২৪ (৯৩২২)
পতিশুশ্রূষয়া চৈব সিদ্ধিঃ প্রাপ্তা ময়া পুরা।
ভোগেচ্ছা চ ময়া প্রাপ্তা স চ ভোগশ্চ মে ভবেৎ॥ ১-২১৩-২৫ (৯৩২৩)
রুদ্র উবাচ। ১-২১৩-২৬x (১১৮৯)
রতিশ্চ ভদ্রে সিদ্ধিশ্চ ন ভজেতে পরস্পরম্।
ভোগানাপ্স্যসি সিদ্ধিং চ যোগেন চ মহত্ৎবতাম্॥ ১-২১৩-২৬ (৯৩২৪)
অন্যদেহান্তরে চৈব রূপভাগ্যগুণান্বিতা।
পঞ্চভিঃ প্রাপ্য কৌমারং মহাভাগা ভবিষ্যসি॥ ১-২১৩-২৭ (৯৩২৫)
গচ্ছ গঙ্গাজলস্থা চ নরং পশ্যসি যং শুভে।
তমানয় মমাভ্যাশং সুররাজং শুচিস্মিতে॥ ১-২১৩-২৮ (৯৩২৬)
ইত্যুক্তা বিশ্বরূপেণ রুদ্রং কৃৎবা প্রদক্ষিণম্।
জগাম গঙ্গামুদ্দিশ্য পুণ্যাং ত্রিপথগাং নদীম্॥ ॥ ১-২১৩-২৯ (৯৩২৭)

ইতি শ্রীমন্মহাভারতে আদিপর্বণি বৈবাহিকপর্বণি ত্রয়োদশাধিকদ্বিশততমোঽধ্যায়ঃ॥ ২১৩ ॥

Mahabharata – Adi Parva – Chapter Footnotes

১-২১৩-২৩ অনাবৃতাঃ নিরোধরহিতাঃ॥ ত্রয়োদশাধিকদ্বিশততমোঽধ্যায়ঃ॥ ২১৩ ॥