আদিপর্ব – অধ্যায় ১৭১

আদিপর্ব – অধ্যায় ১৭১

॥ শ্রীঃ ॥

১.১৭১. অধ্যায়ঃ ১৭১

(অথ বকবধপর্ব ॥ ১০ ॥)

Mahabharata – Adi Parva – Chapter Topics

একচক্রায়াং ভিক্ষামটতঃ পাণ্ডবান্দৃষ্ট্বা পৌরাণাং বিতর্কঃ॥ ১ ॥ কুম্ভকারাদ্ভীমস্য মহত্তরপাত্রলাভঃ॥ ২ ॥ সভার্যস্য তদ্গৃহস্বামিনো ব্রাহ্মণস্য ক্রন্দিতং শ্রুতবত্যাঃ কুন্ত্যাঃ ভীমানুমত্যা ব্রাহ্মণান্তর্গৃহপ্রবেশঃ॥ ৩ ॥ ব্রাহ্মণপ্রলাপঃ॥ ৪ ॥

Mahabharata – Adi Parva – Chapter Text

১-১৭১-০ (৭৭৫৮)
জনমেজয় উবাচ। ১-১৭১-০x (১০০০)
একচক্রাং গতাস্তে তু কুন্তীপুত্রা মহারথাঃ।
অত ঊর্ধ্বং দ্বিজশ্রেষ্ঠ কিমকুর্বত পাণ্ডবাঃ॥ ১-১৭১-১ (৭৭৫৯)
বৈশম্পায়ন উবাচ। ১-১৭১-২x (১০০১)
একচক্রাং গতাস্তে তু কন্তীপুত্রা মহারথাঃ।
ঊষুর্নাতিচিরং কালং ব্রাহ্মণস্য নিবেশনে॥ ১-১৭১-২ (৭৭৬০)
রমণীয়ানি পশ্যন্তো বনানি বিবিধানি চ।
পার্থিবানপি চোদ্দেশান্সরিতশ্চ সরাংসি চ॥ ১-১৭১-৩ (৭৭৬১)
চেরুর্ভৈশ্রং তদা তে তু সর্ব এব বিশাংপতে।
`যুধিষ্ঠিরং চ কুন্তীং চ চিন্তয়ন্ত উপাসতে॥ ১-১৭১-৪ (৭৭৬২)
ভৈক্ষং চরন্তস্তু তদা জটিলা ব্রহ্মচারিণঃ।
বভূবুর্নাগরাণাং চ গুণৈঃ সংপ্রিয়দর্শনাঃ॥ ১-১৭১-৫ (৭৭৬৩)
নাগরা ঊচুঃ। ১-১৭১-৬x (১০০২)
দর্শনীয়া দ্বিজাঃ শুভ্রা দেবগর্ভোপমাঃ শুভাঃ।
ভৈক্ষানর্হাশ্চ রাজ্যার্হাঃ সুকুমারাস্তপস্বিনঃ॥ ১-১৭১-৬ (৭৭৬৪)
নৈতে যথার্থতো বিপ্রাঃ সুকুমারাস্তপস্বিনঃ।
চরন্তি ভূমৌ প্রচ্ছন্নাঃ কস্মাচ্চিৎকারণাদিহ॥ ১-১৭১-৭ (৭৭৬৫)
সর্বলক্ষণসংপন্না ভৈক্ষং নার্হন্তি নিত্যশঃ।
কার্যার্থিনশ্চরন্তীতি তর্কয়ন্ত ইতি ব্রুবন্॥ ১-১৭১-৮ (৭৭৬৬)
বন্ধূনামাগমান্নিত্যমুপচারৈস্তু নাগরাঃ।
ভাজনানি চ পূর্ণানি ভক্ষ্যভোজ্যৈরকারয়ন্॥ ১-১৭১-৯ (৭৭৬৭)
মৌনব্রতেন সংয়ুক্তা ভৈশ্রং গৃহ্ণন্তি পাণ্ডবাঃ।
মাতা চিরগতান্জ্ঞাৎবা শোচন্তী পাণ্ডবান্প্রতি॥ ১-১৭১-১০ (৭৭৬৮)
দুঃখাশ্রুপূর্ণনয়না লিখন্ত্যাস্তে মহীতলম্।
ভিক্ষিৎবা দ্বিজগেহেষু চিন্তয়ন্তশ্চ মাতরম্॥ ১-১৭১-১১ (৭৭৬৯)
ৎবরমাণা নিবর্তন্তে মাতৃগৌরবয়ন্ত্রিতাঃ।
মাত্রে নিবেদয়ন্তি স্ম কুন্ত্যৈ ভৈক্ষং দিবানিশম্॥ ১-১৭১-১২ (৭৭৭০)
সর্বং সংপূর্ণভৈক্ষান্নং মাতৃদত্তং পৃথক্পৃথক্।
বিভজ্যাভুঞ্জতেষ্টং তে যথাভাগং পৃথক্পৃথক্॥ ১-১৭১-১৩ (৭৭৭১)
অর্ধং স্ম ভুঞ্জতে পঞ্চ সহ মাত্রা পরন্তপাঃ।
অর্ধং সর্বস্য ভৈক্ষস্য ভীমো ভুঙ্ক্তে মহাবলঃ॥ ১-১৭১-১৪ (৭৭৭২)
স নাশিতশ্চ ভবতি কল্যাণান্নভুজিঃ পুরা।
স বৈবর্ণ্যং চ কার্শ্যং চ জগামাতৃপ্তিকারিতম্॥ ১-১৭১-১৫ (৭৭৭৩)
আজ্যবিন্দুর্যথা বহ্নৌ মহতি জ্বলিতে ভবেৎ।
তথার্ধভাগং ভীমস্য ভিক্ষান্নস্য নরোত্তম॥ ১-১৭১-১৬ (৭৭৭৪)
তথৈব বসতাং তত্র তেষাং রাজন্মহাত্মনাম্।
অতিচক্রাম সুমহান্কালোঽথ ভরতর্ষভ॥ ১-১৭১-১৭ (৭৭৭৫)
ভীমোঽপি ক্রীডয়িৎবাথ মিথো ব্রাহ্মণবন্ধুষু।
কুম্ভকারেণ সংবন্ধাল্লেভে পাত্রং মহত্তরম্॥ ১-১৭১-১৮ (৭৭৭৬)
কুম্ভকারোঽদদাৎপাত্রং মহৎকৃৎবাতিমাত্রকম্।
প্রহসন্ভীমসেনায় বিস্মিতস্তস্য কর্মণা॥ ১-১৭১-১৯ (৭৭৭৭)
তস্যাদ্ভুতং কর্ম কুর্বন্মৃদ্ভারং মহদাদদে।
মৃদ্ভারৈঃ শতসাহস্রৈঃ কুম্ভকারমতোষয়ৎ॥ ১-১৭১-২০ (৭৭৭৮)
চক্রে চক্রে চ মৃদ্ভাণ্ডান্সততং ভৈক্ষমাচরন্।
তদাদায়াগতং দৃষ্ট্বা হসন্তি প্রহসন্তি চ॥ ১-১৭১-২১ (৭৭৭৯)
ভক্ষ্যভোজ্যানি বিবিধান্যাদায় প্রক্ষিপন্তি চ।
এবমেব সদা ভুক্ৎবা মাত্রে বদতি বৈ রহঃ।
ন চাশিতোঽস্মি ভবতি কল্যাণান্নভৃতঃ পুরা॥’ ১-১৭১-২২ (৭৭৮০)
ততঃ কদাচিদ্ভৈক্ষায় গতাস্তে পুরষর্ষভাঃ।
সংগত্য ভীমসেনস্তু তত্রাস্তে পৃথয়া সহ॥ ১-১৭১-২৩ (৭৭৮১)
অথার্তিজং মহাশব্দং ব্রাহ্মণস্য নিবেশনে।
ভৃশমুৎপতিতং ঘোরং কুন্তী শুশ্রাব ভারত॥ ১-১৭১-২৪ (৭৭৮২)
রোরুয়মাণাংস্তান্দৃষ্ট্বা পরিদেবয়তশ্চ সা।
কারুণ্যাৎসাধুভাবাচ্চ কুন্তী রাজন্ন চক্ষমে॥ ১-১৭১-২৫ (৭৭৮৩)
মথ্যমানেব দুঃখেন হৃদয়েন পৃথা তদা।
উবাচ ভীমং কল্যাণী কৃপান্বিতমিদং বচঃ॥ ১-১৭১-২৬ (৭৭৮৪)
বসামঃ সুসুখং পুত্র ব্রাহ্মণস্য নিবেশনে।
অজ্ঞাতা ধার্তরাষ্ট্রস্য সৎকৃতাং বীতমন্যবঃ॥ ১-১৭১-২৭ (৭৭৮৫)
সা চিন্তয়ে সদা পুত্র ব্রাহ্মণস্যাস্য কিং ন্বহম্॥
কদা প্রিয়ং করিষ্যামি যৎকুর্যুরুষিতাঃ সুখম্॥ ১-১৭১-২৮ (৭৭৮৬)
এতাবান্পুরুষস্তাত কৃতং যস্মিন্ন নশ্যতি।
যাবচ্চ কুর্যাদন্যোঽস্য কুর্যাদভ্যধিকং ততঃ॥ ১-১৭১-২৯ (৭৭৮৭)
তদিদং ব্রাহ্মণস্যাস্য দুঃখমাপতিতং ধ্রুবম্।
ন তত্র যদি সাহায়্যং কুর্যাম সুকৃতং ভবেৎ॥ ১-১৭১-৩০ (৭৭৮৮)
ভীমসেন উবাচ। ১-১৭১-৩১x (১০০৩)
জ্ঞায়তামস্য যদ্দুঃখং যতশ্চৈব সমুত্থিতম্।
বিদিৎবা ব্যবসিষ্যামি যদ্যপি স্যাৎসুদুষ্করম্॥ ১-১৭১-৩১ (৭৭৮৯)
বৈশম্পায়ন উবাচ। ১-১৭১-৩২x (১০০৪)
এবং তৌ কথয়ন্তৌ চ ভূয়ঃ সুশ্রুবতুঃ স্বনম্।
আর্তিজং তস্য বিপ্রস্য সভার্যস্য বিশাংপতে॥ ১-১৭১-৩২ (৭৭৯০)
অন্তঃপুরং ততস্তস্য ব্রাহ্মণস্য মহাত্মনঃ।
বিবেশ ৎবরিতা কুন্তী বদ্ধবৎসেব সৌরভী॥ ১-১৭১-৩৩ (৭৭৯১)
ততস্তং ব্রাহ্মণং তত্র ভার্যযা চ সুতেন চ।
দুহিত্রা চৈব সহিতং দদর্শ বিকৃতাননম্॥ ১-১৭১-৩৪ (৭৭৯২)
ব্রাহ্মণ উবাচ। ১-১৭১-৩৫x (১০০৫)
ধিগিদং জীবিতং লোকে গতসারমনর্থকম্।
দুঃখমূলং পরাধীনং ভৃশমপ্রিয়ভাগি চ॥ ১-১৭১-৩৫ (৭৭৯৩)
জীবিতে পরমং দুঃখং জীবিতে পরমো জ্বরঃ।
জীবিতে বর্তমানস্য দ্বন্দ্বানামাগমো ধ্রুবঃ॥ ১-১৭১-৩৬ (৭৭৯৪)
আত্মা হ্যেকো হি ধর্মার্থৌ কামং চৈব নিষেবতে।
এতৈশ্চ বিপ্রয়োগোঽপি দুঃখং পরমনন্তকম্॥ ১-১৭১-৩৭ (৭৭৯৫)
আহুঃ কেচিৎপরং মোক্ষং স চ নাস্তি কথংচন।
অর্থপ্রাপ্তৌ তু নরকঃ কৃৎস্ন এবোপপদ্যতে॥ ১-১৭১-৩৮ (৭৭৯৬)
অর্থেপ্সুতা পরং দুঃখমর্থপ্রাপ্তৌ ততোঽধিকম্।
জাতস্নেহস্য চার্থেষু বিপ্রয়োগে মহত্তরম্॥ ১-১৭১-৩৯ (৭৭৯৭)
`যাবন্তো যস্য সংয়োগা দ্রব্যৈরিষ্টৈর্ভবন্ত্যুত।
তাবন্তোঽস্য নিখ্যন্তে হৃদয়ে শোকশঙ্কবঃ॥ ১-১৭১-৪০ (৭৭৯৮)
তদিদং জীবিতং প্রাপ্য অল্পকালং মহাভয়ম্।
ত্যাগো হি ন ময়া প্রাপ্তো ভার্যযা সহিতেন চ॥’ ১-১৭১-৪১ (৭৭৯৯)
ন হি যোগং প্রপশ্যামি যেন মুচ্যেয়মাপদঃ।
পুত্রদারেণ বা সার্ধং প্রাদ্রবেয়মনাময়ম্॥ ১-১৭১-৪২ (৭৮০০)
যতিতং বৈ ময়া পূর্বং বেত্থ ব্রাহ্মণি তত্তথা।
ক্ষেমং যতস্ততো গন্তুং ৎবয়া তু মম ন শ্রুতম্॥ ১-১৭১-৪৩ (৭৮০১)
ইহ জাতা বিবৃদ্ধাঽস্মি পিতা মাতা মমেতি বৈ।
উক্তবত্যসি দুর্মেধে যাচ্যমানা ময়াঽসকৃৎ॥ ১-১৭১-৪৪ (৭৮০২)
স্বর্গতোঽপি পিতা বৃদ্ধস্তথা মাতা চিরং তব।
বন্ধবা ভূতপূর্বাশ্চ তত্র বাসে তু কা রতিঃ॥ ১-১৭১-৪৫ (৭৮০৩)
`ন ভোজনং বিরুদ্ধং স্যান্ন স্ত্রীদেশো নিবন্ধনঃ।
সুদূরমপি তং দেশং ব্রজেদ্গরুডহংসবৎ॥’ ১-১৭১-৪৬ (৭৮০৪)
সোঽয়ং তে বন্ধুকামায়া অশৃণ্বন্ত্যা বচো মম।
বন্ধুপ্রণাশঃ সংপ্রাপ্তো ভৃশং দুঃখকরো মম॥ ১-১৭১-৪৭ (৭৮০৫)
অথবা মদ্বিনাশো যং ন হি শক্ষ্যামি কংচন।
পরিত্যক্তুমহং বন্ধুং স্বয়ং জীবন্নৃশংসবৎ॥ ১-১৭১-৪৮ (৭৮০৬)
সহধর্মচরীং দান্তাং নিত্যং মাতৃসমাং মম।
সখায়ং বিহিতাং দেবৈর্নিত্যং পরমিকাং গতিম্॥ ১-১৭১-৪৯ (৭৮০৭)
পিত্রা মাত্রা চ বিহিতাং সদা গার্হস্থ্যভাগিনীম্।
বরয়িৎবা যথান্যায়ং মন্ত্রবৎপরিণীয় চ॥ ১-১৭১-৫০ (৭৮০৮)
কুলীনাং শীলসংপন্নামপত্যজননীমপি।
ৎবামহং জীবিতস্যার্থে সাধ্বীমনপকারিণীম্॥ ১-১৭১-৫১ (৭৮০৯)
পরিত্যক্তুং ন শক্ষ্যামি ভার্যাং নিত্যমনুব্রতাম্।
কুত এব পরিত্যক্তুং সুতাং শক্ষ্যাম্যহং স্বয়ম্॥ ১-১৭১-৫২ (৭৮১০)
বালামপ্রাপ্তবয়সমজাতব্যঞ্জনাকৃতিম্।
ভর্তুরর্থায় নিক্ষিপ্তাং ন্যাসং ধাত্রা মহাত্মনা॥ ১-১৭১-৫৩ (৭৮১১)
যয়া দৌহিত্রজাঁল্লোকানাশংসে পিতৃভিঃ সহ।
স্বয়মুৎপাদ্য তাং বালাং কথমুৎস্রষ্টুমুৎসহে॥ ১-১৭১-৫৪ (৭৮১২)
মন্যন্তে কেচিদধিকং স্নেহং পুত্রে পিতুর্নরাঃ।
কন্যায়াং কেচিদপরে মম তুল্যাবুভৌ স্মৃতৌ॥ ১-১৭১-৫৫ (৭৮১৩)
যস্যাং লোকাঃ প্রসূতিশ্চ স্থিতা নিত্যমথো সুখম্।
অপাপাং তামহং বালাং কথমুৎস্রষ্টুমুৎসহে॥ ১-১৭১-৫৬ (৭৮১৪)
`কুত এব পরিত্যক্তুং সুতং শক্ষ্যাম্যহং স্বয়ম্।
প্রার্থয়েয়ং পরাং প্রীতিং যস্মিন্স্বর্গফলানি চ॥ ১-১৭১-৫৭ (৭৮১৫)
যস্য জাতস্য পিতরো মুখং দৃষ্ট্বা দিবং গতাঃ।
অহং মুক্তঃ পিতৃঋণাদ্যস্য জাতস্য তেজসা॥ ১-১৭১-৫৮ (৭৮১৬)
দয়িতং মে কথং বালমহং ত্যক্তুমিহোৎসহে।
তমহং জ্যেষ্ঠপুত্রং মে কুলনির্হারকং বিভুম্॥ ১-১৭১-৫৯ (৭৮১৭)
মম পিণ্ডোদকনিধিং কথং ত্যক্ষ্যামি পুত্রকম্।
ত্যাগোঽয়ং মম সংপ্রাপ্তো মমন্বা মে সুতস্য বা॥ ১-১৭১-৬০ (৭৮১৮)
তব বা তব পুত্র্যা বা অত্র বাসস্য তৎফলম্।
ন শৃণোষি বচো মহ্যং তৎফলং ভুঙ্ক্ষ্ব ভামিনি॥ ১-১৭১-৬১ (৭৮১৯)
অথবাহং ন শক্ষ্যামি স্বয়ং মর্তুং সুতং মম।
একং ত্যক্তুং ন শক্নোতি ভবতীং চ সুতামপি॥ ১-১৭১-৬২ (৭৮২০)
অথ মদ্রক্ষণার্থং বা ন হি শক্ষ্যামি কংচন।
পরিত্যক্তুমহং বন্ধুং স্বয়ং জীবন্নৃশংসবৎ॥ ১-১৭১-৬৩ (৭৮২১)
আত্মানমপি চোৎসৃজ্য গতে প্রেতবশং ময়ি।’
ত্যক্তা হ্যেতে ময়া ব্যক্তং নেহ শক্ষ্যন্তি জীবিতুম্॥ ১-১৭১-৬৪ (৭৮২২)
এষাং চান্যতমত্যাগো নৃশংসো গর্হিতো বুধৈঃ।
আত্মত্যাগে কৃতে চেমে মরিষ্যন্তি ময়া বিনা॥ ১-১৭১-৬৫ (৭৮২৩)
স কৃচ্ছ্রামহমাপন্নো ন শক্তস্তর্তুমাপদম্।
অহো ধিক্কাং গতিং ৎবদ্য গমিষ্যামি সবান্ধবঃ।
সর্বৈঃ সহ মৃতং শ্রেয়ো ন চ মে জীবিতুং ক্ষমম্॥ ॥ ১-১৭১-৬৬ (৭৮২৪)

ইতি শ্রীমন্মহাভারতে আদিপর্বণি বকবচপর্বণি একসপ্তত্যধিকশততমোঽধ্যায়ঃ॥ ১৭১ ॥

Mahabharata – Adi Parva – Chapter Footnotes

১-১৭১-৪২ যোগমুপায়ম্॥ একসপ্তত্যধিকশততমোঽধ্যায়ঃ॥ ১৭১ ॥