আদিপর্ব – অধ্যায় ১৯১

আদিপর্ব – অধ্যায় ১৯১

॥ শ্রীঃ ॥

১.১৯১. অধ্যায়ঃ ১৯১

Mahabharata – Adi Parva – Chapter Topics

বসিষ্ঠোপাখ্যানে—বিশ্বামিত্রস্য বসিষ্ঠাশ্রমাভিগমনং॥ ১ ॥ বসিষ্ঠেন বিশ্বামিত্রস্যাতিথ্যকরণং॥ ২ ॥ বিশ্বামিত্রেণ বসিষ্ঠধেনুয়াচনং॥ ৩ ॥ বসিষ্ঠেনাদত্তায়া ধেনোঃ বিশ্বামিত্রেণ বলাৎকারেণ হরণং॥ ৪ ॥ কুপিতয়া নন্দিন্যা সৃষ্টৈঃ ম্লেচ্ছাদ্যৈঃ বিশ্বামিত্রপরাজয়ঃ॥ ৫ ॥ বিশ্বামিত্রস্য তপসা ব্রাহ্মণ্যপ্রাপ্তিঃ॥ ৬ ॥

Mahabharata – Adi Parva – Chapter Text

১-১৯১-০ (৮৫৩১)
অর্জুন উবাচ। ১-১৯১-০x (১০৮৪)
কিংনিমিত্তমভূদ্বৈরং বিশ্বামিত্রবসিষ্ঠয়োঃ।
বসতোরাশ্রমে দিব্যে শংস নঃ সর্বমেব তৎ॥ ১-১৯১-১ (৮৫৩২)
গন্ধর্ব উবাচ। ১-১৯১-২x (১০৮৫)
ইদং বাসিষ্ঠমাখ্যানং পুরাণং পরিচক্ষতে।
পার্থ সর্বেষু লোকেষু যথাবত্তন্নিবোধ মে॥ ১-১৯১-২ (৮৫৩৩)
কান্যকুব্জে মহানাসীৎপার্থিবো ভরতর্ষভ।
গাধীতি বিশ্রুতো লোকে কুশিকস্যাত্মসংভবঃ॥ ১-১৯১-৩ (৮৫৩৪)
তস্য ধর্মাত্মনঃ পুত্রঃ সমৃদ্ধবলবাহনঃ।
বিশ্বামিত্র ইতি খ্যতো বভূব রিপুমর্দনঃ॥ ১-১৯১-৪ (৮৫৩৫)
স চচার সহামাত্যো মৃগয়াং গহনে বনে।
মৃগান্বিধ্যন্বরাহাংশ্চ রম্যেষু মরুধন্বসু॥ ১-১৯১-৫ (৮৫৩৬)
ব্যায়ামকর্শিতঃ সোঽথ মৃগলিপ্সুঃ পিপাসিতঃ।
আজগাম নরশ্রেষ্ঠ বসিষ্ঠস্যাশ্রমং প্রতি॥ ১-১৯১-৬ (৮৫৩৭)
তমাগতমভিপ্রেক্ষ্য বসিষ্ঠঃ শ্রেষ্ঠভাগৃষিঃ।
বিশ্বামিত্রং নরশ্রেষ্ঠং প্রতিজগ্রাহ পূজয়া॥ ১-১৯১-৭ (৮৫৩৮)
পাদ্যার্ঘ্যাচমনীচৈস্তং স্বাগতেন চ ভারত।
তথৈব পরিজগ্রাহ বন্যেন হবিষা তদা॥ ১-১৯১-৮ (৮৫৩৯)
তস্যাথ কামধুগ্ধেনুর্বসিষ্ঠস্য মহাত্মনঃ।
উক্তা কামান্প্রয়চ্ছেতি সা কামান্দুদুহে ততঃ॥ ১-১৯১-৯ (৮৫৪০)
`বাষ্পাঢ্যস্যোদনস্যৈব রাশয়ঃ পর্বতোপমাঃ।
নিষ্ঠানানি চ সূপাংশ্চ দধিকুল্যাস্তথৈব চ॥ ১-১৯১-১০ (৮৫৪১)
কূপাংশ্চ ঘৃতসংপূর্ণান্গৌড্যান্নানি সহস্রশঃ।
ইক্ষূন্মধূনি লাজাংশ্চ মৈরেয়াংশ্চ বরাসবান্॥’ ১-১৯১-১১ (৮৫৪২)
গ্রাম্যারণ্যাশ্চৌষধীশ্চ দুদুহে পয় এব চ।
ষড্রসং চামৃতনিভং রসায়নমনুত্তমম্॥ ১-১৯১-১২ (৮৫৪৩)
ভোজনীয়ানি পেয়ানি ভক্ষ্যাণি বিবিধানি চ।
লেহ্যান্যমৃতকল্পানি চোষ্যাণি চ তথার্জুনা॥ ১-১৯১-১৩ (৮৫৪৪)
রত্নানি চ মহার্হাণি বাসাংসি বিবিধানি চ।
তৈঃ কামৈঃ সর্বসংপূর্ণৈঃ পূজিতশ্চ মহিপতিঃ॥ ১-১৯১-১৪ (৮৫৪৫)
সামাত্যঃ সবলশ্চৈব তুতোষ স ভৃশং তদা।
ষডুন্নতাং সুপার্শ্বোরুং পৃথুপঞ্চসমাবৃতাম্॥ ১-১৯১-১৫ (৮৫৪৬)
মণ্ডূকনেত্রাং স্বাকারাং পীনোধসমনিন্দিতাম্।
সুবালঘিং শঙ্কুকর্ণাং চারুশৃঙ্গাং মনোরমাম্॥ ১-১৯১-১৬ (৮৫৪৭)
পুষ্টায়তশিরোগ্রীবাং বিস্মিতঃ সোঽভিবীক্ষ্যতাম্।
অভিনন্দ্য স তাং রাজা নন্দিনীং গাধিনন্দনঃ॥ ১-১৯১-১৭ (৮৫৪৮)
অব্রবীচ্চ ভৃশং তুষ্টঃ স রাজা তমৃষিং তদা।
অর্বুদেন গবাং ব্রহ্মন্মম রাজ্যেন বা পুনঃ॥ ১-১৯১-১৮ (৮৫৪৯)
নন্দিনীং সংপ্রয়চ্ছস্ব ভুঙ্ক্ষ্ব রাজ্যং মহামুনে। ১-১৯১-১৯ (৮৫৫০)
বসিষ্ঠ উবাচ।
দেবতাতিথিপিত্রর্থং যাজ্যার্থং চ পয়স্বিনী॥ ১-১৯১-১৯x (১০৮৬)
অদেয়া নন্দিনীয়ং বৈ রাজ্যেনাপি তবানঘ। ১-১৯১-২০ (৮৫৫১)
বিশ্বামিত্র উবাচ।
`রত্নং হি ভগবন্নেতদ্রত্নহারী চ পার্থিবঃ।’
ক্ষত্রিয়োঽহং ভবান্বিপ্রস্তপঃস্বাধ্যায়সাধনঃ॥ ১-১৯১-২০x (১০৮৭)
ব্রাহ্ণেষু কুতো বীর্যং প্রশান্তেষু ধৃতাত্মসু।
অর্বুদেন গবাং যস্ৎবং ন দদাসি মমেপ্সিতম্॥ ১-১৯১-২১ (৮৫৫২)
স্বধর্মং ন প্রহাস্যামি নেষ্যামি চ বলেন গাম্। ১-১৯১-২২ (৮৫৫৩)
বসিষ্ঠ উবাচ।
বলস্থশ্চাসি রাজা চ বাহুবীর্যশ্চ ক্ষত্রিয়ঃ॥ ১-১৯১-২২x (১০৮৮)
যথেচ্ছসি তথা ক্ষিপ্রং কুরু মা ৎবং বিচারয়। ১-১৯১-২৩ (৮৫৫৪)
গন্ধর্ব উবাচ।
এবমুক্তস্তথা পার্থ বিশ্বামিত্রো বলাদিব॥ ১-১৯১-২৩x (১০৮৯)
হংসচন্দ্রপ্রতীকাশাং নন্দিনীং তাং জহার গাম্।
`সা তদা হ্রিয়মাণা চ বিশ্বামিত্রবলৈর্বলাৎ।’
কশাদণ্ডপ্রণুদিতা কাল্যমানা ইতস্ততঃ॥ ১-১৯১-২৪ (৮৫৫৫)
হংভায়মানা কল্যাণী বসিষ্ঠস্যাথ নন্দিনী।
আগম্যাভিমুখী পার্থ তস্থৌ ভগবদুন্মুখী॥ ১-১৯১-২৫ (৮৫৫৬)
ভৃশং চ তাড্যমানা বৈ ন জগামাশ্রমাত্ততঃ। ১-১৯১-২৬ (৮৫৫৭)
বসিষ্ঠ উবাচ।
শৃণোমি তে রবং ভদ্রে বিনদন্ত্যাঃ পুনঃ পুনঃ॥ ১-১৯১-২৬x (১০৯০)
হ্রিয়সে ৎবং বলাদ্ভদ্রে বিশ্বামিত্রেণ নন্দিনি।
কিং কর্তব্যং ময়া তত্র ক্ষমাবান্ব্রাহ্মণো হ্যহম্। ১-১৯১-২৭ (৮৫৫৮)
গন্ধর্ব উবাচ। ১-১৯১-২৮x (১০৯১)
সা ভয়ান্নন্দিনী তেষাং বলানাং ভরতর্ষভ।
বিশ্বামিত্রভয়োদ্বিগ্না বসিষ্ঠং সমুপাগমৎ॥ ১-১৯১-২৮ (৮৫৫৯)
গৌরুবাচ। ১-১৯১-২৯x (১০৯২)
কশাগ্রদণ্ডাভিহতাং ক্রোশন্তীং মামনাথবৎ।
বিশ্বামিত্রবলৈর্ঘোরৈর্ভগবন্ কিমুপেক্ষসে॥ ১-১৯১-২৯ (৮৫৬০)
গন্ধর্ব উবাচ। ১-১৯১-৩০x (১০৯৩)
এবং তস্যাং তদা পার্থ ধর্ষিতায়াং মহামুনিঃ।
ন চুক্ষুভে তদা ধৈর্যান্ন চচাল ধৃতব্রতঃ॥ ১-১৯১-৩০ (৮৫৬১)
বসিষ্ঠ উবাচ। ১-১৯১-৩১x (১০৯৪)
ক্ষত্রিয়াণাং বলং তেজো ব্রাহ্মণানাং ক্ষমা বলম্।
ক্ষমা মাং ভজতে যস্মাদ্গম্যতাং যদি রোচতে॥ ১-১৯১-৩১ (৮৫৬২)
নন্দিন্যুবাচ। ১-১৯১-৩২x (১০৯৫)
কিং নু ত্যক্তাঽস্মি ভগবন্যদেবং ৎবং প্রভাষসে।
অত্যক্তাঽহং ৎবয়া ব্রহ্মন্নেতুং শক্যা ন বৈ বলাৎ॥ ১-১৯১-৩২ (৮৫৬৩)
বসিষ্ঠ উবাচ। ১-১৯১-৩৩x (১০৯৬)
ন ৎবাং ত্যজামি কল্যাণি স্থীয়তাং যদি শক্যতে।
দৃঢেন দাম্না বদ্ধ্বৈষ বৎসস্তে হিয়তে বলাৎ॥ ১-১৯১-৩৩ (৮৫৬৪)
গন্ধর্ব উবাচ। ১-১৯১-৩৪x (১০৯৭)
স্থীয়তামিতি তচ্ছ্রুৎবা বসিষ্ঠস্য পয়স্বিনী।
ঊর্ধ্বাঞ্চিতশিরোগ্রীবা প্রবভৌ রৌদ্রদর্শনা॥ ১-১৯১-৩৪ (৮৫৬৫)
ক্রোধরক্তেক্ষণা সা গৌর্হংভারবঘনস্বনা।
বিশ্বামিত্রস্য তৎসৈন্যং ব্যদ্রাবয়ত সর্বশঃ॥ ১-১৯১-৩৫ (৮৫৬৬)
কশাগ্রদণ্ডাভিহতা কাল্যমানা ততস্ততঃ।
ক্রোধরক্তেক্ষণা ক্রোধং ভূয় এব সমাদদে॥ ১-১৯১-৩৬ (৮৫৬৭)
আদিত্য ইব মধ্যাহ্নে ক্রোধদীপ্তবপুর্বভৌ।
অঙ্গারবর্ষং মুঞ্চন্তী মুহুর্বালধিতো মহৎ॥ ১-১৯১-৩৭ (৮৫৬৮)
অসৃজৎপহ্লবান্পুচ্ছাৎপ্রস্রবাদ্দ্রাবিডাঞ্ছকান্।
যোনিদেশাচ্চ যবানাঞ্শকৃতঃ শবরান্বহূন্॥ ১-১৯১-৩৮ (৮৫৬৯)
মূত্রতশ্চাসৃজৎকাংশ্চিচ্ছবরাংশ্চৈব পার্শ্বতঃ।
পৌণ্ড্রান্কিরাতান্যবনান্সিংহলান্বর্বরান্খসান্॥ ১-১৯১-৩৯ (৮৫৭০)
চিবুকাংশ্চ পুলিন্দাংশ্চ চীনান্হূণান্সকেরলান্।
সসর্জ ফেনতঃ সা গৌর্ম্লেচ্ছান্বহুবিধানপি॥ ১-১৯১-৪০ (৮৫৭১)
তৈর্বিসৃষ্টৈর্মহাসৈন্যৈর্নানাম্লেচ্ছগণৈস্তদা।
নানাবরণসংছন্নৈর্নানায়ুধধরৈস্তথা॥ ১-১৯১-৪১ (৮৫৭২)
অবাকীর্যত সংরব্ধৈর্বিশ্বামিত্রস্য পশ্যতঃ।
একৈকশ্চ তদা যোধঃ পঞ্চভিঃ সপ্তভির্বৃতঃ॥ ১-১৯১-৪২ (৮৫৭৩)
অস্ত্রবর্ষেণ মহতা বধ্যমানং বলং তদা।
প্রভগ্নং সর্বতস্ত্রস্তং বিশ্বামিত্রস্য পশ্যতঃ॥ ১-১৯১-৪৩ (৮৫৭৪)
`তস্য তচ্চতুরঙ্গং বৈ বলং পরমদুঃসহম্।
প্রভগ্নং সর্বতো ঘোরং পয়স্বিন্যা বিনির্জিতম্॥’ ১-১৯১-৪৪ (৮৫৭৫)
ন চ প্রাণৈর্বিয়ুজ্যন্তে কেচিত্তত্রাস্য সৈনিকাঃ।
বিশ্বামিত্রস্য সংক্রুদ্ধৈর্বাসিষ্ঠৈর্ভরতর্ষভ॥ ১-১৯১-৪৫ (৮৫৭৬)
সা গৌস্তৎসকলং সৈন্যং কালয়ামাস দূরতঃ।
বিশ্বামিত্রস্য তৎসৈন্যং কাল্যমানং ত্রিয়োজনম্॥ ১-১৯১-৪৬ (৮৫৭৭)
ক্রোশমানং ভয়োদ্বিগ্নং ত্রাতারং নাধ্যগচ্ছত।
`বিশ্বামিত্রস্ততো দৃষ্ট্বা ক্রোধাবিষ্টঃ স রোদসী॥ ১-১৯১-৪৭ (৮৫৭৮)
ববর্ষ শরবর্ষাণি বসিষ্ঠে মুনিসত্তমে।
ঘোররূপাংশ্চ নারাচান্ক্ষুরান্ভল্লান্মহামুনিঃ॥ ১-১৯১-৪৮ (৮৫৭৯)
বিশ্বামিত্রপ্রয়ুক্তাংস্তান্বৈণবেন ব্যমোচয়ৎ।
বসিষ্ঠস্য তদা দৃষ্ট্বা কর্মকৌশলমাহবে॥ ১-১৯১-৪৯ (৮৫৮০)
বিশ্বামিত্রোঽপি কোপেন ভূয়ঃ শত্রুনিপাতনঃ।
দিব্যাস্ত্রবর্ষং তস্মৈ স প্রাহিণোন্মুনয়ে রুষা॥ ১-১৯১-৫০ (৮৫৮১)
আগ্নেয়ং বারুণং চৈন্দ্রং যাম্যং বায়ব্যমেব চ।
বিসসর্জ মহাভাগে বসিষ্ঠে ব্রহ্মণঃ সুতে॥ ১-১৯১-৫১ (৮৫৮২)
অস্ত্রাণি সর্বতো জ্বালাং বিসৃজন্তি প্রপেদিরে।
যুগান্তসময়ে ঘোরাঃ পতঙ্গস্যেব রশ্ময়ঃ॥ ১-১৯১-৫২ (৮৫৮৩)
বসিষ্ঠোঽপি মহাতেজা ব্রহ্মশক্তিপ্রয়ুক্তয়া।
যষ্ট্যা নিবারয়ামাস সর্বাণ্যস্ত্রাণি স স্ময়ন্॥ ১-১৯১-৫৩ (৮৫৮৪)
ততস্তে ভস্মসাদ্ভূতাঃ পতন্তি স্ম মহীতলে।
অপোহ্য দিব্যান্যস্ত্রাণি বসিষ্ঠো বাক্যমব্রবীৎ॥ ১-১৯১-৫৪ (৮৫৮৫)
নির্জিতোঽসি মহারাজ দুরাত্মন্গাধিনন্দন।
যদি তেঽস্তি পরং শৌর্যং তদ্দর্শয় ময়ি স্থিতে॥ ১-১৯১-৫৫ (৮৫৮৬)
গন্ধর্ব উবাচ। ১-১৯১-৫৬x (১০৯৮)
বিশ্বামিত্রস্তথা চোক্তো বসিষ্ঠেন নরাধিপঃ।
নোবাচ কিংচিদ্ব্রীডাঢ্যো বিদ্রাবিতমহাবলঃ’॥ ১-১৯১-৫৬ (৮৫৮৭)
দৃষ্ট্বা তন্মহদাশ্চর্যং ব্রহ্মতেজোভবং তদা।
বিশ্বামিত্রঃ ক্ষত্রভাবান্নির্বিণ্ণো বাক্যমব্রবীৎ।
ধিগ্বলং ক্ষত্রিয়বলং ব্রহ্মতেজোবলং বলম্॥ ১-১৯১-৫৭ (৮৫৮৮)
বলাবলে বিনিশ্চিত্য তপ এব পরং বলম্। ১-১৯১-৫৮ (৮৫৮৯)
গন্ধর্ব উবাচ।
স রাজ্যং স্ফীতমুৎসৃজ্য তাং চ দীপ্তাং নৃপশ্রিয়ম্॥ ১-১৯১-৫৮x (১০৯৯)
ভোগাংশ্চ পৃষ্ঠতঃ কৃৎবা তপস্যেব মনো দধে।
স গৎবা তপসা সিদ্ধিং লোকান্বিষ্টভ্য তেজসা॥ ১-১৯১-৫৯ (৮৫৯০)
ততাপ সর্বান্দীপ্তৌজা ব্রাহ্মণৎবমবাপ্তবান্।
অপিবচ্চ ততঃ সোমমিন্দ্রেণ সহ কৌশিকঃ॥ ১-১৯১-৬০ (৮৫৯১)
`এবংবীর্যস্তু রাজর্ষির্বিপ্রর্ষিঃ সংবভূব হ’॥ ॥ ১-১৯১-৬১ (৮৫৯২)

ইতি শ্রীমন্মহাভারতে আদিপর্বণি চৈত্ররথপর্বমি একনবত্যধিকশততমোঽধ্যায়ঃ॥ ১৯১ ॥

Mahabharata – Adi Parva – Chapter Footnotes

১-১৯১-৫ মরুধন্বসু মরুসংজ্ঞকেষ্বল্পজলপ্রদেশেষু॥ ১-১৯১-৩৮ পহ্লবাদয়ো ম্লেচ্ছবিশেষাঃ॥ একনবত্যধিকশততমোঽধ্যায়ঃ॥ ১৯১ ॥