আদিপর্ব – অধ্যায় ১৯৬

আদিপর্ব – অধ্যায় ১৯৬

॥ শ্রীঃ ॥

১.১৯৬. অধ্যায়ঃ ১৯৬

Mahabharata – Adi Parva – Chapter Topics

পিতৄণাং নিদেশেন ঔর্বস্য সমুদ্রে ক্রোধত্যাগঃ॥ ১ ॥

Mahabharata – Adi Parva – Chapter Text

১-১৯৬-০ (৮৭৫৩)
ঔর্ব উবাচ। ১-১৯৬-০x (১১১৮)
উক্তবানস্মি যাং ক্রোধাৎপ্রতিজ্ঞাং পিতরস্তদা।
সর্বলোকবিনাশায় ন সা মে বিতথা ভবেৎ॥ ১-১৯৬-১ (৮৭৫৪)
বৃথারোষপ্রতিজ্ঞো বৈ নাহং জীবিতুমুৎসহে।
অনিস্তীর্ণো হি মাং রোষো দহেদগ্নিরিবারণিম্॥ ১-১৯৬-২ (৮৭৫৫)
যো হি কারণতঃ ক্রোধং সংজাতং ক্ষন্তুমর্হতি।
নালং স মনুজঃ সম্যক্ ত্রিবর্গং পরিরক্ষিতুম্॥ ১-১৯৬-৩ (৮৭৫৬)
অশিষ্টানাং নিয়ন্তা হি শিষ্টানাং পরিরক্ষিতা।
স্থানে রোষঃ প্রয়ুক্তঃ স্যান্নৃপৈঃ সর্বজিগীষুভিঃ॥ ১-১৯৬-৪ (৮৭৫৭)
অশ্রৌষমহমূরুস্থো গর্ভশয়্যাগতস্তদা।
আরাবং মাতৃবর্গস্য ভৃগূণাং ক্ষত্রিয়ৈর্বধে॥ ১-১৯৬-৫ (৮৭৫৮)
সামরৈর্হি যদা লোকে ভৃগূণাং ক্ষত্রিয়াধমৈঃ।
আগর্ভোৎসাদনং ক্ষান্তং তদা মাং মন্যুরাবিশৎ॥ ১-১৯৬-৬ (৮৭৫৯)
প্রকীর্ণকেশাঃ কিল মে মাতরঃ পিতরস্তথা।
ভয়াৎসর্বেষু লোকেষু নাধিজগ্মুঃ পরায়ণম্॥ ১-১৯৬-৭ (৮৭৬০)
তান্ভৃগূণাং যদা দারান্কশ্চিন্নাভ্যুপপদ্যত।
মাতা তদা দধারেয়মূরুণৈকেন মাং শুভা॥ ১-১৯৬-৮ (৮৭৬১)
প্রতিষেদ্ধা হি পাপস্য যদা লোকেষু বিদ্যতে।
তদা সর্বেষু লোকেষু পাপকৃন্নোপপদ্যতে॥ ১-১৯৬-৯ (৮৭৬২)
যদা তু প্রতিষেদ্ধারং পাপো ন লভতে ক্বচিৎ।
তিষ্ঠন্তি বহবো লোকাস্তদা পাপেষু কর্মসু॥ ১-১৯৬-১০ (৮৭৬৩)
জানন্নপি চ যঃ পাপং শক্তিমান্ন নিয়চ্ছতি।
ঈশঃ সন্সোঽপি তেনৈব কর্মণা সংপ্রয়ুজ্যতে॥ ১-১৯৬-১১ (৮৭৬৪)
রাজভিশ্চেশ্বরৈশ্চৈব যদি বৈ পিতরো মম।
শক্তৈর্ন শকিতাস্ত্রাতুমিষ্টং মৎবেহ জীবিতম্॥ ১-১৯৬-১২ (৮৭৬৫)
অত এষামহং ক্রুদ্ধো লোকানামীশ্বরো হ্যহম্।
ভবতাং চ বচো নালমহং সমভিবর্তিতুম্॥ ১-১৯৬-১৩ (৮৭৬৬)
মমাপি চেদ্ভবেদেবমীশ্বরস্য সতো মহৎ।
উপেক্ষমাণস্য পুনর্লোকানাং কিল্বিষাদ্ভয়ম্॥ ১-১৯৬-১৪ (৮৭৬৭)
যশ্চায়ং মন্যুজো মেঽগ্নির্লোকানাদাতুমিচ্ছতি।
দহেদেষ চ মামেব নিগৃহীতঃ স্বতেজসা॥ ১-১৯৬-১৫ (৮৭৬৮)
ভবতাং চ বিজানামি সর্বলোকহিতেপ্সুতাম্।
তস্মাদ্বিধদ্ধ্বং যচ্ছ্রেয়ো লোকানাং মম চেশ্বরাঃ॥ ১-১৯৬-১৬ (৮৭৬৯)
পিতর ঊচুঃ। ১-১৯৬-১৭x (১১১৯)
য এষ মন্যুজস্তেঽগ্নির্লোকানাদাতুমিচ্ছতি।
অপ্সু তং মুঞ্চ ভদ্রং তে লোকা হ্যপ্সু প্রতিষ্ঠিতাঃ॥ ১-১৯৬-১৭ (৮৭৭০)
আপোময়াঃ সর্বরসাঃ সর্বমাপোময়ং জগৎ।
তস্মাদপ্সু বিমুঞ্চেমং ক্রোধাগ্নিং দ্বিজসত্তম॥ ১-১৯৬-১৮ (৮৭৭১)
অয়ং তিষ্ঠতু তে বিপ্র যদীচ্ছসি মহোদধৌ।
মন্যুজোঽগ্নির্দহন্নাপো লোকা হ্যাপোময়াঃ স্মৃতাঃ॥ ১-১৯৬-১৯ (৮৭৭২)
এবং প্রতিজ্ঞা সত্যেয়ং তবানঘ ভবিষ্যতি।
ন চৈবং সামরা লোকা গমিষ্যন্তি পরাভবম্॥ ১-১৯৬-২০ (৮৭৭৩)
বসিষ্ঠ উবাচ। ১-১৯৬-২১x (১১২০)
ততস্তং ক্রোধজং তাত ঔর্বোঽগ্নিং বরুণালয়ে।
উৎসসর্জ স চৈবাপ উপয়ুঙ্ক্তে মহোদধৌ॥ ১-১৯৬-২১ (৮৭৭৪)
মহদ্ধয়শিরো ভূৎবা যত্তদ্বেদবিদো বিদুঃ।
তমগ্নিমুদ্হিরদ্বক্ত্রাৎপিবত্যাপো মহোদধৌ॥ ১-১৯৬-২২ (৮৭৭৫)
তস্মাত্ৎবমপি ভদ্রং তে ন লোকান্হন্তুমর্হসি।
পরাশরং পরাঁল্লোকাঞ্জানঞ্জ্ঞানবতাং বর॥ ॥ ১-১৯৬-২৩ (৮৭৭৬)

ইতি শ্রীমন্মহাভারতে আদিপর্বণি চৈত্ররথপর্বণি ষণ্ণবত্যধিকশততমোঽধ্যায়ঃ॥ ১৯৬ ॥

Mahabharata – Adi Parva – Chapter Footnotes

১-১৯৬-২ অনিস্তীর্ণোঽকৃতকার্যঃ॥ ১-১৯৬-৮ তদ্ভৃগূণাং রাজা কশ্চিন্নাভ্যুপপদ্যতে ইতি ঙ. পাঠঃ॥ ১-১৯৬-২১ উপয়ুঙ্ক্তে ভক্ষয়তি॥ ১-১৯৬-২২ হয়শিরঃ বডবামুখম্॥ ষণ্ণবত্যধিকশততমোঽধ্যায়ঃ॥ ১৯৬ ॥