আদিপর্ব – অধ্যায় ১৯২

আদিপর্ব – অধ্যায় ১৯২

॥ শ্রীঃ ॥

১.১৯২. অধ্যায়ঃ ১৯২

Mahabharata – Adi Parva – Chapter Topics

কল্মাষপাদরাজোপাখ্যানে—বসিষ্ঠপুত্রেণ শক্তিনা কল্মাষপাদং প্রতি শাপদানং॥ ১ ॥ পুনরন্যেন ব্রাহ্মণেন চ কল্মাষপাদংপ্রতি শাপদানং॥ ২ ॥ রাক্ষসাবিষ্টেন কল্মাষপাদেন বসিষ্ঠপুত্রাণাং ভক্ষণং॥ ৩ ॥ পুত্রশোকাভিসংতপ্তেন বসিষ্ঠেন প্রাণত্যাগার্থং অনেকধা প্রয়তনম্॥ ৪ ॥

Mahabharata – Adi Parva – Chapter Text

১-১৯২-০ (৮৫৯৩)
`অর্জুন উবাচ। ১-১৯২-০x (১১০০)
ঋষ্যোস্তু যৎকৃতে বৈরং বিশ্বামিত্রবসিষ্ঠয়োঃ।
বভূব গন্ধর্বপতে শংস তৎসর্বমেব মে॥ ১-১৯২-১ (৮৫৯৪)
মাহাত্ম্যং চ বসিষ্ঠস্য ব্রাহ্মণ্যং ব্রহ্মতেজসঃ।
বিশ্বামিত্রস্য চ তথা ক্ষত্রস্য চ মহাত্মনঃ॥ ১-১৯২-২ (৮৫৯৫)
ন শৃণ্বানস্ৎবহং তৃপ্তিমুপগচ্ছামি খেচর।
আখ্যাহি গন্ধর্বপতে শংস তৎসর্বমেব মে॥ ১-১৯২-৩ (৮৫৯৬)
মাহাত্ম্যং চ বসিষ্ঠস্য বিশ্বামিত্রস্য ভাষতে॥ ১-১৯২-৪ (৮৫৯৭)
গন্ধর্ব উবাচ। ১-১৯২-৫x (১১০১)
ইদং বাসিষ্ঠমাখ্যানং পুরাণং পুণ্যমুত্তমম্।
পার্থ সর্বেষু লোকেষু বিশ্রুতং তন্নিবোধ মে॥’ ১-১৯২-৫ (৮৫৯৮)
কল্মাষপাদ ইত্যেবং লোকে রাজা বভূব হ।
ইক্ষ্বাকুবংশজঃ পার্থ তেজসাঽসদৃশো ভুবি॥ ১-১৯২-৬ (৮৫৯৯)
স কদাচিদ্বনং রাজা মৃগয়াং নির্যযৌ পুরাৎ।
মৃগান্বিধ্যন্বরাহাংশ্চ চচার রিপুমর্দনঃ॥ ১-১৯২-৭ (৮৬০০)
তস্মিন্বনে মহাঘোরে খঙ্গাংশ্চ বহুশোঽহনৎ।
হৎবা চ সুচিরং শ্রান্তো রাজা নিববৃতে ততঃ॥ ১-১৯২-৮ (৮৬০১)
অকাময়ত্তং যাজ্যার্থে বিশ্বামিত্রঃ প্রতাপবান্।
স তু রাজা মহাত্মানং বাসিষ্ঠমৃষিসত্তমম্॥ ১-১৯২-৯ (৮৬০২)
তৃষার্তশ্চ ক্ষুধার্তশ্চ একায়নগতঃ পথি।
অপশ্যদজিতঃ সঙ্খ্যে মুনিং প্রতিমুখাগতম্॥ ১-১৯২-১০ (৮৬০৩)
শক্তিং নাম মহাভাগং বসিষ্ঠকুলবর্ধনম্।
জ্যেষ্ঠং পুত্রং পুত্রশতাদ্বসিষ্ঠস্য মহাত্মনঃ॥ ১-১৯২-১১ (৮৬০৪)
অপগচ্ছ পথোঽস্মাকমিত্যেবং পার্থিবোঽব্রবীৎ।
তথা ঋষিরুবাচৈনং সান্ৎবয়ঞ্শ্লক্ষ্ণয়া গিরা॥ ১-১৯২-১২ (৮৬০৫)
মম পন্থা মহারাজ ধর্ম এষ সনাতনঃ।
`বৃদ্ধভীরুনৃপস্নাতস্ত্রীরোগিবরচক্রিণাম্॥ ১-১৯২-১৩ (৮৬০৬)
পন্থা দেয়ো নৃপৈস্তেষামন্যৈস্তৈস্তস্য ভূপতেঃ।’
রাজ্ঞা সর্বেষা ধর্মেষু দেয়ঃ পন্থা দ্বিজাতয়ে॥ ১-১৯২-১৪ (৮৬০৭)
এবং পরস্পরং তৌ তু পথোঽর্থং বাক্যমূচতুঃ।
অপসর্পাপসর্পেতি বাগুত্তরমকুর্বতাম্॥ ১-১৯২-১৫ (৮৬০৮)
ঋষিস্তু নাপচক্রাম তস্মিন্ধর্মপথে স্থিতঃ।
`অপি রাজা মুনের্মার্গাৎক্রোধান্নাপজগাম হ॥’ ১-১৯২-১৬ (৮৬০৯)
অমুঞ্চন্তং তু পন্থানং তমৃষিং নৃপসত্তমঃ।
জগাম কশয়া মোহাত্তদা রাক্ষসন্মুনিম্॥ ১-১৯২-১৭ (৮৬১০)
কশাপ্রহারাভিহতস্ততঃ স মুনিসত্তমঃ।
তং শশাপ নৃপশ্রেষ্ঠং বাসিষ্ঠঃ ক্রোধমূর্চ্ছিতঃ॥ ১-১৯২-১৮ (৮৬১১)
হংসি রাক্ষসবদ্যস্মাদ্রাজাপশদ তাপসম্।
তস্মাত্ৎবমদ্যপ্রভৃতি পুরুষাদো ভবিষ্যসি॥ ১-১৯২-১৯ (৮৬১২)
মনুষ্যপিশিতে সক্তশ্চরিষ্যসি মহীমিমাম্।
গচ্ছ রাজাধমেত্যুক্তঃ শক্তিনা বীর্যশক্তিনা॥ ১-১৯২-২০ (৮৬১৩)
ততো যাজ্যনিমিত্তং তু বিশ্বামিত্রবসিষ্ঠয়োঃ।
বৈরমাসীত্তদা তং তু বিশ্বামিত্রোঽন্বপদ্যত॥ ১-১৯২-২১ (৮৬১৪)
তয়োর্বিবদতোরেবং সমীপমুপচক্রমে।
ঋষিরুগ্রতপাঃ পার্থ বিশ্বামিত্রঃ প্রতাপবান্॥ ১-১৯২-২২ (৮৬১৫)
ততঃ স বুবুধে পশ্চাত্তমৃষিং নৃপসত্তমঃ।
ঋষেঃ পুত্রং বসিষ্ঠস্য বসিষ্ঠমিব তেজসা॥ ১-১৯২-২৩ (৮৬১৬)
অন্তর্ধায় ততোঽত্মানং বিশ্বামিত্রোঽপি ভারত।
তাবুভাবতিচক্রাম চিকীর্ষন্নাত্মনঃ প্রিয়ম্॥ ১-১৯২-২৪ (৮৬১৭)
স তু শপ্তস্তদা তেন শক্তিনা বৈ নৃপোত্তমঃ।
জগাম শরণং শক্তিং প্রসাদয়িতুমর্হয়ন্॥ ১-১৯২-২৫ (৮৬১৮)
তস্য ভাবং বিদিৎবা স নৃপতেঃ কুরুসত্তম।
বিশ্বামিত্রস্ততো রক্ষ আদিদেশ নৃপং প্রতি॥ ১-১৯২-২৬ (৮৬১৯)
শাপাত্তস্য তু বিপ্রর্ষের্বিশ্বামিত্রস্য চাজ্ঞয়া।
রাক্ষসঃ কিঙ্করো নাম বিবেশ নৃপতিং তদা॥ ১-১৯২-২৭ (৮৬২০)
রক্ষসা তং গৃহীতং তু বিদিৎবা মুনিসত্তমঃ।
বিশ্বামিত্রোঽপ্যপাক্রামত্তস্মাদ্দেশাদরিন্দম॥ ১-১৯২-২৮ (৮৬২১)
ততঃ স নৃপতির্বিদ্বান্রক্ষন্নাত্মানমাত্মনা।
বলবৎপীড্যমানোঽপি রক্ষসান্তর্গতেন হ॥ ১-১৯২-২৯ (৮৬২২)
দদর্শাথ দ্বিজঃ কশ্চিদ্রাজানং প্রস্থিতং বনম্।
অয়াচত ক্ষুধাপন্নঃ সমাংসং ভোজনং তদা॥ ১-১৯২-৩০ (৮৬২৩)
তমুবাচাথ রাজর্ষির্দ্বিজং মিত্রসহস্তদা।
আস্স্ব ব্রহ্মংস্ৎবমত্রৈব মুহূর্তং প্রতিপালয়ন্॥ ১-১৯২-৩১ (৮৬২৪)
নিবৃত্তঃ প্রতিদাস্যামি ভোজনং তে যথেপ্সিতম্।
ইত্যুক্ৎবা প্রয়যৌ রাজা তস্থৌ চ দ্বিজসত্তমঃ॥ ১-১৯২-৩২ (৮৬২৫)
ততো রাজা পরিক্রম্য যথাকামং যথাসুখম্।
নিবৃত্তোঽন্তঃপুরং পার্থ প্রবিবেশ মহামনাঃ॥ ১-১৯২-৩৩ (৮৬২৬)
`অন্তর্গতস্তদা রাজা শ্রুৎবা ব্রাহ্মণভাষিতম্।
সোঽন্তঃপুরং প্রবিশ্যাথ ন সস্মার নরাধিপঃ॥’ ১-১৯২-৩৪ (৮৬২৭)
ততোঽর্ধরাত্র উত্থায় সূদমানায়্য সৎবরম্।
উবাচ রাজা সংস্মৃত্য ব্রাহ্মণস্য প্রতিশ্রুতম্॥ ১-১৯২-৩৫ (৮৬২৮)
গচ্ছামুষ্মিন্বনোদ্দেশে ব্রাহ্মণো মাং প্রতীক্ষতে।
অন্নার্থী তং ৎবমন্নেন সমাংসেনোপপাদয়॥ ১-১৯২-৩৬ (৮৬২৯)
গন্ধর্ব উবাচ। ১-১৯২-৩৭x (১১০২)
এবমুক্তস্ততঃ সূদঃ সোঽনাসাদ্যামিষং ক্বচিৎ।
নিবেদয়ামাস তদা তস্মৈ রাজ্ঞে ব্যথান্বিতঃ॥ ১-১৯২-৩৭ (৮৬৩০)
রাজা তু রক্ষসাবিষ্টঃ সূদমাহ গতব্যথঃ।
অপ্যেনং নরমাংসেন ভোজয়েতি পুনঃ পুনঃ॥ ১-১৯২-৩৮ (৮৬৩১)
তথেত্যুক্ৎবা ততঃ সূদঃ সংস্থানং বধ্যঘাতিনাম্।
গৎবাঽঽজহার ৎবরিতো নরমাংসমপেতভীঃ॥ ১-১৯২-৩৯ (৮৬৩২)
এতৎসংস্কৃত্য বিধিবদন্নোপহিতমাশু বৈ।
তস্মৈ প্রাদাদ্ব্রাহ্মণায় ক্ষুধিতায় তপস্বিনে॥ ১-১৯২-৪০ (৮৬৩৩)
স সিদ্ধচক্ষুষা দৃষ্ট্বা তদন্নং দ্বিজসত্তমঃ।
অভোজ্যমিদমিত্যাহ ক্রোধপর্যাকুলেক্ষণঃ॥ ১-১৯২-৪১ (৮৬৩৪)
ব্রাহ্মণ উবাচ। ১-১৯২-৪২x (১১০৩)
যস্মাদভোজ্যমন্নং মে দদাতি স নৃপাধমঃ॥ ১-১৯২-৪২ (৮৬৩৫)
সক্তো মানুষমাংসেষু যথোক্তঃ শক্তিনা পুরা।
উদ্বেজনীয়ো ভূতানাং চরিষ্যতি মহীমিমাম্॥ ১-১৯২-৪৩ (৮৬৩৬)
গন্ধর্ব উবাচ। ১-১৯২-৪৪x (১১০৪)
দ্বিরনুব্যাহৃতে রাজ্ঞঃ স শাপো বলবানভূৎ।
রক্ষোবলসমাবিষ্টো বিসংজ্ঞশ্চাভবন্নৃপঃ॥ ১-১৯২-৪৪ (৮৬৩৭)
ততঃ স নৃপতিশ্রেষ্ঠো রক্ষসাপহৃতেন্দ্রিয়ঃ।
উবাচ শখ্তিং তং দৃষ্ট্বা ন চিরাদিব ভারত॥ ১-১৯২-৪৫ (৮৬৩৮)
যস্মাদসদৃশঃ শাপঃ প্রয়ুক্তোঽয়ং ময়ি ৎবয়া।
তস্মাত্ৎবত্তঃ প্রবর্তিষ্যে খাদিতুং পুরুষানহম্॥ ১-১৯২-৪৬ (৮৬৩৯)
এবমুক্ৎবা ততঃ সদ্যস্তং প্রাণৈর্বিপ্রয়োজ্য চ।
শক্তিং তং ভক্ষয়ামাস ব্যাঘ্রঃ পশুমিবেপ্সিতম্॥ ১-১৯২-৪৭ (৮৬৪০)
শক্তিনং তু মৃতং দৃষ্ট্বা বিশ্বামিত্রঃ পুনঃপুনঃ।
বসিষ্ঠস্যৈব পুত্রেষু তদ্রক্ষঃ সংদিদেশ হ॥ ১-১৯২-৪৮ (৮৬৪১)
স তাঞ্শক্ত্যবরান্পুত্রান্বসিষ্ঠস্য মহাত্মনঃ।
ভক্ষয়ামাস সংক্রুদ্ধঃ সিংহঃ ক্ষুদ্রমৃগানিব॥ ১-১৯২-৪৯ (৮৬৪২)
বসিষ্ঠো ঘাতিতাঞ্শ্রুৎবা বিশ্বামিত্রেণ তান্সুতান্।
ধারয়ামাস তং শোকং মহাদ্রিরিব মেদিনীম্॥ ১-১৯২-৫০ (৮৬৪৩)
চক্রে চাত্মবিনাশায় বুদ্ধিং স মুনিসত্তমঃ।
ন ৎবেব কৌশিকোচ্ছেদং মেনে মতিমতাং বরঃ॥ ১-১৯২-৫১ (৮৬৪৪)
স মেরুকূটাদাত্মানং মুমোচ ভগবানৃষিঃ।
গিরেস্তস্য শিলায়াং তু তূলরাশাবিবাপতৎ॥ ১-১৯২-৫২ (৮৬৪৫)
ন মমার চ পাতেন স যদা তেন পাণ্ডব।
তদাগ্নিমিদ্ধং ভগবান্সংবিবেশ মহাবনে॥ ১-১৯২-৫৩ (৮৬৪৬)
তং তদা সুসমিদ্ধোঽপি ন দদাহ হুতাশনঃ।
দীপ্যমানোঽপ্যমিত্রঘ্ন শীতোঽগ্নিরভবত্ততঃ॥ ১-১৯২-৫৪ (৮৬৪৭)
স সমুদ্রমভিপ্রেক্ষ্য শোকাবিষ্টো মহামুনিঃ।
বদ্ধ্বা কণ্ঠে শিলাং গুর্বীং নিপপাত তদাম্ভসি॥ ১-১৯২-৫৫ (৮৬৪৮)
স সমুদ্রোর্মিবেগেন স্থলে ন্যস্তো মহামুনিঃ।
ন মমার যদা বিপ্রঃ কথংচিৎসংশিতব্রতঃ।
জগাম স ততঃ খিন্নঃ পুনরেবাশ্রমং প্রতি॥ ॥ ১-১৯২-৫৬ (৮৬৪৯)

ইতি শ্রীমন্মহাভারতে আদিপর্বণি চৈত্ররথপর্বণি দ্বিনবত্যধিকশততমোঽধ্যায়ঃ॥ ১৯২ ॥

Mahabharata – Adi Parva – Chapter Footnotes

১-১৯২-৯ যাজ্যার্থে অয়ং মম যাজ্যো ভবৎবিত্যেতদর্থম্॥ ১-১৯২-১০ একায়নগতঃ অতিসংকুচিতমার্গে গতঃ॥ ১-১৯২-৫২ মুমোচ পাতয়ামাস। আত্মানং দেহম্॥ দ্বিনবত্যধিকশততমোঽধ্যায়ঃ॥ ১৯২ ॥