আদিপর্ব – অধ্যায় ১৬৩

আদিপর্ব – অধ্যায় ১৬৩

॥ শ্রীঃ ॥

১.১৬৩. অধ্যায়ঃ ১৬৩

Mahabharata – Adi Parva – Chapter Topics

তৃষার্তান্ মাতরং ভ্রাংতৄশ্চ ন্যগ্রোধমূলে স্থাপয়িৎবা জলানয়নায় ভীমস্য গমনম্॥ ১ ॥ জলমানীয়াগতস্য ভূমৌ সুপ্তান্মাত্রাদীন্পশ্যতো ভীমস্য প্রলাপঃ॥ ২ ॥

Mahabharata – Adi Parva – Chapter Text

১-১৬৩-০ (৭৪০৮)
বৈশম্পায়ন উবাচ। ১-১৬৩-০x (৯৫২)
তেন বিক্রমমাণেন ঊরুবেগসমীরিতম্।
বনং সবৃক্ষবিটপং ব্যাঘূর্ণিতমিবাভবৎ॥ ১-১৬৩-১ (৭৪০৯)
জঙ্গাবাতো ববৌ চাস্য শুচিশুক্রাগমে যথা।
আবর্জিতালতাবৃক্ষং মার্গং চক্রে মহাবলঃ॥ ১-১৬৩-২ (৭৪১০)
স মৃদ্গন্পুষ্পিতাংশ্চৈব ফলিতাংশ্চ বনস্পতীন্।
অবরুজ্য যয়ৌ গুল্মান্পথস্তস্য সমীপজান্॥ ১-১৬৩-৩ (৭৪১১)
স রোষিত ইব ক্রুদ্ধো বনে ভঞ্জন্মহাদ্রুমান্।
ত্রিপ্রস্রুতমদঃ শুষ্মী ষষ্টিবর্ষো মতঙ্গরাট্॥ ১-১৬৩-৪ (৭৪১২)
গচ্ছতস্তস্য বেগেন তার্ক্ষ্যমারুতরংহসঃ।
ভীমস্য পাণ্ডুপুত্রাণাং মূর্চ্ছেব সমজায়ত॥ ১-১৬৩-৫ (৭৪১৩)
অসকৃচ্চাপি সতীর্য দূরপারং ভুজপ্লবৈঃ।
পথি প্রচ্ছন্নমাসেদুর্ধার্তরাষ্ট্রভয়াত্তদা॥ ১-১৬৩-৬ (৭৪১৪)
কৃচ্ছ্রেণ মাতরং চৈব সুকুমারীং যশস্বিনীম্।
অবহৎস তু পৃষ্ঠেন রোধঃসু বিষমেষু চ॥ ১-১৬৩-৭ (৭৪১৫)
অগমচ্চ বনোদ্দেশমল্পমূলফলোদকম্।
ক্রূরপক্ষিমৃগং ঘোরং সায়াহ্নে ভরতর্ষভ॥ ১-১৬৩-৮ (৭৪১৬)
ঘোরা সমভবৎসন্ধ্যা দারুণা মৃগপক্ষিণঃ।
অপ্রকাশা দিশঃ সর্বা বাতৈরাসন্ননার্তবৈঃ॥ ১-১৬৩-৯ (৭৪১৭)
শীর্ণপর্ণফলৈ রাজন্বহুগুল্মক্ষুপদ্রুমৈঃ।
ভগ্নাবভুগ্নভূয়িষ্ঠৈর্নানাদ্রুমসমাকুলৈঃ॥ ১-১৬৩-১০ (৭৪১৮)
তে শ্রমেণ চ কৌরব্যাস্তৃষ্ণয়া চ প্রপীডিতাঃ।
নাশক্নুবংস্তদা গন্তুং নিদ্রয়া চ প্রবৃদ্ধয়া॥ ১-১৬৩-১১ (৭৪১৯)
ন্যবিশন্তি হি তে সর্বে নিরাস্বাদে মহাবনে।
`রাত্র্যামেব গতাস্তূর্ণং চতুর্বিংশতিয়োজনম্।’
ততস্তৃষা পরিক্লন্তা কুন্তী বচনমব্রবীৎ॥ ১-১৬৩-১২ (৭৪২০)
মাতা সতী পাণ্ডবানাং পঞ্চানাং মধ্যতঃ স্থিতা।
তৃষ্ণয়া হি পরীতাঽহমনাথেব মহাবনে॥ ১-১৬৩-১৩ (৭৪২১)
`ইতঃ পরং তু শক্তাহং গন্তুং চ ন পদাৎপদম্।
শয়িষ্যে বৃক্ষমূলেঽত্র ধার্তরাষ্ট্রা হরন্তু মাম্॥ ১-১৬৩-১৪ (৭৪২২)
শৃণু ভীম বচো মহ্যং তব বাহুবলাৎপুরঃ।
স্থাতুং ন শক্তাঃ কৌরব্যাঃ কিং বিভেষি পৃথাসুত॥ ১-১৬৩-১৫ (৭৪২৩)
অন্যো রথো ন মেঽস্তীহ ভীমসেনাদৃতে ভুবি।
ধার্তরাষ্ট্রাদ্বৃথা ভীরুর্ন মাং স্বপ্তুমিহেচ্ছসি॥ ১-১৬৩-১৬ (৭৪২৪)
বৈশম্পায়ন উবাচ। ১-১৬৩-১৭x (৯৫৩)
ভীমপৃষ্ঠস্থিতা চেত্থং দূয়মানেন চেতসা।
নিশ্যধ্বনি রুদন্তী সা নিদ্রাবশ্মুপাগতা॥’ ১-১৬৩-১৭ (৭৪২৫)
তচ্ছ্রুৎবা ভীমসেনস্য মাতৃস্নেহাৎপ্রজল্পিতম্।
কারুণ্যেন মনস্তপ্তং গমনায়োপচক্রমে॥ ১-১৬৩-১৮ (৭৪২৬)
ততো ভীমো বনং ঘোরং প্রবিশ্য বিজনং মহৎ।
ন্যগ্রোধং বিপুলচ্ছায়ং রমণীয়ং দদর্শ হ॥ ১-১৬৩-১৯ (৭৪২৭)
তত্র নিক্ষিপ্য তান্সর্বানুবাচ ভরতর্ষভঃ।
পানীয়ং মৃগয়ামীহ তাবদ্বিশ্রম্যতামিহ॥ ১-১৬৩-২০ (৭৪২৮)
এতে রুবন্তি মধুরং সারসা জলচারিণঃ।
ধ্রুবমত্র জলস্থানং মহচ্চেতি মতির্মম॥ ১-১৬৩-২১ (৭৪২৯)
অনুজ্ঞাতঃ স গচ্ছেতি ভ্রাত্রা জ্যেষ্ঠেন ভারত।
জগাম তত্র যত্র স্ম সারসা জলচারিণঃ॥ ১-১৬৩-২২ (৭৪৩০)
`অপশ্যৎপদ্মিনীখণ্ডমণ্ডিতং স সরোবরম্।’
স তত্র পীৎবা পানীয়ং স্নাৎবা চ ভরতর্ষভ॥ ১-১৬৩-২৩ (৭৪৩১)
তেষামর্থে চ জগ্রাহ ভ্রাতৄণাং ভ্রাতৃবৎসলঃ।
উত্তরীয়েণ পানীয়মানয়ামাস ভারত॥ ১-১৬৩-২৪ (৭৪৩২)
`পঙ্কজানামনেকৈশ্চ পত্রৈর্বধ্বা পৃথক্পৃথক্।’
গব্যূতিমাত্রাদাগত্য ৎবরিতো মাতরং প্রতি।
শোকদুঃখপরীতাত্মা নিশশ্বাসোরগো যথা॥ ১-১৬৩-২৫ (৭৪৩৩)
স সুপ্তাং মাতরং `ভ্রাতৄন্নিদ্রাবিদ্রাবিতৌজসঃ।
মহারৌদ্রে বনে ঘোরে বৃক্ষমূলে সুশীতলে॥ ১-১৬৩-২৬ (৭৪৩৪)
বিক্ষিপ্তকরপাদাংশ্চ দীর্ঘোচ্ছ্বাসান্মহাবলান্।
ঊর্ধ্ববক্ত্রান্মহাকায়ান্পঞ্চেন্দ্রানিব ভূপতে॥ ১-১৬৩-২৭ (৭৪৩৫)
অজ্ঞাতবৃক্ষনিত্যস্থপ্রেতরাক্ষসসাধ্বসান্।
দৃষ্ট্বা বৈ ভৃশশোকার্তো বিললাপানিলাত্মজঃ॥’ ১-১৬৩-২৮ (৭৪৩৬)
ভৃশং শোকপরীত্মা বিললাপ বৃকোদরঃ॥ ১-১৬৩-২৯ (৭৪৩৭)
অতঃ কষ্টতরং কিং নু দ্রষ্টব্যং হি ভবিষ্যতি।
যৎপশ্যামি মহীসুপ্তান্ভ্রাতৄনদ্য সুমন্দভাক্॥ ১-১৬৩-৩০ (৭৪৩৮)
শয়নেষু পরার্ধ্যেষু যে পুরা বারণাবতে।
নাধিজগ্মুস্তদা নিদ্রাং তেঽদ্য সুপ্তা মহীতলে॥ ১-১৬৩-৩১ (৭৪৩৯)
স্বসারং বসুদেবস্য শত্রুসঙ্ঘাবমর্দিনঃ।
কুন্তিরাজসুতাং কুন্তীং সর্বলক্ষণপূজিতাম্॥ ১-১৬৩-৩২ (৭৪৪০)
স্নুষাং বিচিত্রবীর্যস্য ভার্যাং পাণ্ডোর্মহাত্মনঃ।
তথৈব চাস্মজ্জননীং পুণ্ডরীকোদরপ্রভাম্॥ ১-১৬৩-৩৩ (৭৪৪১)
সুকুমারতরামেনাং মহার্হশয়নোচিতাম্।
শয়ানাং পশ্যতাঽদ্যেহ পৃথিব্যামতথোচিতাম্॥ ১-১৬৩-৩৪ (৭৪৪২)
ধর্মাদিন্দ্রাচ্চ বাতাচ্চ সুপুবে যা সুতানিমান্।
সেয়ং ভূমৌ পরিশ্রান্তা শেষে প্রাসাদশায়িনী॥ ১-১৬৩-৩৫ (৭৪৪৩)
কিং নু দুঃখতরং শক্যং ময়া দ্রষ্টুমতঃ পরম্।
যোঽহমদ্য নরব্যাঘ্রান্সুপ্তান্পশ্যামি ভূতলে॥ ১-১৬৩-৩৬ (৭৪৪৪)
ত্রিষু লোকেষু যো রাজ্যং ধর্মনিত্যোঽর্হতে নৃপঃ।
সোঽয়ং ভূমৌ পরিশ্রান্তঃ শেতে প্রাকৃতবৎকথম্॥ ১-১৬৩-৩৭ (৭৪৪৫)
অয়ং নীলাম্বুদশ্যামো নরেষ্বপ্রতিমোঽর্জুনঃ।
শেতে প্রাকৃতবদ্ভূমৌ ততো দুঃখতরং নু কিম্॥ ১-১৬৩-৩৮ (৭৪৪৬)
অশ্বিনাবিব দেবানাং যাবিমৌ রূপসংপদা।
তৌ প্রাকৃতবদদ্যেমৌ প্রসুপ্তৌ ধরণীতলে॥ ১-১৬৩-৩৯ (৭৪৪৭)
জ্ঞাতয়ো যস্য নৈ স্যুর্বিষমাঃ কুলপাংসনাঃ।
স জীবেত সুখং লোকে গ্রামদ্রুম ইবৈকজঃ॥ ১-১৬৩-৪০ (৭৪৪৮)
একো বৃক্ষো হি যো গ্রামে ভবেৎপর্ণফলান্বিতঃ।
চৈত্যো ভবতি নির্জ্ঞাতিরধ্বনীনৈশ্চ পূজিতঃ॥ ১-১৬৩-৪১ (৭৪৪৯)
যেষাং চ বহবঃ শূরা জ্ঞাতয়ো ধর্মমাশ্রিতাঃ।
তে জীবন্তি সুখং লোকে ভবন্তি চ নিরাময়াঃ॥ ১-১৬৩-৪২ (৭৪৫০)
বলবন্তঃ সমৃদ্ধার্থা মিত্রবান্ধবনন্দনাঃ।
জীবন্ত্যন্যোন্যমাশ্রিত্য দ্রুমাঃ কাননজা ইব॥ ১-১৬৩-৪৩ (৭৪৫১)
বয়ং তু ধৃতরাষ্ট্রেণ দুষ্পুত্রেণ দুরাত্মনা।
`রাজ্যলুব্ধেন মূর্খেণ দুর্মন্ত্রিসহিতেন বৈ॥ ১-১৬৩-৪৪ (৭৪৫২)
দুষ্টেনাধর্মশীলেন স্বার্থনিষ্ঠৈকবুদ্ধিনা।’
বিবাসিতা ন দগ্ধাশ্চ ক্ষত্তুর্বুদ্ধিপরাক্রমাৎ॥ ১-১৬৩-৪৫ (৭৪৫৩)
তস্মান্মুক্তা বয়ং দাহাদিমং বৃক্ষমুপাশ্রিতাঃ।
কাং দিশং প্রতিপৎস্যামঃ প্রাপ্তাঃ ক্লেশমনুত্তমম্॥ ১-১৬৩-৪৬ (৭৪৫৪)
সকামো ভব দুর্বুদ্ধে ধার্তরাষ্ট্রাল্পদর্শন।
নূনং দেবাঃ প্রসন্নাস্তে নানুজ্ঞাং মে যুধিষ্ঠিরঃ॥ ১-১৬৩-৪৭ (৭৪৫৫)
প্রয়চ্ছতি বধে তুভ্যং তেন জীবসি দুর্মতে।
নন্বদ্য সসুতামাত্যং সকর্ণানুজসৌবলম্॥ ১-১৬৩-৪৮ (৭৪৫৬)
গৎবা ক্রোধসমাবিষ্টঃ প্রেষয়িষ্যে যমক্ষয়ম্।
কিং নু শক্যং ময়া কর্তুং যত্তেন ক্রুধ্যতে নৃপঃ॥ ১-১৬৩-৪৯ (৭৪৫৭)
ধর্মাত্মা পাণ্ডবশ্রেষ্ঠঃ পাপাচার যুধিষ্ঠিরঃ।
এবমুক্ৎবা মহাবাহুঃ ক্রোধসন্দীপ্তমানসঃ॥ ১-১৬৩-৫০ (৭৪৫৮)
করং করেণ নিষ্পিষ্য নিঃশ্বসন্দীনমানসঃ।
পুনর্দীনমনা ভূৎবা শান্তার্চিরিব পাবকঃ॥ ১-১৬৩-৫১ (৭৪৫৯)
ভ্রাতৄন্মহীতলে সুপ্তানবৈক্ষত বৃকোদরঃ।
বিশ্বস্তানিব সংবিষ্টান্পৃথগ্জনসমানিব॥ ১-১৬৩-৫২ (৭৪৬০)
নাতিদূরেণ নগরং বনাদস্মাদ্ধি লক্ষয়ে।
জাগর্তব্যে স্বপন্তীমে হন্ত জাগর্ম্যহংস্বয়ম্॥ ১-১৬৩-৫৩ (৭৪৬১)
প্রাশ্যন্তীমে জলং পশ্চাৎপ্রতিবুদ্ধা জিতক্লমাঃ।
ইতি ভীমো ব্যবস্যৈব জজাগার স্বয়ং তদা॥ ॥ ১-১৬৩-৫৪ (৭৪৬২)

ইতি শ্রীমন্মহাভারতে আদিপর্বণি জতুগৃহপর্বণি ত্রিষষ্ট্যধিকশততমোঽধ্যায়ঃ॥ ১৬৩ ॥ ॥ সমাপ্তং জতুর্গৃহপর্ব ॥

Mahabharata – Adi Parva – Chapter Footnotes

১-১৬৩-২ শুচিশুক্রাগমে জ্যেষ্ঠাষাঢয়োঃ সময়ে। আবর্জিতাঃ সমীকৃতা লতা বৃক্ষাশ্চ যস্মিন্॥ ১-১৬৩-৩ অবরুজ্য ভঙ্ক্ৎবা॥ ১-১৬৩-৪ রোষিতো রোষং প্রাপিতঃ। ত্রিষু গণ্ডকর্ণমূলগুহ্যদেশেষু প্রস্রুতো মদো যস্য সঃ। শুষ্মী তেজস্বী॥ ১-১৬৩-৯ অনার্তবৈরনৃতুভবৈরুৎপাতরূপৈরিত্যর্থঃ॥ ১-১৬৩-১২ তৃষা তৃষ্ণয়া॥ ১-১৬৩-৩০ মুমন্দভাগতিমন্দভাগ্যঃ॥ ১-১৬৩-৪০ একজ এক এব জাতোঽসহায়ঃ॥ ১-১৬৩-৪৩ বান্ধবানাং নন্দনাঃ সুখদাঃ॥ ১-১৬৩-৪৮ তুভ্যং তব॥ ত্রিষষ্ট্যধিকশততমোঽধ্যায়ঃ॥ ১৬৩ ॥