আদিপর্ব – অধ্যায় ১৮৯

আদিপর্ব – অধ্যায় ১৮৯

॥ শ্রীঃ ॥

১.১৮৯. অধ্যায়ঃ ১৮৯

Mahabharata – Adi Parva – Chapter Topics

পুনরন্তর্হিতায়াং তপত্যাং মোহিতস্য সংবরণস্য সমীপে অমাত্যাদীনামাগমনং॥ ১ ॥ অমাত্যেনাশ্বাসিতস্য রাজ্ঞঃ সূর্যোপাসনসময়ে বসিষ্ঠস্যাগমনং॥ ২ ॥ সূর্যসমীপং গৎবা বসিষ্ঠেনাদিত্যস্তুতিকরণং॥ ৩ ॥ স্তুত্যা তুষ্টেন সূর্যেণ সংবরণার্থং বসিষ্ঠায় তপতীদানং॥ ৪ ॥ তস্মিন্নেব তপতীসংবরণয়োর্বিবাহঃ॥ ৫ ॥ তয়া সহ তত্রৈব রমমাণস্য সংবরণস্য রাজ্যে দ্বাদশবার্ষিক্যনাবৃষ্টিঃ॥ ৬ ॥ বসিষ্ঠেনানাবৃষ্টিনিবর্তনং॥ ৭ ॥ তপত্যুপাখ্যানোপসংহারঃ॥ ৮ ॥

Mahabharata – Adi Parva – Chapter Text

১-১৮৯-০ (৮৪৫৭)
গন্ধর্ব উবাচ। ১-১৮৯-০x (১০৭৬)
এবমুক্ৎবা ততস্তূর্ণং জগামোর্ধ্বমনিন্দিতা।
`তপতীতপতীত্যেব বিললাপাতুরো নৃপঃ॥ ১-১৮৯-১ (৮৪৫৮)
প্রাস্স্বলচ্চাসকৃদ্রাজা পুনরুত্থায় ধাবতি।
ধাবমানস্তু তপতীমদৃষ্ট্বৈব মহীপতিঃ।’
স তু রাজা পুনর্ভূমৌ তত্রৈব নিপপাত হ॥ ১-১৮৯-২ (৮৪৫৯)
অন্বেষমাণঃ সবলস্তং রাজানং নৃপোত্তমম্।
অমাত্যঃ সানুয়াত্রশ্চ তং দদর্শ মহাবনে॥ ১-১৮৯-৩ (৮৪৬০)
ক্ষিতৌ নিপতিতং কালে শক্রধ্বজমিবোচ্ছ্রিতম্।
ত হি দৃষ্ট্বা মহেষ্বাসং নিরস্তং পতিতং ভুবি॥ ১-১৮৯-৪ (৮৪৬১)
বভূব সোঽস্য সচিবঃ সংপ্রদীপ্ত ইবাগ্নিনা।
ৎবরয়া চোপসঙ্গম্য স্নেহাদাগতসংভ্রমঃ॥ ১-১৮৯-৫ (৮৪৬২)
তং সমুত্থাপয়ামাস নৃপতিং কামমোহিতম্।
ভূতলাদ্ভূমিপালেশং পিতেব পতিতং সুতম্॥ ১-১৮৯-৬ (৮৪৬৩)
প্রজ্ঞয়া বয়সা চৈব বৃদ্ধঃ কীর্ত্যা নয়েন চ।
অমাত্যস্তং সমুত্থাপ্য বভূব বিগতজ্বরঃ॥ ১-১৮৯-৭ (৮৪৬৪)
উবাচ চৈনং কল্যাণ্যা বাচা মধুরয়োত্থিম্।
মা ভৈর্মনুজশার্দূল ভদ্রমস্তু তবানঘ॥ ১-১৮৯-৮ (৮৪৬৫)
ক্ষুৎপিপাসাপরিশ্রান্তং তর্কয়ামাস বৈ নৃপম্।
পতিতং পাতনং সঙ্খ্যে শাত্রবাণাং মহীতলে॥ ১-১৮৯-৯ (৮৪৬৬)
বারিণা চ সুশীতেন শিরস্তস্যাভ্যষেচয়ৎ।
অস্পৃশন্মুকুটং রাজ্ঞঃ পুণ্ডরীকসুগন্ধিনা॥ ১-১৮৯-১০ (৮৪৬৭)
ততঃ প্রত্যাগতপ্রাণস্তদ্বলং বলবান্নৃপঃ।
সর্বং বিসর্জয়ামাস তমেকং সচিবং বিনা॥ ১-১৮৯-১১ (৮৪৬৮)
ততস্তস্যাজ্ঞয়া রাজ্ঞো বিপ্রতস্থে মহদ্বলম্।
স তু রাজা গিরিপ্রস্থে তস্মিন্পুনরুপাবিশৎ॥ ১-১৮৯-১২ (৮৪৬৯)
ততস্তস্মিন্ গিরিবরে শুচির্ভূৎবা কৃতাঞ্জলিঃ।
আরিরাধয়িষুঃ সূর্যং তস্থাবূর্ধ্বমুখঃ ক্ষিতৌ॥ ১-১৮৯-১৩ (৮৪৭০)
জগাম মনসা চৈব বসিষ্ঠমৃষিসত্তমম্।
পুরোহিতমমিত্রঘ্নং তদা সংবরণো নৃপঃ॥ ১-১৮৯-১৪ (৮৪৭১)
নক্তন্দিনমথৈকত্র স্থিতে তস্মিঞ্জনাধিপে।
অথাজগাম বিপ্রর্ষিস্তদা দ্বাদশমেঽহনি॥ ১-১৮৯-১৫ (৮৪৭২)
স বিদিৎবৈব নৃপতিং তপত্যা হৃতমানসম্।
দিব্যেন বিধিনা জ্ঞাৎবা ভাবিতাত্মা মহানৃপিঃ॥ ১-১৮৯-১৬ (৮৪৭৩)
তথা তু নিয়তাত্মানং তং নৃপং মুনিসত্তমঃ।
আবভাষে স ধর্মাত্মা তস্যৈবার্থচিকীর্ষয়া॥ ১-১৮৯-১৭ (৮৪৭৪)
স তস্য মনুজেন্দ্রস্য পশ্যতো ভগবানৃষিঃ।
ঊর্ধ্বমাচক্রমে দ্রষ্টুং ভাস্করং ভাস্করদ্যুতিঃ॥ ১-১৮৯-১৮ (৮৪৭৫)
`যোজনানাং তু নিয়ুতং ক্ষণাদ্গৎবা তপোধনঃ।’
সহস্রাংশুং ততো বিপ্রঃ কৃতাঞ্জলিরুপস্থিতঃ।
বসিষ্ঠোহমিতি প্রীত্যা স চাত্মানং ন্যবেদয়ৎ॥ ১-১৮৯-১৯ (৮৪৭৬)
তমুবাচ মহাতেজা বিবস্বান্মুনিসত্তমম্।
মহর্ষে স্বাগতং তেঽস্তু কথয়স্ব যথেপ্সিতম্॥ ১-১৮৯-২০ (৮৪৭৭)
যদিচ্ছসি মহাভাগ মত্তঃ প্রবদতাং বর।
তত্তে দদ্যামভিপ্রেতং যদ্যপি স্যাৎসুদুর্লভম্॥ ১-১৮৯-২১ (৮৪৭৮)
এবমুক্তঃ স তেনর্ষির্বসিষ্ঠঃ সংস্তুবন্গিরা।
প্রণিপত্য বিবস্বন্তং ভানুমন্তমথাব্রবীৎ॥ ১-১৮৯-২২ (৮৪৭৯)
`যোজনানাং চতুষ্ষষ্টিং নিমেষাত্ত্রিশতং তথা।
অশ্বৈর্গচ্ছতি নিত্যং যস্তৎপার্শ্বস্থোঽব্রবীদিদম্॥ ১-১৮৯-২৩ (৮৪৮০)
বসিষ্ঠ উবাচ। ১-১৮৯-২৪x (১০৭৭)
অজায় লোকত্রয়পাবনায়
ভূতাত্মনে গোপতয়ে বৃষায়।
সূর্যায় সর্গপ্রলয়ালয়ায়
নমো মহাকারুণিকোত্তমায়॥ ১-১৮৯-২৪ (৮৪৮১)
বিবস্বতে জ্ঞানভৃতেঽন্তরাত্মনে
জগৎপ্রদীপায় জগদ্ধিতৈষিণে।
স্বয়ংভুবে দীপ্তসহস্রচক্ষুষে
সুরোত্তমায়ামিততেজসে নমঃ॥ ১-১৮৯-২৫ (৮৪৮২)
নমঃ সবিত্রে জগদেকচক্ষুষে
জগৎপ্রসূতিস্থিতিনাশহেতবে।
ত্রয়ীময়ায় ত্রিগুণাত্মধারিণে
বিরিঞ্চনারায়ণশঙ্করাত্মনে॥ ১-১৮৯-২৬ (৮৪৮৩)
সূর্য উবাচ। ১-১৮৯-২৭x (১০৭৮)
সংস্তুতো বরদঃ সোঽহং বরং বরয় সুব্রত।
স্তুতিস্ৎবয়োক্তা ভক্তানাং জপ্যেয়ং বগ্দোস্ম্যহম্’॥ ১-১৮৯-২৭ (৮৪৮৪)
বসিষ্ঠ উবাচ। ১-১৮৯-২৮x (১০৭৯)
যৈষা তে তপতী নাম সাবিত্র্যবরজা সুতা।
তাং ৎবাং সংবরণস্যার্থে বরয়ামি বিভাবসো॥ ১-১৮৯-২৮ (৮৪৮৫)
স হি রাজা বৃহৎকীর্তির্ধর্মার্থবিদুদারধীঃ।
যুক্তঃ সংবরণো ভর্তা দুহিতুস্তে বিহঙ্গম॥ ১-১৮৯-২৯ (৮৪৮৬)
গন্ধর্ব উবাচ। ১-১৮৯-৩০x (১০৮০)
ইত্যুক্তঃ স তদা তেন দদানীত্যেব নিশ্চিতঃ।
প্রত্যভাষত তং বিপ্রং প্রতীনন্দ্য দিবাকরঃ॥ ১-১৮৯-৩০ (৮৪৮৭)
বরঃ সংবরণো রাজ্ঞাং ৎবমৃষীণাং বরো মুনে।
তপতী যোষিতাং শ্রেষ্ঠা কিমন্যত্রাপবর্জনাৎ॥ ১-১৮৯-৩১ (৮৪৮৮)
ততঃ সর্বানবদ্যাঙ্গীং তপতীং তপনঃ স্বয়ম্।
দদৌ সংবরণস্যার্থে বসিষ্ঠায় মহাত্মনে॥ ১-১৮৯-৩২ (৮৪৮৯)
প্রতিজগ্রাহ তাং কন্যাং মহর্ষিস্তপতীং তদা।
বসিষ্ঠোঽথ বিসৃষ্টস্তু পুনরেবাজগাম হ॥ ১-১৮৯-৩৩ (৮৪৯০)
যত্র বিখ্যাতকীর্তিঃ স কুরূণামৃষভোঽভবৎ।
স রাজা মন্মথাবিষ্টস্তদ্গতেনান্তরাত্মনা॥ ১-১৮৯-৩৪ (৮৪৯১)
দৃষ্ট্বা চ দেবকন্যাং তাং তপতীং চারুহাসিনীম্।
বসিষ্ঠেন সহায়ান্তীং সংহৃষ্টোঽভ্যধিকং বভৌ॥ ১-১৮৯-৩৫ (৮৪৯২)
রুরুচে সাঽধিকং সুভ্রূরাপতন্তী নভস্তলাৎ।
সৌদামনীব বিভ্রষ্টা দ্যোতয়ন্তী দিশস্ৎবিষা॥ ১-১৮৯-৩৬ (৮৪৯৩)
কৃচ্ছ্রাদ্দ্বাদশরাত্রে তু তস্য রাজ্ঞঃ সমাহিতে।
আজগাম বিশুদ্ধাত্মা বসিষ্ঠো ভগবানৃষিঃ॥ ১-১৮৯-৩৭ (৮৪৯৪)
তপসাঽঽরাধ্য বরদং দেবং গোপতিমীশ্বরম্।
লেভে সংবরণো ভার্যাং বসিষ্ঠস্যৈব তেজসা॥ ১-১৮৯-৩৮ (৮৪৯৫)
ততস্তস্মিন্গিরিশ্রেষ্ঠে দেবগন্ধর্বসেবিতে।
জগ্রাহ বিধিবৎপাণিং তপত্যাঃ স নরর্ষভঃ॥ ১-১৮৯-৩৯ (৮৪৯৬)
বসিষ্ঠেনাভ্যনুজ্ঞাতস্তস্মিন্নেব ধরাধরে।
সোঽকাময়ত রাজর্ষির্বিহর্তুং সহ ভার্যযা॥ ১-১৮৯-৪০ (৮৪৯৭)
ততঃ পুরে চ রাষ্ট্রে চ বনেষূপবনেষু চ।
আদিদেশ মহীপালস্তমেব সচিবং তদা॥ ১-১৮৯-৪১ (৮৪৯৮)
নৃপতিং ৎবভ্যনুজ্ঞাপ্য বসিষ্ঠোঽথাপচক্রমে।
সোঽথ রাজা গিরৌ তস্মিন্বিজহারামরো যথা॥ ১-১৮৯-৪২ (৮৪৯৯)
ততো দ্বাদশবর্ষাণি কাননেষু বনেষু চ।
রেমে তস্মিন্গিরৌ রাজা তয়ৈব সহ ভার্যযা॥ ১-১৮৯-৪৩ (৮৫০০)
তস্য রাজ্ঞঃ পুরে তস্মিন্সমা দ্বাদশ সত্তম।
ন ববর্ষ সহস্রাক্ষো রাষ্ট্রে চৈবাস্য ভারত॥ ১-১৮৯-৪৪ (৮৫০১)
ততস্তস্যামনাবৃষ্ট্যাং প্রবৃত্তায়ামরিন্দম।
প্রজাঃ ক্ষয়মুপাজগ্মুঃ সর্বাঃ সস্থাণুজঙ্গমাঃ॥ ১-১৮৯-৪৫ (৮৫০২)
তস্মিংস্তথাবিধে কালে বর্তমানে সুদারুণে।
নাবশ্যায়ঃ পপাতোর্ব্যাং ততঃ সস্যানি নাঽরুহন্॥ ১-১৮৯-৪৬ (৮৫০৩)
ততো বিভ্রান্তমনসো জনাঃ ক্ষুদ্ভপীডিতাঃ।
গৃহাণি সংপরিত্যজ্য বভ্রমুঃ প্রদিশো দিশঃ॥ ১-১৮৯-৪৭ (৮৫০৪)
ততস্তস্মিন্পুরে রাষ্ট্রে ত্যক্তদারপরিগ্রহাঃ।
পরস্পরমমর্যাদাঃ ক্ষুধার্তা জঘ্নিরে জনাঃ॥ ১-১৮৯-৪৮ (৮৫০৫)
তৎক্ষুধার্তৈর্নিরানন্দৈঃ শবভূতৈস্তথা নরৈঃ।
অভবৎপ্রেতরাজস্য পুরং প্রেতৈরিবাবৃতম্॥ ১-১৮৯-৪৯ (৮৫০৬)
ততস্তত্তাদৃশং দৃষ্ট্বা স এব ভগবানৃষিঃ।
অভ্যাদ্রবত ধর্মাত্মা বসিষ্ঠো মুনিসত্তমঃ॥ ১-১৮৯-৫০ (৮৫০৭)
তং চ পার্থিবশার্দূলমানয়ামাস তৎপুরম্।
তপত্যা সহিতং রাজন্বর্ষে দ্বাদশমে গতে।
ততঃ প্রবৃষ্টস্তত্রাসীদ্যথাপূর্বং সুরারিহা॥ ১-১৮৯-৫১ (৮৫০৮)
তস্মিন্নৃপতিশার্দূলে প্রবিষ্টে নগরং পুনঃ।
প্রববর্ষ সহস্রাক্ষঃ সস্যানি জনয়ন্প্রভুঃ॥ ১-১৮৯-৫২ (৮৫০৯)
ততঃ সরাষ্ট্রং মুমুদে তৎপুরং পরয়া মুদা।
তেন পার্থিবমুখ্যেন ভাবিতং ভাবিতাত্মনা॥ ১-১৮৯-৫৩ (৮৫১০)
ততো দ্বাদশ বর্ষাণি পুনরীজে নরাধিপঃ।
তপত্যা সহিতঃ পত্ন্যা যথা শচ্যা মরুৎপতিঃ॥ ১-১৮৯-৫৪ (৮৫১১)
গন্ধর্ব উবাচ। ১-১৮৯-৫৫x (১০৮১)
এবমাসীন্মহাভাগা তপতী নাম পৌর্বিকী।
তব বৈবস্বতী পার্থ তাপত্যস্ৎবং যয়া মতঃ॥ ১-১৮৯-৫৫ (৮৫১২)
তস্যাং সংজনয়ামাস কুরুং সংবরণো নৃপঃ।
তপত্যাং তপতাং শ্রেষ্ঠ তাপত্যস্ৎবং ততোঽর্জুন॥ ॥ ১-১৮৯-৫৬ (৮৫১৩)

ইতি শ্রীমন্মহাভারতে আদিপর্বণি চৈত্ররথপর্বণি একোননবত্যধিকশততমোঽধ্যায়ঃ॥ ১৮৯ ॥

Mahabharata – Adi Parva – Chapter Footnotes

১-১৮৯-১০ মুকুটং তৎস্থানং ললাটম্॥ ১-১৮৯-১৫ দ্বাদশমে দ্বাদশসংখ্যযা মিতে॥ ১-১৮৯-১৬ দিব্যেন বিধিনা যোগবলেন॥ একোননবত্যধিকশততমোঽধ্যায়ঃ॥ ১৮৯ ॥