আদিপর্ব – অধ্যায় ২১০

আদিপর্ব – অধ্যায় ২১০

॥ শ্রীঃ ॥

১.২১০. অধ্যায়ঃ ২১০

Mahabharata – Adi Parva – Chapter Topics

দ্রুপদপ্রশ্নানন্তরং যুধিষ্ঠিরেণ স্বেষাং পাণ্ডবৎবকথনম্॥ ১ ॥ দ্রৌপদ্যাঃ পঞ্চপত্নীৎবে দ্রুপদস্য বিবাদঃ॥ ২ ॥ ব্যাসাগমনম্॥ ৩ ॥

Mahabharata – Adi Parva – Chapter Text

১-২১০-০ (৯২১০)
বৈশম্পায়ন উবাচ। ১-২১০-০x (১১৫৭)
তত আহূয় পাঞ্চাল্যো রাজপুত্রং যুধিষ্ঠিরম্।
পরিগ্রহেণ ব্রাহ্মেণ পরিগৃহ্য মহাদ্যুতিঃ॥ ১-২১০-১ (৯২১১)
পর্যপৃচ্ছদদীনাত্মা কুন্তীপুত্রং সুবর্চসম্।
কথং জানীম ভবতঃ ক্ষত্রিয়ান্ব্রাহ্মণানুত॥ ১-২১০-২ (৯২১২)
বৈশ্যান্বা গুণসংপন্নানথ বা শূদ্রয়োনিজান্।
মায়ামাস্থায় বা সিদ্ধাংশ্চরতঃ সর্বতোদিশম্॥ ১-২১০-৩ (৯২১৩)
কৃষ্ণাহেতোরনুপ্রাপ্তা দেবাঃ সংদর্শনার্থিনঃ।
ব্রবীতু নো ভবান্সত্যং সন্দেহো হ্যত্র নো মহান্॥ ১-২১০-৪ (৯২১৪)
অপি নঃ সংশয়স্যান্তে মনঃ সংতুষ্টিমাবহেৎ।
অপি নো ভাগধেয়ানি শুভানি স্যুঃ পরন্তপ॥ ১-২১০-৫ (৯২১৫)
ইচ্ছয়া ব্রূহি তৎসত্যং সত্যং রাজসু শোভতে।
ইষ্টাপূর্তেন চ তথা বক্তব্যমনৃতং ন তু॥ ১-২১০-৬ (৯২১৬)
শ্রুৎবা হ্যমরসঙ্কাশ তব বাক্যমরিংদম।
ধ্রুবং বিবাহকরণমাস্থাস্যামি বিধানতঃ॥ ১-২১০-৭ (৯২১৭)
যুধিষ্ঠির উবাচ। ১-২১০-৮x (১১৫৮)
মা রাজন্বিমনা ভূস্ৎবং পাঞ্চাল্য প্রীতিরস্তু তে।
ঈপ্সিতস্তে ধ্রুবঃ কামঃ সংবৃত্তোঽয়মসংশয়ম্॥ ১-২১০-৮ (৯২১৮)
বয়ং হি ক্ষত্রিয়া রাজন্পাণ্ডোঃ পুত্রা মহাত্মনঃ।
জ্যেষ্ঠং মাং বিদ্ধি কৌন্তেয়ং ভীমসেনার্জুনাবিমৌ॥ ১-২১০-৯ (৯২১৯)
আভ্যাং তব সুতা রাজন্নির্জিতা রাজসংসদি।
যমৌ চ তত্র কুন্তী চ যত্র কৃষ্মা ব্যবস্থিতা॥ ১-২১০-১০ (৯২২০)
ব্যেতু তে মানসং দুঃখং ক্ষত্রিয়াঃ স্মো নরর্ষভ।
পদ্মিনীব সুতেয়ং তে হ্রদাদন্যহ্রদং গতা॥ ১-২১০-১১ (৯২২১)
ইতি তথ্যং মহারাজ সর্বমেতদ্ব্রবীমি তে।
ভবান্হি গুরুরস্মাকং পরমং চ পরায়ণম্॥ ১-২১০-১২ (৯২২২)
বৈশম্পায়ন উবাচ। ১-২১০-১৩x (১১৫৯)
ততঃ স দ্রুপদো রাজা হর্ষব্যাকুললোচনঃ।
প্রতিবক্তুং মুদা যুক্তো নাশকত্তং যুধিষ্ঠিরম্॥ ১-২১০-১৩ (৯২২৩)
যত্নেন তু স তং হর্ষং সন্নিগৃহ্য পরংতপঃ।
অনুরূপং তদা বাচা প্রত্যুবাচ যুধিষ্ঠিরম্॥ ১-২১০-১৪ (৯২২৪)
পপ্রচ্ছ চৈনং ধর্মাত্মা যথা তে প্রদ্রুতাঃ পুরাৎ।
স তস্মৈ সর্বমাচখ্যাবানুপূর্ব্যেণ পাণ্ডবঃ॥ ১-২১০-১৫ (৯২২৫)
তচ্ছ্রুৎবা দ্রুপদো রাজা কুন্তীপুত্রস্য ভাষিতম্।
বিগর্হয়ামাস তদা ধৃতরাষ্ট্রং নরেশ্বরম্॥ ১-২১০-১৬ (৯২২৬)
আশ্বাসয়ামাস চ তং কুন্তীপুত্রং যুধিষ্ঠিরম্।
প্রতিজজ্ঞে চ রাজ্যায় দ্রুপদো বদতাং বরঃ॥ ১-২১০-১৭ (৯২২৭)
ততঃ কুন্তী চ কৃষ্ণা চ ভীমসেনার্জুনাবপি।
যমৌ চ রাজ্ঞা সংদিষ্টং বিবিশুর্ভবনং মহৎ॥ ১-২১০-১৮ (৯২২৮)
তত্র তে ন্যবসন্রাজন্যজ্ঞসেনেন পূজিতাঃ।
প্রত্যাশ্বস্তস্ততো রাজা সহ পুত্রৈরুবাচ তম্॥ ১-২১০-১৯ (৯২২৯)
গৃহ্ণাতু বিধিবৎপাণিমদ্যায়ং কুরুনন্দনঃ।
পুণ্যেঽহনি মহাবাহুরর্জুনঃ কুরুতাং ক্ষণম্॥ ১-২১০-২০ (৯২৩০)
বৈশম্পায়ন উবাচ। ১-২১০-২১x (১১৬০)
তমব্রবীত্ততো রাজা ধর্মাত্মা চ যুধিষ্ঠিরঃ।
`মমাপি দারসংবন্ধঃ কার্যস্তাবদ্বিশাংপতে॥ ১-২১০-২১ (৯২৩১)
তস্মাৎপূর্বং ময়া কার্যং তদ্ভবাননুমন্যতাম্।’ ১-২১০-২২ (৯২৩২)
দ্রুপদ উবাচ।
ভবান্বা বিধিবৎপাণিং গৃহ্ণাতু দুহিতুর্মম।
যস্য বা মন্যসে বীর তস্য কৃষ্ণামুপাদিশ॥ ১-২১০-২২x (১১৬১)
যুধিষ্ঠির উবাচ। ১-২১০-২৩x (১১৬২)
সর্বেষাং মহিষী রাজন্দ্রৌপদী নো ভবিষ্যতি।
এবং প্রব্যাহৃতং পূর্বং মম মাত্রা বিশাংপতে॥ ১-২১০-২৩ (৯২৩৩)
অহং চাপ্যনিবিষ্টো বৈ ভীমসেনশ্চ পাণ্ডবঃ।
পার্থেন বিজিতা চৈষা রত্নভূতা সুতা তব॥ ১-২১০-২৪ (৯২৩৪)
এষ নঃ সময়ো রাজঁল্লব্ধস্য সহ ভোজনম্।
ন চ তং হাতুমিচ্ছামঃ সময়ং রাজসত্তম॥ ১-২১০-২৫ (৯২৩৫)
`অক্রমেণ নিবেশে চ ধর্মলোপো মহান্ভবেৎ।’
সর্বেষাং ধর্মতঃ কৃষ্ণা মহিষী নো ভবিষ্যতি।
আনুপূর্ব্যেণ সর্বেষাং গৃহ্ণাতু জ্বলনে করান্॥ ১-২১০-২৬ (৯২৩৬)
দ্রুপদ উবাচ। ১-২১০-২৭x (১১৬৩)
একস্য বহ্ব্যো বিহিতা মহিষ্যঃ কুরুনন্দন।
নৈকস্যা বহবঃ পুংসঃ শ্রূয়ন্তে পতয়ঃ ক্বচিৎ॥ ১-২১০-২৭ (৯২৩৭)
`সোঽয়ং ন লোকে বেদে বা জাতু ধর্মঃ প্রশস্তে।’
লোকবেদবিরুদ্ধং ৎবং নাধর্মং ধর্মবিচ্ছুচিঃ।
কর্তুমর্হসি কৌন্তেয় কস্মাত্তে বুদ্ধিরীদৃশী॥ ১-২১০-২৮ (৯২৩৮)
যুধিষ্ঠির উবাচ। ১-২১০-২৯x (১১৬৪)
সূক্ষ্মো ধর্মো মহারাজ নাস্য বিদ্মো বয়ং গতিম্।
পূর্বেষামানুপূর্ব্যেণ যাতং বর্ত্মাঽনুয়ামহে॥ ১-২১০-২৯ (৯২৩৯)
ন মে বাগনৃতং প্রাহ নাধর্মে ধীয়তে মতিঃ।
এবং চৈব বদত্যম্বা মম চৈতন্মনোগতম্॥ ১-২১০-৩০ (৯২৪০)
`আশ্রমে রুদ্রনির্দিষ্টাদ্ব্যাসাদেতন্ময়া শ্রুতম্।’
এষ ধর্মো ধ্রুবো রাজংশ্চরৈনমবিচারয়ন্।
মা চ শঙ্কা তত্র তে স্যাৎকথংচিদপি পার্থিব॥ ১-২১০-৩১ (৯২৪১)
দ্রুপদ উবাচ। ১-২১০-৩২x (১১৬৫)
ৎবং চ কুন্তী চ কৌন্তয় ধৃষ্টদ্যুম্নশ্চ মে সুতঃ।
কথয়ন্ৎবিতি কর্তব্যং শ্বঃ কাল্যে করবামহে॥ ১-২১০-৩২ (৯২৪২)
বৈশম্পায়ন উবাচ। ১-২১০-৩৩x (১১৬৬)
তে সমেত্য ততঃ সর্বে কথয়ন্তি স্ম ভারত।
অথ দ্বৈপায়নো রাজন্নভ্যাগচ্ছদ্যদৃচ্ছয়া॥ ॥ ১-২১০-৩৩ (৯২৪৩)

ইতি শ্রীমন্মহাভারতে আদিপর্বণি বৈবাহিকপর্বণি দশাধিকদ্বিশততমোঽধ্যায়ঃ॥ ২১০ ॥

Mahabharata – Adi Parva – Chapter Footnotes

১-২১০-১ ব্রাহ্মেণ ব্রাহ্মণার্থণুচিতেনাভ্যুত্থানাদিনা পরিগ্রহেণ আতিথ্যেন॥ ১-২১০-৬ ইষ্টাপূর্তেন হেতুনা। অনৃতং ন বক্তব্যমিতি। অনৃতভাষণে ইষ্টাপূর্তে নশ্যেতামিত্যর্থঃ॥ ১-২১০-২০ ক্ষণং দেবপূজাদ্যুৎসবম্॥ ১-২১০-২৪ অনিবিষ্টঃ অকৃতবিবাহঃ॥ ১-২১০-২৫ সময়ো নিয়মঃ॥ ১-২১০-২৬ জ্বলনে জ্বলনসমীপে॥ ১-২১০-২৭ পুংসঃ পুমাং সঃ॥ ১-২১০-২৯ যূয়ং চ বয়ং চ বয়ং। পূর্বেষাং প্রচেতঃপ্রভৃতীনাম্। তৈর্যাতং বর্ত্ম বহূনামেকপত্নীৎবমনুয়ামহে। তচ্চ আনুপূর্ব্যেণৈব ন ৎবক্রমেণ॥ দশাধিকদ্বিশততমোঽধ্যায়ঃ॥ ২১০ ॥