আদিপর্ব – অধ্যায় ১৫১
॥ শ্রীঃ ॥
১.১৫১. অধ্যায়ঃ ১৫১
Mahabharata – Adi Parva – Chapter Topics
যৌবরাজ্যে যুধিষ্ঠিরস্যাভিষেকঃ॥ ১ ॥ ভীমসেনস্য বলরামাদ্গদায়ুদ্ধশিক্ষণম্॥ ২ ॥ দ্রোণেনার্জুনস্য ব্রহ্মশিরোস্ত্রবিষয়ে নিয়মকথনম্॥ ৩ ॥ ভীমার্জুনদিগ্বিজয়েন ধৃতরাষ্ট্রচিন্তা॥ ৪ ॥
Mahabharata – Adi Parva – Chapter Text
১-১৫১-০ (৬৮৭৫)
বৈশম্পায়ন উবাচ। ১-১৫১-০x (৮৯৪)
`ধৃতরাষ্ট্রস্তু রাজন্দ্রে যদা কৌরবনন্দনম্।
যুধিষ্ঠিরং বিজানন্বৈ সমর্থং রাজ্যরক্ষণে॥ ১-১৫১-১ (৬৮৭৬)
যৌবরাজ্যাভিষেকার্থমমন্ত্রয়ত মন্ত্রিভিঃ।
তে তু বুদ্ধ্বান্বতপ্যন্ত ধৃতরাষ্ট্রাত্মজাস্তদা॥ ১-১৫১-২ (৬৮৭৭)
ততঃ সংবৎসরস্যান্তে যৌবরাজ্যায় পার্থিব।
স্থাপিতো ধৃতরাষ্ট্রেণ পাণ্ডুপুত্রো যুধিষ্ঠিরঃ॥ ১-১৫১-৩ (৬৮৭৮)
ততোঽদীর্ঘেণ কালেন কুন্তীপুত্রো যুধিষ্ঠিরঃ।
পিতুরন্তর্দধে কীর্তিং শীলবৃত্তসমাধিভিঃ॥ ১-১৫১-৪ (৬৮৭৯)
অসিয়ুদ্ধে গদায়ুদ্ধে রথয়ুদ্ধে চ পাণ্ডবঃ।
সংকর্ষণাদশিক্ষদ্বৈ শশ্বচ্ছিক্ষাং বৃকোদরঃ॥ ১-১৫১-৫ (৬৮৮০)
সমাপ্তশিক্ষো ভীমস্তু দ্যুমৎসেনসমো বলে।
পরাক্রমেণ সংপন্নো ভ্রাতৄণামচরদ্বশে॥ ১-১৫১-৬ (৬৮৮১)
প্রগাঢদৃঢমুষ্টিৎবে লাঘবে বেধনে তথা।
ক্ষুরনারাচভল্লানাং বিপাঠানাং চ তত্ৎববিৎ॥ ১-১৫১-৭ (৬৮৮২)
ঋজুবক্রবিশালানাং প্রয়োক্তা ফাল্গুনোঽভবৎ।
লাঘবে সৌষ্ঠবে চৈব নান্যঃ কশ্চন বিদ্যতে॥ ১-১৫১-৮ (৬৮৮৩)
বীভৎসুসদৃশো লোক ইতি দ্রোণো ব্যবস্থিতঃ।
ততোঽব্রবীদ্গুডাকেশং দ্রোণঃ কৌরবসংসদি॥ ১-১৫১-৯ (৬৮৮৪)
অগস্ত্যস্য ধনুর্বেদে শিষ্যো মম গুরুঃ পুরা।
অগ্নিবেশ্য ইতি খ্যাতস্তস্য শিষ্যোঽস্মি ভারত॥ ১-১৫১-১০ (৬৮৮৫)
তীর্থাত্তীর্থং গময়িতুমহমেতৎসমুদ্যতঃ।
তপসা যন্ময়া প্রাপ্তমমোঘমশনিপ্রভম্॥ ১-১৫১-১১ (৬৮৮৬)
অস্ত্রং ব্রহ্মশিরো নাম যদ্দহেৎপৃথিবীমপি।
দদতা গুরুণা চোক্তং ন মনুষ্যেষ্বিদংৎবয়া॥ ১-১৫১-১২ (৬৮৮৭)
ভারদ্বাজ বিমোক্তব্যমল্পবীর্যেষু সংয়ুগে।
যদ্যদন্তর্হিতং ভূতং কিংচিদ্যুদ্ধ্যেত্ৎবয়া সহ॥ ১-১৫১-১৩ (৬৮৮৮)
মহাতেজস্ৎবমেতেন হন্যাঃ শস্ত্রেণ সংয়ুগে।
ৎবয়া প্রাপ্তমিদং বীর দিব্যং নান্যোঽর্হতি ৎবিদম্॥ ১-১৫১-১৪ (৬৮৮৯)
সময়স্তু ৎবয়া রক্ষ্যো মুনিসৃষ্টো বিশাংপতে।
আচার্যদক্ষিণাং দেহি জ্ঞাতিগ্রামস্য পশ্যতঃ॥ ১-১৫১-১৫ (৬৮৯০)
দদানীতি প্রতিজ্ঞাতে ফাল্গুনেনাব্রবীদ্গুরুঃ।
যুদ্ধেঽহং প্রতিয়োদ্ধব্যো যুধ্যমানস্ৎবয়াঽনঘ॥ ১-১৫১-১৬ (৬৮৯১)
তথেতি চ প্রতিজ্ঞায় দ্রোণায় কুরুপুঙ্গবঃ।
উপসংগৃহ্য চরণাবুপতস্থে বিনীতবৎ॥ ১-১৫১-১৭ (৬৮৯২)
দ্রোণো জগাদ বচনং সমালিঙ্গ্য তু ফাল্গুনম্।
যন্ময়োক্তং পুরা পার্থ তব লোকে নরং ক্বচিৎ॥ ১-১৫১-১৮ (৬৮৯৩)
সদৃশং কারয়ে নৈব সর্বপ্রহরণে যুধি।
তৎকৃতং চ ময়া সম্যক্তব তুল্যো ন বর্ততে॥ ১-১৫১-১৯ (৬৮৯৪)
দেবা যুধি ন শক্তাস্ৎবাং যোদ্ধুং দৈত্যা ন দানবাঃ।
নাহং ৎবত্তো বিশিষ্টোঽস্মি কিং পুনর্মানবা রণে॥ ১-১৫১-২০ (৬৮৯৫)
একস্তবাধিকো লোকে যো হি বৃষ্ণিকুলোদ্ভবঃ।
কৃষ্ণঃ কমলপত্রাক্ষঃ কংসকালিয়সূদনঃ॥ ১-১৫১-২১ (৬৮৯৬)
স জেতা সর্বলোকানাং সর্বপ্রহরণায়ুধঃ।
নৈতাবতা তে পার্থাহং ভবাম্যনৃতবাগিহ॥ ১-১৫১-২২ (৬৮৯৭)
তদধীনং জগৎসর্বং তৎপ্রলীনং তদুদ্ভবম্।
তৎপদং ন বিজানন্তি ব্রহ্মেশানাদয়োঽপি বা॥ ১-১৫১-২৩ (৬৮৯৮)
তন্নাভিপ্রভবো ব্রহ্মা সর্বভূতানি নির্মমে।
স এব কর্তা ভোক্তা চ সংহর্তা চ জগন্ময়ম্॥ ১-১৫১-২৪ (৬৮৯৯)
স এব ভূতং ভব্যং চ ভবচ্চ পুরুষঃ পরঃ।
নিত্যঃ সর্বগতঃ স্থাণুরচলোঽয়ং সনাতনঃ॥ ১-১৫১-২৫ (৬৯০০)
প্রাদুর্ভবতি যোগাত্মা পালনার্থং স লীলয়া।
তত্তুল্যো হি ন জায়েত ন জাতো ন জনিষ্যতে॥ ১-১৫১-২৬ (৬৯০১)
স হি মাতুলজোঽভূত্তে চরাচরগুরুঃ পিতা।
কো হি তং জেতুমীহেত জানন্নাত্মহিতং নরঃ॥ ১-১৫১-২৭ (৬৯০২)
শ্যালশ্চ তে সখা চাসৌ তস্য ৎবং প্রাণবল্লভঃ।
স্নেহমভ্যধিকং তস্য তব সখ্যমবস্থিতম্॥ ১-১৫১-২৮ (৬৯০৩)
ন তেন ভবতো যুদ্ধং ভবিতা নর্মতোঽপি বা।
অপিচার্থে তব পুরা শক্রেণ কিল চোদিতঃ॥ ১-১৫১-২৯ (৬৯০৪)
গোকুলে বর্ধমানস্তু নন্দগোপস্য কারণাৎ।
মমাংশঃ পাণ্ডবো লোকে পৃথিব্যাং পুরুষোত্তমঃ॥ ১-১৫১-৩০ (৬৯০৫)
কৌন্তেয়াবরজঃ শ্রীমানর্জুনো নাম বীর্যবান্।
ভুবো ভারাপহরণে সাহায়্যং তে করিষ্যতি॥ ১-১৫১-৩১ (৬৯০৬)
তদর্থমভয়ং দেহি পাহি চাস্মৎকৃতে প্রভো।
ইত্যুক্তঃ পুণ্ডরীকাক্ষস্তদা শক্রেণ ফল্গুন॥ ১-১৫১-৩২ (৬৯০৭)
তমুবাচ ততঃ শ্রীমাঞ্শঙ্খচক্রগদাধরঃ।
জানামি পাণ্ডবে বংশে জাতং পার্থং পিতৃষ্বসুঃ॥ ১-১৫১-৩৩ (৬৯০৮)
পুত্রং পরমধর্মিষ্ঠং সর্বশস্ত্রভৃতাং বরম্।
পালয়ামি ৎবদংশং তং সর্বলোকমহাভুজম্॥ ১-১৫১-৩৪ (৬৯০৯)
আবয়োঃ সখ্যসদৃশং ন চ লোকে ভবিষ্যতি।
যস্তদ্ভক্তঃ সমদ্ভক্তো যস্তং দ্বেষ্টি স মামপি॥ ১-১৫১-৩৫ (৬৯১০)
যন্মে বিত্তং তু তত্তস্য তং বিনাহং ন জীবয়ে।
ইতি পার্থ পুরা শক্রমাহ সর্বেশ্বরো হরিঃ॥ ১-১৫১-৩৬ (৬৯১১)
তস্মাত্তবাপি সদৃশস্তং বিনাভ্যধিকঃ পুমান্।
ন চেহ ভবিতা লোকে তমেব শরণং ব্রজ॥ ১-১৫১-৩৭ (৬৯১২)
শরণ্যঃ সর্বভূতানাং দেবদেবো জনার্দনঃ॥’ ১-১৫১-৩৮ (৬৯১৩)
বৈশম্পায়ন উবাচ। ১-১৫১-৩৯x (৮৯৫)
তথেতি চ প্রতিজ্ঞায় দ্রোণায় কুরুপুঙ্গবঃ।
উপসংগৃহ্য চরণৌ যুধিষ্ঠিরবশোঽভবৎ॥ ১-১৫১-৩৯ (৬৯১৪)
স্বভাবাদগমচ্ছব্দো মহীং সাগরমেখলাম্।
অর্জুনস্য সমো লোকে নাস্তি কশ্চিদ্ধনুর্ধরঃ॥ ১-১৫১-৪০ (৬৯১৫)
গদায়ুদ্ধেঽসিয়ুদ্ধে চ রথয়ুদ্ধে চ পাণ্ডবঃ।
পারগশ্চ ধনুর্যুদ্ধে বভূবাথ ধনঞ্জয়ঃ॥ ১-১৫১-৪১ (৬৯১৬)
নীতিমান্সকলাং নীতিং বিবুধাধিপতেস্তদা।
`অস্ত্রে শস্ত্রে চ শাস্ত্রে চ রথনাগাশ্বকর্মণি।’
অবাপ্য সহদেবোঽপি ভ্রাতৄণাং ববৃতে বশে॥ ১-১৫১-৪২ (৬৯১৭)
দ্রোণেনৈবং বিনীতশ্চ ভ্রাতৄণাং নকুলঃ প্রিয়ঃ।
চিত্রয়োধী সমাখ্যাতো বভূবাতিরথোদিতঃ॥ ১-১৫১-৪৩ (৬৯১৮)
ত্রিবর্ষকৃতয়জ্ঞস্তু গন্ধর্বাণামুপপ্লবে।
অর্জুনপ্রমুখৈঃ পার্থৈঃ সৌবীরঃ সমরে হতঃ॥ ১-১৫১-৪৪ (৬৯১৯)
ন শশাক বশে কর্তুং যং পাণ্ডুরপি বীর্যবান্।
সোঽর্জুনেন বশং নীতো রাজাসীদ্যবনাধিপঃ॥ ১-১৫১-৪৫ (৬৯২০)
অতীব বলসংপন্নঃ সদা মানি কুরূন্প্রতি।
বিপুলো নাম সৌবীরঃ শস্তঃ পার্থেন ধীমতা॥ ১-১৫১-৪৬ (৬৯২১)
দত্তামিত্র ইতি খ্যাতং সঙ্গ্রামে কৃতনিশ্চয়ম্।
সুমিত্রং নাম সৌবীরমর্জুনোঽদময়চ্ছরৈঃ॥ ১-১৫১-৪৭ (৬৯২২)
ভীমসেনসহায়শ্চ রথানাময়ুতং চ সঃ।
অর্জুনঃ সমরে প্রাচ্যান্সর্বানেকরথোঽজয়ৎ॥ ১-১৫১-৪৮ (৬৯২৩)
তথৈবৈকরথো গৎবা দক্ষিণামজয়দ্দিশম্।
ধনৌঘং প্রাপয়ামাস কুরুরাষ্ট্রং ধনঞ্জয়ঃ॥ ১-১৫১-৪৯ (৬৯২৪)
`যতঃ পঞ্চদশে বর্ষে সর্বমেতচ্চকার সঃ।
তং দৃষ্ট্বা ধার্তরাষ্ট্রাণাং ততো ভয়মজায়ত॥ ১-১৫১-৫০ (৬৯২৫)
যঃ সর্বান্ধৃতরাষ্ট্রস্য পুত্রান্বিপ্রচকার হ।
ভীমসেনো মহাবাহুর্বলাদ্বলবতাং বরঃ॥ ১-১৫১-৫১ (৬৯২৬)
অদুষ্টভাবং তং দোষৈর্জগৃহুর্দোষবুদ্ধয়ঃ।
ধার্তরাষ্ট্রাস্তথা সর্বে ভয়াদ্ভীমস্য কর্মণা॥ ১-১৫১-৫২ (৬৯২৭)
তং দৃষ্ট্বা কর্মভিঃ পার্থান্সর্বানাগতলক্ষণান্।
বলাদ্বহুগুণাংস্তেভ্যো বিভিয়ুর্দোষবুদ্ধয়ঃ॥’ ১-১৫১-৫৩ (৬৯২৮)
এবং সর্বে মহাত্মানঃ পাণ্ডবা মনুজোত্তমাঃ।
পররাষ্ট্রাণি নির্জিত্য স্বরাষ্ট্রং ববৃধুঃ পুরা॥ ১-১৫১-৫৪ (৬৯২৯)
ততো বলমতিখ্যাতং বিজ্ঞায় দৃঢধন্বিনাম্।
দূষিতঃ সহসা ভাবো ধৃতরাষ্ট্রস্য পাণ্ডুষু।
স চিন্তাপরমো রাজা ন নিদ্রামলভন্নিশি॥ ॥ ১-১৫১-৫৫ (৬৯৩০)
ইতি শ্রীমন্মহাভারতে আদিপর্বণি সংভবপর্বণি একপঞ্চাশদধিকশততমোঽধ্যায়ঃ॥ ১৫১ ॥
Mahabharata – Adi Parva – Chapter Footnotes
১-১৫১-৯ গুডাকা নিদ্রা তস্যা ঈশমর্জুনং জিতনিদ্রং, গুডা স্নুহী তদ্বৎকেশা যস্য॥ ১-১৫১-১১ তীর্থাৎপাত্রান্তরং গময়িতুং সংপ্রদায়াবিচ্ছেদার্থমিত্যর্থঃ॥ ১-১৫১-১৪ ৎবয়া গ্রাহান্মাং মোচয়তা প্রাপ্তং প্রাগেব॥ ১-১৫১-২৮ তস্য ৎবয়ীতি শেষঃ। তব তস্মিন্নিতি শেষঃ॥ ১-১৫১-৩৫ তস্য মম চ॥ ১-১৫১-৪২ বিবুধাধিপতেরুদ্ধবাৎ॥ ১-১৫১-৪৩ বিনীতঃ শিক্ষিতঃ। অতিরথেষূদিতঃ খ্যাতঃ॥ ১-১৫১-৪৪ গন্ধর্বোপপ্লবেঽপি যস্য সৌবীরস্য যজ্ঞো ন বিপ্লুত ইত্যযোধ্যৎবমুক্তম্॥ ১-১৫১-৪৬ শস্তো হিংসিতঃ॥ ১-১৫১-৫৩ বিভিয়ুঃ বিভ্যুঃ॥ ১-১৫১-৫৪ ববৃধুর্বর্ধিতবন্তঃ॥ একপঞ্চাশদধিকশততমোঽধ্যায়ঃ॥ ১৫১ ॥