আদিপর্ব – অধ্যায় ১৭৩
॥ শ্রীঃ ॥
১.১৭৩. অধ্যায়ঃ ১৭৩
Mahabharata – Adi Parva – Chapter Topics
ব্রাহ্মণং প্রতি তৎকন্যাবাক্যম্॥ ১ ॥ বালস্য পুত্রস্য বচনেন পিত্রোঃ কিংচিদ্ধর্ষসময়ে কুন্ত্যাস্তৎসমীপে গমনম্॥ ২ ॥
Mahabharata – Adi Parva – Chapter Text
১-১৭৩-০ (৭৮৭৬)
বৈশম্পায়ন উবাচ। ১-১৭৩-০x (১০০৮)
তয়োর্দুঃখিতয়োর্বাক্যমতিমাত্রং নিশম্য তু।
ততো দুঃখপরীতাঙ্গী কন্যা তাবভ্যভাষত॥ ১-১৭৩-১ (৭৮৭৭)
কিমেবং ভৃশদুঃখার্তৌ রোরূয়েতামনাথবৎ।
মমাপি শ্রূয়তাং বাক্যং শ্রুৎবা চ ক্রিয়তাং ক্ষমম্॥ ১-১৭৩-২ (৭৮৭৮)
ধর্মতোঽহং পরিত্যাজ্যা যুবয়োর্নাত্র সংশয়ঃ।
ত্যক্তব্যাং মাং পরিত্যজ্য ত্রাহি সর্বং ময়ৈকয়া॥ ১-১৭৩-৩ (৭৮৭৯)
ইত্যর্থমিষ্যতেঽপত্যং তারয়িষ্যতি মামিতি।
অস্মিন্নুপস্থিতে কালে তরধ্বং প্লববন্ময়া॥ ১-১৭৩-৪ (৭৮৮০)
ইহ বা তারয়েদ্দুর্গাদুত বা প্রেত্য ভারত।
সর্বথা তারয়েৎপুত্রঃ পুত্র ইত্যুচ্যতে বুধৈঃ॥ ১-১৭৩-৫ (৭৮৮১)
আকাঙ্ক্ষন্তে চ দৌহিত্রান্ময়ি নিত্যং পিতামহাঃ।
তৎস্বয়ং বৈ পরিত্রাস্যে রক্ষন্তী জীবিতং পিতুঃ॥ ১-১৭৩-৬ (৭৮৮২)
ভ্রাতা চ মম বালোঽয়ং গতে লোকমমুং ৎবয়ি।
অচিরেণৈব কালেন বিনশ্যেত ন সংশয়ঃ॥ ১-১৭৩-৭ (৭৮৮৩)
তাতেপি হি গতে স্বর্গং বিনষ্টে চ মমানুজে।
পিণ্ডঃ পিতৄণাং ব্যুচ্ছিদ্যেত্তত্তেষাং বিপ্রিয়ং ভবেৎ॥ ১-১৭৩-৮ (৭৮৮৪)
পিত্রা ত্যক্তা তথা মাত্রা ভ্রাত্রা চাহমসংশয়ম্।
দুঃখাদ্দুঃখতরং প্রাপ্য ম্রিয়েয়মতথোচিতাম্॥ ১-১৭৩-৯ (৭৮৮৫)
ৎবয়ি ৎবরোগে নির্মুক্তো মাতা ভ্রাতা চ মে শিশুঃ।
সন্তানশ্চৈব পিণ্ডশ্চ প্রতিষ্ঠাস্যত্যসংশয়ম্॥ ১-১৭৩-১০ (৭৮৮৬)
আত্মা পুত্রঃ সখী ভার্যা কৃচ্ছ্রং তু দুহিতা কিল।
স কৃচ্ছ্রান্মোচয়াত্মানং মাং চ ধর্মে নিয়োজয়া॥ ১-১৭৩-১১ (৭৮৮৭)
অনাথা কৃপণা বালা যত্র ক্বচন গামিনী।
ভবিষ্যামি ৎবয়া তাত বিহীনা কৃপণা সদা॥ ১-১৭৩-১২ (৭৮৮৮)
অথবাহং করিষ্যামি কুলস্যাস্য বিমোচনম্।
ফলসংস্থা ভবিষ্যামি কৃৎবা কর্ম সুদুষ্করম্॥ ১-১৭৩-১৩ (৭৮৮৯)
অথবা যাস্যসে তত্র ত্যক্ৎবা মাং দ্বিজসত্তম।
পীডিতাঽহং ভবিষ্যামি তদবেক্ষস্ব মামপি॥ ১-১৭৩-১৪ (৭৮৯০)
তদস্মদর্থং ধর্মার্থং প্রসবার্থং চ সত্তম।
আত্মানং পরিরক্ষস্ব ত্যক্তব্যাং মাং চ সংত্যজ॥ ১-১৭৩-১৫ (৭৮৯১)
অবশ্যকরণীয়ে চ মা ৎবাং কালোত্যগাদয়ম্।
কিং ৎবতঃ পরমং দুঃখং যদ্বয়ং স্বর্গতে ৎবয়ি॥ ১-১৭৩-১৬ (৭৮৯২)
যাচমানাঃ পরাদন্নং পরিধাবেমহি শ্ববৎ।
ৎবয়ি ৎবরোগে নির্মুক্তে ক্লেশাদস্মাৎসবান্ধবে।
অমৃতেব সতী লোকে ভবিষ্যামি সুখান্বিতা॥ ১-১৭৩-১৭ (৭৮৯৩)
ইতঃ প্রদানে দেবাশ্চ পিতরশ্চেতি নঃ শ্রুতম্।
ৎবয়া দত্তেন তোয়েন ভবিষ্যতি হিতায় বৈ॥ ১-১৭৩-১৮ (৭৮৯৪)
`ইত্যেতদুভয়ং তাত নিশাম্য তব যদ্ধিতম্।
তদ্ব্যবস্য তথাম্বায়া হিতং স্বস্য সুতস্য চ॥ ১-১৭৩-১৯ (৭৮৯৫)
মাতাপিত্রোশ্চ পুত্রাস্তু ভবিতারো গুণান্বিতাঃ।
ন তু পুত্রস্য পিতরো পুনর্জাতু ভবিষ্যতঃ॥’ ১-১৭৩-২০ (৭৮৯৬)
বৈশম্পায়ন উবাচ। ১-১৭৩-২১x (১০০৯)
এবং বহুবিধং তস্যা নিশম্য পরিদেবিতম্।
পিতা মাতা চ সা চৈব কন্যা প্ররুরুদুস্ত্রয়ঃ॥ ১-১৭৩-২১ (৭৮৯৭)
ততঃ প্ররুদিতান্সর্বান্নিশম্যাথ সুতস্তদা।
উৎফুল্লনয়নো বালঃ কলমব্যক্তমব্রবীৎ॥ ১-১৭৩-২২ (৭৮৯৮)
মা পিতা রুদ মা মাতর্মা স্বসস্ৎবিতি চাব্রবীৎ।
প্রহসন্নিব সর্বাংস্তানেকৈকমনুসর্পতি॥ ১-১৭৩-২৩ (৭৮৯৯)
ততঃ স তৃণমাদায় প্রহৃষ্টঃ পুনরব্রবীৎ।
অনেনাহং হনিষ্যামি রাক্ষসং পুরুষাদকম্॥ ১-১৭৩-২৪ (৭৯০০)
বৈশম্পায়ন উবাচ। ১-১৭৩-২৫x (১০১০)
তথাপি তেষাং দুঃখেন পরীতানাং নিশম্য তৎ।
বালস্য বাক্যমব্যক্তং হর্ষঃ সমভবন্মহান্॥ ১-১৭৩-২৫ (৭৯০১)
অয়ং কাল ইতি জ্ঞাৎবা কুন্তী সমুপসৃত্য তান্।
গতাসূনমৃতেনেব জীবয়ন্তীদমব্রবীৎ॥ ॥ ১-১৭৩-২৬ (৭৯০২)
ইতি শ্রীমন্মহাভারতে আদিপর্বণি বকবধপর্বণি ত্রিসপ্তত্যধিকশততমোঽধ্যায়ঃ॥ ১৭৩ ॥
Mahabharata – Adi Parva – Chapter Footnotes
১-১৭৩-১৫ প্রসবার্থং বংশার্থম্॥ ১-১৭৩-১৭ অমৃতেব জীবন্তীব। ইহ লোকে কীর্তেঃ সত্ৎবাৎ॥ ১-১৭৩-১৮ ইতঃ প্রদানে অস্মিন্ রাক্ষসাহারায় কন্যাদানে দুর্দানৎবাৎ পিতুর্দুর্মরণাচ্চ কন্যায়া দেবাশ্চ পিতরশ্চ হিতায় নেতি শ্রুতং যদ্যপি তথাপি ৎবয়া দত্তেনঃ তোয়েন তব মম চ হিতায় তে ভবিষ্যন্তীত্যর্থঃ॥ ১-১৭৩-২২ কলং মধুরা॥ ত্রিসপ্তত্যধিকশততমোঽধ্যায়ঃ॥ ১৭৩ ॥