আদিপর্ব – অধ্যায় ১৩৯

আদিপর্ব – অধ্যায় ১৩৯

॥ শ্রীঃ ॥

১.১৩৯. অধ্যায়ঃ ১৩৯

Mahabharata – Adi Parva – Chapter Topics

ভীমমনাগতং দৃষ্ট্বা খিন্নায়াঃ কুন্ত্যা বিদুরেণ সংবাদঃ॥ ১ ॥ রসপানেন নাগায়ুতবলবতা ভীমেন হস্তিনাপুরপ্রত্যাগমনম্॥ ২ ॥ ভীষ্মেণ ধনুর্বেদশিক্ষণার্থং কুমারাণাং কৃপায় নিবেদনম্॥ ৩ ॥

Mahabharata – Adi Parva – Chapter Text

১-১৩৯-০ (৬২২৭)
বৈশম্পায়ন উবাচ। ১-১৩৯-০x (৮১৮)
`দুর্যোধনস্তু পাপাত্মা ভীমমাশীবিষহদে।
প্রক্ষিপ্য কৃতকৃত্যং স্বমাত্মানং মন্যতে তদা॥ ১-১৩৯-১ (৬২২৮)
প্রভাতায়াং রজন্যাং চ প্রবিবেশ পুরং ততঃ।
ব্রুবাণো ভীমসেনস্তু যাতো হ্যগ্রত এব নঃ॥’ ১-১৩৯-২ (৬২২৯)
যুধিষ্ঠিরস্তু ধর্মাত্মা হ্যবিদন্পাপমাত্মনি।
স্বেনানুমানেন পরং সাধুং সমনুপশ্যতি॥ ১-১৩৯-৩ (৬২৩০)
সোঽভ্যুপেত্য তদা পার্থো মাতরং ভ্রাতৃবৎসলঃ।
অভিবাদ্যাব্রবীৎকুন্তীমম্ব ভীম ইহাগতঃ॥ ১-১৩৯-৪ (৬২৩১)
ক্ব গতো ভবিতা মাতর্নেহ পশ্যামি তং শুভে।
উদ্যানানি বনং চৈব বিচিতানি সমন্ততঃ॥ ১-১৩৯-৫ (৬২৩২)
তদর্থং ন চ তং বীরং দৃষ্টবন্তো বৃকোদরম্।
মন্যমানাস্ততঃ সর্বে যাতো নঃ পূর্বমেব সঃ॥ ১-১৩৯-৬ (৬২৩৩)
আগতাঃ স্ম মহাভাগে ব্যাকুলেনান্তরাত্মনা।
ইহাগম্য ক্ব নু গতস্ৎবয়া বা প্রেষিতঃ ক্ব নু॥ ১-১৩৯-৭ (৬২৩৪)
কথয়স্ব মহাবাহুং ভীমসেনং যশস্বিনি।
নহি মে শুধ্যতে ভাবস্তং বীরং প্রতি শোভনে॥ ১-১৩৯-৮ (৬২৩৫)
যতঃ প্রসুপ্তং মন্যেঽহং ভীম্ নেতি হতস্তু সঃ।
ইত্যুক্তা চ ততঃ কুন্তী ধর্মরাজেন ধীমতা॥ ১-১৩৯-৯ (৬২৩৬)
হাহেতি কৃৎবা সংভ্রান্তা প্রত্যুবাচ যুধিষ্ঠিরম্।
ন পুত্র ভীমং পশ্যামি ন মামভ্যেত্যসাবিতি॥ ১-১৩৯-১০ (৬২৩৭)
শীঘ্রমন্বেষণে যত্নং কুরু তস্যানুজৈঃ সহ।
দ্রুতং গৎবা পুরোদ্যানং বিচিন্বন্তিস্ম পাণ্ডবাঃ॥ ১-১৩৯-১১ (৬২৩৮)
ভীমভীমেতি তে বাচা পাণ্ডবাঃ সমুদৈরয়ন্।
বিচিন্বন্তোঽথ তে সর্বে ন স্ম পশ্যন্তি ভ্রাতরম্॥ ১-১৩৯-১২ (৬২৩৯)
আগতাঃ স্বগৃহং ভূয় ইদমূচুঃ পৃথাং তদা।
ন দৃশ্যতে মহাবাহুরম্ব ভীমো বনে চিতঃ॥ ১-১৩৯-১৩ (৬২৪০)
বিচিতানি চ সর্বাণি হ্যুদ্যানানি নদীস্তথা। ১-১৩৯-১৪ (৬২৪১)
বৈশম্পায়ন উবাচ।
ততো বিদুরমানায়্য কুন্তী সা স্বং নিবেশনম্॥ ১-১৩৯-১৪x (৮১৯)
উবাচ বলবান্ক্ষত্তর্ভীমসেনো ন দৃশ্যতে॥ ১-১৩৯-১৫ (৬২৪২)
উদ্যানান্নির্গতাঃ সর্বে ভ্রাতরো ভ্রাতৃভিঃ সহ।
তত্রৈকস্তু মহাবাহুর্ভীমো নাভ্যেতি মামিহ॥ ১-১৩৯-১৬ (৬২৪৩)
ন চ প্রীণয়তে চক্ষুঃ সদা দুর্যোধনস্য সঃ।
ক্রূরোঽসৌ দুর্মতিঃ ক্ষুদ্রো রাজ্যলুব্ধোঽনপত্রপঃ॥ ১-১৩৯-১৭ (৬২৪৪)
নিহন্যাদপি তং বীরং জাতমন্যুঃ সুয়োধনঃ।
তেন মে ব্যাকুলং চিত্তং হৃদয়ং দহ্যতীব চ॥ ১-১৩৯-১৮ (৬২৪৫)
বিদুর উবাচ। ১-১৩৯-১৯x (৮২০)
মৈবং বদস্ব কল্যাণি শেষসংরক্ষণং কুরু।
প্রত্যাদিষ্টো হি দুষ্টাত্মা শেষেঽপি প্রহরেত্তব॥ ১-১৩৯-১৯ (৬২৪৬)
দীর্ঘায়ুষস্তব সুতা যথোবাচ মহামুনিঃ।
আগমিষ্যতি তে পুত্রঃ প্রীতিং চোৎপাদয়িষ্যতি॥ ১-১৩৯-২০ (৬২৪৭)
বৈশম্পায়ন উবাচ। ১-১৩৯-২১x (৮২১)
এবমুক্ৎবা যয়ৌ বিদ্বান্বিদুরঃ স্বং নিবেশনম্।
কুন্তী চিন্তাপরা ভূৎবা সহাসীনা সুতৈর্গৃহে॥ ১-১৩৯-২১ (৬২৪৮)
ততোঽষ্টমে তু দিবসে প্রত্যবুধ্যত পাণ্ডবঃ।
তস্মিংস্তদা রসে জীর্ণে সোঽপ্রমেয়বলো বলী॥ ১-১৩৯-২২ (৬২৪৯)
তং দৃষ্ট্বা প্রতিবুধ্যন্তং পাণ্ডবং তে ভুজঙ্গমাঃ।
সান্ৎবয়ামাসুরব্যগ্রা বচনং চেদমব্রুবন্॥ ১-১৩৯-২৩ (৬২৫০)
যত্তে পীতো মহাবাহো রসোঽয়ং বীর্যসংভৃতঃ।
তস্মান্নাগায়ুতবলো রণেঽধৃষ্যো ভবিষ্যসি॥ ১-১৩৯-২৪ (৬২৫১)
গচ্ছাদ্য ৎবং চ স্বগৃহং স্নাতো দিব্যৈরিমৈর্জলৈঃ।
ভ্রাতরস্তেঽনুতপ্যন্তি ৎবাং বিনা কুরুপুঙ্গব॥ ১-১৩৯-২৫ (৬২৫২)
ততঃ স্নাতো মহাবাহুঃ শুচিশুক্লাম্বরস্রজঃ।
ততো নাগস্য ভবনে কৃতকৌতুকমঙ্গলঃ॥ ১-১৩৯-২৬ (৬২৫৩)
ওষধীভির্বিষঘ্নীভিঃ সুরভীভির্বিশেষতঃ।
ভুক্তবান্পরমান্নং চ নাগৈর্দত্তং মহাবলঃ॥ ১-১৩৯-২৭ (৬২৫৪)
পূজিতো ভুজগৈর্বীর আশীর্ভিশ্চাভিনন্দিতঃ।
দিব্যাভরণসংছন্নো নাগানামন্ত্র্য পাণ্ডবাঃ॥ ১-১৩৯-২৮ (৬২৫৫)
উদতিষ্ঠৎপ্রহৃষ্টাত্মা নাগলোকাদরিন্দমঃ।
উৎক্ষিপ্য চ তদা নাগৈর্জলাজ্জলরুহেক্ষণঃ॥ ১-১৩৯-২৯ (৬২৫৬)
তস্মিন্নেব বনোদ্দেশে স্থাপিতঃ কুরুনন্দনঃ।
তে চান্তর্দধিরে নাগাঃ পাণ্ডবস্যৈব পশ্যতঃ॥ ১-১৩৯-৩০ (৬২৫৭)
তত উত্থায় কৌন্তেয়ো ভীমসেনো মহাবলঃ।
আজগাম মহাবাহুর্মাতুরন্তিকমঞ্জসা॥ ১-১৩৯-৩১ (৬২৫৮)
ততোঽভিবাদ্য জননীং জ্যেষ্ঠং ভ্রাতরমেব চ।
কনীয়সঃ সমাঘ্রায় শিরস্স্বরিবিমর্দনঃ॥ ১-১৩৯-৩২ (৬২৫৯)
তৈশ্চাপি সংপরিষ্বক্তঃ সহ মাত্রা নরর্ষভৈঃ।
অন্যোন্যগতসৌহার্দাদ্দিষ্ট্যা দিষ্ট্যেতি চাব্রুবন্॥ ১-১৩৯-৩৩ (৬২৬০)
ততস্তৎসর্বমাচষ্ট দুর্যোধনবিচেষ্টিতম্।
ভ্রাতৄণাং ভীমসেনশ্চ মহাবলপরাক্রমঃ॥ ১-১৩৯-৩৪ (৬২৬১)
নাগলোকে চ যদ্বৃত্তং গুণদোষমশেষতঃ।
তচ্চ সর্বমশেষেণ কথয়ামাস পাণ্ডবঃ॥ ১-১৩৯-৩৫ (৬২৬২)
ততো যুধিষ্ঠিরো রাজা ভীমমাহ বচোঽর্থবৎ।
তূষ্ণীং ভব ন তে জল্প্যমিদং কার্যং কথংচন॥ ১-১৩৯-৩৬ (৬২৬৩)
ইতঃপ্রভৃতি কৌন্তেয়ং রক্ষতান্যোন্যমাদৃতাঃ।
এবমুক্ৎবা মহাবাহুর্ধর্মরাজো যুধিষ্ঠিরঃ॥ ১-১৩৯-৩৭ (৬২৬৪)
ভ্রাতৃভিঃ সহিতঃ সর্বৈরপ্রমত্তোঽভবত্তদা।
যদা ৎববগতাস্তে বৈ পাণ্ডবাস্তস্য কর্ম তৎ॥ ১-১৩৯-৩৮ (৬২৬৫)
নৎবেব বহুলং চক্রুঃ প্রয়তা মন্ত্ররক্ষণে।
ধর্মাত্মা বিদুরস্তেষাং প্রদদৌ মতিমান্মতিম্॥ ১-১৩৯-৩৯ (৬২৬৬)
দুর্যোধনোঽপি তং দৃষ্ট্বা পাণ্ডবং পুনরাগতম্।
নিশ্বসংশ্চিন্তয়ংশ্চৈবমহন্যহনি তপ্যতে॥ ১-১৩৯-৪০ (৬২৬৭)
কুমারান্ক্রীডমানাংস্তান্দৃষ্ট্বা রাজাতিদুর্মদান্।
গুরুং শিক্ষার্থমন্বিষ্য গৌতমং তান্ন্যবেদয়ৎ॥ ১-১৩৯-৪১ (৬২৬৮)
শরস্তম্বে সমুদ্ভূতং বেদশাস্ত্রার্থপারগম্।
`রাজ্ঞা নিবেদিতাস্তস্মৈ তে চ সর্বে চ নিষ্ঠিতাঃ।’
অধিজগ্মুশ্চ কুরবো ধনুর্বেদং কৃপাত্তু তে॥ ॥ ১-১৩৯-৪২ (৬২৬৯)

ইতি শ্রীমন্মহাভারতে আদিপর্বণি সংভবপর্বণি ঊনচৎবারিংশদধিকশততমোঽধ্যায়ঃ॥ ১৩৯ ॥

Mahabharata – Adi Parva – Chapter Footnotes

১-১৩৯-৮ ভাবশ্চিত্তং ন শুধ্যতে জীবতীতি ন মনুতে॥ ১-১৩৯-১৯ প্রত্যাদিষ্টঃ কুতো ভীমং হতবানসীত্যুপালব্ধঃ॥ ১-১৩৯-৪১ তান্কুরুবালকান্ ন্যবেদয়ৎ॥ ঊনচৎবারিংশদধিকশততমোঽধ্যায়ঃ॥ ১৩৯ ॥