আদিপর্ব – অধ্যায় ১৯০
॥ শ্রীঃ ॥
১.১৯০. অধ্যায়ঃ ১৯০
Mahabharata – Adi Parva – Chapter Topics
গন্ধর্বেণ বসিষ্ঠমাহাত্ম্যকথনপূর্বকং পাণ্ডবানাং পুরোহিতসংগ্রহণোপদেশঃ॥ ১ ॥
Mahabharata – Adi Parva – Chapter Text
১-১৯০-০ (৮৫১৪)
বৈশম্পায়ন উবাচ। ১-১৯০-০x (১০৮২)
স গন্ধর্ববচঃ শ্রুৎবা তত্তদা ভরতর্ষভ।
অর্জুনঃ পরয়া ভক্ত্যা পূর্ণচন্দ্র ইবাবভৌ॥ ১-১৯০-১ (৮৫১৫)
উবাচ চ মহেষ্বাসো গন্ধর্বং কুরুসত্তমঃ।
জাতকৌতূহলোঽতীব বসিষ্ঠস্য তপোবলাৎ॥ ১-১৯০-২ (৮৫১৬)
বসিষ্ঠ ইতি তস্যৈতদৃষের্নাম ৎবয়েরিতম্।
এতদিচ্ছাম্যহং শ্রোতুং যথাবত্তদ্বদস্ব মে॥ ১-১৯০-৩ (৮৫১৭)
য এষ গন্ধর্বপতে পূর্বেষাং নঃ পুরোহিতঃ।
আসীদেতন্মমাচক্ষ্ব ক এষ ভগবানৃষিঃ॥ ১-১৯০-৪ (৮৫১৮)
গন্ধর্ব উবাচ। ১-১৯০-৫x (১০৮৩)
ব্রহ্মণো মানসঃ পুত্রো বসিষ্ঠোঽরুন্ধতীপতিঃ।
তপসা নির্জিতৌ শশ্বদজেয়াবমরৈরপি॥ ১-১৯০-৫ (৮৫১৯)
কামক্রোধাবুভৌ যস্য চরণৌ সমুবাহতুঃ।
ইন্দ্রিয়াণাং বশকরো বশিষ্ঠ ইতি চোচ্যতে॥ ১-১৯০-৬ (৮৫২০)
`যথা কামশ্চ ক্রোধশ্চ নির্জিতাবজিতৌ নরৈঃ।
জিতারয়ো জিতা লোকাঃ পন্থানশ্চ জিতা দিশঃ॥’ ১-১৯০-৭ (৮৫২১)
যস্তু নোচ্ছেদনং চক্রে কুশিকানামুদারধীঃ।
বিশ্বামিত্রাপরাধেন ধারয়ন্মন্যুমুত্তমম্॥ ১-১৯০-৮ (৮৫২২)
পুত্রব্যসনসংতপ্তঃ শক্তিমানপ্যশক্তবৎ।
বিশ্বামিত্রবিনাশায় ন চক্রে কর্ম দারুণম্॥ ১-১৯০-৯ (৮৫২৩)
মৃতাংশ্চ পুনরাহর্তুং শক্তঃ পুত্রান্যমক্ষয়াৎ।
কৃতান্তং নাতিচক্রাম বেলামিব মহোদধিঃ॥ ১-১৯০-১০ (৮৫২৪)
যং প্রাপ্য বিজিতাত্মানং মহাত্মানং নরাধিপাঃ।
ইক্ষ্বাকবো মহীপালা লেভিরে পৃথিবীমিমাম্॥ ১-১৯০-১১ (৮৫২৫)
পুরোহিতমিমং প্রাপ্য বসিষ্ঠমৃষিসত্তমম্।
ঈজিরে ক্রতুভিশ্চৈব নৃপাস্তে কুরুনন্দন॥ ১-১৯০-১২ (৮৫২৬)
স হি তান্যাজয়ামাস সর্বান্নৃপতিসত্তমান্।
ব্রহ্মর্ষিঃ পাণ্ডবশ্রেষ্ঠ বৃহস্পতিরিবামরান্॥ ১-১৯০-১৩ (৮৫২৭)
তস্মাদ্ধর্মপ্রধানাত্মা বেদধর্মবিদীপ্সিতঃ।
ব্রাহ্মণো গুণবান্কশ্চিৎপুরোধাঃ প্রতিদৃশ্যতাম্॥ ১-১৯০-১৪ (৮৫২৮)
ক্ষত্রিয়েণাভিজাতেন পৃথিবীং জেতুমিচ্ছতা।
পূর্বং পুরোহিতঃ কার্যঃ পার্থ রাজ্যাভিবৃদ্ধয়ে॥ ১-১৯০-১৫ (৮৫২৯)
মহীং জিগীষতা রাজ্ঞা ব্রহ্ম কার্যং পুরঃস্কৃতম্।
তস্মাৎপুরোহিতঃ কশ্চিদ্গুণবান্বিজিতেন্দ্রিয়ঃ।
বিদ্বান্ভবতু বো বিপ্রো ধর্মকামার্থতত্ৎববিৎ॥ ॥ ১-১৯০-১৬ (৮৫৩০)
ইতি শ্রীমন্মহাভারতে আদিপর্বমি চৈত্ররথপর্বণি নবত্যধিকশততমোঽধ্যায়ঃ॥ ১৯০ ॥
Mahabharata – Adi Parva – Chapter Footnotes
১-১৯০-২ তপোবলাৎ তপোবলং শ্রুৎবা॥ ১-১৯০-৭ জিতারয়ঃ জিতা অস্য ইতি চ্ছেদঃ॥ ১-১৯০-৮ অপরাধেন পুত্রশতবধরূপেণ॥ নবত্যধিকশততমোঽধ্যায়ঃ॥ ১৯০ ॥