আদিপর্ব – অধ্যায় ১৩৭
॥ শ্রীঃ ॥
১.১৩৭. অধ্যায়ঃ ১৩৭
Mahabharata – Adi Parva – Chapter Topics
পাণ্ডোঃ শ্রাদ্ধদানম্॥ ১ ॥ কুমারাণাং ক্রীডাবর্ণনম্॥ ২ ॥ ক্রীডায়াং ভীমেন দুর্যোধনাদীনাং পরাভবঃ॥ ৩ ॥ দুর্যোধনেন প্রমাণকোট্যাং পাতনং, সর্পৈর্দংশনং, বিষমিশ্রভক্ষ্যদানম্॥ ৪ ॥
Mahabharata – Adi Parva – Chapter Text
১-১৩৭-০ (৬১৩১)
বৈশম্পায়ন উবাচ। ১-১৩৭-০x (৮১৫)
ততঃ ক্ষত্তা চ ভীষ্মশ্চ ব্যাসো রাজা চ বন্ধুভিঃ।
দদুঃ শ্রাদ্ধং তদা পাণ্ডোঃ স্বধামৃতময়ং তদা॥ ১-১৩৭-১ (৬১৩২)
`পুরোহিতসহায়াস্তে যথান্যায়মকুর্বত।’
কুরূংশ্চ বিপ্রমুখ্যাংশ্চ ভোজয়িৎবা সহস্রশঃ।
রত্নৌঘান্দ্বিজমুখ্যেভ্যো দত্ৎবা গ্রামবরাংস্তথা॥ ১-১৩৭-২ (৬১৩৩)
কৃতশৌচাংস্ততস্তাংস্তু পাণ্ডবান্ভরতর্ষভান্।
আদায় বিবিশুঃ সর্বে পুরং বারণসাহ্বয়ম্॥ ১-১৩৭-৩ (৬১৩৪)
সততং স্মানুশোচন্তস্তমেব ভরতর্ষভম্।
পৌরজানপদাঃ সর্বে মৃতং স্বমিব বান্ধবম্॥ ১-১৩৭-৪ (৬১৩৫)
শ্রাদ্ধাবসানে তু তদা দৃষ্ট্বা তং দুঃখিতং জনম্।
সংমূঢাং দুঃখশোকার্তাং ব্যাসো মাতরমব্রবীৎ॥ ১-১৩৭-৫ (৬১৩৬)
অতিক্রান্তসুখাঃ কালাঃ পর্যুপস্থিতদারুণাঃ।
শ্বঃশ্বঃ পাপিষ্ঠদিবসাঃ পৃথিবী গতয়ৌবনা॥ ১-১৩৭-৬ (৬১৩৭)
বহুমায়াসমাকীর্ণো নানাদোষসমাকুলঃ।
লুপ্তধর্মক্রিয়াচারো ঘোরঃ কালো ভবিষ্যতি॥ ১-১৩৭-৭ (৬১৩৮)
কুরূণামনয়াচ্চাপি পৃথিবী ন ভবিষ্যতি।
গচ্ছ ৎবং যোগমাস্থায় যুক্তা বস তপোবনে॥ ১-১৩৭-৮ (৬১৩৯)
মাদ্রাক্ষীস্ৎবং কুলস্যাস্য ঘোরং সংক্ষয়মাত্মনঃ।
তথেতি সমনুজ্ঞায় সা প্রবিশ্যাব্রবীৎস্নুষাম্॥ ১-১৩৭-৯ (৬১৪০)
অম্বিক তব পৌত্রস্য দুর্নয়াৎকিল ভারতাঃ।
সানুবন্ধা বিনঙ্ক্ষ্যন্তি পৌরাশ্চৈবেতি নঃ শ্রুতম্॥ ১-১৩৭-১০ (৬১৪১)
তৎকৌসল্যামিমামার্তাং পুত্রশোকাভিপীডিতাম্।
বনমাদায় ভদ্রং তে গচ্ছাবো যদি মন্যসে॥ ১-১৩৭-১১ (৬১৪২)
তথেত্যুক্তা ৎবম্বিকয়া ভীষ্মমামন্ত্র্য সুব্রতা।
বনং যয়ৌ সত্যবতী স্নুষাভ্যাং সহ ভারত॥ ১-১৩৭-১২ (৬১৪৩)
তাঃ সুঘোরং তপস্তপ্ৎবা দেব্যো ভরতসত্তম॥
দেহং ত্যক্ৎবা মহারাজ গতিমিষ্টাং যয়ুস্তদা॥ ১-১৩৭-১৩ (৬১৪৪)
বৈশম্পায়ন উবাচ। ১-১৩৭-১৪x (৮১৬)
অথাপ্তবন্তো বেদোক্তান্সংস্কারান্পাণ্ডবাস্তদা।
সংব্যবর্ধন্ত ভোগাংস্তে ভুঞ্জানাঃ পিতৃবেশ্মনি॥ ১-১৩৭-১৪ (৬১৪৫)
ধার্তরাষ্ট্রৈশ্চ সহিতাঃ ক্রীডন্তো মুদিতাঃ সুখম্।
বালক্রীডাসু সর্বাসু বিশিষ্টাস্তেজসাঽভবন্॥ ১-১৩৭-১৫ (৬১৪৬)
জবে লক্ষ্যাভিহরণে ভোজ্যে পাংসুবিকর্ষণে।
ধার্তরাষ্ট্রান্ভীমসেনঃ সর্বান্স পরিমর্দতি॥ ১-১৩৭-১৬ (৬১৪৭)
হর্ষাৎপ্রক্রীডমানাংস্তান্ গৃহ্য রাজন্নিলীয়তে।
শিরঃসু বিনিগৃহ্যৈতান্যোজয়ামাস পাণ্ডবৈঃ॥ ১-১৩৭-১৭ (৬১৪৮)
শতমেকোত্তরং তেষাং কুমারাণাং মহৌজসাম্।
এক এব নিগৃহ্ণাতি নাতিকৃচ্ছ্রাদ্বৃকোদরঃ॥ ১-১৩৭-১৮ (৬১৪৯)
কচেষু চ নিগৃহ্যৈনান্বিনিহত্য বলাদ্বলী।
চকর্ষ ক্রোশতো ভূমৌ ঘৃষ্টজানুশিরোংসকান্॥ ১-১৩৭-১৯ (৬১৫০)
দশ বালাঞ্জলে ক্রীডন্ভুজাভ্যাং পরিগৃহ্য সঃ।
আস্তে স্ম সলিলে মগ্নো মৃতকল্পান্বিমুঞ্চতি॥ ১-১৩৭-২০ (৬১৫১)
ফলানি বৃক্ষমারুহ্য বিচিন্বন্তি চ যে তদা।
তদা পাদপ্রহারেণ ভীমঃ কম্পয়তে দ্রুমান্॥ ১-১৩৭-২১ (৬১৫২)
প্রহারবেগাভিহতা দ্রুমা ব্যাঘূর্ণিতাস্ততঃ।
সফলাঃ প্রপতন্তি স্ম দ্রুমাৎস্রস্তাঃ কুমারকাঃ॥ ১-১৩৭-২২ (৬১৫৩)
`কেচিদ্ভগ্নশিরোরস্কাঃ কেচিদ্ভগ্নকটীমুখাঃ।
নিপেতুর্ভ্রাতরঃ সর্বে ভীমসেনভুজার্দিতাঃ॥’ ১-১৩৭-২৩ (৬১৫৪)
ন তে নিয়ুদ্ধে ন জবে ন যোগ্যাসু কদাচন।
কুমারা উত্তরং চক্রুঃ স্পর্ধমানা বৃকোদরম্॥ ১-১৩৭-২৪ (৬১৫৫)
এবং স ধার্তরাষ্ট্রাংশ্চ স্পর্ধমানো বৃকোদরঃ।
অপ্রিয়েঽতিষ্ঠদত্যন্তং বাল্যান্ন দ্রোহচেতসা॥ ১-১৩৭-২৫ (৬১৫৬)
ততো বলমতিখ্যাতং ধার্তরাষ্ট্রঃ প্রতাপবান্।
ভীমসেনস্য তজ্জ্ঞাৎবা দুষ্টভাবমদর্শয়ৎ॥ ১-১৩৭-২৬ (৬১৫৭)
তস্য ধর্মাদপেতস্য পাপানি পরিপশ্যতঃ।
মোহাদৈশ্বর্যলোভাচ্চ পাপা মতিরজায়ত॥ ১-১৩৭-২৭ (৬১৫৮)
অয়ং বলবতাং শ্রেষ্ঠঃ কুন্তীপুত্রো বৃকোদরঃ।
মধ্যমঃ কুন্তিপুত্রাণাং নিকৃত্যা সন্নিগৃহ্যতাং॥ ১-১৩৭-২৮ (৬১৫৯)
প্রাণবান্বিক্রমী চৈব শৌর্যেণ মহতাঽন্বিতঃ।
স্পর্ধতে চাপি সহিতানস্মানেকো বৃকোদরঃ॥ ১-১৩৭-২৯ (৬১৬০)
তং তু সুপ্তং পুরোদ্যানে গঙ্গায়াং প্রক্ষিপামহে।
অথ তস্মাদবরজং শ্রেষ্ঠং চৈব যুধিষ্ঠিরম্॥ ১-১৩৭-৩০ (৬১৬১)
প্রসহ্য বন্ধনে বদ্ধ্বা প্রশাসিষ্যে বসুন্ধরাম্।
এবং স নিশ্চয়ং পাপঃ কৃৎবা দুর্যোধনস্তদা।
নিত্যমেবান্তরপ্রেক্ষী ভীমস্যাসীন্মহাত্মনঃ॥ ১-১৩৭-৩১ (৬১৬২)
ততো জলবিহারার্থং কারয়ামাস ভারত।
চৈলকম্বলবেশ্মানি বিচিত্রাণি মহান্তি চ॥ ১-১৩৭-৩২ (৬১৬৩)
সর্বকামৈঃ সুপূর্ণানি পতাকোচ্ছ্রায়বন্তি চ।
তত্র সংজনয়ামাস নানাগারাণ্যনেকশঃ॥ ১-১৩৭-৩৩ (৬১৬৪)
উদকক্রীডনং নাম কারয়ামাস ভারত।
প্রমাণকোট্যাং তং দেশং স্থলং কিংচিদুপেত্যহ॥ ১-১৩৭-৩৪ (৬১৬৫)
`ক্রীডাবসানে তে সর্বে শুচিবস্ত্রাঃ স্বলঙ্কৃতাঃ।
সর্বকামসমৃদ্ধং তদন্নং বুভুজিরে শনৈঃ॥ ১-১৩৭-৩৫ (৬১৬৬)
দিবসান্তে পরিশ্রান্তা বিহৃত্য চ কুরূদ্বহাঃ।
বিহারাবসথেষ্বেব বীরা বাসমরোচয়ন্॥ ১-১৩৭-৩৬ (৬১৬৭)
খিন্নস্তু বলবান্ভীমো ব্যায়ামাভ্যধিকস্তদা।
বাহয়িৎবা কুমারাংস্তাঞ্জলক্রীডাগতান্বিভুঃ॥ ১-১৩৭-৩৭ (৬১৬৮)
প্রমাণকোট্যাং বাসার্থং সুষ্বাপারুহ্য তৎস্থলম্।
শীতং বাসং সমাসাদ্য শান্তো মদবিমোহিতঃ॥ ১-১৩৭-৩৮ (৬১৬৯)
নিশ্চেষ্টঃ পাণ্ডবো রাজন্সুষ্বাপ মৃতবৎক্ষিতৌ।
ততো বদ্ধ্বা লতাপাশৈর্ভীমং দুর্যোধনঃ শনৈঃ॥ ১-১৩৭-৩৯ (৬১৭০)
প্রমাণকোট্যাং সংসুপ্তং গঙ্গায়াং প্রাক্ষিপজ্জলে।
ততঃ প্রবুদ্ধঃ কৌন্তেয়ঃ সর্বান্সংছিদ্য বন্ধনান্॥ ১-১৩৭-৪০ (৬১৭১)
উদতিষ্ঠদ্বলাদ্ভূয়ো ভীমঃ প্রহরতাং বরঃ।
স বিমুক্তো মহাতেজা নাজ্ঞাসীত্তেন তৎকৃতম্॥ ১-১৩৭-৪১ (৬১৭২)
পুনর্নিদ্রাবশং প্রাপ্তস্তত্রৈব প্রাস্বপদ্বলী।
অর্ধরাত্র্যাং ব্যতীতায়ামুত্তস্থুঃ কুরুপাণ্জবাঃ।
দুর্যোধনস্তু কৌন্তেয়ং দৃষ্ট্বা নির্বেদমভ্যগাৎ॥ ১-১৩৭-৪২ (৬১৭৩)
সুপ্তং চাপি পুনঃ সর্পৈস্তীক্ষ্ণদংষ্ট্রৈর্মহাবিষৈঃ।
কুপিতৈর্দংশয়ামাস সর্বেষ্বেবাঙ্গসন্ধিষু॥ ১-১৩৭-৪৩ (৬১৭৪)
দংষ্ট্রাশ্চ দংষ্ট্রিণাং মর্মস্বপি তেন নিপাতিতাঃ।
ৎবচং ন চাস্য বিভিদুঃ সারৎবাৎপৃথুপক্ষসঃ॥ ১-১৩৭-৪৪ (৬১৭৫)
প্রবুদ্ধো ভীসেনস্তান্সর্বান্সর্পানপোথয়ৎ।
সারথিং চাস্য দয়িতমপহস্তেন জঘ্নিবান্॥ ১-১৩৭-৪৫ (৬১৭৬)
তথান্যদিবসে রাজন্হন্তুকামোঽত্যমর্ষণঃ।
বলনেন সহামন্ত্র্য সৌবলস্য মতে স্থিতঃ॥ ১-১৩৭-৪৬ (৬১৭৭)
ভোজনে ভীমসেনস্য ততঃ প্রাক্ষেপয়দ্বিষম্।
কালকূটং বিষং তীক্ষ্ণং সংভৃতং রোমহর্ষণম্॥ ১-১৩৭-৪৭ (৬১৭৮)
তচ্চাপি ভুক্ৎবাঽজরদাʼয়দবিকারো বৃকোদরঃ।
বিকারং নাভ্যজনয়ৎসুতীক্ষ্ণমপি তদ্বিষম্॥ ১-১৩৭-৪৮ (৬১৭৯)
ভীমসংহননো ভীমস্ৎসমাদজরয়দ্বিষম্।
ততোঽন্যদিবসে রাজন্হন্তুকামো বৃকোদরম্॥ ১-১৩৭-৪৯ (৬১৮০)
সৌবলেন সহায়েন ধার্তরাষ্ট্রোঽভ্যচিন্তয়ৎ।
চিন্তয়ন্নালভন্নিদ্রাং দিবারাত্রমতন্দ্রিতঃ॥ ১-১৩৭-৫০ (৬১৮১)
এবং দুর্যোধনঃ কর্ণঃ শকুনিশ্চাপি সৌবলঃ।
অনেকৈরপ্যুপায়ৈস্তাঞ্জিঘাংসন্তি স্ম পাণ্ডবান্॥ ১-১৩৭-৫১ (৬১৮২)
বৈশ্যা পুত্রস্তদাচষ্ট পার্থানাং হিতকাম্যযা।
পাণ্ডবা হ্যপি তৎসর্বং প্রত্যজানন্নরিন্দমাঃ।
উদ্ভাবনমকুর্বন্তো বিদুরস্য মতে স্থিতাঃ॥’ ॥ ১-১৩৭-৫২ (৬১৮৩)
ইতি শ্রীমন্মহাভার়তে আদিপর্বণি সংভবপর্বণি সপ্তত্রিংশদধিকশততমোঽধ্যায়ঃ॥ ১৩৭ ॥
Mahabharata – Adi Parva – Chapter Footnotes
১-১৩৭-৬ শ্বঃশ্বঃ পূর্বপূর্বদিনাপেক্ষয়া উত্তরমুত্তরং পাপিষ্ঠণ্। গতয়ৌবনা সম্যক্ফলসূন্যা॥ ১-১৩৭-৮ যোগং চিত্তবৃত্তিনিরোধং প্রয়াণোদ্যোগংবা। যুক্তা সমাহিতা॥ ১-১৩৭-২৪ যোগ্যাসু ক্রিয়াস্বিতি শেষঃ। উত্তরমুৎকর্ষম্॥ ১-১৩৭-২৮ নিকৃত্যা কপটেন॥ ১-১৩৭-২৯ প্রাণবান্ বলবান্॥ ১-১৩৭-৩১ প্রসহ্য বলাৎকারেণ॥ ১-১৩৭-৩৪ প্রমাণকোট্যাং গঙ্গায়াং প্রদেশবিশেষে। স্থলং কিংচিদর্ধং জলেঽর্ধং স্থলে চ ক্রীডাগারম্॥ ১-১৩৭-৪৬ বলনেন তন্নামকেন সহচরেণ॥ সপ্তত্রিংশদধিকশততমোঽধ্যায়ঃ॥ ১৩৭ ॥