আদিপর্ব – অধ্যায় ১৯৯
॥ শ্রীঃ ॥
১.১৯৯. অধ্যায়ঃ ১৯৯
Mahabharata – Adi Parva – Chapter Topics
অর্জুনেন অনুরূপপুরোহিতসংপাদনং পৃষ্টেন গন্ধর্বেণ ধৌম্যবরণাক্ষ্যনুজ্ঞা॥ ১ ॥ গন্ধর্বায় আগ্নেয়াস্ত্রদানম্॥ ২ ॥ উৎকো চতীর্থে পাণ্ডবৈঃ ধৌম্যস্য পৌরোহিত্যে বরণম্॥ ৩ ॥
Mahabharata – Adi Parva – Chapter Text
১-১৯৯-০ (৮৮৩১)
অর্জুন উবাচ। ১-১৯৯-০x (১১২৬)
অস্মাকমনুরূপো বৈ যঃ স্যাদ্গন্ধর্ব বেদবিৎ।
পুরোহিতস্তমাচক্ষ্ব সর্বং হি বিদিতং তব॥ ১-১৯৯-১ (৮৮৩২)
গন্ধর্ব উবাচ। ১-১৯৯-২x (১১২৭)
যবীয়ান্দেবলস্যৈষ বনে ভ্রাতা তপস্যতি।
ধৌম্য উৎকোচকে তীর্থে তং বৃণুধ্বং যীচ্ছথ॥ ১-১৯৯-২ (৮৮৩৩)
বৈশম্পায়ন উবাচ। ১-১৯৯-৩x (১১২৮)
ততোঽর্জুনোঽস্ত্রমাগ্নেয়ং প্রদদৌ তদ্যথাবিধি।
গন্ধর্বায় `স চ প্রীতো বচনং চেদমব্রবীৎ॥ ১-১৯৯-৩ (৮৮৩৪)
ময়ি সন্তি হয়শ্রেষ্ঠাস্তব দাস্যামি বৈ সখে।
উপকারকৃতং মিত্রং প্রতিকারেণ যোজয়ে॥ ১-১৯৯-৪ (৮৮৩৫)
গৃহ্ণীষ্ব চাক্ষুষীং বিদ্যামিমাং ভরতসত্তম।
এবমুক্তোঽর্জুনঃ’ প্রীতো বচনং চেদমব্রবীৎ॥ ১-১৯৯-৫ (৮৮৩৬)
ৎবয়্যেব তাবত্তিষ্ঠন্তু হয়া গন্ধর্বসত্তম।
কার্যকালে গ্রহীষ্যামঃ স্বস্তি তেঽস্ৎবিতি চাব্রবীৎ॥ ১-১৯৯-৬ (৮৮৩৭)
তেঽন্যোন্যমভিসংপূজ্য গন্ধর্বঃ পাণ্ডবাশ্চ হ।
রম্যাদ্ভাগীরথীতীরাদ্যথাকামং প্রতস্থিরে॥ ১-১৯৯-৭ (৮৮৩৮)
তত উৎকোচকং তীর্থং গৎবা ধৌম্যাশ্রমং তু তে।
তং বব্রুঃ পাণ্ডবা ধৌম্যং পৌরোহিত্যায় ভারত॥ ১-১৯৯-৮ (৮৮৩৯)
তান্ধৌম্যঃ প্রতিজগ্রাহ সর্ববেদবিদাং বরঃ।
বন্যেন ফলমূলেন পৌরোহিত্যেন চৈব হ॥ ১-১৯৯-৯ (৮৮৪০)
তে সমাশংসিরে লব্ধাং শ্রিয়ং রাজ্যং চ পাণ্ডবাঃ।
ব্রাহ্মণং তং পুরস্কৃত্য পাঞ্চালীং চ স্বয়ংবরে॥ ১-১৯৯-১০ (৮৮৪১)
পুরোহিতেন তেনাথ গুরুণা সংগতাস্তদা।
নাথবন্তমিবাত্মানং মেনিরে ভরতর্ষভাঃ॥ ১-১৯৯-১১ (৮৮৪২)
স হি বেদার্থতত্ৎবজ্ঞস্তেষাং গুরুরুদারধীঃ।
বেদবিচ্চৈব বাগ্মী চ ধৌম্যঃ শ্রীমান্দ্বিজোত্তমঃ॥ ১-১৯৯-১২ (৮৮৪৩)
তেজসা চৈব বুদ্ধ্যা চ রূপেণ যশসা শ্রিয়া।
মন্ত্রৈশ্চ বিবিধৈর্ধৌম্যস্তুল্য আসীদ্বৃহস্পতেঃ॥ ১-১৯৯-১৩ (৮৮৪৪)
স চাপি বিপ্রস্তান্মেনে স্বভাবাভ্যধিকান্ভুবি।
তেন ধর্মবিদা পার্থা যোজ্যা সর্ববিদা বৃতাঃ॥ ১-১৯৯-১৪ (৮৮৪৫)
মেনিরে সহিতা বীরাঃ প্রাপ্তং রাজ্যং চ পাণ্ডবাঃ।
বুদ্ধিবীর্যবলোৎসাহৈর্যুক্তা দেবা ইবাপরে॥ ১-১৯৯-১৫ (৮৮৪৬)
কৃতস্বস্ত্যযনাস্তেন ততস্তে মনুজাধিপাঃ।
মেনিরে সহিতা গন্তুং পাঞ্চাল্যাস্তং স্বয়ংবরম্॥ ॥ ১-১৯৯-১৬ (৮৮৪৭)
ইতি শ্রীমন্মহাভারতে আদিপর্বণি চৈত্ররথপর্বণি একোনদ্বিশততমোঽধ্যায়ঃ॥ ১৯৯ ॥ ॥ সমাপ্তং চৈত্ররথপর্ব ॥