আদিপর্ব – অধ্যায় ১৪৯

আদিপর্ব – অধ্যায় ১৪৯

॥ শ্রীঃ ॥

১.১৪৯. অধ্যায়ঃ ১৪৯

Mahabharata – Adi Parva – Chapter Topics

দ্রুপদস্য যাজোপয়াজসমীপগমনম্॥ ১ ॥ উপয়াজেন দ্রোণবিনাশকপুত্রোৎপাদনার্থং যাজনায় প্রার্থিতে যাজনস্য প্রত্যাখ্যানম্॥ ২ ॥ যাজেনাঙ্গীকারে যজনারম্ভঃ॥ ৩ ॥ অপত্যপ্রদহবিঃপ্রাশনার্থং দ্রুপদপত্ন্যা আহ্বানে গর্বাত্তয়া বিলম্বনম্॥ ৪ ॥ ক্রুদ্ধাভ্যাং যাজোপয়াজাভ্যাং অগ্নৌ হৃবিষো হোমেনাগ্নিকুণ্ডাদ্ধৃষ্টদ্যুম্নস্যোৎপত্তিঃ॥ ৫ ॥ দ্বিতীয়হবিষো হোমেন পাঞ্চাল্যা উৎপত্তিঃ॥ ৬ ॥ তয়োর্নামকরণম্॥ ৭ ॥ দ্রোণাদ্ধৃষ্টদ্যুম্নস্যাস্ত্রশিক্ষণম্॥ ৮ ॥

Mahabharata – Adi Parva – Chapter Text

১-১৪৯-০ (৬৭৭৬)
`বৈশম্পায়ন উবাচ। ১-১৪৯-০x (৮৮১)
দ্রোণেন বৈরং দ্রুপদো ন সুষ্বাপ স্মরংস্তদা।
ক্ষাত্রেণ বৈ বলেনাস্য নাঽশশংসে পরাজয়ম্॥ ১-১৪৯-১ (৬৭৭৭)
হীনং বিদিৎবা চাত্মানং ব্রাহ্মেণাপি বলেন চ।
দ্রুপদোঽমর্ষণাদ্রাজা কর্মসিদ্ধান্দ্বিজোত্তমান্॥ ১-১৪৯-২ (৬৭৭৮)
অন্বিচ্ছন্পরিচক্রাম ব্রাহ্মণাবসথান্বহূন্।
নাস্তি শ্রেষ্ঠং মমাপত্যং ধিগ্বন্ধূনিতি চ ব্রুবন্॥ ১-১৪৯-৩ (৬৭৭৯)
নিশ্বাসপরমো হ্যাসীদ্দ্রোণং প্রতিচিকীর্ষয়া।
ন সন্তি মম মিত্রাণি লোকেঽস্মিন্নাস্তি বীর্যবান্॥ ১-১৪৯-৪ (৬৭৮০)
পুত্রজন্ম পরীপ্সন্বৈ পৃথিবীমন্বয়াদিমাম্।
প্রভাবশিক্ষাবিনয়াদ্দ্রোণস্যাস্ত্রবলেন চ॥ ১-১৪৯-৫ (৬৭৮১)
কর্তুং প্রয়তমানো বৈ ন শশাক পরাজয়ম্।
অভিতঃ সোঽথ কল্মাষীং গঙ্গাতীরে পরিভ্রমন্॥ ১-১৪৯-৬ (৬৭৮২)
ব্রাহ্মণাবসথং পুণ্যমাসসাদ মহীপতিঃ।
তত্র নাস্নাতকঃ কশ্চিন্ন চাসীদব্রতো দ্বিজঃ॥ ১-১৪৯-৭ (৬৭৮৩)
তথৈব তৌ মহাভাগৌ সোঽপশ্যচ্ছংসিতব্রতৌ।
যাজোপয়াজৌ ব্রহ্মর্ষী ভ্রাতরৌ পৃষতাত্মজঃ॥ ১-১৪৯-৮ (৬৭৮৪)
সংহিতাধ্যযনে যুক্তৌ গোত্রতশ্চাপি কাশ্যপৌ।
অরণ্যে যুক্তরূপৌ তৌ ব্রাহ্মণাবৃষিসত্তমৌ॥ ১-১৪৯-৯ (৬৭৮৫)
স উপামন্ত্রয়ামাস সর্বকামৈরতন্দ্রিতঃ।
বুদ্ধ্বা তয়োর্বলং বুদ্ধিং কনীয়াংসমুপহ্বরে॥ ১-১৪৯-১০ (৬৭৮৬)
প্রপেদে ছন্দয়ন্কামৈরুপয়াজং ধৃতব্রতম্।
গুরুশুশ্রূষণে যুক্তঃ প্রিয়কৃৎসর্বকামদম্॥ ১-১৪৯-১১ (৬৭৮৭)
পাদ্যেনাসনদানেন তথাঽর্ঘ্যেণ ফলৈশ্চ তম্।
অর্হয়িৎবা যথান্যায়মুপয়াজোঽব্রবীত্ততঃ॥ ১-১৪৯-১২ (৬৭৮৮)
যেন কার্যবিশেষেণ ৎবমস্মানভিকাঙ্ক্ষসে।
কৃতশ্চায়ং সমুদ্যোগস্তদ্ব্রবীতু ভবানিতি॥ ১-১৪৯-১৩ (৬৭৮৯)
বৈশম্পায়ন উবাচ। ১-১৪৯-১৪x (৮৮২)
স বুদ্ধ্বা প্রীতিসংয়ুক্তমৃষীণামুত্তমং তদা।
উবাচ ছন্দয়ন্কামৈর্দ্রুপদঃ স তপস্বিনম্॥ ১-১৪৯-১৪ (৬৭৯০)
যেন মে কর্মণা ব্রহ্মন্পুত্রঃ স্যাদ্দ্রোণমৃত্যেব।
উপয়াজ চরস্বৈতৎপ্রদাস্যামি ধনং তব॥ ১-১৪৯-১৫ (৬৭৯১)
উপয়াজ উবাচ। ১-১৪৯-১৬x (৮৮৩)
নাহং ফলার্থী দ্রুপদ যোঽর্থী স্যাত্তত্র গম্যতাম্। ১-১৪৯-১৬ (৬৭৯২)
বৈশম্পায়ন উবাচ।
প্রত্যাখ্যাতস্তু তেনৈবং স বৈ সজ্জনসংনিধৌ॥ ১-১৪৯-১৬x (৮৮৪)
আরাধয়িষ্যন্দ্রুপদঃ স তং পর্যচরত্তদা।
ততঃ সংবৎসরস্যান্তে দ্রুপদং দ্বিজসত্তমঃ॥ ১-১৪৯-১৭ (৬৭৯৩)
উপয়াজোঽব্রবীদ্বাক্যং কালে মধুরয়া গিরা।
জ্যেষ্ঠো ভ্রাতা ন মেঽত্যাক্ষীদ্বিচরন্বিজনে বনে॥ ১-১৪৯-১৮ (৬৭৯৪)
অপরিজ্ঞাতশৌচায়াং ভূমৌ নিপতিতং ফলম্।
তদপশ্যমহং ভ্রাতুরসাংপ্রতমনুব্রজন্॥ ১-১৪৯-১৯ (৬৭৯৫)
বিমর্শং হি ফলাদানে নায়ং কুর্যাৎকথংচন।
নাপশ্যৎফলং দৃষ্ট্বা দোষাংস্তস্যাঽঽনুবন্ধিকান্॥ ১-১৪৯-২০ (৬৭৯৬)
বিবিনক্তি ন শৌচার্থী সোঽন্যত্রাপি কথং ভবেৎ।
সংহিতাধ্যযনস্যান্তে পঞ্চয়জ্ঞান্নিরূপ্য চ॥ ১-১৪৯-২১ (৬৭৯৭)
ভৈক্ষমুঞ্ছেন সহিতং ভুঞ্জানস্তু তদা তদা।
কীর্তয়ত্যেব রাজর্ষে ভোজনস্য রসং পুনঃ॥ ১-১৪৯-২২ (৬৭৯৮)
সংহিতাধ্যযনং কুর্বন্বনে গুরুকুলে বসন্।
ভৈক্ষমুচ্ছিষ্টমন্যেষাং ভুঙ্ক্তে স্ম সততং তথা॥ ১-১৪৯-২৩ (৬৭৯৯)
কীর্তয়ন্গুণমন্নানামথ প্রীতো মুহুর্মুহুঃ।
এবং ফলার্থিনস্ৎসমান্মন্যেঽহং তর্কচক্ষুষা॥ ১-১৪৯-২৪ (৬৮০০)
তং বৈ গচ্ছেহ নৃপতে ৎবাং স সংয়াজয়িষ্যতি॥ ১-১৪৯-২৫ (৬৮০১)
বৈশম্পায়ন উবাচ। ১-১৪৯-২৬x (৮৮৫)
উপয়াজবচঃ শ্রুৎবা যাজস্যাশ্রমমভ্যগাৎ।
জুগুপ্সমানো নৃপতির্মনসেদং বিচিন্তয়ন্॥ ১-১৪৯-২৬ (৬৮০২)
ভৃশং সংপূজ্য পূজার্হমৃষিং যাজমুবাচ হ।
গোশতানি দদান্যষ্টৌ যাজ যাজয় মাং বিভো॥ ১-১৪৯-২৭ (৬৮০৩)
দ্রোণবৈরান্তরে তপ্তং বিষণ্ণং শরণাগতম্।
ব্রহ্মবন্ধুপ্রণিহিতং ন ক্ষত্রং ক্ষত্রিয়ো জয়েৎ॥ ১-১৪৯-২৮ (৬৮০৪)
তস্মাদ্দ্রোণভয়ার্তং মাং ভবাংস্ত্রাতুমিহার্হতি।
যেন মে কর্মণা ব্রহ্মন্পুত্রঃ স্যাদ্দ্রোণমৃত্যবে॥ ১-১৪৯-২৯ (৬৮০৫)
অর্জুনস্যাপি বৈ ভার্যা ভবেদ্যা বরবর্ণিনী।
স হি ব্রহ্মবিদাং শ্রেষ্ঠো ব্রাহ্মে ক্ষাত্রেঽপ্যনুত্তমঃ॥ ১-১৪৯-৩০ (৬৮০৬)
ততো দ্রোণস্তু মাঽজৈষীৎসখিবিগ্রহকারণাৎ।
ক্ষত্রিয়ো নাস্তি তুল্যোঽস্য পৃথিব্যাং কশ্চিদগ্রণীঃ॥ ১-১৪৯-৩১ (৬৮০৭)
ভারতাচার্যমুখ্যস্য ভারদ্বাজস্য ধীমতঃ।
দ্রোণস্য শরজালানি রিপুদেহহরাণি চ॥ ১-১৪৯-৩২ (৬৮০৮)
ষডরত্নি ধনুশ্চাস্য খড্গমপ্রতিম তথা।
স হি ব্রাহ্মণবেষেণ ক্ষাত্রং বেগমসংশয়ম্॥ ১-১৪৯-৩৩ (৬৮০৯)
প্রতিহন্তি মহেষ্বাসো ভারদ্বাজো মহামনাঃ।
কার্তবীর্যসমো হ্যেষ খট্বাঙ্গপ্রতিমো রণে॥ ১-১৪৯-৩৪ (৬৮১০)
ক্ষত্রোচ্ছেদায় বিহিতো জামদগ্ন্য ইবাস্থিতঃ॥ ১-১৪৯-৩৫ (৬৮১১)
সহিতং ক্ষত্রবেগেন ব্রহ্মবেগেন সাংপ্রতম্।
উপপন্নং হি মন্যেঽহং ভারদ্বাজং যশস্বিনম্॥ ১-১৪৯-৩৬ (৬৮১২)
নেষবস্তমপাকুর্যুর্ন চ প্রাসা ন চাসয়ঃ।
ব্রাহ্মং তস্য মহাতেজো মন্ত্রাহুতিহুতং যথা॥ ১-১৪৯-৩৭ (৬৮১৩)
তস্য হ্যস্ত্রবলং ঘোরমপ্রসহ্যং পরৈর্ভুবি।
শত্রূন্সমেত্য জয়তি ক্ষত্রং ব্রহ্মপুরস্কৃতম্॥ ১-১৪৯-৩৮ (৬৮১৪)
ব্রহ্মক্ষত্রে চ সহিতে ব্রহ্মতেজো বিশিষ্যতে।
সোঽহং ক্ষত্রবলাদ্দীনো ব্রহ্মতেজঃ প্রপেদিবান্॥ ১-১৪৯-৩৯ (৬৮১৫)
দ্রোণাদ্বিশিষ্টমাসাদ্য ভবন্তং ব্রহ্মবিত্তমম্।
দ্রোণান্তকমহং পুত্রং লভেয়ং যুধি দুর্জয়ম্॥ ১-১৪৯-৪০ (৬৮১৬)
দ্রোণমৃত্যুর্যথা মেঽদ্য পুত্রো জায়েত বীর্যবান্।
তৎকর্ম কুরু মে যাজ নির্বপাম্যর্বুদ্ধং গবাম্॥ ১-১৪৯-৪১ (৬৮১৭)
বৈশম্পায়ন উবাচ। ১-১৪৯-৪২x (৮৮৬)
তথেত্যুক্ৎবা তুং তং যাজো যজ্ঞার্থমুপকল্পয়ন্।
গুর্বর্থ ইতি চাকামমুপয়াজমচোদয়ৎ॥ ১-১৪৯-৪২ (৬৮১৮)
দ্রুপদং চ মহারাজমিদং বচনমব্রবীৎ।
মা ভৈস্ৎবং সংপ্রদাস্যামি কর্মণা ভবতঃ সুতম্॥ ১-১৪৯-৪৩ (৬৮১৯)
ক্ষিপ্রমুত্তিষ্ঠ চাব্যগ্রঃ সংভারানুপকল্পয়। ১-১৪৯-৪৪ (৬৮২০)
বৈশম্পায়ন উবাচ।
এবমুক্ৎবা প্রতিজ্ঞায় কর্ম চাস্যাদদে মুনিঃ॥ ১-১৪৯-৪৪x (৮৮৭)
ব্রাহ্মণো দ্বিপদাং শ্রেষ্ঠো যথাবিধি কথাক্রমম্।
যাজো দ্রোণবিনাশায় যাজয়ামাস তং নৃপম্॥ ১-১৪৯-৪৫ (৬৮২১)
গুর্বর্থেঽয়োজয়ৎকর্ম যাজস্যাপি সমীপতঃ।
ততস্তস্য নরেন্দ্রস্য উপয়াজো মহাতপাঃ॥ ১-১৪৯-৪৬ (৬৮২২)
আচব্যৌ কর্ম বৈতানং তথা পুত্রফলায় বৈ।
ইহ পুত্রো মহাবীর্যো মহাতেজা মহাবলঃ।
ইষ্যতে যদ্বিধো রাজন্ভবিতা স তথাবিধঃ॥ ১-১৪৯-৪৭ (৬৮২৩)
বৈশম্পায়ন উবাচ। ১-১৪৯-৪৮x (৮৮৮)
ভারদ্বাজস্য হন্তারং সোঽভিসন্ধায় পার্থিবঃ।
আজহেঽথ তদা রাজন্দ্রুপদঃ কর্ম সিদ্ধয়ে॥ ১-১৪৯-৪৮ (৬৮২৪)
ব্রাহ্মণো দ্বিপদাং শ্রেষ্ঠো জুহাব চ যথাবিধি।
কৌসবী নাম তস্যাসীদ্যা বৈ তাং পুত্রগৃদ্ধিনঃ॥ ১-১৪৯-৪৯ (৬৮২৫)
সৌত্রামণিং তথা পত্নীং ততঃ কালেঽভ্যযাত্তদা।
যাজস্তু সবনস্যান্তে দেবীমাহ্বাপয়ত্তদা॥ ১-১৪৯-৫০ (৬৮২৬)
প্রেহি মাং রাজ্ঞি পৃষতি মিথুনং ৎবামুপস্থিতম্।
কুমারশ্চ কুমারী চ পিতৃবংশবিবৃদ্ধয়ে॥ ১-১৪৯-৫১ (৬৮২৭)
পৃষত্যুবাচ। ১-১৪৯-৫২x (৮৮৯)
নালিপ্তং বৈ মম মুখং পুণ্যান্গন্ধান্বিভর্মি চ।
ন পত্নী তেঽস্মি সূত্যর্থে তিষ্ঠ যাজ মম প্রিয়ে॥ ১-১৪৯-৫২ (৬৮২৮)
যাজ উবাচ। ১-১৪৯-৫৩x (৮৯০)
যাজেন শ্রপিতং হব্যমুপয়াজেন মন্ত্রিতম্।
কথং কামং ন সংদধ্যাৎপৃষতি প্রেহি তিষ্ঠ বা॥ ১-১৪৯-৫৩ (৬৮২৯)
বৈশম্পায়ন উবাচ। ১-১৪৯-৫৪x (৮৯১)
এবমুক্ৎবা তু যাজেন হুতে হবিষি সংস্কৃতে।
উত্তস্থৌ পাবকাত্তস্মাৎকুমারো দেবসংনিভঃ॥ ১-১৪৯-৫৪ (৬৮৩০)
জ্বালাবর্ণো ঘোররূপঃ কিরীটী বর্ম ধারয়ন্।
বীরঃ সখঙ্গঃ সশরো ধনুষ্মান্স নদন্মুহুঃ॥ ১-১৪৯-৫৫ (৬৮৩১)
সোঽভ্যরোহদ্রথবরং তেন চ প্রয়যৌ তদা।
জাতমাত্রে কুমারে চ বাক্কিলান্তর্হিতাব্রবীৎ॥ ১-১৪৯-৫৬ (৬৮৩২)
এষ শিষ্যশ্চ মৃত্যুশ্চ ভারদ্বাজস্য জায়তে।
ভয়াপহো রাজপুত্রঃ পাঞ্চালানাং যশস্করঃ॥ ১-১৪৯-৫৭ (৬৮৩৩)
রাজ্ঞঃ শোকাপহো জাত এষ দ্রোণবধায় হি।
ইত্যবোচন্মহদ্ভূতমদৃশ্যং খেচরং তদা॥ ১-১৪৯-৫৮ (৬৮৩৪)
ততঃ প্রণেদুঃ পাঞ্চালাঃ প্রহৃষ্টাঃ সাধুসাধ্বিতি।
দ্বিতীয়ায়াং চ হোত্রায়াং হুতে হবিষি মন্ত্রিতে॥ ১-১৪৯-৫৯ (৬৮৩৫)
কুমারী চাপি পাঞ্চালী বেদিমধ্যাৎসমুত্থিতা।
প্রত্যাখ্যাতে পৃষত্যা চ যাজকে ভরতর্ষভ॥ ১-১৪৯-৬০ (৬৮৩৬)
পুনঃ কুমারী পাঞ্চালী সুভগা বেদিমধ্যগা।
অন্তর্বেদ্যাং সমুদ্ভূতা কন্যা সা সুমনোহরা॥ ১-১৪৯-৬১ (৬৮৩৭)
শ্যামা পদ্মপলাশাক্ষী নীলকুঞ্চিতমূর্ধজা।
মানুষং বিগ্রহং কৃৎবা সাক্ষাচ্ছ্রীরিব বর্ণিনী॥ ১-১৪৯-৬২ (৬৮৩৮)
তাম্রতুঙ্গনখী সুভ্রূশ্চারুপীনপয়োধরা।
নীলোৎপলসমো গন্ধো যস্যাঃ ক্রোশাৎপ্রধাবতি॥ ১-১৪৯-৬৩ (৬৮৩৯)
যা বিভর্তি পরং রূপং যস্যা নাস্ত্যুপমা ভুবি।
দেবদানবয়ক্ষাণামীপ্সিতা বরবর্ণিনী॥ ১-১৪৯-৬৪ (৬৮৪০)
তাং চাপি জাতাং সুশ্রোণীং বাগুবাচাশরীরিণী।
সর্বয়োষিদ্বরা কৃষ্ণা ক্ষয়ং ক্ষত্রস্য নেষ্যতি॥ ১-১৪৯-৬৫ (৬৮৪১)
সুরকার্যমিয়ং কালে করিষ্যতি সুমধ্যমা।
অস্যা হেতোঃ ক্ষত্রিয়াণাং মহদুৎপৎস্যতে ভয়ম্॥ ১-১৪৯-৬৬ (৬৮৪২)
তচ্ছ্রুৎবা সর্বপাঞ্চালাঃ প্রণেদুঃ সিংহসঙ্ঘবৎ।
ন চৈনান্হর্ষসংপন্নানিয়ং সেহে বসুন্ধরা॥ ১-১৪৯-৬৭ (৬৮৪৩)
তথা তু মিথুনং জজ্ঞে দ্রুপদস্য মহাত্মনঃ।
কুমারশ্চ কুমারী চ মনোজ্ঞৌ তৌ নরর্ষভৌ॥ ১-১৪৯-৬৮ (৬৮৪৪)
শ্রিয়া পরময়া যুক্তৌ ক্ষাত্রেণ বপুষা তথা।
তৌ দৃষ্ট্বা পৃষতী যাজং প্রপেদে সা সুতার্থিনী॥ ১-১৪৯-৬৯ (৬৮৪৫)
ন বৈ মদন্যাং জননীং জানীয়াতামিমাবিতি।
তথেত্যুবাচ তাং যাজো রাজ্ঞঃ প্রিয়চিকীর্ষয়া॥ ১-১৪৯-৭০ (৬৮৪৬)
তয়োস্তু নামনী চক্রুর্দ্বিজাঃ সংপূর্ণমানসাঃ।
ধৃষ্টৎবাদপ্রধৃষ্যৎবাৎ দ্যুম্নাদ্যুৎসংভবাদপি॥ ১-১৪৯-৭১ (৬৮৪৭)
ধৃষ্টদ্যুম্নঃ কুমারোঽয়ং দ্রুপদ্সয় ভবৎবিতি।
কৃষ্ণেত্যেবাভবৎকন্যা কৃষ্ণা ভূৎসা হি বর্ণতঃ॥ ১-১৪৯-৭২ (৬৮৪৮)
তথা তন্মিথুনং জজ্ঞে দ্রুপদস্য মহামখে।
বৈদিকাধ্যযনে পারং ধৃষ্টদ্যুম্নো গতস্তদা॥ ১-১৪৯-৭৩ (৬৮৪৯)
ধৃষ্টদ্যুম্নং তু পাঞ্চাল্যমানীয় স্বং নিবেশনম্।
উপাকরোদস্ত্রহেতোর্ভারদ্বাজঃ প্রতাপবান্॥ ১-১৪৯-৭৪ (৬৮৫০)
অমোক্ষণীয়ং দৈবং হি ভাবি মৎবা মহামতিঃ।
তথা তৎকৃতবান্দ্রোণ আত্মকীর্ত্যনুরক্ষণাৎ॥ ১-১৪৯-৭৫ (৬৮৫১)
সর্বাস্ত্রাণি স তু ক্ষিপ্রমাপ্তবান্পরয়া ধিয়া॥ ॥ ১-১৪৯-৭৬ (৬৮৫২)

ইতি শ্রীমন্মহাভারতে আদিপর্বণি সংভবপর্বণি ঊনপঞ্চাশদধিকশততমোঽধ্যায়ঃ॥ ১৪৯ ॥

Mahabharata – Adi Parva – Chapter Footnotes

১-১৪৯-৬৩ ক্রোশাৎ ক্রোশমভিব্যাপ্য॥ ১-১৪৯-৭১ দ্যুম্নাদ্যুৎসংভবাৎ হিরণ্যাদিভিঃ সহ জাতৎবাৎ॥ ঊনপঞ্চাশদধিকশততমোঽধ্যায়ঃ॥ ১৪৯ ॥