আদিপর্ব – অধ্যায় ১৮৩
॥ শ্রীঃ ॥
১.১৮৩. অধ্যায়ঃ ১৮৩
Mahabharata – Adi Parva – Chapter Topics
পাণ্ডবানাং দ্রুপদনগরপ্রথানম্॥ ১ ॥
Mahabharata – Adi Parva – Chapter Text
১-১৮৩-০ (৮২৪৮)
বৈশম্পায়ন উবাচ। ১-১৮৩-০x (১০৫০)
এতচ্ছ্রুৎবা ততঃ সর্বে পাণ্ডবা ভরতর্ষভ।
মনসা দ্রৌপদীং জগ্মুরনঙ্গশরপীডিতাঃ॥’ ১-১৮৩-১ (৮২৪৯)
ততস্তাং রজনীং রাজঞ্ছল্যবিদ্ধা ইবাভবন্।
সর্বে চাস্বস্থমনসো বভূবুস্তে মহাবলাঃ॥ ১-১৮৩-২ (৮২৫০)
ততঃ কুন্তী সুতান্দৃষ্ট্বা সর্বাংস্তদ্গতচেতসঃ।
যুধিষ্ঠিরমুবাচেদং বচনং সত্যবাদিনী॥ ১-১৮৩-৩ (৮২৫১)
চিররাত্রোষিতাঃ স্মেহ ব্রাহ্মণস্য নিবেশনে।
রমমাণাঃ পুরে রম্যে লব্ধভৈক্ষা মহাত্মনঃ॥ ১-১৮৩-৪ (৮২৫২)
যানীহ রমণীয়ানি বনান্যুপবনানি চ।
সর্বাণি তানি দৃষ্টানি পুনঃপুনররিন্দম॥ ১-১৮৩-৫ (৮২৫৩)
পুনর্দৃষ্টানি তানীহ প্রীণয়ন্তি ন নস্তথা।
ভৈক্ষং চ ন তথা বীর লভ্যতে কুরুনন্দন॥ ১-১৮৩-৬ (৮২৫৪)
তে বয়ং সাধু পঞ্চালান্গচ্ছাম যদি মন্যসে।
অপূর্বদর্শনং বীর রমণীয়ং ভবিষ্যতি॥ ১-১৮৩-৭ (৮২৫৫)
সুভিক্ষাশ্চৈব পঞ্চালাঃ শ্রূয়ন্তে শত্রুকর্শন।
যজ্ঞসেনশ্চ রাজাঽসৌ ব্রহ্মণ্য ইতি সুশ্রুম॥ ১-১৮৩-৮ (৮২৫৬)
একত্র চিরবাসশ্চ ক্ষমো ন চ মতো মম।
তে তত্র সাধু গচ্ছামো যদি ৎবং পুত্র মন্যসে॥ ১-১৮৩-৯ (৮২৫৭)
যুধিষ্ঠির উবাচ। ১-১৮৩-১০x (১০৫১)
ভবত্যা যন্মতং কার্যং তদস্মাকং পরং হিতম্।
অনুজাংস্তু ন জানামি গচ্ছেয়ুর্নেতি বা পুনঃ॥ ১-১৮৩-১০ (৮২৫৮)
বৈশম্পায়ন উবাচ। ১-১৮৩-১১x (১০৫২)
ততঃ কুন্তী ভীমসেনমর্জুনং যমজৌ তথা।
উবাচ গমনং তে চ তথেত্যেবাব্রুবংস্তদা॥ ১-১৮৩-১১ (৮২৫৯)
তত আমন্ত্র্য তং বিপ্রং কুন্তী রাজসুতৈঃ সহ।
প্রতস্থে নগরীং রম্যাং দ্রুপদস্য মহাত্মনঃ॥ ॥ ১-১৮৩-১২ (৮২৬০)
ইতি শ্রীমন্মহাভারতে আদিপর্বণি চৈত্ররথপর্বণি ত্র্যশীত্যধিকশততমোঽধ্যায়ঃ॥ ১৮৩ ॥