আদিপর্ব – অধ্যায় ১৯৪
॥ শ্রীঃ ॥
১.১৯৪. অধ্যায়ঃ ১৯৪
Mahabharata – Adi Parva – Chapter Topics
পরাশরোৎপত্তিঃ॥ ১ ॥ পিতরং কল্মাষপাদভক্ষিতং জ্ঞাৎবা ক্রুদ্ধেন পরাশরেণ লোকবিনাশায় যতনম্॥ ২ ॥ কর্তবীর্যার্জুন বংশ্যৈঃ ক্ষত্রিয়ৈঃ ধনার্থং ভৃগুবংশ্যানাং ব্রাহ্মণানাং হননম্॥ ৩ ॥ ক্ষত্রিয়ভীত্যা কয়াচিদ্ব্রাহ্মণ্যা ঊরৌ গর্ভং ধৃতং হন্তুং ক্ষত্রিয়াণামুদ্যমঃ॥ ৪ ॥ ঊরুং ভিৎবা নির্গতস্য বালকস্য তেজসান্ধীভূতানাং ক্ষত্রিয়াণাং ব্রাহ্মণীংপ্রতি শরণগমনম্॥ ৫ ॥
Mahabharata – Adi Parva – Chapter Text
১-১৯৫-০ (৮৭০০)
গন্ধর্ব উবাচ। ১-১৯৫-০x (১১১৪)
আশ্রমস্থা ততঃ পুত্রমদৃশ্যন্তী ব্যজায়ত।
শক্তেঃ কুলকরং রাজন্ দ্বিতীয়মিব শক্তিনম্॥ ১-১৯৪-১ (৮৭০১)
জাতকর্মাদিকাস্তস্য ক্রিয়াঃ স মুনিসত্তমঃ।
পৌত্রস্য ভরতশ্রেষ্ঠ চকার ভগবান্স্বয়ম্॥ ১-১৯৪-২ (৮৭০২)
পরাসুঃ স যতস্তেন বসিষ্ঠঃ স্থাপিতো মুনিঃ।
গর্ভস্থেন ততো লোকে পরাশর ইতি স্মৃতঃ॥ ১-১৯৪-৩ (৮৭০৩)
অমন্যত স ধর্মাত্মা বসিষ্ঠং পিতরং মুনিঃ।
জন্মপ্রভৃতি তস্মিংস্তু পিতরীবান্ববর্তত॥ ১-১৯৪-৪ (৮৭০৪)
স তাত ইতি বিপ্রর্ষিং বসিষ্ঠং প্রত্যভাষত।
মাতুঃ সমক্ষং কৌন্তেয় অদৃশ্যন্ত্যাঃ পরন্তপ॥ ১-১৯৪-৫ (৮৭০৫)
তাতেতি পরিপূর্ণার্থং তস্য তন্মধুরং বচঃ।
অদৃশ্যন্ত্যশ্রুপূর্ণাক্ষী শৃণ্বতী তমুবাচ হ॥ ১-১৯৪-৬ (৮৭০৬)
মা তাত তাততাতেতি ব্রূহ্যেনং পিতরং পিতুঃ।
রক্ষসা ভক্ষিতস্তাত তব তাতো বনান্তরে॥ ১-১৯৪-৭ (৮৭০৭)
মন্যসে যং তু তাতেতি নৈষ তাতস্তবানঘ।
আর্য এষ পিতা তস্য পিতুস্তব যশস্বিনঃ॥ ১-১৯৪-৮ (৮৭০৮)
স এবমুক্তো দুঃখার্তঃ সত্যবাগৃষিসত্তমঃ।
সর্বলোকবিনাশায় মতিং চক্রে মহামনাঃ॥ ১-১৯৪-৯ (৮৭০৯)
তং তথা নিশ্চিতাত্মানং স মহাত্মা মহাতপাঃ।
ঋষির্ব্রহ্মবিদাং শ্রষ্ঠো মৈত্রাবরুণিরন্ত্যধীঃ॥ ১-১৯৪-১০ (৮৭১০)
বসিষ্ঠো বারয়ামাস হেতুনা যেন তচ্ছৃণু। ১-১৯৪-১১ (৮৭১১)
বসিষ্ঠ উবাচ।
কৃতবীর্য ইতি খ্যাতো বভূব পৃথিবীপতিঃ॥ ১-১৯৪-১১x (১১১৫)
যাজ্যো বেদবিদাং লোকে ভৃগূণাং পার্থিবর্ষভঃ।
স তানগ্রভুজস্তাত ধান্যেন চ ধনেন চ॥ ১-১৯৪-১২ (৮৭১২)
সোমান্তে তর্পয়ামাস বিপুলেন বিশাংপতিঃ।
তস্মিন্নৃপতিশার্দূলে স্বর্যাতেঽথ কথংচন॥ ১-১৯৪-১৩ (৮৭১৩)
বভূব তৎকুলেয়ানাং দ্রব্যকার্যমুপস্থিতম্।
ভৃগূণাং তু ধনং জ্ঞাৎবা রাজানঃ সর্ব এব তে॥ ১-১৯৪-১৪ (৮৭১৪)
যাচিষ্ণবোঽভিজগ্মুস্তাংস্ততো ভার্গবসত্তমান্।
ভূমৌ তু নিদদুঃ কেচিদ্ভৃগবো ধনমক্ষয়ম্॥ ১-১৯৪-১৫ (৮৭১৫)
দদুঃ কেচিদ্দ্বিজাতিভ্যো জ্ঞাৎবা ক্ষত্রিয়তো ভয়ম্।
ভৃহবস্তু দদুঃ কেচিত্তেষাং বিত্তং যথেপ্সিতম্॥ ১-১৯৪-১৬ (৮৭১৬)
ক্ষত্রিয়াণাং তদা তাত কারণান্তরদর্শনাৎ।
ততো মহীতলং তাত ক্ষত্রিয়েণ যদৃচ্ছয়া॥ ১-১৯৪-১৭ (৮৭১৭)
খনতাঽধিগতং বিত্তং কেনচ্চিদ্ধৃগুবেশ্মনি।
তদ্বিত্তং দদৃশুঃ সর্বে সমেতাঃ ক্ষত্রিয়র্ষভাঃ॥ ১-১৯৪-১৮ (৮৭১৮)
অবমন্য ততঃ ক্রোধাদ্ভৃগূংস্তাঞ্ছরণগতান্।
নিজঘ্নুঃ পরমেষ্বাসাঃ সর্বাংস্তান্নিশিতৈঃ শরৈঃ॥ ১-১৯৪-১৯ (৮৭১৯)
আগর্ভাদবকৃন্তন্তশ্চেরুঃ সর্বাং বসুন্ধরাম্।
তত উচ্ছিদ্যমানেষু ভৃগুষ্বেবং ভয়াত্তদা॥ ১-১৯৪-২০ (৮৭২০)
ভৃগুপত্ন্যো গিরিং দুর্গং হিমবন্তং প্রপেদিরে।
তাসামন্যতমা গর্ভং ভয়াদ্দধ্রে মহৌজসম্॥ ১-১৯৪-২১ (৮৭২১)
ঊরুণৈকেন বাভোরূর্ভর্তুঃ কুলবিবৃদ্ধয়ে।
তং গর্ভমুপলভ্যাশু ব্রাহ্মণ্যেকা ভয়ার্দিতা॥ ১-১৯৪-২২ (৮৭২২)
গৎবা বৈ কথয়ামাস ক্ষত্রিয়াণামুপহ্বরে।
ততস্তে ক্ষত্রিয়া জগ্মুস্তং গর্ভং হন্তুমুদ্যতাঃ॥ ১-১৯৪-২৩ (৮৭২৩)
দদৃশুর্ব্রাহ্মণীং তেঽথ দীপ্যমানাং স্বতেজসা।
অথ গর্ভঃ স ভিত্ৎবোরুং ব্রাহ্মণ্যা নির্জগাম হ॥ ১-১৯৪-২৪ (৮৭২৪)
মুষ্ণন্দৃষ্টীঃ ক্ষত্রিয়াণাং মধ্যাহ্ন ইব ভাস্করঃ।
ততশ্চক্ষুর্বিহীনাস্তে গিরিদুর্গেষু বভ্রমুঃ॥ ১-১৯৪-২৫ (৮৭২৫)
ততস্তে মোঘসঙ্কল্পা ভয়ার্তাঃ ক্ষত্রিয়াঃ পুনঃ।
ব্রাহ্মণীং শরমং জগ্মুর্দৃষ্ট্যর্থং তামনিন্দিতাম্॥ ১-১৯৪-২৬ (৮৭২৬)
ঊচুশ্চৈনাং মহাভাগাং ক্ষত্রিয়াস্তে বিচেতসঃ।
জ্যোতিঃপ্রহীণা দুঃখার্তাঃ শান্তার্চিষ ইবাগ্নয়ঃ॥ ১-১৯৪-২৭ (৮৭২৭)
ভগবত্যাঃ প্রসাদেন গচ্ছেৎক্ষত্রমনাময়ম্।
উপারম্য চ গচ্ছেম সহিতাঃ পাপকর্মণঃ॥ ১-১৯৪-২৮ (৮৭২৮)
সপুত্রা ৎবং প্রসাদং নঃ কর্তুমর্হসি শোভনে।
পুনর্দৃষ্টিপ্রদানেন রাজ্ঞঃ সংত্রাতুমর্হসি॥ ॥ ১-১৯৪-২৯ (৮৭২৯)
ইতি শ্রীমন্মহাভারতে আদিপ্রবণি চৈত্ররথপর্বণি চতুর্নবত্যধিকশততমোঽধ্যায়ঃ॥ ১৯৪ ॥
Mahabharata – Adi Parva – Chapter Footnotes
১-১৯৪-১০ অন্ত্যধীঃ অন্তে সিদ্ধান্তে সাধ্বী অন্ত্যা ধীর্যস্য সোন্ত্যধীঃ॥ চতুর্নবত্যধিকশততমোঽধ্যায়ঃ॥ ১৯৪ ॥