আদিপর্ব – অধ্যায় ১৭৭

আদিপর্ব – অধ্যায় ১৭৭

॥ শ্রীঃ ॥

১.১৭৭. অধ্যায়ঃ ১৭৭

Mahabharata – Adi Parva – Chapter Topics

পরেদ্যুঃ প্রাতঃ ব্রাহ্মণেন দত্তমন্নং ভুক্ৎবা বকায় প্রাপণীয়ং অন্নাদিপূর্ণং শকটমারুহ্য বকবংন প্রতি ভীমস্য গমনম্॥ ১ ॥ তত্র ভীমেন শকটস্তান্নভোজনম্॥ ২ ॥ অন্নং ভুঞ্জানং ভীমং দৃষ্ট্বা ক্রুদ্ধেন বকেন সহ ভীমস্য যুদ্ধম্॥ ৩ ॥ বকবধঃ॥ ৪ ॥

Mahabharata – Adi Parva – Chapter Text

১-১৭৭-০ (৭৯৮৭)
যুধিষ্ঠির উবাচ। ১-১৭৭-০x (১০২১)
উপপন্নমিদং মাতস্ৎবয়া যদ্বুদ্ধিপূর্বকম্।
আর্তস্য ব্রাহ্মণস্যৈতদনুক্রোশাদিদং কৃতম্॥ ১-১৭৭-১ (৭৯৮৮)
ধ্রুবমেষ্যতি ভীমোঽয়ং নিহত্য পুরুষাদকম্।
সর্বথা ব্রাহ্মণস্যার্থে যদনুক্রোশবত্যসি॥ ১-১৭৭-২ (৭৯৮৯)
যথা ৎবিদং ন বিন্দেয়ুর্নরা নগরবাসিনঃ।
তথাঽয়ং ব্রাহ্মণো বাচ্যঃ পরিগ্রাহ্যশ্চ যত্নতঃ॥ ১-১৭৭-৩ (৭৯৯০)
বৈশম্পায়ন উবাচ। ১-১৭৭-৪x (১০২২)
`যুধিষ্ঠিরেণ সংমন্ত্র্য ব্রাহ্মণার্থমরিন্দম।
কুন্তী প্রবিশ্য তান্সর্বান্মন্ত্রয়ামাস ভারত॥ ১-১৭৭-৪ (৭৯৯১)
অথ রাত্র্যাং ব্যতীতায়াং ভীমসেনো মহাবলঃ।
ব্রাহ্মণং সমুপাগম্য বচশ্চেদমুবাচ হ॥ ১-১৭৭-৫ (৭৯৯২)
আপদস্ৎবাং বিমোক্ষ্যেঽহং সপুত্রং ব্রাহ্মণ প্রিয়ম্।
মা ভৈষী রাক্ষসাত্তস্মান্মাং দদাতু বলিং ভবান্॥ ১-১৭৭-৬ (৭৯৯৩)
ইদ মামশিতং কর্তুং প্রয়তস্ব সকৃদ্গৃহে।
আথাত্মানং প্রাদাস্যামি তস্মৈ ঘোরায় রক্ষসে॥ ১-১৭৭-৭ (৭৯৯৪)
ৎবরধ্বং কিং বিলম্বধ্বে মা চিরং কুরুতানঘাঃ।
ব্যবস্যেয়ং মনঃ প্রাণৈর্যুষ্মান্রক্ষিতুমদ্য বৈ॥ ১-১৭৭-৮ (৭৯৯৫)
বৈশম্পায়ন উবাচ। ১-১৭৭-৯x (১০২৩)
এবমুক্তঃ স ভীমেন ব্রাহ্মণো ভরতর্ষভ।
সুহৃদাং তৎসমাখ্যায় দদাবন্নং সুসংস্কৃতম্॥ ১-১৭৭-৯ (৭৯৯৬)
পিশিতোদনমাজহ্রুরথাস্মৈ পুরবাসিনঃ।
সঘৃতং সোপদংশং চ সূপৈর্নানাবিধৈঃ সহ॥ ১-১৭৭-১০ (৭৯৯৭)
তদাঽশিৎবা ভীমসেনো মাংসানি বিবিধানি চ।
মোদকানি চ মুখ্যানি চিত্রোদনচয়ান্বহূন্॥ ১-১৭৭-১১ (৭৯৯৮)
ততোঽপিবদ্দধিঘটান্সুবহূন্দ্রোণসংমিতান্।
তস্য ভুক্তবতঃ পৌরা যথাবৎসমুপার্জিতান্॥ ১-১৭৭-১২ (৭৯৯৯)
উপজহ্রুর্ভৃতং ভাগং সমৃদ্ধমনসস্তদা।
ততো রাত্র্যাং ব্যতীতায়াং সব্যঞ্জনদধিপ্লুতম্॥ ১-১৭৭-১৩ (৮০০০)
সমারুহ্যান্নসংপূর্ণং শকটং স বৃকোদরঃ।
প্রয়যৌ তূর্যনির্ঘোষৈঃ পৌরৈশ্চ পরিবারিতঃ॥ ১-১৭৭-১৪ (৮০০১)
আত্মানমেষোঽন্নভূতো রাক্ষসায় প্রদাস্যতি।
তরুণোঽপ্রতিরূপশ্চ দৃঢ ঔদরিকো যুবা॥ ১-১৭৭-১৫ (৮০০২)
বাগ্ভিরেবংপ্রকারাভিঃ স্তূয়মানো বৃকোদরঃ।
চুচোদ স বলীবর্দৌ যুক্তৌ সর্বাঙ্গকালকৌ॥ ১-১৭৭-১৬ (৮০০৩)
বাদিত্রাণাং প্রবাদেন ততস্তং পুরুষাদকম্।
অভ্যগচ্ছৎসুসংহৃষ্টঃ সর্বত্র মনুজৈর্বৃতঃ॥ ১-১৭৭-১৭ (৮০০৪)
সংপ্রাপ্য স চ তং দেশমেকাকী সমুপায়যৌ।
পুরুষাদভয়াদ্ভীতস্তত্রৈবাসীজ্জনব্রজঃ॥ ১-১৭৭-১৮ (৮০০৫)
স গৎবা দূরমধ্বানং দক্ষিণামভিতো দিশম্।
যতোপদিষ্টমুদ্দেশে দদর্শ বিপুলং দ্রুমম্॥ ১-১৭৭-১৯ (৮০০৬)
কেশমজ্জাস্থিমেদোভির্বাহূরুচরণৈরপি।
আর্দ্রৈঃ শুষ্কৈশ্চ সংকীর্ণমভিতোঽথ বনস্পতিম্॥ ১-১৭৭-২০ (৮০০৭)
গৃধ্রকঙ্কবলচ্ছন্নং গোমায়ুগণসেবিতম্।
উগ্রগন্ধমচক্ষুষ্যং শ্মশানমিব দারুণম্॥ ১-১৭৭-২১ (৮০০৮)
তং প্রবিশ্য মহাবৃক্ষং চিন্তয়ামাস বীর্যবান্।
যাবন্ন পশ্যতে রক্ষো বকাভিখ্যং বলোত্তরম্॥ ১-১৭৭-২২ (৮০০৯)
আচিতং বিবিধৈর্ভোজ্যৈরন্নৈরুচ্চাবচৈরিদম্।
শকটং সূপসংপূর্ণং যাবদ্দ্রক্ষ্যতি রাক্ষসঃ॥ ১-১৭৭-২৩ (৮০১০)
তাবদেবেহ ভোক্ষ্যেঽহং দুর্লভং হি পুনর্ভবেৎ।
বিপ্রকীর্যেত সর্বং হি প্রয়ুদ্ধে ময়ি রক্ষসা॥ ১-১৭৭-২৪ (৮০১১)
অভোজ্যং হি শবস্পর্শে নিগৃহীতে বকে ভবেৎ।
স ৎবেবং ভীমকর্মা তু ভীমসেনোঽভিলক্ষ্য চ॥ ১-১৭৭-২৫ (৮০১২)
উপবিশ্য বিবিক্তেঽন্নং ভুঙ্ক্তে স্ম পরমং পরঃ।
তং ততঃ সর্বতোঽপশ্যন্দ্রুমানারুহ্য নাগরাঃ॥ ১-১৭৭-২৬ (৮০১৩)
নারক্ষো বলিমশ্নীয়াদেবং বহু চ মানবাঃ।
ভুঙ্ক্তে ব্রাহ্মণরূপেণ বকোঽয়মিতি চাব্রুবন্॥ ১-১৭৭-২৭ (৮০১৪)
স তং হসতি তেজস্বী তদন্নমুপভুজ্য চ।’
আসাদ্য তু বনং তস্য রক্ষসঃ পাণ্ডবো বলী।
আজুহাব ততো নাম্না তদন্নমুপপাদয়ন্॥ ১-১৭৭-২৮ (৮০১৫)
ততঃ স রাক্ষসঃ ক্রুদ্ধো ভীমস্য বচনাত্তদা।
আজগাম সুসংক্রুদ্ধো যত্র ভীমো ব্যবস্থিতঃ॥ ১-১৭৭-২৯ (৮০১৬)
মহাকায়ো মহাবেগো দারয়ন্নিব মেদিনীম্।
লোহিতাক্ষঃ করালশ্চ লোহিতশ্মশ্রুমূর্ধজঃ॥ ১-১৭৭-৩০ (৮০১৭)
আকর্ণাদ্ভিন্নবক্ত্রশ্চ শঙ্কুকর্ণো বিভীষণঃ।
ত্রিশিখাং ভ্রুকুটিং কৃৎবা সংদশ্য দশনচ্ছদম্॥ ১-১৭৭-৩১ (৮০১৮)
ভুঞ্জানমন্নং তং দৃষ্ট্বা ভীমসেনং স রাক্ষসঃ।
বিবৃত্য নয়নে ক্রুদ্ধ ইদং বচনমব্রবীৎ॥ ১-১৭৭-৩২ (৮০১৯)
কোঽয়মন্নমিদং ভুঙ্ক্তে মদর্থমুপকল্পিতম্।
পশ্যতো মম দুর্বুদ্ধির্যিয়াসুর্যমসাদনম্॥ ১-১৭৭-৩৩ (৮০২০)
ভীমসেনস্ততঃ শ্রুৎবা প্রহসন্নিব ভারত।
রাক্ষসং তমনাদৃত্য ভুঙ্ক্ত এব পরাঙ্মুখঃ॥ ১-১৭৭-৩৪ (৮০২১)
রবং স ভৈরবং কৃৎবা সমুদ্যম্য করাবুভৌ।
অভ্যদ্রবদ্ভীমসেনং জিঙাংসুঃ পুরুষাদকঃ॥ ১-১৭৭-৩৫ (৮০২২)
তথাপি পরিভূয়ৈনং প্রেক্ষমাণো বৃকোদরঃ।
রাক্ষসং ভুঙ্ক্ত এবান্নং পাণ্ডবঃ পরবীরহা॥ ১-১৭৭-৩৬ (৮০২৩)
অমর্ষেণ তু সংপূর্ণঃ কুন্তীপুত্রং বৃকোদরম্।
জঘান পৃষ্ঠে পাণিভ্যামুভাভ্যাং পৃষ্ঠতঃ স্থিতঃ॥ ১-১৭৭-৩৭ (৮০২৪)
তথা বলবতা ভীমঃ পাণিভ্যাং ভৃশমাহতঃ।
নৈবাবলোকয়ামাস রাক্ষসং ভুঙ্ক্ত এব সঃ॥ ১-১৭৭-৩৮ (৮০২৫)
ততঃ স ভূয়ঃ সংক্রুদ্ধো বৃক্ষমাদায় রাক্ষসঃ।
তাডয়িষ্যংস্তদা ভীমং পুনরভ্যদ্রবদ্বলী॥ ১-১৭৭-৩৯ (৮০২৬)
ক্ষিপ্তং ক্রুদ্ধেন তং বৃক্ষং প্রতিজগ্রাহ বীর্যবান্।
সব্যেন পাণিনা ভীমো দক্ষিণেনাপ্যভুঙ্ক্ত হ॥ ১-১৭৭-৪০ (৮০২৭)
`শকটান্নং ততো ভুক্ৎবা রক্ষসঃ পাণিনা সহ।
গৃহ্ণন্নেব তদা বৃক্ষং নিঃশেষং পর্বতোপমম্॥ ১-১৭৭-৪১ (৮০২৮)
ভীমসেনো হসন্নেব ভুক্ৎবা ত্যক্ৎবা চ রাক্ষসম্।
পীৎবা দধিঘটান্পূর্ণান্ঘৃতকুম্ভাঞ্শতং শতম্॥ ১-১৭৭-৪২ (৮০২৯)
বার্যুপস্পৃশ্য সংহৃষ্টস্তস্থৌ গিরিরিবাপরঃ।
ভ্রাময়ন্তং মহাবৃক্ষমায়ান্তং ভীমদর্শনম্॥ ১-১৭৭-৪৩ (৮০৩০)
দৃষ্ট্বোত্থায়াহবে বীরঃ সিংহনাদং ব্যনাদয়ৎ।
ভুজবেগং তথাঽঽস্ফোটং ক্ষ্বেলিতং চ মহাস্বনম্॥ ১-১৭৭-৪৪ (৮০৩১)
কৃৎবাঽঽহ্বয়ত সংক্রুদ্ধো ভীমসেনোঽথ রাক্ষসম্।
উবাচাশনিশব্দেন ধ্বনিনা ভীষয়ন্নিব॥ ১-১৭৭-৪৫ (৮০৩২)
ভীম উবাচ। ১-১৭৭-৪৬x (১০২৪)
বহুকালং সুপুষ্টং তে শরীরং রাক্ষসাধম।
দ্বিপচ্চতুষ্পন্মাংসৈশ্চ বহুভিশ্চৌদনৈরপি॥ ১-১৭৭-৪৬ (৮০৩৩)
মদ্বাহুবলমাশ্রিত্য ন ৎবং ভূয়স্ৎবশিষ্যসি।
অদ্য মদ্বাহুনিষ্পিষ্টো গমিষ্যসি যমালয়ম্॥ ১-১৭৭-৪৭ (৮০৩৪)
অদ্যপ্রভৃতি স্বপ্স্যন্তি বেত্রকীয়নিবাসিনঃ।
নিরুদ্বিগ্নাঃ পুরস্যাস্য কণ্টকে সূদ্ধৃতে ময়া॥ ১-১৭৭-৪৮ (৮০৩৫)
অদ্য যুদ্ধে শরীরং তে কঙ্কগোমায়ুবায়সাঃ।
ময়া হতস্য খাদন্তু বিকর্ষন্তু চ ভূতলে॥ ১-১৭৭-৪৯ (৮০৩৬)
বৈশম্পায়ন উবাচ। ১-১৭৭-৫০x (১০২৫)
এবমুক্ৎবা সুসংক্রুদ্ধঃ পার্থো বকজিঘাংসয়া।
উপাধাবদ্বকশ্চাপি পার্থং পার্থিবসত্তম॥ ১-১৭৭-৫০ (৮০৩৭)
মহাকায়ো মহাবেগো দারয়ন্নিব মেদিনীম্।
পিশঙ্গরূপঃ পিঙ্গাক্ষো ভীমসেনমভিদ্রবৎ॥ ১-১৭৭-৫১ (৮০৩৮)
ত্রিশিখাং ভ্রুকুটীং কৃৎবা সংদশ্য দশনচ্ছদম্।
ভৃশং স ভূয়ঃ সংক্রুদ্ধো বৃক্ষমাদায় রাক্ষসঃ॥ ১-১৭৭-৫২ (৮০৩৯)
তাডয়িষ্যংস্তদা ভীমং তরসাঽভ্যদ্রবদ্বলী।
ক্রুদ্ধেনাভিহতং বৃক্ষং প্রতিজগ্রাহ লীলয়া॥ ১-১৭৭-৫৩ (৮০৪০)
সব্যেন পাণিনা ভীমঃ প্রহসন্নিব ভারত।
ততঃ স পুনরুদ্যম্য বৃক্ষান্বহুবিধান্বলী॥ ১-১৭৭-৫৪ (৮০৪১)
প্রাহিণোদ্ভীমসেনায় বকোঽপি বলবান্রণে।
সর্বানপোহয়দ্বৃক্ষান্স্বস্য হস্তস্য শাখয়া॥ ১-১৭৭-৫৫ (৮০৪২)
তদ্বৃক্ষয়ুদ্ধমভবদ্বৃক্ষষণ্ডবিনাশনম্॥
মহৎসুঘোরং রাজেন্দ্র বকপাণ্ডবয়োস্তদা॥ ১-১৭৭-৫৬ (৮০৪৩)
নাম বিশ্রাব্য স বকঃ সমভিদ্রুত্য পাণ্ডবম্।
সময়ুধ্যত তীব্রেণ বেগেন পুরুষাদকঃ॥ ১-১৭৭-৫৭ (৮০৪৪)
তয়োর্বেগেন মহতা পৃথিবী সমকম্পত।
পাদপাংশ্চ মহামাত্রাংশ্চূর্ণয়ামাসতুঃ ক্ষণাৎ॥ ১-১৭৭-৫৮ (৮০৪৫)
দ্রুতমাগত্য পাণিভ্যাং গৃহীৎবা চৈনমাক্ষিপৎ।
আক্ষিপ্তো ভীমসেনশ্চ পুনরেবোত্থিতো হসন্॥ ১-১৭৭-৫৯ (৮০৪৬)
আলিঙ্গ্যাপি বকং ভীমো ন্যহনদ্বসুধাতলে।
ভীমো বিসর্জয়িৎবৈনং সমাশ্বসিহি রাক্ষস॥ ১-১৭৭-৬০ (৮০৪৭)
ইত্যুক্ৎবা পুনরাস্ফোট্য উত্তিষ্ঠেতি চ সোঽব্রবীৎ।
সমুৎপত্য ততঃ ক্রুদ্ধো রূপং কৃৎবা মহত্তরম্॥ ১-১৭৭-৬১ (৮০৪৮)
বিরূপঃ সহসা তস্থৌ২ তর্জয়িৎবা বৃকোদরম্।
অহসদ্ভীমসেনোঽপি রাক্ষসং ভীমদর্শনম্॥ ১-১৭৭-৬২ (৮০৪৯)
অসৌ গৃহীৎবা পাণিভ্যাং পৃষ্ঠতশ্চ ব্যবস্থিতঃ।
জানুভ্যাং পীডয়িৎবাথ পাতয়ামাস ভূতলে॥ ১-১৭৭-৬৩ (৮০৫০)
পুনঃ ক্রুদ্ধো বিসৃজ্যৈনং রাক্ষসং ক্রোধজীবিতম্।
স্বাং কটীমীষদুন্নম্য বাহূ তস্য পরামৃশৎ॥ ১-১৭৭-৬৪ (৮০৫১)
তস্য বাহূ সমাদায় ৎবরমাণো বৃকোদরঃ।
উৎক্ষিপ্য চাবধূয়ৈনং পাতয়ন্বলবান্ভুবি॥ ১-১৭৭-৬৫ (৮০৫২)
তং তু বামেন পাদেন ক্রুদ্ধো ভীমপরাক্রমঃ।
উরস্যেনং সমাজঘ্নে ভীমস্তু পতিতং ভুবি॥ ১-১৭৭-৬৬ (৮০৫৩)
ব্যাত্তাননেন ঘোরেণ লম্বজিহ্বেন রক্ষসা।
তেনাভিদ্রুত্য ভীমেন ভীমো মূর্ধ্নি সমাহতঃ॥ ১-১৭৭-৬৭ (৮০৫৪)
এবং নিহন্যমানঃ স রাক্ষসেন বলীয়সা।
রোষেণ মহতাঽঽবিষ্টো ভীমো ভীমপরাক্রমঃ॥ ১-১৭৭-৬৮ (৮০৫৫)
গৃহীৎবা মধ্যমুৎক্ষিপ্য বলী জগ্রাহ রাক্ষসম্।
তাবন্যোন্যং পীডয়ন্তৌ পুরুষাদবৃকোদরৌ॥ ১-১৭৭-৬৯ (৮০৫৬)
মত্তাবিব মহানাগাবন্যোন্যং বিচকর্ষতুঃ॥ ১-১৭৭-৭০ (৮০৫৭)
বাহুবিক্ষেপশব্দৈশ্চ ভীমরাক্ষসয়োস্তদা।
বেত্রকীয়পুরী সর্বা বিত্রস্তা সমপদ্যত॥’ ১-১৭৭-৭১ (৮০৫৮)
তয়োর্বেগেন মহতা তত্র ভূমিরকম্পত।
পাদপান্বীরুধশ্চৈব চূর্ণয়ামাসতূ রয়াৎ॥ ১-১৭৭-৭২ (৮০৫৯)
সমাগতৌ চ তৌ বীরাবন্যোন্যবধকাঙ্ক্ষিণৌ।
গিরিভির্গিরিশৃহ্গৈশ্চ পাষাণৈঃ পর্বতচ্যুতৈঃ॥ ১-১৭৭-৭৩ (৮০৬০)
অন্যোন্যং তাডয়ন্তৌ তৌ চূর্ণয়ামাসতুস্তদা।
আয়ামবিস্তরাভ্যাং চ পরিতো যোজনদ্বয়ম্॥ ১-১৭৭-৭৪ (৮০৬১)
নির্মহীরুহপাষাণতৃণকুঞ্জলতাবলিম্।
চক্রতুর্যুদ্ধদুর্মত্তৌ কূর্মপৃষ্ঠোপমাং মহীম্॥ ১-১৭৭-৭৫ (৮০৬২)
মুহূর্তমেবং সংয়ুধ্য সমং রক্ষঃকুরূদ্বহৌ।
ততো রক্ষোবিনাশায় মতিং কৃৎবা কুরূত্তমঃ॥ ১-১৭৭-৭৬ (৮০৬৩)
দন্তান্কটকটীকৃত্য দষ্ট্বা চ দশনচ্ছদম্।
নেত্রে সংবৃত্য বিকটং তির্যক্প্রৈক্ষত রাক্ষসম্॥ ১-১৭৭-৭৭ (৮০৬৪)
অথ তং লোলয়িৎবা তু ভীমসেনো মহাবলঃ।
অগৃহ্ণাৎপরিরভ্যৈনং বাহুভ্যাং পরিরভ্য চ॥ ১-১৭৭-৭৮ (৮০৬৫)
জানুভ্যাং পার্শ্বয়োঃ কুক্ষৌ পৃষ্ঠে বক্ষসি জঘ্নিবান্।
ভগ্নোরুবাহুহৃচ্চৈব বিস্রংসদ্দেহবন্ধনঃ॥ ১-১৭৭-৭৯ (৮০৬৬)
প্রস্বেদদীর্ঘনিশ্বাসো নির্যঞ্জীবাক্ষিতারকঃ।
অজাণ্ডাস্ফোটনং কুর্বন্নাক্রোশংশ্চ শ্বসঞ্ছনৈঃ॥ ১-১৭৭-৮০ (৮০৬৭)
ভূমৌ নিপত্য বিলুঠন্দণ্ডাহত ইবোরগঃ।
বিস্ফুরন্তং মহাকায়ং পরিতো বিচকর্ষ হ॥ ১-১৭৭-৮১ (৮০৬৮)
বিকৃষ্যমাণো বেগেন পাণ্ডবেন বলীয়সা।
সময়ুজ্যত তীব্রেণ শ্রমেণ পুরুষাদকঃ॥’ ১-১৭৭-৮২ (৮০৬৯)
হীয়মানবলং রক্ষঃ সমীক্ষ্য পুরুষর্ষভঃ।
নিষ্পিষ্য ভূমৌ জানুভ্যাং সমাজঘ্নে বৃকোদরঃ॥ ১-১৭৭-৮৩ (৮০৭০)
ততো।ঞস্য জানুনা পৃষ্ঠমবপীড্য বলাদিব।
বাহুনা পরিজগ্রাহ দক্ষিণেন শিরোধরাম্॥ ১-১৭৭-৮৪ (৮০৭১)
সব্যেন চ কটীদেশে গৃহ্য বাসসি পাণ্ডবঃ।
জানুন্যারোপ্য তৎপৃষ্ঠং মহাশব্দং বভঞ্জ হ॥ ১-১৭৭-৮৫ (৮০৭২)
ততোঽস্য রুধিরং বক্ত্রাৎপ্রাদুরাসীদ্বিশাংপতে।
ভজ্যমানস্য ভীমেন তস্য ঘোরস্য রক্ষসঃ॥ ॥ ১-১৭৭-৮৬ (৮০৭৩)

ইতি শ্রীমন্মহাভারতে আদিপর্বণি বকবধপর্বণি সপ্তসপ্তত্যধিকশততমোঽধ্যায়ঃ॥ ১৭৭ ॥

Mahabharata – Adi Parva – Chapter Footnotes

১-১৭৭-৩১ ত্রিশিখাং ত্রিরেখাম্॥ সপ্তসপ্তত্যধিকশততমোঽধ্যায়ঃ॥ ১৭৭ ॥