আদিপর্ব – অধ্যায় ১৫৮

আদিপর্ব – অধ্যায় ১৫৮

॥ শ্রীঃ ॥

১.১৫৮. অধ্যায়ঃ ১৫৮

Mahabharata – Adi Parva – Chapter Topics

পাণ্ডবানাং বারণাবতপ্রবেশঃ॥ ১ ॥

Mahabharata – Adi Parva – Chapter Text

১-১৫৮-০ (৭১৯৮)
বৈশম্পায়ন উবাচ। ১-১৫৮-০x (৯২৮)
ততঃ সর্বাঃ প্রকৃতয়ো নগরাদ্বারণাবতাৎ।
সর্বমঙ্গলসংয়ুক্তা যথাশাস্ত্রমতন্দ্রিতাঃ॥ ১-১৫৮-১ (৭১৯৯)
শ্রুৎবাঽগতান্পাণ্ডুপুত্রান্নানায়ানৈঃ সহস্রশঃ।
অভিজগ্মুর্নরশ্রেষ্ঠাঞ্শ্রুৎবৈব পরয়া মুদা॥ ১-১৫৮-২ (৭২০০)
তে সমাসাদ্য কৌন্তেয়ান্বারণাবতকা জনাঃ।
কৃৎবা জয়াশিষঃ সর্বে পরিবার্যোপতস্থিরে॥ ১-১৫৮-৩ (৭২০১)
তৈর্বৃতঃ পুরুষব্যাঘ্রো ধর্মরাজো যুধিষ্ঠিরঃ।
বিবভৌ দেবসঙ্কাশো বজ্রপাণিরিবামরৈঃ॥ ১-১৫৮-৪ (৭২০২)
সৎকৃতাশ্চৈব পৌরৈস্তে পৌরান্সৎকৃত্য চানঘ।
অলঙ্কৃতং জনাকীর্ণং বিবিশুর্বারণাবতম্॥ ১-১৫৮-৫ (৭২০৩)
তে প্রবিশ্য পুরীং বীরাস্তূর্ণং জগ্মুরথো গৃহান্।
ব্রাহ্মণানাং মহীপাল রতানাং স্বেষু কর্মসু॥ ১-১৫৮-৬ (৭২০৪)
নগরাধিকৃতানাং চ গৃহাণি রথিনাং বরাঃ।
উপতস্থুর্নরশ্রেষ্ঠা বৈশ্যশূদ্রগৃহাণ্যপি॥ ১-১৫৮-৭ (৭২০৫)
অর্চিতাশ্চ নরৈঃ পৌরৈঃ পাণ্ডবা ভরতর্ষভ।
জগ্মুরাবসথং পশ্চাৎপুরোচনপুরঃসরাঃ॥ ১-১৫৮-৮ (৭২০৬)
তেভ্যো ভক্ষ্যাণি পানানি শয়নানি শুভানি চ।
আসনানি চ মুখ্যানি প্রদদৌ স পুরোচনঃ॥ ১-১৫৮-৯ (৭২০৭)
তত্র তে সৎকৃতাস্তেন সুমহার্হপরিচ্ছদাঃ।
উপাস্যমানাঃ পুরুষৈরূষুঃ পুরনিবাসিভিঃ॥ ১-১৫৮-১০ (৭২০৮)
দশরাত্রোষিতানাং তু তত্র তেষাং পুরোচনঃ।
নিবেদয়ামাস গৃহং শিবাখ্যমশিবং তদা॥ ১-১৫৮-১১ (৭২০৯)
তত্র তে পুরুষব্যাঘ্রা বিবিশুঃ সপরিচ্ছদাঃ।
পুরোচনস্য বচনাৎকৈলাসমিব গুহ্যকাঃ॥ ১-১৫৮-১২ (৭২১০)
তচ্চাগারমভিপ্রেক্ষ্য সর্বধর্মভৃতাং বরঃ।
উবাচাগ্নেয়মিত্যেবং ভীমসেনং যুধিষ্ঠিরঃ॥ ১-১৫৮-১৩ (৭২১১)
জিঘ্রাণোঽস্য বসাগন্ধং সর্পির্জতুবিমিশ্রিতম্।
কৃতং হি ব্যক্তমাগ্নেয়মিদং বেশ্ম পরন্তপ॥ ১-১৫৮-১৪ (৭২১২)
শণসর্জরসং ব্যক্তমানীয় গৃহকর্মণি।
মুঞ্জবল্বজবংশাদিদ্রব্যং সর্বং ঘৃতোক্ষিতম্॥ ১-১৫৮-১৫ (৭২১৩)
`তৃণবল্বজকার্পাসবংশদারুকটান্যপি।
আগ্নেয়ান্যত্র ক্ষিপ্তানি পরিতো বেশ্মনস্তথা॥’ ১-১৫৮-১৬ (৭২১৪)
শিল্পিভিঃ সুকৃতং হ্যাপ্তৈর্বিনীতৈর্বেশ্মকর্মণি।
বিশ্বস্তং মাময়ং পাপো দগ্ধুকামঃ পুরোচনঃ॥ ১-১৫৮-১৭ (৭২১৫)
তথা হি বর্ততে মন্দঃ সুয়োধনবশে স্থিতঃ।
ইমাং তু তাং মহাবুদ্ধির্বিদুরো দৃষ্টবাংস্তথা॥ ১-১৫৮-১৮ (৭২১৬)
আপদং তেন মাং পার্থ স সংবোধিতবান্পুরা।
তে বয়ং বোধিতাস্তেন নিত্যমস্মদ্ধিতৈষিণা॥ ১-১৫৮-১৯ (৭২১৭)
পিত্রা কনীয়সা স্নেহাদ্বুদ্ধিমন্তো শিবং গৃহম্।
অনার্যৈঃ সুকৃতং গূঢৈর্দুর্যোধনবশানুগৈঃ॥ ১-১৫৮-২০ (৭২১৮)
ভীমসেন উবাচ। ১-১৫৮-২১x (৯২৯)
যদীদং গৃহামাগ্নেয়ং বিহিতং মন্যতে ভবান্।
তত্রৈব সাধু গচ্ছামো যত্র পূর্বোষিতা বয়ম্॥ ১-১৫৮-২১ (৭২১৯)
`দর্শয়িৎবা পৃথগ্গন্তুং ন কার্যং প্রতিভাতি মে।
অশুভং বা শুভং বা স্যাত্তৈর্বসাম সহৈব তু॥ ১-১৫৮-২২ (৭২২০)
অদ্যপ্রভৃতি চাস্মাসু গতেষু ভয়বিহ্বলঃ।
রূঢমূলো ভবেদ্রাজ্যে ধার্তরাষ্ট্রো জনেশ্বরঃ॥ ১-১৫৮-২৩ (৭২২১)
তদীয়ং তু ভবেদ্রাজ্যং তদীয়াশ্চ জনা ইমে।
তস্মাৎসহৈব বৎস্যামো গলন্যস্তপদা বয়ম্॥ ১-১৫৮-২৪ (৭২২২)
অস্মাকং কালমাসাদ্য রাজ্যমাচ্ছিদ্য শত্রুতঃ।
অর্থং পৈতৃকমস্মাকং সুখং ভোক্ষ্যাম শাশ্বতম্॥ ১-১৫৮-২৫ (৭২২৩)
ধৃতরাষ্ট্রবচোঽস্মাভিঃ কিমর্থমনুপাল্যতে।
তেভ্যো ভিত্ৎবাঽন্যথাগন্তুং দৌর্বল্যং তে কুতো নৃপ॥ ১-১৫৮-২৬ (৭২২৪)
আপৎসু রক্ষিতাঽস্মাকং বিদুরোঽস্তি মহামতিঃ।
মধ্যস্থ এব গাঙ্গেয়ো রাজ্যভোগপরাঙ্মুখঃ॥ ১-১৫৮-২৭ (৭২২৫)
বাহ্লীকপ্রমুখা বৃদ্ধা মধ্যস্থা এব সর্বদা।
অস্মদীয়ো ভবেদ্দ্রোণঃ ফল্গুনপ্রেমসংয়ুতঃ॥ ১-১৫৮-২৮ (৭২২৬)
তস্মাৎসহৈব বস্তব্যং ন গন্তব্যং কথং নৃপ।
অথবাস্মাসু তে কুর্যুঃ কিমশক্তাঃ পরাক্রমৈঃ॥ ১-১৫৮-২৯ (৭২২৭)
ক্ষুদ্রাঃ কপটিনো ধূর্তা জাগ্রৎসু মনুজেশ্বর।
কিং ন কুর্যুঃ পুরা মহ্যং কিং ন দত্তং মহাবিষম্॥ ১-১৫৮-৩০ (৭২২৮)
আশীবিষৈর্মহাঘোরৈঃ সর্পৈস্তৈঃ কিং ন দংশিতঃ।
প্রমাণকোট্যাং সংগৃহ্য নিদ্রাপরবশে ময়ি॥ ১-১৫৮-৩১ (৭২২৯)
সর্পৈর্দৃষ্টিবিষৈর্গোরৈর্গঙ্গায়াং শূলসন্ততৌ।
কিং তৈর্ন পাতিতো ভূপ তদা কিং মৃতবানহম্॥ ১-১৫৮-৩২ (৭২৩০)
আপৎসু তাসু ঘোরাসু দুষ্প্রয়ুক্তাসু পাপিভিঃ।
অস্মানরক্ষদ্যো দেবো জগদ্যস্য বশে স্থিতম্॥ ১-১৫৮-৩৩ (৭২৩১)
চরাচরাত্মকং সোঽদ্য যাতঃ কুত্র নৃপোত্তম।
যাবৎসোঢব্যমস্মাভিস্তাবৎসোঢাস্মি যত্নতঃ॥ ১-১৫৮-৩৪ (৭২৩২)
যদা ন শক্ষ্যতেঽস্মাভিস্তদা পশ্যাম নো হিতম্।
কিং দ্রষ্টব্যমিহাস্মাভির্বিগৃহ্য তরসা বলাৎ॥ ১-১৫৮-৩৫ (৭২৩৩)
সান্ৎববাদেন দানেন ভেদেনাপি যতামহে।
অর্ধরাজ্যস্য সংপ্রাপ্ত্যৈ ততো দণ্ডঃ প্রশস্যতে॥ ১-১৫৮-৩৬ (৭২৩৪)
তস্মাৎসহৈব বস্তব্যং তন্মনোর্পিতশল্যবৎ।
দর্শয়িৎবা পৃথক্ ক্বাপি ন গন্তব্যং সুভীতবৎ॥’ ১-১৫৮-৩৭ (৭২৩৫)
যুধিষ্ঠির উবাচ। ১-১৫৮-৩৮x (৯৩০)
ইহ যত্তৈর্নিরাকারৈর্বস্তব্যমিতি রোচয়ে।
অপ্রমত্তৈর্বিচিন্বদ্ভির্গতিমিষ্টাং ধ্রুবামিতঃ॥ ১-১৫৮-৩৮ (৭২৩৬)
যদি বিন্দেত চাকারমস্মাকং স পুরোচনঃ।
ক্ষিপ্রকারী ততো ভূৎবা প্রসহ্যাপি দহেত্ততঃ॥ ১-১৫৮-৩৯ (৭২৩৭)
নায়ং বিভেত্যুপক্রোশাদধর্মাদ্বা পুরোচনঃ।
তথা হি বর্ততে মন্দঃ সুয়োধনবশে স্থিতঃ॥ ১-১৫৮-৪০ (৭২৩৮)
অপি চায়ং প্রদগ্ধেষু ভীষ্মোঽস্মাসু পিতামহঃ।
কোপং কুর্যাৎকিমর্থং বা কৌরবান্কোপয়ীত সঃ॥ ১-১৫৮-৪১ (৭২৩৯)
অথবাপীহ দগ্ধেষু ভীষ্মোঽস্মাকং পিতামহঃ।
ধর্ম ইত্যেব কুপ্যেরন্যে চান্যে কুরুপুঙ্গবাঃ॥ ১-১৫৮-৪২ (৭২৪০)
`উপপন্নং তু দগ্ধেষু কুলবংশানুকীর্তিতাঃ।
কুপ্যেরন্যদি ধর্মজ্ঞাস্তথান্যে কুরুপুঙ্গবাঃ॥’ ১-১৫৮-৪৩ (৭২৪১)
বয়ং তু যদি দাহস্য বিভ্যতঃ প্রদ্রবেমহি।
স্পশৈর্নো ঘাতয়েৎসর্বান্রাজ্যলুব্ধঃ সুয়োধনঃ॥ ১-১৫৮-৪৪ (৭২৪২)
অপদস্থান্পদে তিষ্ঠন্নপক্ষান্পক্ষসংস্থিতঃ।
হীনকোশান্মহাকোশঃ প্রয়োগৈর্ঘাতয়েদ্ধ্রুবম্॥ ১-১৫৮-৪৫ (৭২৪৩)
তদস্মাভিরিমং পাপং তং চ পাপং সুয়োধনম্।
বঞ্চয়দ্ভির্নিবস্তব্যং ছন্নং বীর ক্বচিৎক্বচিৎ॥ ১-১৫৮-৪৬ (৭২৪৪)
তে বয়ং মৃগয়াশীলাশ্চরাম বসুধামিমাম্।
তথা নো বিদিতা মার্গা ভবিষ্যন্তি পলায়তাং॥ ১-১৫৮-৪৭ (৭২৪৫)
ভৌমং চ বিলমদ্যৈব করবাম সুসংবৃতম্।
গূঢোদ্গতান্ন নস্তত্র হুতাশঃ সংপ্রধক্ষ্যতি॥ ১-১৫৮-৪৮ (৭২৪৬)
দ্রবতোঽত্র যথা চাস্মান্ন বুধ্যেত পুরোচনঃ।
পৌরো বাপি জনঃ কশ্চিত্তথা কার্যমতন্দ্রিতৈঃ॥ ॥ ১-১৫৮-৪৯ (৭২৪৭)

ইতি শ্রীমন্মহাভারতে আদিপর্বণি জতুগৃহপর্বণি অষ্টপঞ্চাশদধিকশততমোঽধ্যায়ঃ॥ ১৫৮ ॥

Mahabharata – Adi Parva – Chapter Footnotes

১-১৫৮-২২ দর্শয়িৎবা বিরোধমিতি শেষঃ॥ ১-১৫৮-২৯ ন গন্তব্যং হাস্তিনপুরমিতি শেষঃ॥ ১-১৫৮-৪০ উপক্রোশাদ্গর্হাতঃ॥ ১-১৫৮-৪১ অয়ং ভীষ্ম ইতি সংবন্ধঃ॥ ১-১৫৮-৪২ দগ্ধেষ্বস্মাস্বগ্নিদেষু কোপোঽধর্ম ইত্যেব কারণং কৃৎবা ভীষ্মোঽন্যে চ কুপ্যেরন্॥ ১-১৫৮-৪৪ দাহস্য দাহাৎ। স্পশৈশ্চারৈঃ॥ ১-১৫৮-৪৯ অত্র বিলে॥ অষ্টপঞ্চাশদধিকশততমোঽধ্যায়ঃ॥ ১৫৮ ॥