আদিপর্ব – অধ্যায় ১৩৮
॥ শ্রীঃ ॥
১.১৩৮. অধ্যায়ঃ ১৩৮
Mahabharata – Adi Parva – Chapter Topics
পুনর্ভীমায় বিষমিশ্রভক্ষ্যদানম্॥ ১ ॥ শূলকীলিতায়াং শমাণকোট্যাং পুনর্ভীমসেনস্য পাতনম্॥ ২ ॥ পাতাললোকং প্রাপ্তস্য ভীমস্য বাসুকিদত্তরসপানম্॥ ৩ ॥
Mahabharata – Adi Parva – Chapter Text
১-১৩৮-০ (৬১৮৪)
`বৈশম্পায়ন উবাচ। ১-১৩৮-০x (৮১৭)
ততস্তে মন্ত্রয়ামাসুর্দুর্যোধনপুরোগমাঃ।
প্রাণবান্বিক্রমী চাপি শৌর্যে চ মহতি স্থিতঃ॥ ১-১৩৮-১ (৬১৮৫)
স্পর্ধতে চাপি সততমস্মানেব বৃকোদরঃ।
তং তু সুপ্তং পুরোদ্যানে জলে শূলে ক্ষিপামহে॥ ১-১৩৮-২ (৬১৮৬)
ততো জলবিহারার্থং কারয়ামাস ভারত।
প্রমাণকোট্যামুদ্দেশে স্থলং কিংচিদুপেত্য হ॥’ ১-১৩৮-৩ (৬১৮৭)
ভক্ষ্যং ভোজ্যং চ পেয়ং চ চোষ্যং লেহ্যমথাপি চ।
উপপাদিতং নরৈস্তত্র কুশলৈঃ সূদকর্মণি॥ ১-১৩৮-৪ (৬১৮৮)
ন্যবেদয়ংস্তৎপুরুষা ধার্তরাষ্ট্রায় বৈ তদা।
ততো দুর্যোধনস্তত্র পাণ্ডবানাহ দুর্মতিঃ॥ ১-১৩৮-৫ (৬১৮৯)
গঙ্গাং চৈবানুয়াস্যাম উদ্যানবনশোভিতাম্।
সহিতা ভ্রাতরঃ সর্বে জলক্রীডামবাপ্নুমঃ॥ ১-১৩৮-৬ (৬১৯০)
এবমস্ৎবিতি তং চাপি প্রত্যুবাচ যুধিষ্ঠিরঃ।
তে রথৈর্নগরাকারৈর্দেশজৈশ্চ গজোত্তমৈঃ॥ ১-১৩৮-৭ (৬১৯১)
নির্যযুর্নগরাচ্ছূরাঃ কৌরবাঃ পাণ্ডবৈঃ সহ।
উদ্যানবনমাসাদ্য বিসৃজ্য চ মহাজনম্॥ ১-১৩৮-৮ (৬১৯২)
বিশন্তি স্ম তদা বীরাঃ সিংহা ইব গিরের্গুহাম্।
উদ্যানমভিপশ্যন্তো ভ্রাতরঃ সর্ব এব তে॥ ১-১৩৮-৯ (৬১৯৩)
উপস্থানগৃহৈঃ শুভ্রৈর্বলভীভিশ্চ শোভিতম্।
গবাক্ষকৈস্তথা জালৈর্যন্ত্রৈঃ সাংচারিকৈরপি॥ ১-১৩৮-১০ (৬১৯৪)
সংমার্জিতং সৌধকারৈশ্চিত্রকারৈশ্চ চিত্রিতম্।
দীর্ঘিকাভিশ্চ পূর্ণাভিস্তথা পুষ্করিণীষু চ॥ ১-১৩৮-১১ (৬১৯৫)
জলং তচ্ছুশুভে চ্ছন্নং ফুল্লৈর্জলরুহৈস্তথা।
উপচ্ছন্না বসুমতী তথা পুষ্পৈর্যথর্তুকৈঃ॥ ১-১৩৮-১২ (৬১৯৬)
তত্রোপবিষ্টাস্তে সর্বে পাণ্ডবাঃ কৌরবাশ্চ হ।
উপচ্ছন্নান্বহূন্কামাংস্তে ভুঞ্জন্তি ততস্ততঃ॥ ১-১৩৮-১৩ (৬১৯৭)
অথোদ্যানবরে তস্মিংস্তথা ক্রীডাগতাশ্চতে।
পরস্পরস্য বক্ত্রেষু দদুর্ভক্ষ্যাংস্ততস্ততঃ॥ ১-১৩৮-১৪ (৬১৯৮)
ততো দুর্যোধনঃ পাপস্তদ্ভক্ষ্যে কালকূটকম্।
বিষং প্রক্ষেপয়ামাস ভীমসেনজিঘাংসয়া॥ ১-১৩৮-১৫ (৬১৯৯)
স্বয়মুত্থায় চৈবাথ হৃদয়েন ক্ষুরোপমঃ।
স বাচাঽমৃতকল্পশ্চ ভ্রাতৃবচ্চ সুহৃদ্যথা॥ ১-১৩৮-১৬ (৬২০০)
স্বয়ং প্রক্ষিপতে ভক্ষ্যং বহু ভীমস্য পাকৃৎ।
প্রভক্ষিতং চ ভীমেন তং বৈ দোষমজানতা॥ ১-১৩৮-১৭ (৬২০১)
ততো দুর্যোধনস্তত্র হৃদয়েন হসন্নিব।
কৃতকৃত্যমীবাত্মানং মন্যতে পুরুষাধমঃ॥ ১-১৩৮-১৮ (৬২০২)
ততস্তে সহিতাঃ সর্বে জলক্রীডামকুর্বত।
পাণ্ডবা ধার্তরাষ্ট্রাশ্চ তদা মুদিতমানসাঃ॥ ১-১৩৮-১৯ (৬২০৩)
বিহারাবসথেষ্বেব বীরা বাসমরোচয়ন্।
ভীমস্তু বলবান্ভুক্ৎবা ব্যায়ামাভ্যধিকং জলে॥ ১-১৩৮-২০ (৬২০৪)
বাহয়িৎবা কুমারাংস্তাঞ্জলক্রীডাগতাংস্তদা।
প্রমাণকোট্যাং বাসার্থী সুষ্বাপাবাপ্য তৎস্থলম্॥ ১-১৩৮-২১ (৬২০৫)
শীতং বাতং সমাসাদ্য শ্রান্তো মদবিমোহিতঃ।
বিষেণ চ পরীতাঙ্গো নিশ্চেষ্টঃ পাণ্ডুনন্দনঃ॥ ১-১৩৮-২২ (৬২০৬)
ততো বদ্ধ্বা লতাপাশৈর্ভীমং দুর্যোধনঃ স্বয়ম্।
`শূলান্যপ্সু নিখায়াশু প্রাদেশাভ্যন্তরাণি চ॥ ১-১৩৮-২৩ (৬২০৭)
লতাপাশৈর্দৃঢং বদ্ধং স্থলাজ্জলমপাতয়ৎ।
সশেষৎবান্ন সংপ্রাপ্তো জলে শূলিনি পাণ্ডবঃ॥ ১-১৩৮-২৪ (৬২০৮)
পপাত যত্র তত্রাস্য শূলং নাসীদ্যদৃচ্ছয়া।’
স নিঃসংজ্ঞো জলস্যান্তমবাগ্বৈ পাণ্ডবোঽবিশৎ।
আক্রামন্নাগভবনে তদা নাগকুমারকান্॥ ১-১৩৮-২৫ (৬২০৯)
ততঃ সমেত্য বহুভিস্তদা নাগৈর্মহাবিষৈঃ।
অদশ্যত ভৃশং ভীমো মহাদংষ্ট্রৈর্বিপোল্বণৈঃ॥ ১-১৩৮-২৬ (৬২১০)
ততোঽস্য দশ্যমানস্য তদ্বিষং কালকূটকম্।
হতং সর্পবিষেণৈব স্থাবরং জঙ্গমেন তু॥ ১-১৩৮-২৭ (৬২১১)
দংষ্ট্রাশ্চ দংষ্ট্রিণাং তেষাং মর্মস্বপি নিপাতিতাঃ।
ৎবচং নৈবাস্য বিভিদুঃ সারৎবাৎপৃথুবক্ষসঃ॥ ১-১৩৮-২৮ (৬২১২)
ততঃ প্রবুদ্ধঃ কৌন্তেয়ঃ সর্বং সংছিদ্য বন্ধনম্।
পোথয়ামাস তান্সর্পান্কেচিদ্ভীতাঃ প্রদুদ্রুবুঃ॥ ১-১৩৮-২৯ (৬২১৩)
হতাবশেষা ভীমেন সর্বে বাসুকিমভ্যযুঃ।
ঊচুশ্চ সর্পরাজানং বাসুকিং বাসবোপমম্॥ ১-১৩৮-৩০ (৬২১৪)
অয়ং নরো বৈ নাগরেন্দ্র হ্যপ্সু বদ্ধ্বা প্রবেশিতঃ।
যথা চ নো মতির্ব্রীর বিষপীতো ভবিষ্যতি॥ ১-১৩৮-৩১ (৬২১৫)
নিশ্চেষ্টোঽস্মাননুপ্রাপ্তঃ স চ দষ্টোঽন্ববুধ্যত।
সসংজ্ঞশ্চাপি সংবৃত্তশ্ছিত্ৎবা বন্ধনমাশু নঃ॥ ১-১৩৮-৩২ (৬২১৬)
পোথয়ন্তং মহাবাহুং ৎবং বৈ তং জ্ঞাতুমর্হসি।
ততো বাসুকিরভ্যেত্য নাগৈরনুগতস্তদা॥ ১-১৩৮-৩৩ (৬২১৭)
পশ্যতি স্ম মহাবাহুং ভীমং ভীমপরাক্রমম্।
আর্যকেণ চ দৃষ্টঃ স পৃথায়া আর্যকেম চ॥ ১-১৩৮-৩৪ (৬২১৮)
তদা দৌহিত্রদৌহিত্রঃ পরিষ্বক্তঃ সুপীডিতম্।
সুপ্রীতশ্চাভবত্তস্য বাসুকিঃ স মহায়শাঃ॥ ১-১৩৮-৩৫ (৬২১৯)
অব্রবীত্তং চ নাগেন্দ্রঃ কিমস্য ক্রিয়তাং প্রিয়ম্।
ধনৌঘো রত্ননিচয়ো বসু চাস্য প্রদীয়তাম্॥ ১-১৩৮-৩৬ (৬২২০)
এবমুক্তস্তদা নাগো বাসুকিং প্রত্যভাষত।
যদি নাগেন্দ্র তুষ্টোঽসি কিমস্য ধনসংচয়ৈঃ॥ ১-১৩৮-৩৭ (৬২২১)
রসং পিবেৎকুমারোঽয়ং ৎবয়ি প্রীতে মহাবলঃ।
বলং নাগসহস্রস্য যস্মিন্কুণ্ডে প্রতিষ্ঠিতম্॥ ১-১৩৮-৩৮ (৬২২২)
যাবৎপিবতি বালোঽয়ং তাবদস্মৈ প্রদীয়তাম্।
এবমস্ৎবিতি তং নাগং বাসুকিঃ প্রত্যভাষত॥ ১-১৩৮-৩৯ (৬২২৩)
ততো ভীমস্তদা নাগৈঃ কৃতস্বস্ত্যযনঃ শুচিঃ।
প্রাঙ্মুখশ্চোপবিষ্টশ্চ রসং পিবতি পাণ্ডবঃ॥ ১-১৩৮-৪০ (৬২২৪)
একোচ্ছ্বাসাত্ততঃ কুণ্ডং পিবতি স্ম মহাবলঃ।
এবমষ্টৌ স কুণ্ডানি হ্যপিবৎপাণ্ডুনন্দনঃ॥ ১-১৩৮-৪১ (৬২২৫)
ততস্তু শয়নে দিব্যে নাগদত্তে মহাভুজঃ।
অশেত ভীমসেনস্তু যথাসুখমরিংদমঃ॥ ॥ ১-১৩৮-৪২ (৬২২৬)
ইতি শ্রীমন্মহাভারতে আদিপর্বণি সংভবপর্বণি অষ্টত্রিংশদধিকশততমোঽধ্যায়ঃ॥ ১৩৮ ॥
Mahabharata – Adi Parva – Chapter Footnotes
১-১৩৮-১০ উপস্থানগৃহৈঃ যত্র রাজানং কার্যিণঃ শূরাশ্চোপতিষ্ঠন্তি তৈর্গৃহৈঃ। বলভীভিরুভয়তো নমৎপক্ষাভিঃ স্তম্ভশালাভিঃ। যন্ত্রৈর্জলয়ন্ত্রৈঃ শতধারাদিভিঃ। যতো যুগপচ্ছতং ধারা উচ্ছলন্ত্যো নীহারীভূয় ভবনোদরং ব্যাপ্নুবন্তি। সাংচারিকৈঃ সংচারয়োগ্যৈঃ॥ ১-১৩৮-১১ দীর্ঘিকাভিঃ কুল্যাভিঃ॥ ১-১৩৮-১৩ উপচ্ছন্নানুপাগতান্॥ ১-১৩৮-৩১ বিষপীতঃ পীতবিষঃ॥ ১-১৩৮-৩৪ আর্যকেণ নাগরাজেন। পৃথায়া আয়কেণ মাতামহেন। কুন্তিভোজদ্বারায়ং সংবন্ধ ইতি গম্যতে॥ ১-১৩৮-৩৫ দৌহিত্রদৌহিত্র ইতি ৎবার্যকনাগস্য দৌহিত্রঃ শূরস্তদ্দৌহিত্রো ভীম ইত্যবিরুদ্ধমেতৎ। অন্যে তু শূরমাতামহ এবোপচারাত কুন্তীমাতামহোঽপীত্যাহুঃ॥ ১-১৩৮-৩৮ রসং সাধিতপারদম্॥ অষ্টত্রিংশদধিকশততমোঽধ্যায়ঃ॥ ১৩৮ ॥