আদিপর্ব – অধ্যায় ১৪৩

আদিপর্ব – অধ্যায় ১৪৩

॥ শ্রীঃ ॥

১.১৪৩. অধ্যায়ঃ ১৪৩

Mahabharata – Adi Parva – Chapter Topics

অর্জুনেন লক্ষ্যভূতভাসচ্ছেদঃ॥ ১ ॥ স্নানার্থং গঙ্গামবতীর্ণস্য দ্রোণস্য গ্রাহেণ জঙ্ঘায়াং গ্রহণম্॥ ২ ॥ অর্জুনেন গ্রাহহননম্॥ ৩ ॥ অর্জুনস্য ব্রহ্মশিরোস্ত্রলাভঃ॥ ৪ ॥

Mahabharata – Adi Parva – Chapter Text

১-১৪৩-০ (৬৫১১)
বৈশম্পায়ন উবাচ। ১-১৪৩-০x (৮৫৪)
ততো ধনঞ্জয়ং দ্রোণঃ স্ময়মানোঽভ্যভাষত।
ৎবয়েদানীং প্রহর্তব্যমেতল্লক্ষ্যং বিলোক্যতাম্॥ ১-১৪৩-১ (৬৫১২)
মদ্বাক্যসমকালং তে মোক্তব্যোঽত্র ভবেচ্ছরঃ।
বিতত্য কার্মুকং পুত্র তিষ্ঠ তাবন্মুহূর্তকম্॥ ১-১৪৩-২ (৬৫১৩)
এবমুক্তঃ সব্যসাচী মণ্ডলীকৃতকার্মুকঃ।
তস্থৌ ভাসং সমুদ্দিশ্য গুরুবাক্যপ্রচোদিতঃ॥ ১-১৪৩-৩ (৬৫১৪)
মুহূর্তাদিব তং দ্রোণস্তথৈব সমভাষত।
পশ্যস্যেনং স্থিতং ভাসং দ্রুমং মামপি চার্জুন॥ ১-১৪৩-৪ (৬৫১৫)
পশ্যাম্যেকং ভাসমিতি দ্রোণং পার্থোঽভ্যভাষত।
ন তু বৃক্ষং ভবন্তং বা পশ্যামীতি চ ভারত॥ ১-১৪৩-৫ (৬৫১৬)
ততঃ প্রীতমনা দ্রোণো মুহূর্তাদিব তং পুনঃ।
প্রত্যভাষত দুর্ধর্ষঃ পাণ্ডবানাং মহারথম্॥ ১-১৪৩-৬ (৬৫১৭)
ভাসং পশ্যসি যদ্যেনং তথা ব্রূহি পুনর্বচঃ।
শিরঃ পশ্যামি ভাসস্য ন গাত্রমিতি সোঽব্রবীৎ॥ ১-১৪৩-৭ (৬৫১৮)
অর্জুনেনৈবমুক্তস্তু দ্রোণো হৃষ্টতনূরুহঃ।
মুঞ্চস্বেত্যব্রবীৎপার্থং স মুমোচাবিচারয়ন্॥ ১-১৪৩-৮ (৬৫১৯)
ততস্তস্য গস্থস্য ক্ষুরেণ নিশিতেন চ।
শির উৎকৃত্য তরসা পাতয়ামাস পাণ্ডবঃ॥ ১-১৪৩-৯ (৬৫২০)
তস্মিন্কর্মণি সংসিদ্ধে পর্যষ্বজত পাণ্ডবম্।
মেনে চ দ্রুপদং সঙ্খ্যে সানুবন্ধং পরাজিতম্॥ ১-১৪৩-১০ (৬৫২১)
কস্য চিত্ৎবথ কালস্য সশিষ্যোঽঙ্গিরসাং বরঃ।
জগাম গঙ্গামভিতো মজ্জিতুং ভরতর্ষভ॥ ১-১৪৩-১১ (৬৫২২)
অবগাঢমথো দ্রোণং সলিলে সলিলেচরঃ।
গ্রাহো জগ্রাহ বলবাঞ্জঙ্ঘান্তে কালচোদিতঃ॥ ১-১৪৩-১২ (৬৫২৩)
স সমর্থোঽপি মোক্ষায় শিষ্যান্সর্বানচোদয়ৎ।
গ্রাহং হৎবা তু মোক্ষ্যধ্বং মামিতি ৎবরয়ন্নিব॥ ১-১৪৩-১৩ (৬৫২৪)
তদ্বাক্যসমকালং তু বীভৎসুর্নিশিতৈঃ শরৈঃ।
অবার্যৈঃ পঞ্চভির্গ্রাহং মগ্নমম্ভস্যতাডয়ৎ॥ ১-১৪৩-১৪ (৬৫২৫)
ইতরে ৎবথ সংমূঢাস্তত্রপত্র প্রপেদিরে।
তং তু দৃষ্ট্বা ক্রিয়োপেতং দ্রোণোঽমন্যত পাণ্ডবম্॥ ১-১৪৩-১৫ (৬৫২৬)
বিশিষ্টং সর্বশিষ্যেভ্যঃ প্রীতিমাংশ্চাভবত্তদা।
স পার্থবাণৈর্বহুধা খণ্ডশঃ পরিকল্পিতঃ॥ ১-১৪৩-১৬ (৬৫২৭)
গ্রাহঃ পঞ্চৎবমাপেদে জঙ্ঘাং ত্যক্ৎবা মহাত্মনঃ।
`সর্বক্রিয়াভ্যনুজ্ঞানাত্তথা শিষ্যান্সমানয়ৎ॥ ১-১৪৩-১৭ (৬৫২৮)
দুর্যোধনং চিত্রসেনং দুঃশাসনবিবিংশতী।
অর্জুনং চ সমানীয় হ্যশ্বত্থামানমেব চ॥ ১-১৪৩-১৮ (৬৫২৯)
শিশুকং মৃণ্ময়ং কৃৎবা দ্রোণো গঙ্গাজলে ততঃ।
শিষ্যাণাং পশ্যতাং চৈব ক্ষিপতি স্ম মহাভুজঃ॥ ১-১৪৩-১৯ (৬৫৩০)
চক্ষুষী বাসসা চৈব বদ্ধ্বা প্রাদাচ্ছরাসনম্।
শিশুকং বিদ্ধ্যতেমং বৈ জলস্থং বদ্ধচক্ষুষঃ॥ ১-১৪৩-২০ (৬৫৩১)
তৎক্ষণেনৈব বীভৎসুরাবাপৈর্দশভির্বশী।
পঞ্চকৈরনুবিব্যাধ মগ্নং শিশুকমম্ভসি॥ ১-১৪৩-২১ (৬৫৩২)
তাঃ স দৃষ্ট্বা ক্রিয়াঃ সর্বা দ্রোণোঽমন্যত পাণ্ডবম্।
বিশিষ্টং সর্বশিষ্যেভ্যঃ প্রীতিমাংশ্চাভবত্তদা।’
তথাব্রবীন্মহাত্মানং ভারদ্বাজো মহারথম্॥ ১-১৪৩-২২ (৬৫৩৩)
গৃহাণেদং মহাবাহো বিশিষ্টমতিদুর্ধরম্।
অস্ত্রং ব্রহ্মশিরো নাম সপ্রয়োগনিবর্তনম্॥ ১-১৪৩-২৩ (৬৫৩৪)
ন চ তে মানুষেষ্বেতৎপ্রয়োক্তব্যং কথংচন।
জগদ্বিনির্দহেদেতদল্পতেজসি পাতিতম্॥ ১-১৪৩-২৪ (৬৫৩৫)
অসামান্যমিদং তাত লোকেষ্বস্ত্রং নিগদ্যতে।
তদ্ধারয়েথাঃ প্রয়তঃ শৃণু চেদং বচো মম॥ ১-১৪৩-২৫ (৬৫৩৬)
বাধেতামানুষঃ শত্রুর্যদি ৎবাং বীর কশ্চন।
তদ্বধায় প্রয়ুঞ্জীথাস্তদস্ত্রমিদমাহবে॥ ১-১৪৩-২৬ (৬৫৩৭)
তথেতি সংপ্রতিশ্রুত্য বীভৎসুঃ স কৃতাঞ্জলিঃ।
জগ্রাহ পরমাস্ত্রং তদাহ চৈনং পুনর্গুরুঃ।
ভবিতা ৎবৎসমো নান্যঃ পুমাঁল্লোকে ধনুর্ধরঃ॥ ॥ ১-১৪৩-২৭ (৬৫৩৮)

ইতি শ্রীমন্মহাভারতে আদিপর্বণি সংভবপর্বণি ত্রিচৎবারিংশদধিকশততমোঽধ্যায়ঃ॥ ১৪৩ ॥

Mahabharata – Adi Parva – Chapter Footnotes

১-১৪৩-১২ অবগাঢং জলাবগাহিনম্॥ ১-১৪৩-১৩ মোক্ষ্যধ্বং মোচয়ধ্বম্॥ ত্রিচৎবারিংশদধিকশততমোঽধ্যায়ঃ॥ ১৪৩ ॥