আদিপর্ব – অধ্যায় ১৩১

আদিপর্ব – অধ্যায় ১৩১

॥ শ্রীঃ ॥

১.১৩১. অধ্যায়ঃ ১৩১

Mahabharata – Adi Parva – Chapter Topics

দুর্যোধনাদীনাং নামকথনম্॥ ১ ॥ দুঃশলাবিবাহঃ॥ ২ ॥

Mahabharata – Adi Parva – Chapter Text

১-১৩১-০ (৫৭৮৮)
জনমেজয় উবাচ। ১-১৩১-০x (৭৭৮)
জ্যেষ্ঠাঽনুজ্যেষ্ঠতাং তেষাং নামানি চ পৃথক্পৃথক্।
ধৃতরাষ্ট্রস্য পুত্রাণামানুপূর্ব্যাৎপ্রকীর্তয়॥ ১-১৩১-১ (৫৭৮৯)
বৈশম্পায়ন উবাচ। ১-১৩১-২x (৭৭৯)
দুর্যোধনো যুয়ুৎসুশ্চ রাজন্দুঃশাসনস্তথা।
দুঃসহো দুঃশলশ্চৈব জলসন্ধঃ সমঃ সহঃ॥ ১-১৩১-২ (৫৭৯০)
বিন্দানুবিন্দৌ দুর্ধর্ষঃ সুবাহুর্দুষ্প্রধর্ষণঃ।
দুর্মর্ষণো দুর্মুখশ্চ দুষ্কর্ণঃ কর্ণ এব চ॥ ১-১৩১-৩ (৫৭৯১)
বিবিংশতির্বিকর্ণশ্চ শলঃ সৎবঃ সুলোচনঃ।
চিত্রোপচিত্রৌ চিত্রাক্ষশ্চারুচিত্রঃ শরাসনঃ॥ ১-১৩১-৪ (৫৭৯২)
দুর্মদো দুর্বিগাহশ্চ বিবিৎসুর্বিকটাননঃ।
ঊর্ণনাভঃ সুনাভশ্চ তথা নন্দোপনন্দকৌ॥ ১-১৩১-৫ (৫৭৯৩)
চিত্রবাণশ্চিত্রবর্মা সুবর্মা দুর্বিমোচনঃ।
অয়োবাহুর্মহাবাহুশ্চিত্রাঙ্গশ্চিত্রকুণ্ডলঃ॥ ১-১৩১-৬ (৫৭৯৪)
ভীমবেগো ভীমবলো বলাকী বলবর্ধনঃ।
উগ্রায়ুধঃ সুষেণশ্চ কুণ্ডধারো মহোদরঃ॥ ১-১৩১-৭ (৫৭৯৫)
চিত্রায়ুধো নিষঙ্গী চ পাশী বৃন্দারকস্তথা।
দৃঢবর্মা দৃঢক্ষত্রঃ সোমকীর্তিরনূদরঃ॥ ১-১৩১-৮ (৫৭৯৬)
দৃঢসন্ধো জরাসন্ধঃ সত্যসন্ধঃ সদঃ সুবাক্।
উগ্রশ্রবা উগ্রসেনঃ সেনানীর্দুষ্পরাজয়ঃ॥ ১-১৩১-৯ (৫৭৯৭)
অপরাজিতঃ কুণ্ডশায়ী বিশালাক্ষো দুরাধরঃ।
দৃঢহস্তঃ সুহস্তশ্চ বাতবেগসুবর্চসৌ॥ ১-১৩১-১০ (৫৭৯৮)
আদিত্যকেতুর্বহ্বাশী নাগদত্তোঽগ্রয়ায়্যপি।
কবচী ক্রথনঃ কুণ্ডী কুণ্ডধারো ধনুর্ধরঃ॥ ১-১৩১-১১ (৫৭৯৯)
উগ্রভীমরথৌ বীরৌ বীরবাহুরলোলুপঃ।
অভয়ো রৌদ্রকর্মা চ তথা দৃঢরথাশ্রয়ঃ॥ ১-১৩১-১২ (৫৮০০)
অনাধৃষ্যঃ কুণ্ডভেদী বিরাবী চিত্রকুণ্ডলঃ।
প্রমথশ্চ প্রমাথী চ দীর্ঘরোমশ্চ বীর্যবান্॥ ১-১৩১-১৩ (৫৮০১)
দীর্ঘবাহুর্মহাবাহুর্ব্যূঢোরাঃ কনকধ্বজঃ।
কুণ্ডাশী বিরাজাশ্চৈব দুঃশলা চ শতাধিকা॥ ১-১৩১-১৪ (৫৮০২)
ইতি পুত্রশতং রাজন্কন্যা চৈব শতাধিকা।
নামধেয়ানুপূর্ব্যেণ বিদ্ধি জন্মক্রমং নৃপ॥ ১-১৩১-১৫ (৫৮০৩)
সর্বে ৎবতিরথাঃ শূরাঃ সর্বে যুদ্ধবিশারদাঃ।
সর্বে বেদবিদশ্চৈব সর্বে সর্বাস্ত্রকোবিদাঃ॥ ১-১৩১-১৬ (৫৮০৪)
সর্বেষামনুরূপাশ্চ কৃতা দারা মহীপতে।
ধৃতরাষ্ট্রেণ সময়ে পরীক্ষ্য বিবিবন্নৃপ॥ ১-১৩১-১৭ (৫৮০৫)
দুঃশলাং চাপি সময়ে ধৃতরাষ্ট্রো নরাধিপঃ।
জয়দ্রথায় প্রদদৌ বিধিনা ভরতর্ষভ॥ ১-১৩১-১৮ (৫৮০৬)
`ইতি পুত্রশতং রাজন্যুয়ুৎসুশ্চ শতাধিকঃ।
কন্যকা দুঃশলা চৈব যথাবৎকীর্তিতং ময়া’॥ ॥ ১-১৩১-১৯ (৫৮০৭)

ইতি শ্রীমন্মহাভারতে আদিপর্বণি সংভবপর্বণি একত্রিংশদধিকশততমোঽধ্যায়ঃ॥ ১৩১ ॥