আদিপর্ব – অধ্যায় ১৮৫

আদিপর্ব – অধ্যায় ১৮৫

॥ শ্রীঃ ॥

১.১৮৫. অধ্যায়ঃ ১৮৫

Mahabharata – Adi Parva – Chapter Topics

পাঞ্চালনগরং গচ্ছতাং পাণ্ডবানাং মার্গে ব্রাহ্মণৈঃ সহ সংবাদঃ॥ ১ ॥

Mahabharata – Adi Parva – Chapter Text

১-১৮৫-০ (৮২৭৮)
বৈশম্পায়ন উবাচ। ১-১৮৫-০x (১০৫৫)
গতে ভগবতি ব্যাসে পাণ্ডবা হৃষ্টমানসাঃ।
`তে প্রয়াতা নরব্যাঘ্রা মাত্রা সহ পরন্তপাঃ॥ ১-১৮৫-১ (৮২৭৯)
ব্রাহ্মণান্গচ্ছতো পশ্যন্পাঞ্চালান্সগণান্পথি।
অথ তে ব্রাহ্মণা ঊচুঃ পাণ্ডবান্ব্রহ্মচারিণঃ॥ ১-১৮৫-২ (৮২৮০)
ক্ব ভবন্তো গমিষ্যন্তি কুতো বাঽঽগচ্ছথেতি হ। ১-১৮৫-৩ (৮২৮১)
যুধিষ্ঠির উবাচ।
প্রয়াতানেকচক্রায়াঃ সোদর্যান্দেবদর্শিনঃ॥ ১-১৮৪-৩x (১০৫৬)
ভবন্তো নোঽভিজানন্তু সহিতান্ব্রহ্মচারিণঃ।
গচ্ছতো নস্তু পাঞ্চালান্দ্রুপদস্য পুরং প্রতি॥ ১-১৮৫-৪ (৮২৮২)
ইচ্ছামো ভবতো জ্ঞাতুং পরং কৌতূহলং হি নঃ॥ ১-১৮৫-৫ (৮২৮৩)
ব্রাহ্মণা ঊচুঃ। ১-১৮৫-৬x (১০৫৭)
এতে সার্ধং প্রয়াতাঃ স্মো বয়মপ্যত্র গামিনঃ।
তত্রাপ্যদ্ভুতসঙ্কাশ উৎসবো ভবিতা মহান্॥ ১-১৮৫-৬ (৮২৮৪)
ততস্তু যজ্ঞসেনস্য দ্রুপদস্য মহাত্মনঃ।
যাসাবয়োনিজা কন্যা স্থাস্যতে সা স্বয়ংবরে॥ ১-১৮৫-৭ (৮২৮৫)
দর্শনীয়াঽনবদ্যাঙ্গী সুকুমারী যশস্বিনী।
ধৃষ্টদ্যুম্নস্য ভগিনী দ্রোণশত্রোঃ প্রতাপিনঃ॥ ১-১৮৫-৮ (৮২৮৬)
জাতো যঃ পাবকাচ্ছূরঃ সশরঃ সশরাসনঃ।
সুসমিদ্ধান্মহাভাগঃ সোমকানাং মহারথঃ॥ ১-১৮৫-৯ (৮২৮৭)
যস্মিন্সংজায়মানে হি বাগুবাচাশরীরিণী।
এষ মৃত্যুশ্চ শিষ্যশ্চ ভারদ্বাজস্য জায়তে॥ ১-১৮৫-১০ (৮২৮৮)
স্বসা তস্য তু বেদ্যাশ্চ জাতা তস্মিন্মহামখে।
স্ত্রীরত্নমসিতাপাঙ্গী শ্যামা নীলোৎপলদ্যুতিঃ॥ ১-১৮৫-১১ (৮২৮৯)
তাং যজ্ঞসেনস্য সুতাং দ্রৌপদীং পরমাং স্ত্রিয়ম্।
গচ্ছামস্তত্র বৈ দ্রষ্টুং তং চৈবাস্যাঃ স্বয়ংবরম্॥ ১-১৮৫-১২ (৮২৯০)
রাজানো রাজপুত্রাশ্চ যজ্বানো ভূরিদক্ষিণাঃ।
স্বাধ্যায়বন্তঃ শুচয়ো মহাত্মানো ধৃতব্রতাঃ॥ ১-১৮৫-১৩ (৮২৯১)
তরুণা দর্শনীয়াশ্চ বলবন্তো দুরাসদাঃ।
মহারথাঃ কৃতাস্ত্রাশ্চ সমেষ্যন্তীহ ভূমিপাঃ॥ ১-১৮৫-১৪ (৮২৯২)
তে তত্র বিবিধং দানং বিজয়ার্থং নরেশ্বরাঃ।
প্রদাস্যন্তি ধনং গাশ্চ ভক্ষ্যভোজ্যানি সর্বশঃ॥ ১-১৮৫-১৫ (৮২৯৩)
প্রতিলপ্স্যামহে সর্বং দৃষ্ট্বা কৃষ্ণাং স্বয়ংবরে।
যং চ সা ক্ষত্রিয়ং রঙ্গে কুমারী বরয়িষ্যতি॥ ১-১৮৫-১৬ (৮২৯৪)
তদা বৈতালিকাশ্চৈব নর্তকাঃ সূতমাগধাঃ।
নিবোধকাশ্চ দেশেভ্যঃ সমেষ্যন্তি মহাবলাঃ॥ ১-১৮৫-১৭ (৮২৯৫)
এতৎকৌতূহলং তত্র দৃষ্ট্বা বৈ প্রতিগৃহ্য চ।
সহাস্মাভির্মহাত্মানো মাত্রা সহ নিবৎস্যথ॥ ১-১৮৫-১৮ (৮২৯৬)
দর্শনীয়াংশ্চ বঃ সর্বানেকরূপানবস্থিতান্।
সমীক্ষ্য কৃষ্মা বরয়েৎসংগত্যান্যতমং পতিম্॥ ১-১৮৫-১৯ (৮২৯৭)
অয়মেকশ্চ বো ভ্রাতা দর্শনীয়ো মহাভুজঃ।
নিয়ুধ্যমানো বিজয়েৎসংগত্য দ্রবিণং মহৎ॥ ১-১৮৫-২০ (৮২৯৮)
যুধিষ্ঠির উবাচ। ১-১৮৫-২১x (১০৫৮)
পরমং ভো গমিষ্যামো দ্রষ্টুং তত্র স্বয়ংবরম্।
দ্রৌপদীং যজ্ঞসেনস্য কন্যাং তস্যাস্তথোৎসবম্॥’ ॥ ১-১৮৫-২১ (৮২৯৯)

ইতি শ্রীমন্মহাভারতে আদিপর্বণি চৈত্ররথপর্বণি পঞ্চাশীত্যধিকশততমোঽধ্যায়ঃ॥ ১৮৫ ॥