আদিপর্ব – অধ্যায় ১৮২

আদিপর্ব – অধ্যায় ১৮২

॥ শ্রীঃ ॥

১.১৮২. অধ্যায়ঃ ১৮২

Mahabharata – Adi Parva – Chapter Topics

জনবার্তয়া দুর্যোধনেন পাণ্ডবানাং দাহং, স্বপুরোহিতবচনেন নাশরাহিত্যং চ, জ্ঞাতবতা তেষাং জীবনে সন্দিহানেন দ্রুপদেন উদ্ধোষিতস্য পুত্রীস্বয়ংবরস্য কুন্তীংপ্রতি ব্রাহ্মণেন কথনম্॥ ১ ॥ যুষ্মাসু তত্রাগতেষ্বীশ্বরেচ্ছয়া ৎবৎপুত্রাণামন্যতমং পাঞ্চালী বৃণুয়াদপীত্যুক্তবতা ব্রাহ্মণেন সহ পাণ্ডবানাং পাঞ্চালনগরং প্রতি গমনম্॥ ২ ॥

Mahabharata – Adi Parva – Chapter Text

১-১৮২-০ (৮২১২)
`ব্রাহ্মণ উবাচ। ১-১৮২-০x (১০৪৪)
শ্রুৎবা জতুগৃহে বৃত্তং ব্রাহ্মণাঃ সংশিতব্রতাঃ।
পাঞ্চালরাজং দ্রুপদমিদং বচনমব্রুবন্॥ ১-১৮২-১ (৮২১৩)
ধার্তরাষ্ট্রাঃ সহামাত্যা মন্ত্রয়িৎবা পরস্পরম্।
পাণ্ডবানাং বিনাশায় মতিং চক্রুঃ সুদুষ্করাম্॥ ১-১৮২-২ (৮২১৪)
দুর্যোধনেন প্রহিতঃ পুরোচন ইতি শ্রুতঃ।
বারণাবতমাসাদ্য কৃৎবা জতুগৃহং মহৎ॥ ১-১৮২-৩ (৮২১৫)
তস্মিন্গৃহে সুবিস্রব্ধান্পাণ্ডবান্পৃথয়া সহ।
অর্ধরাত্রে মহারাজ দগ্ধবানতিদুর্মতিঃ॥ ১-১৮২-৪ (৮২১৬)
তেনাগ্নিনা স্বয়ং চাপি দগ্ধঃ ক্ষুদ্রো নৃশংসবৎ।
এতচ্ছ্রুৎবা সুসংহৃষ্টো ধৃতরাষ্ট্রঃ সবান্ধবঃ॥ ১-১৮২-৫ (৮২১৭)
অল্পশোকঃ প্রহৃষ্টাত্মা শশাস বিদুরং তদা।
পাণ্ডবানাং মহাপ্রাজ্ঞ কুরু পিণ্ডোদকক্রিয়াম্॥ ১-১৮২-৬ (৮২১৮)
অহো বিধিবশাদেব গতাস্তে যমসাদনম্।
ইত্যুক্ৎবা প্রারদত্তত্র ধৃতরাষ্ট্রঃ সবান্ধবঃ॥ ১-১৮২-৭ (৮২১৯)
শ্রুৎবা ভীষ্মেণ বিদুরঃ কৃতবানৌর্ধ্বদেহিকম্।
পাণ্ডবানাং বিনাশায় কৃতং কর্ম দুরাত্মনা॥ ১-১৮২-৮ (৮২২০)
এতৎকার্যস্য কর্তা তু ন দৃষ্টো ন শ্রুতঃ পুরা।
এতদ্বৃত্তং মহাভাগ পাণ্ডবান্প্রতি নঃ শ্রুতম্॥ ১-১৮২-৯ (৮২২১)
ব্রাহ্মণ উবাচ। ১-১৮২-১০x (১০৪৫)
শ্রুৎবা তু বচনং তেষাং যজ্ঞসেনো মহামতিঃ।
যথা তজ্জনকঃ শোচেদৌরসস্য বিনাশে॥ ১-১৮২-১০ (৮২২২)
তথাঽতপ্যত বৈ রাজা পাণ্ডবানাং বিনাশনে।
সমাহূয় প্রকৃতয়ঃ সহিতাঃ সর্বনাগরৈঃ॥ ১-১৮২-১১ (৮২২৩)
কারুণ্যাদেব পাঞ্চালঃ প্রোবাচেদং বচস্তদা। ১-১৮২-১২ (৮২২৪)
দ্রুপদ উবাচ।
অহো রূপমহো ধৈর্যমহো বীর্যমহো বলম্॥ ১-১৮২-১২x (১০৪৬)
চিন্তয়ামি দিবারাত্রমর্জুনং প্রতি বান্ধবাঃ।
ভ্রাতৃভিঃ সহিতো মাত্রা সোঽদহ্যত হুতাশনে॥ ১-১৮২-১৩ (৮২২৫)
কিমাশ্চর্যমিতো লোকে কালো হি দুরতিক্রমঃ।
মিথ্যাপ্রতিজ্ঞো লোকেষু কিং করিষ্যামি সাংপ্রতং॥ ১-১৮২-১৪ (৮২২৬)
অন্তর্গতেন দুঃখেন দহ্যমানো দিবানিশম্।
যাজোপয়াজৌ সৎকৃত্য যাচিতৌ তৌ ময়াঽনঘৌ॥ ১-১৮২-১৫ (৮২২৭)
ভারদ্বাজস্য হন্তারং দেবীং চাপ্যর্জুনস্য বৈ।
লোকস্তদ্বেদ যচ্চাপি তথা যাজেন মে শ্রুতম্॥ ১-১৮২-১৬ (৮২২৮)
যাজেন পুত্রকামীয়ং হুৎবা চোৎপাদিতাবিমৌ।
ধৃষ্টদ্যুম্নশ্চ কৃষ্ণা চ মম তুষ্টিকরাবুভৌ॥ ১-১৮২-১৭ (৮২২৯)
কিং করিষ্যামি তে নষ্টাঃ পাণ্ডবাঃ পৃথয়া সহ। ১-১৮২-১৮ (৮২৩০)
ব্রাহ্মণ উবাচ।
ইত্যেবমুক্ৎবা পাঞ্চালঃ শুশোচ পরমাতুরঃ॥ ১-১৮২-১৮x (১০৪৭)
দৃষ্ট্বা শোচন্তমত্যর্থং পাঞ্চালমিদমব্রবীৎ।
পুরোধাঃ সৎবসংপন্নঃ সম্যগ্বিদ্যাবিশেষবিৎ॥ ১-১৮২-১৯ (৮২৩১)
বৃদ্ধানুশাসনে সক্তাঃ পাণ্ডবা ধর্মচারিণঃ।
তাদৃশা ন বিনশ্যন্তি নৈব যান্তি পরাভবম্॥ ১-১৮২-২০ (৮২৩২)
ময়া দৃষ্টমিদং সত্যং শৃণু ৎবং মনুজাধিপ।
ব্রাহ্মণৈঃ কথিতং সত্যং বেদেষু চ ময়া শ্রুতম্॥ ১-১৮২-২১ (৮২৩৩)
বৃহস্পতিমতেনাথ পৌলোম্যা চ পুরা শ্রুতম্।
নষ্ট হন্দ্রো বিসগ্রন্থ্যামুপশ্রুত্যা হি দর্শিতঃ॥ ১-১৮২-২২ (৮২৩৪)
উপশ্রুতির্মহারাজ পাণ্ডবার্থে ময়া শ্রুতা।
যত্রকুত্রাপি জীবন্তি পাণ্ডবাস্তে ন সংশয়ঃ॥ ১-১৮২-২৩ (৮২৩৫)
ময়া দৃষ্টানি লিঙ্গানি ইহৈবৈষ্যন্তি পাণ্ডবাঃ।
যন্নিমিত্তমিহায়ান্তি তচ্ছৃণুষ্ব নরাধিপ॥ ১-১৮২-২৪ (৮২৩৬)
স্বয়ংবরঃ ক্ষত্রিয়াণাং কন্যাদানে প্রদর্শিতঃ।
স্বয়ংবরস্তু নগরে ঘুষ্যতাং রাজসত্তম॥ ১-১৮২-২৫ (৮২৩৭)
যত্র বা নিবসন্তস্তে পাণ্ডবাঃ পৃথয়া সহ।
দূরস্থা বা সমীপস্থা স্বর্গস্থা বাঽপি পাণ্ডবাঃ॥ ১-১৮২-২৬ (৮২৩৮)
শ্রুৎবা স্বয়ংবরং রাজন্সমেষ্যন্তি ন সংশয়ঃ।
তস্মাৎস্বয়ংবরো রাজন্ঘুষ্যতাং মা চিরং কৃথাঃ॥ ১-১৮২-২৭ (৮২৩৯)
ব্রাহ্মণ উবাচ। ১-১৮২-২৮x (১০৪৮)
শ্রুৎবা পুরোহিতেনোক্তং পাঞ্চালঃ প্রীতিমাংস্তদা।
ঘোষয়ামাস নগরে দ্রৌপদ্যাস্তু স্বয়ংবরম্॥ ১-১৮২-২৮ (৮২৪০)
পুষ্যমাসে তু রোহিণ্যাং শুক্লপক্ষে শুভে তিথৌ।
দিবসৈঃ পঞ্চসপ্তত্যা ভবিষ্যতি ন সংশয়ঃ॥ ১-১৮২-২৯ (৮২৪১)
দেবগন্ধর্বয়ক্ষাশ্চ ঋষয়শ্চ তপোধনাঃ।
স্বয়ংবরং দ্রষ্টুকামা গচ্ছন্ত্যেব ন সংশয়ঃ॥ ১-১৮২-৩০ (৮২৪২)
তব পুত্রা মহাত্মানো দর্শনীয়ো বিশেষতঃ।
যদৃচ্ছয়া সা পাঞ্চালী গচ্ছেদ্বান্যতমং পতিম্॥ ১-১৮২-৩১ (৮২৪৩)
কো হি জানাতি লোকেষু প্রজাপতিমতং শুভণ্।
তস্মাৎসপুত্রা গচ্ছেথা যদি ব্রাহ্মণি রোচতে॥ ১-১৮২-৩২ (৮২৪৪)
নিত্যকালং সুভিক্ষাস্তে পাঞ্চালাস্তু তপোধনে।
যজ্ঞসেনস্তু রাজা স ব্রহ্মণ্যঃ সত্যসঙ্গরঃ॥ ১-১৮২-৩৩ (৮২৪৫)
ব্রহ্মণ্যা নাগরাঃ সর্বে ব্রাহ্মণাশ্চাতিথিপ্রিয়াঃ।
নিত্যকালং প্রদাস্যন্তি আমন্ত্রণময়াচিতম্॥ ১-১৮২-৩৪ (৮২৪৬)
অহং চ তত্র গচ্ছামি মমৈভিঃ সহ শিষ্যকৈঃ।
একসার্থাঃ প্রয়াতাঃ স্মো ব্রাহ্মণ্যা যদি রোচতে॥ ১-১৮২-৩৫ (৮২৪৭)
এতাবদুক্ৎবা বচনং ব্রাহ্মণো বিররাম হ॥ ॥ ১-১৮২-৩৬x (১০৪৯)

ইতি শ্রীমন্মহাভারতে আদিপর্বণি চৈত্ররথপর্বণি দ্ব্যশীত্যধিকশততমোঽধ্যায়ঃ॥ ১৮২ ॥

Mahabharata – Adi Parva – Chapter Footnotes

১-১৮২-৯ এতৎকার্যস্য এতাদৃশকার্যস্য॥ ১-১৮২-২১ দৃষ্টং ঊহিতম্॥ দ্ব্যশীত্যধিকশততমোঽধ্যায়ঃ॥ ১৮২ ॥