আদিপর্ব – অধ্যায় ২০৫
॥ শ্রীঃ ॥
১.২০৫. অধ্যায়ঃ ২০৫
Mahabharata – Adi Parva – Chapter Topics
অর্জুনেন কর্ণপরাজয়ঃ॥ ১ ॥ ভীমেন কর্ণপরাজয়ঃ॥ ২ ॥ যুধিষ্ঠিরাদিভির্দুর্যোধনাদিপরাজয়ঃ॥ ৩ ॥ পুনর্যুদ্ধায় কৃতনিশ্চয়ানাং রাজ্ঞাং শ্রীকৃষ্ণবাক্যেন যুদ্ধোদ্যোগাদ্বিরম্য স্বস্বালয়গমনম্॥ ৪ ॥ দ্রৌপদ্যা সহ ভীমার্জুনয়োঃ কুলালগৃহপ্রবেশঃ॥ ৫ ॥
Mahabharata – Adi Parva – Chapter Text
১-২০৫-০ (৯০৪১)
বৈশম্পায়ন উবাচ। ১-২০৫-০x (১১৪০)
অজিনানি বিধুন্বন্তঃ করকাশ্চ দ্বিজর্ষভাঃ।
ঊচুস্তে ভীর্ন কর্তব্যা বয়ং যোৎস্যামহে পরান্॥ ১-২০৫-১ (৯০৪২)
তানেবং বদতো বিপ্রানর্জুনঃ প্রহসন্নিব।
উবাচ প্রেক্ষকা ভূৎবা যূয়ং তিষ্ঠত পার্শ্বতঃ॥ ১-২০৫-২ (৯০৪৩)
অহমেনানজিহ্মাগ্রৈঃ শতশো বিকিরঞ্ছরৈঃ।
বারয়িষ্যামি সংক্রুদ্ধান্মন্ত্রৈরাশীবিষানিব॥ ১-২০৫-৩ (৯০৪৪)
ইতি তদ্ধনুরানম্য শুল্কাবাপ্তং মহাবলঃ।
ভ্রাত্রা ভীমেন সহিতস্তস্থৌ গিরিরিবাচলঃ॥ ১-২০৫-৪ (৯০৪৫)
ততঃ কর্ণমুখান্দৃষ্ট্বা ক্ষত্রিয়ান্যুদ্ধদুর্মদান্।
সংপেততুরভীতৌ তৌ গজৌ প্রতিগজানিব॥ ১-২০৫-৫ (৯০৪৬)
ঊচুশ্চ বাচঃ পরুষাস্তে রাজানো যুয়ুৎসবঃ।
আহবে হি দ্বিজস্যাপি বধো দৃষ্টো যুয়ুৎসতঃ॥ ১-২০৫-৬ (৯০৪৭)
ইত্যেবমুক্ৎবা রাজানঃ সহসা দুদ্রুবুর্দ্বিজান্।
ততঃ কর্ণো মহাতেজা জিষ্ণুং প্রতি যয়ৌ রণে॥ ১-২০৫-৭ (৯০৪৮)
যুদ্ধার্থী বাসিতাহেতোর্গজঃ প্রতিগজং যথা।
ভীমসেনং যয়ৌ শল্যো মদ্রাণামীশ্বরো বলী॥ ১-২০৫-৮ (৯০৪৯)
দুর্যোধনাদয়ঃ সর্বে ব্রাহ্মণৈঃ সহ সংগতাঃ।
মৃদুপূর্বময়ত্নেন প্রত্যযুধ্যংস্তদাঽঽহবে॥ ১-২০৫-৯ (৯০৫০)
ততোঽর্জুনঃ প্রত্যবিধ্যদাপতন্তং শিতৈঃ শরৈঃ।
কর্ণং বৈকর্তনং শ্রীমান্বিকৃষ্য বলবদ্ধনুঃ॥ ১-২০৫-১০ (৯০৫১)
তেষাং শরাণাং বেগেন শিতানাং তিগ্মতেজসাম্।
বিমুহ্যমানো রাধেয়ো যত্নাত্তমনুধাবতি॥ ১-২০৫-১১ (৯০৫২)
তাবুভাবপ্যনির্দেশ্যৌ লাঘবাজ্জয়তাং বরৌ।
অয়ুধ্যেতাং সুসংরব্ধাবন্যোন্যবিজিগীষিণৌ॥ ১-২০৫-১২ (৯০৫৩)
কৃতে প্রতিকৃতং পশ্য পশ্য বাহুবলং চ মে।
ইতি শূরার্থবচনৈরভাষেতাং পরস্পরম্॥ ১-২০৫-১৩ (৯০৫৪)
ততোঽর্জুনস্য ভুজয়োর্বীর্যমপ্রতিমং ভুবি।
জ্ঞাৎবা বৈকর্তনঃ কর্ণঃ সংরব্ধঃ সময়োধয়ৎ॥ ১-২০৫-১৪ (৯০৫৫)
অর্জুনেন প্রয়ুক্তাংস্তান্বাণান্বেগবতস্তদা।
প্রতিহত্য ননাদোচ্চৈঃ সৈন্যানি তদপূজয়ন্॥ ১-২০৫-১৫ (৯০৫৬)
কর্ণ উবাচ। ১-২০৫-১৬x (১১৪১)
তুষ্যামি তে বিপ্রমুখ্য ভুজবীয়র্স্য সংয়ুগে।
অবিষাদস্য চৈবাস্য শস্ত্রাস্ত্রবিজয়স্য চ॥ ১-২০৫-১৬ (৯০৫৭)
কিং ৎবং সাক্ষাদ্ধনুর্বেদো রামো বা বিপ্রসত্তম।
অথ সাক্ষাদ্ধরিহয়ঃ সাক্ষাদ্বা বিষ্ণুরচ্যুতঃ॥ ১-২০৫-১৭ (৯০৫৮)
আত্মপ্রচ্ছাদনার্থং বৈ বাহুবীর্যমুপাশ্রিতঃ।
বিপ্ররূপং বিধায়েদং মন্যে মাং প্রতিয়ুধ্যসে॥ ১-২০৫-১৮ (৯০৫৯)
ন হি মামাহবে ক্রুদ্ধমন্যঃ সাক্ষাচ্ছচীপতেঃ।
পুমান্যোধয়িতুং শক্তঃ পাণ্ডবাদ্বা কিরীটিনঃ॥ ১-২০৫-১৯ (৯০৬০)
`দগ্ধা জতুগৃহে সর্বে পাণ্ডবাঃ সার্জুনাস্তদা।
বিনার্জুনং বা সমরে মাং নিহন্তুমশক্নুবন্॥’ ১-২০৫-২০ (৯০৬১)
তমেবংবাদিনং তত্র ফাল্গুনঃ প্রত্যভাষত।
নাস্মি কর্ণ ধনুর্বেদো নাস্মি রামঃ প্রতাপবান্॥ ১-২০৫-২১ (৯০৬২)
ব্রাহ্মণোঽস্মি যুধাং শ্রেষ্ঠঃ সর্বশস্ত্রভৃতাং বরঃ।
ব্রাহ্মে পৌরন্দরে চাস্ত্রে নিষ্ঠিতোগুরুশাসনাৎ॥ ১-২০৫-২২ (৯০৬৩)
স্থিতোঽস্ম্যদ্য রণে জেতুং ৎবাং বৈ বীর স্থিরো ভব।
`নির্জিতোঽস্মীতি বা ব্রূহি ততো ব্রজ যথাসুখম্॥ ১-২০৫-২৩ (৯০৬৪)
বৈশম্পায়ন উবাচ। ১-২০৫-২৪x (১১৪২)
এবমুক্ৎবাঽথ কর্ণস্য ধনুশ্চিচ্ছেদ পাণ্ডবঃ।
ততোঽন্যদ্ধনুরাদায় সংয়োদ্ধুং সন্দধে শরম্॥ ১-২০৫-২৪ (৯০৬৫)
দৃষ্ট্বা তচ্চাপি কৌন্তেয়শ্ছিৎবা তদ্ধনুরাশুগৈঃ।
তথা বৈকর্তনং কর্ণং বিভেদ সমরেঽর্জুনঃ॥ ১-২০৫-২৫ (৯০৬৬)
ততঃ কর্ণস্তু রাধেয়ঃ ছিন্নছন্বা মহাবলঃ।
শরৈরতীব বিদ্ধাঙ্গঃ পলায়নমথাকরোৎ॥ ১-২০৫-২৬ (৯০৬৭)
পুনরায়ান্মুহূর্তেন গৃহীৎবা সশরং ধনুঃ।
ববর্ষ শরবর্ষাণি পার্থং বৈকর্তনস্তথা॥ ১-২০৫-২৭ (৯০৬৮)
তানি বৈ শরজালানি কৌন্তেয়োঽভ্যহনচ্ছরৈঃ।
জ্ঞাৎবা সর্বাঞ্শরান্ঘোরান্কর্ণোঽদাবদ্দ্রুতং বহিঃ॥’ ১-২০৫-২৮ (৯০৬৯)
ব্রাহ্মং তেজস্তদাঽজয়্যং মন্যমানো মহারথঃ।
অপরস্মিন্বনোদ্দেশে বীরৌ শল্যবৃকোদরৌ॥ ১-২০৫-২৯ (৯০৭০)
বলিনৌ যুদ্ধসংপন্নৌ বিদ্যযা চ বলেন চ।
অন্যোন্যমাহ্বয়ন্তৌ তু মত্তাবিব মহাগজৌ॥ ১-২০৫-৩০ (৯০৭১)
মুষ্টিভির্জানুভিশ্চৈব নিঘ্নন্তাবিতরেতরম্।
প্রকর্ষণাকর্ষণয়োরভ্যাকর্ষবিকর্ষণৈঃ॥ ১-২০৫-৩১ (৯০৭২)
আচকর্ষতুরন্যোন্যং মুষ্টিভিশ্চাপি জঘ্নতুঃ।
ততশ্চটচটাশব্দঃ সুঘোরো হ্যভবত্তয়োঃ॥ ১-২০৫-৩২ (৯০৭৩)
পাষাণসংপাতনিভৈঃ প্রহারৈরভিজঘ্নতুঃ।
মুহূর্তং তৌ তদাঽন্যোন্যং সমরে পর্যকর্ষতাম্॥ ১-২০৫-৩৩ (৯০৭৪)
ততো ভীমঃ সমুৎক্ষিপ্য বাহুভ্যাং শল্যমাহবে।
অপাতয়ৎকুরুশ্রেষ্ঠো ব্রাহ্মণা জহসুস্তদা॥ ১-২০৫-৩৪ (৯০৭৫)
তত্রাশ্চর্যং ভীমসেনশ্চকার পুরুষর্ষভঃ।
যচ্ছল্যং পাতিতং ভূমৌ নাবধীদ্বলিনং বলী॥ ১-২০৫-৩৫ (৯০৭৬)
পাতিতে ভীমসেনেন শল্যে কর্ণে চ শঙ্কিতে।
`বিস্ময়ঃ পরমো জজ্ঞে সর্বেষাং পশ্যতাং নৃণাম্॥ ১-২০৫-৩৬ (৯০৭৭)
ততো রাজসমূহস্য পশ্যতো বৃক্ষমারুজৎ।
ততস্তু ভীমং সংজ্ঞাভির্বারয়ামাস ধর্মরাট্॥ ১-২০৫-৩৭ (৯০৭৮)
আকারজ্ঞস্তথা ভ্রাতুঃ পাণ্ডবোঽপি ন্যবর্তত।
ধর্মরাজশ্চ কৌরব্য দুর্যোধনমমর্ষণম্॥ ১-২০৫-৩৮ (৯০৭৯)
অয়োধয়ৎসভামধ্যে পশ্যতাং বৈ মহীক্ষিতাম্।
ততো দুর্যোধনস্তং তু হ্যবজ্ঞায় যুধিষ্ঠিরম্॥ ১-২০৫-৩৯ (৯০৮০)
নায়োধয়ত্তদা তেন বলবান্বৈ সুয়োধনঃ।
এতস্মিন্নন্তরেঽবিধ্যদ্বাণেনানতপর্বণা॥ ১-২০৫-৪০ (৯০৮১)
দুর্যোধনমমিত্রঘ্নং ধর্মরাজো যুধিষ্ঠিরঃ।
ততো দুর্যোধনঃ ক্রুদ্ধো দণ্ডাহত ইবোরগঃ॥ ১-২০৫-৪১ (৯০৮২)
প্রত্যযুধ্যত রাজানং যত্নং পরমমাস্থিতঃ।
ছিত্ৎবা রাজা ধনুঃ সজ্যং ধার্তরাষ্ট্রস্য সংয়ুগে॥ ১-২০৫-৪২ (৯০৮৩)
অভ্যবর্ষচ্ছরৌঘৈস্তং স হিৎবা প্রাদ্রবদ্রণম্।
দুঃশাসনস্তু সংক্রুদ্ধঃ সহদেবেন পার্থিব॥ ১-২০৫-৪৩ (৯০৮৪)
যুদ্ধ্বা চ সুচিরং কালং সহদেবেন নির্জিতঃ।
উৎসৃজ্য চ ধনুঃ সঙ্খ্যে জানুভ্যামবনীং গতঃ।
উত্থায় সোঽভিদুদ্রাব সোসিং জগ্রাহ চর্ম চ॥ ১-২০৫-৪৪ (৯০৮৫)
বিকর্ণচিত্রসেনাভ্যাং নিগৃহীতশ্চ কৌরবঃ।
মা যুদ্ধমিতি কৌরব্য ব্রাহ্মণেনাবলেন বৈ॥ ১-২০৫-৪৫ (৯০৮৬)
দুঃসহো নকুলশ্চোভৌ যুদ্ধং কর্তুং সমুদ্যতৈ।
তৌ দৃষ্ট্বা কৌরবা যুদ্ধং বাক্যমূচুর্মহাবলৌ॥ ১-২০৫-৪৬ (৯০৮৭)
নিবর্তন্তাং ভবন্তো বৈ কুতো বিপ্রেষু ক্রূরতা।
দুর্বলা ব্রাহ্মণাশ্চেমে ভবন্তো বৈ মহাবলাঃ॥ ১-২০৫-৪৭ (৯০৮৮)
দ্বাবত্র ব্রাহ্মণৌ ক্রূরৌ বায়্বিন্দ্রসদৃশৌ বলে।
যে বা কে বা নমস্তেভ্যো গচ্ছামঃ স্বপুরং বয়ম্॥ ১-২০৫-৪৮ (৯০৮৯)
এবং সংভাষমাণাস্তে ন্যবর্তন্তাথ কৌরবাঃ।
জহৃষুর্ব্রাহ্মণাস্তত্র সমেতাস্তত্র সঙ্ঘশঃ॥ ১-২০৫-৪৯ (৯০৯০)
বহুশস্তে ততস্তত্র ক্ষত্রিয়া রণমূর্ধনি।
প্রেক্ষমাণাস্তথাঽতিষ্ঠন্ব্রাহ্মণাংশ্চ সমন্ততঃ॥ ১-২০৫-৫০ (৯০৯১)
ব্রাহ্মণাশ্চ জয়ং প্রাপ্তাঃ কন্যামাদায় নির্যযুঃ।
বিজিতে ভীমসেনেন শল্যে কর্ণে চ নির্জিতে॥ ১-২০৫-৫১ (৯০৯২)
দুর্যোধনে চাপয়াতে তথা দুঃশাসনে রণাৎ।’
শঙ্কিতাঃ সর্বরাজানঃ পরিবব্রুর্বৃকোদরম্॥ ১-২০৫-৫২ (৯০৯৩)
ঊচুশ্চ সহিতাস্তত্র সাধ্বিমৌ ব্রাহ্মণর্ষভৌ।
বিজ্ঞায়েতাং ক্বজন্মানৌ ক্বনিবাসৌ তথৈব চ॥ ১-২০৫-৫৩ (৯০৯৪)
কো হি রাধাসুতং কর্ণং শক্তো যোধয়িতুং রণে।
অন্যত্র রামাদ্দ্রোণাদ্বা পাণ্ডবাদ্বা কিরীটিনঃ॥ ১-২০৫-৫৪ (৯০৯৫)
কৃষ্ণাদ্বা দেবকীপুত্রাৎকৃপাদ্বাপি শরদ্বতঃ।
কো বা দুর্যোধনং শক্তঃ প্রতিয়োথয়িতুং রণে॥ ১-২০৫-৫৫ (৯০৯৬)
তথৈব মদ্রাধিপতিং শল্যং বলবতাংবরম্।
বলদেবাদৃতে বীরাৎপাণ্ডবাদ্বা বৃকোদরাৎ॥ ১-২০৫-৫৬ (৯০৯৭)
বীরাদ্দুর্যোধনাদ্বাঽন্যঃ শক্তঃ পাতয়িতুং রণে।
ক্রিয়তামবহারোঽস্মাদ্যুদ্ধাদ্ব্রাহ্মণসংবৃতাৎ॥ ১-২০৫-৫৭ (৯০৯৮)
ব্রাহ্মণা হি সদা রক্ষ্যাঃ সাপরাধাঽপিনিত্যদা।
অথৈনানুপলভ্যেহ পুনর্যোৎস্যাম হৃষ্টবৎ॥ ১-২০৫-৫৮ (৯০৯৯)
বৈশম্পায়ন উবাচ। ১-২০৫-৫৯x (১১৪৩)
তাংস্তথাবাদিনঃ সর্বান্প্রসমীক্ষ্য ক্ষিতীশ্বরান্।
অথান্যান্পুরুষাংশ্চাপি কৃৎবা তৎকর্ম সংয়ুগে॥ ১-২০৫-৫৯ (৯১০০)
তৎকর্ম ভীমস্য সমীক্ষ্য কৃষ্ণঃ
কুন্তীসুতৌ তৌ পরিশঙ্কমানঃ।
নিবারয়ামাস মহীপতীংস্তা-
ন্ধর্মেণ লব্ধেত্যনুনীয় সর্বান্॥ ১-২০৫-৬০ (৯১০১)
এবং তে বিনিবৃত্তাস্তু যুদ্ধাদ্যুদ্ধবিশারদাঃ।
যথাবাসং যয়ুঃ সর্বে বিস্মিতা রাজসত্তমাঃ॥ ১-২০৫-৬১ (৯১০২)
বৃত্তো ব্রহ্মোত্তরো রঙ্গঃ পাঞ্চালী ব্রাহ্মণৈর্বৃতা।
ইতি ব্রুবন্তঃ প্রয়যুর্যে তত্রাসন্সমাগতাঃ॥ ১-২০৫-৬২ (৯১০৩)
ব্রাহ্মণৈস্তু প্রতিচ্ছন্নৌ রৌরবাজিনবাসিভিঃ।
কৃচ্ছ্রেণ জগ্মতুস্তৌ তু ভীমসেনধনঞ্জয়ৌ॥ ১-২০৫-৬৩ (৯১০৪)
বিমুক্তৌ জনসংবাধাচ্ছত্রুভিঃ পরিবিক্ষতৌ।
কৃষ্ণয়ানুগতৌ তত্র নৃবীরৌ তৌ বিরেজতুঃ॥ ১-২০৫-৬৪ (৯১০৫)
পৌর্ণমাস্যাং ঘনৈর্মুক্তৌ চন্দ্রসূর্যাবিবোদিতৌ।
তেষাং মাতা বহুবিধং বিনাশং পর্যচিন্তয়ৎ॥ ১-২০৫-৬৫ (৯১০৬)
অনাগচ্ছৎসু পুত্রেষু ভৈক্ষকালে চ লিঙ্ঘিতে।
ধার্তরাষ্ট্রৈর্হতাশ্চ স্যুর্বিজ্ঞায় কুরুপুঙ্গবাঃ॥ ১-২০৫-৬৬ (৯১০৭)
মায়ান্বিতৈর্বা রক্ষোভিঃ সুঘোরৈর্দৃঢবৈরিভিঃ।
বিপরীতং মতং জাতং ব্যাসস্যাপি মহাত্মনঃ॥ ১-২০৫-৬৭ (৯১০৮)
ইত্যেবং চিন্তয়ামাসং সুতস্নেহাবৃতা পৃথা।
ততঃ সুপ্তজনপ্রায়ে দুর্দিনে মেঘসংপ্লুতে॥ ১-২০৫-৬৮ (৯১০৯)
মহত্যথাপরাহ্ণে তু ঘনৈঃ সূর্য ইবাবৃতঃ।
ব্রাহ্মণৈঃ প্রাবিশত্তত্র জিষ্ণুর্ভার্গববেশ্ম তৎ॥ ॥ ১-২০৫-৬৯ (৯১১০)
ইতি শ্রীমন্মহাভারতে আদিপর্বণি স্বয়ংবরপর্বণি প়ঞ্চাধিকদ্বিশততমোঽধ্যায়ঃ॥ ২০৫ ॥
Mahabharata – Adi Parva – Chapter Footnotes
১-২০৫-১২ বিজিগীষিণৌ বিজিগীষাবন্তৌ॥ ১-২০৫-২৯ বনোদ্দেশে রঙ্গদৃশাং নিবাসস্থানে॥ ১-২০৫-৩৪ সমুৎক্ষিপ্য কূষ্মাণ্ডফলবদপাতয়ৎ॥ ১-২০৫-৫৭ অবহারো যুদ্ধান্নিবর্তনং॥ ১-২০৫-৫৯ সংয়ুগে তৎকর্ম কৃৎবা তূষ্ণীংভূতাবিতি শেষঃ॥ ১-২০৫-৬২ ব্রহ্ম ব্রাহ্মণজাতিঃ উত্তরং উৎকৃষ্টং যস্মিন্স ব্রহ্মোত্তরঃ॥ ১-২০৫-৬৯ ভার্গববেশ্ম কুলালগৃহং॥ পাঞ্চাধিকদ্বিশততমোঽধ্যায়ঃ॥ ২০৫ ॥