আদিপর্ব – অধ্যায় ১২৯

আদিপর্ব – অধ্যায় ১২৯

॥ শ্রীঃ ॥

১.১২৯. অধ্যায়ঃ ১২৯

Mahabharata – Adi Parva – Chapter Topics

ধর্মাৎকুন্ত্যাং যুধিষ্ঠিরোৎপত্তিঃ॥ ১ ॥ কুন্ত্যাঃ পুত্রোৎপত্তিশ্রবণেন দুঃখিতয়া গান্ধার্যাং ঘাতিতাৎস্বোদরান্মাংসপেশীজননম্॥ ২ ॥ মাংসপেশীং একোত্তরশতধা বিভজ্য পৃথক্পৃথক্কুণ্ডেষু নিধায় রক্ষণম্॥ ৩ ॥ বনে স্থিতস্য পাণ্ডোঃ কুন্ত্যাং বায়োর্ভীমসেন্নোৎপত্তিঃ॥ ৪ ॥ মাতুরঙ্কাৎপতিতেন ভীমেন শৈলশিলাসংচূর্ণনম্॥ ৫ ॥ দুর্যোধনোৎপত্তিঃ॥ ৬ ॥ ততো মাসেন ধৃতরাষ্ট্রস্য পুত্রশতোৎপত্তিঃ। দুঃশলাজননং চ॥ ৭ ॥

Mahabharata – Adi Parva – Chapter Text

১-১২৯-০ (৫৬৭৮)
`কুন্ত্যুবাচ। ১-১২৯-০x (৭৬৫)
অপত্যকাম এবং স্যান্মমাপত্যং ভবেদিতি।
বিপ্রং বা গুণসংপন্নং সর্বভূতহিতে রতম্॥ ১-১২৯-১ (৫৬৭৯)
অনুজানীহি ভদ্রং তে দৈবতং হি পতিঃ স্ত্রিয়ঃ।
যং ৎবং বক্ষ্যসি ধর্মজ্ঞ দেবং ব্রাহ্মণমেব চ॥ ১-১২৯-২ (৫৬৮০)
যথোদ্দিষ্টং ৎবয়া বীর তৎকর্তাস্মি মহাভুজ।
দেবাৎপুত্রফলং সদ্যো বিপ্রাৎকালান্তরে ভবেৎ॥ ১-১২৯-৩ (৫৬৮১)
আবাহয়ামি কং দেবং কদা বা ভরতর্ষভ।
ৎবত্ত আজ্ঞাং প্রতীক্ষন্তীং বিদ্ধ্যস্মিন্কর্মণীপ্সিতে॥ ১-১২৯-৪ (৫৬৮২)
পাণ্ডুরুবাচ। ১-১২৯-৫x (৭৬৬)
ধন্যোঽঞস্ম্যনুগৃহীতোঽস্মি ৎবং নো ধাত্রী কুলস্য হি।
নমো মহর্ষয়ে তস্মৈ যেন দত্তো বরস্তব॥ ১-১২৯-৫ (৫৬৮৩)
ন চাধর্মেণ ধর্মজ্ঞে শক্যাঃ পালয়িতুং প্রজাঃ।
তস্মাত্ৎবং পুত্রলাভায় সন্তানায় মমৈব চ॥ ১-১২৯-৬ (৫৬৮৪)
প্রবরং সর্বদেবানাং ধর্মমাবাহয়াবলে। ১-১২৯-৭ (৫৬৮৫)
বৈশম্পায়ন উবাচ।
পাণ্ডুনা সমনুজ্ঞাতা ভারতেন যশস্বিনা।
মতিং চক্রে মহারাজ ধর্মস্যাবাহনে তদা॥’ ১-১২৯-৭x (৭৬৭)
পাণ্ডুরুবাচ। ১-১২৯-৮x (৭৬৮)
অদ্যৈব ৎবং বরারোহে প্রয়তস্ব যথাবিধি।
ধার্মিকশ্চ কুরূণাং হি ভবিষ্যতি ন সংশয়ঃ॥ ১-১২৯-৮ (৫৬৮৬)
দত্তস্য তস্য ধর্মেণ নাধর্মে রংস্যতে মনঃ।
ধর্মাদিকং হি ধর্মজ্ঞে ধর্মান্তং ধর্মমধ্যমম্॥ ১-১২৯-৯ (৫৬৮৭)
অপত্যমিষ্টং লোকেষু যশঃকীর্তিবিবর্ধনম্।
তস্মাদ্ধর্মং পুরস্কৃত্য নিয়তা ৎবং শুচিস্মিতে॥ ১-১২৯-১০ (৫৬৮৮)
আকারাচারসংপন্না ভজস্বারাধয় স্বয়ম্॥ ১-১২৯-১১ (৫৬৮৯)
বৈশম্পায়ন উবাচ। ১-১২৯-১২x (৭৬৯)
সা তথোক্তা তথেত্যুক্ৎবা তেন ভর্ত্রা বরাঙ্গনা।
অভিবাদ্যাভ্যনুজ্ঞাতা প্রদক্ষিণমথাকরোৎ॥ ১-১২৯-১২ (৫৬৯০)
সংবৎসরোষিতে গর্ভে গান্ধার্যা জনমেজয়।
আজুবহাব ততো ধর্মং কুন্তী গর্ভার্থমচ্যুতম্॥ ১-১২৯-১৩ (৫৬৯১)
সা বলিং ৎবরিতা দেবী ধর্মায়োপজহার হ।
জজাপ বিধিবজ্জপ্যং দত্তং দুর্বাসসা পুরা॥ ১-১২৯-১৪ (৫৬৯২)
`জানন্তী ধর্মমগ্র্যং বৈ ধর্মং বশমুপানয়ৎ।
আহূতো নিয়মাৎকুন্ত্যা সর্বভূতনমস্কৃতঃ॥’ ১-১২৯-১৫ (৫৬৯৩)
আজগাম ততো দেবীং ধর্মো মন্ত্রবলাত্ততঃ।
বিমানে সূর্যসঙ্কাশে কুন্তী যত্র জপস্থিতা॥ ১-১২৯-১৬ (৫৬৯৪)
`দদৃশে ভগবান্ধর্মঃ সন্তানার্থায় পাণ্ডবে।’
বিহস্য তাং ততো ব্রূয়াঃ কুন্তি কিং তে দদাম্যহম্।
সা তং বিহস্যমানাপি পুত্রং দেহ্যব্রবীদিদম্॥ ১-১২৯-১৭ (৫৬৯৫)
`তস্মিন্বহুমৃগেঽরণ্যে শতশৃঙ্গে নগোত্তমে।
পাণ্ডোরর্থে মহাভাগা কুন্তী ধর্মমুপাগমৎ॥ ১-১২৯-১৮ (৫৬৯৬)
ঋতুকালে শুচিঃ স্নাতা শুক্লবস্ত্রা যশস্বিনী।
শয়্যাং জগ্রাহ সুশ্রোণী সহ ধর্মেণ সুব্রতা॥’ ১-১২৯-১৯ (৫৬৯৭)
ধর্মেণ সহ সংগম্য যোগমূর্তিধরেণ সা।
লেভে পুত্রং মহাবাহুং সর্বপ্রাণভৃতাং বরম্॥ ১-১২৯-২০ (৫৬৯৮)
ঐন্দ্রে চন্দ্রমসা যুক্তে মুহূর্তেঽভিজিতেঽষ্টমে।
দিবা মধ্যগতে সূর্যে তিথৌ পূর্ণে হি পূজিতে॥ ১-১২৯-২১ (৫৬৯৯)
সমৃদ্ধয়সশং কুন্তী সুষাব প্রবরং সুতম্।
জাতমাত্রে সুতে তস্মিন্বাগুবাচাশরীরিণী॥ ১-১২৯-২২ (৫৭০০)
এষ ধর্মভৃতাং শ্রেষ্ঠো ভবিষ্যতি নরোত্তমঃ।
বিক্রান্তঃ সত্যবাক্চৈব রাজা পৃথ্ব্যাং ভবিষ্যতি॥ ১-১২৯-২৩ (৫৭০১)
যুধিষ্ঠির ইতি খ্যাতঃ পাণ্ডোঃ প্রথমজঃ সুতঃ।
ভবিতা প্রথিতো রাজা ত্রিষু লোকেষু বিশ্রুতঃ।
যশসা তেজসা চৈব বৃত্তেন চ সমন্বিতঃ॥ ১-১২৯-২৪ (৫৭০২)
সংবৎসরে দ্বিতীয়ে তু গান্ধার্যা উদরং মহৎ।
ন চ প্রাজায়ত তদা ততস্তাং দুঃখমাবিশৎ॥ ১-১২৯-২৫ (৫৭০৩)
শ্রুৎবা কুন্তীসুতং জাতং বালার্কসমতেজসম্।
উদস্যাত্মনঃ স্থৈর্যমুপালভ্য চ সৌবলী॥ ১-১২৯-২৬ (৫৭০৪)
কৌরবস্যাপরিজ্ঞাতং যত্নেন মহতা স্বয়ম্।
উদরং ঘাতয়ামাস গান্ধারী শোকমূর্ছিতা॥ ১-১২৯-২৭ (৫৭০৫)
ততো জজ্ঞে মাংসপেশী লোহাষ্ঠীলেব সংহতা।
দ্বিবর্ষসংভৃতা কুক্ষৌ তামুৎস্রষ্টুং প্রচক্রমে॥ ১-১২৯-২৮ (৫৭০৬)
অথ দ্বৈপায়নো জ্ঞাৎবা ৎবরিতঃ সমুপাগমৎ।
তাং স মাংসময়ীং পেশীং দদর্শ জপতাং বরঃ॥ ১-১২৯-২৯ (৫৭০৭)
ততোঽবদৎসৌবলেয়ীং কিমিদং তে চিকীর্ষিতম্।
সা চাত্মনো মতং সর্বং শশংস পরমর্ষয়ে॥ ১-১২৯-৩০ (৫৭০৮)
গান্ধার্যুবাচ। ১-১২৯-৩১x (৭৭০)
জ্যেষ্ঠং কুন্তীসুতং জাতং শ্রুৎবা রবিসমপ্রভম্।
দুঃখেন পরমেণেদমুদরং ঘাতিতং ময়া॥ ১-১২৯-৩১ (৫৭০৯)
শতং চ কিল পুত্রাণাং বিতীর্ণং মে ৎবয়া পুরা।
ইয়ং চ মে মাংসপেশী জাতা পুত্রশতায় বৈ॥ ১-১২৯-৩২ (৫৭১০)
ব্যাস উবাচ। ১-১২৯-৩৩x (৭৭১)
এবমেতৎসৌবলেয়ি নৈতজ্জাৎবন্যথা ভবেৎ।
বিতথং নোক্তপূর্বং মে স্বৈরেষ্বপি কুতোঽন্যথা॥ ১-১২৯-৩৩ (৫৭১১)
ঘৃতপূর্ণং কুণ্ডশতং ক্ষিপ্রমেব বিধীয়তাম্।
সুগুপ্তেষু চ দেশেষু রক্ষা চৈব বিধীয়তাম্॥ ১-১২৯-৩৪ (৫৭১২)
শীতাভিরদ্ভিরষ্ঠীলামিমাং চ পরিষিঞ্চয়॥ ১-১২৯-৩৫ (৫৭১৩)
বৈশম্পায়ন উবাচ। ১-১২৯-৩৬x (৭৭২)
সা সিচ্যমানা হ্যষ্ঠীলা হ্যভবচ্ছতধা তদা।
অঙ্গুষ্ঠপর্বভাত্রাণাং গর্ভাণাং তৎক্ষণং তথা॥ ১-১২৯-৩৬ (৫৭১৪)
একাধিকশতং পূর্ণং যথায়োগং বিশাংপতে।
ততঃ কুণ্ডশতং তত্র আনায়্য তু মহানৃষিঃ॥ ১-১২৯-৩৭ (৫৭১৫)
মাংসপেশ্যাস্তদা রাজন্ক্রমশঃ কালপর্যযাৎ।
ততস্তাংস্তেষু কুণ্ডেষু গর্ভান্সর্বান্সমাদধৎ॥ ১-১২৯-৩৮ (৫৭১৬)
স্বনুগুপ্তেষু দেশেষু রক্ষাং চৈষাং ব্যধাপয়ৎ।
শশাস চৈব কৃষ্ণো বৈ গর্ভাণাং রক্ষণং তথা॥ ১-১২৯-৩৯ (৫৭১৭)
উবাচ চৈনাং ভগবান্কালেনৈতাবতা পুনঃ।
স্ফুটমানেষু কুণ্ডেষু জাতাঞ্জানীহি শোভনে॥ ১-১২৯-৪০ (৫৭১৮)
উদ্ধাটনীয়ান্যেতানি কুণ্ডানীতি চ সৌবলীম্।
ইত্যুক্ৎবা ভগবান্ব্যাসস্তথা প্রতিবিধায় চ॥ ১-১২৯-৪১ (৫৭১৯)
জগাম তপসে ধীমান্হিমবন্তং শিলোচ্চয়ম্।
অহ্নোত্তরাঃ কুমারস্তে কুণ্ডেভ্যস্তু সমুত্থিতাঃ॥ ১-১২৯-৪২ (৫৭২০)
তেনৈবৈষাং ক্রমেণাসীজ্জ্যোষ্ঠানুজ্যেষ্ঠতা তদা।
জন্মতশ্চ প্রমাণেন জ্যেষ্ঠঃ কুন্তীসুতোঽভবৎ॥ ১-১২৯-৪৩ (৫৭২১)
ধার্মিকং চ সুতং দৃষ্ট্বা পাণ্ডুঃ কুন্তীমথাঽব্রবীৎ।
প্রাহুঃ ক্ষত্রং বলজ্যেষ্ঠং বলজ্যেষ্ঠং সুতং বৃণু॥ ১-১২৯-৪৪ (৫৭২২)
ততঃ কুন্তীমভিক্রম্য শশাসাতীব ভারত।
বায়ুমাবাহয়স্বেতি স দেবো বলবত্তরঃ॥ ১-১২৯-৪৫ (৫৭২৩)
অশ্বমেধঃ ক্রতুশ্রেষ্ঠো জ্যোতিঃশ্রেষ্ঠো দিবাকরঃ।
ব্রাহ্মণো দ্বিপদাং শ্রেষ্ঠো দেবশ্রেষ্ঠশ্চ মারুতঃ॥ ১-১২৯-৪৬ (৫৭২৪)
মারুতং মরুতাং শ্রেষ্ঠং সর্বপ্রাণিভিরীডিতম্।
আবাহয় ৎবং নিয়মাৎপুত্রার্থং বরবর্ণিনি॥ ১-১২৯-৪৭ (৫৭২৫)
স নো যং দাস্যতি সুতং স প্রাণবলবান্নৃষু।
ভবিষ্যতি বরারোহে বলজ্যেষ্ঠা হি ভূমিপাঃ॥ ১-১২৯-৪৮ (৫৭২৬)
বৈশম্পায়ন উবাচ। ১-১২৯-৪৯x (৭৭৩)
তথোক্তবতি সা কালে বায়ুমেবাজুহাব হ।
দ্বিতীয়েনোপহারেণ তেনোক্তবিধিনা পুনঃ॥ ১-১২৯-৪৯ (৫৭২৭)
তৈরেব নিয়মৈঃ স্থিৎবা মন্ত্রগ্রামমুদৈরয়ৎ।
আজগাম ততো বায়ুঃ কিং করোমীতি চাব্রবীৎ॥ ১-১২৯-৫০ (৫৭২৮)
লজ্জান্বিতা ততঃ কুন্তী পুত্রমৈচ্ছন্মহাবলম্।
তথাস্ৎবিতি চ তাং বায়ুঃ সমালভ্য দিবং গতঃ॥ ১-১২৯-৫১ (৫৭২৯)
তস্যাং জজ্ঞে মহাবীর্যো ভীমো ভীমপরাক্রমঃ।
তমপ্যতিবলং জাতং বাগুবাচাশরীরিণী॥ ১-১২৯-৫২ (৫৭৩০)
সর্বেষাং বলিনাং শ্রেষ্ঠো জাতোঽয়মিতি ভারত।
জাতমাত্রে কুমারে তু সর্বলোকস্য পার্থিবাঃ॥ ১-১২৯-৫৩ (৫৭৩১)
মূত্রং প্রসুস্রুবুঃ সর্বে ব্যথাং চাপি প্রপেদিরে।
বাহনানি ব্যশীর্যন্ত ব্যমুঞ্চন্নশ্রুবিন্দবঃ॥ ১-১২৯-৫৪ (৫৭৩২)
যথাঽনিলঃ সমুদ্ভূতঃ সমর্থঃ কম্পনে ভুবঃ।
তথা হ্যুপচিতাঙ্গো বৈ ভীমো ভীমপরাক্রমঃ॥ ১-১২৯-৫৫ (৫৭৩৩)
ইদং চাদ্ভুতমত্রাসীজ্জাতমাত্রে বৃকোদরে।
যদর়্কাৎপতিতো মাতুঃ শিলাং গাত্রৈরচূর্ণয়ৎ॥ ১-১২৯-৫৬ (৫৭৩৪)
কুন্তী তু সহ পুত্রেণ যাতা সুরুচিরং সরঃ।
স্নাৎবা চ সুতমাদায় দশমেঽহনি যাদবী॥ ১-১২৯-৫৭ (৫৭৩৫)
দৈবতান্যর্চয়িষ্যন্তী নির্জগামাশ্রমাৎপৃথা।
শৈলাভ্যাশেন গচ্ছন্ত্যাস্তদা ভরতসত্তম॥ ১-১২৯-৫৮ (৫৭৩৬)
নিশ্চক্রাম মহাব্যাঘ্রো জিঘাংসুর্গিরিগহ্বরাৎ।
তমাপতন্তং শার্দূলং বিকৃষ্য ধনুরুত্তমম্॥ ১-১২৯-৫৯ (৫৭৩৭)
নির্বিভেদ শরৈঃ পাণ্ডুস্ত্রিভিস্তিরদশবিক্রমঃ।
নাদেন মহতা তাং তু পূরয়ন্তং গিরের্গুহাম্॥ ১-১২৯-৬০ (৫৭৩৮)
দৃষ্ট্বা শৈলমুপারোঢুমৈচ্ছৎকুন্তী ভয়াত্তদা।
ত্রাসাত্তস্যাঃ সুতস্ৎবঙ্কাৎপপাত ভরতর্ষভ॥ ১-১২৯-৬১ (৫৭৩৯)
পর্বতস্যোপরিস্থায়ামধস্তাদপতচ্ছিশুঃ।
স শিলাং চূর্ণয়ামাস বজ্রবদ্বজ্রিচোদিতঃ॥ ১-১২৯-৬২ (৫৭৪০)
পুত্রস্নেহাত্ততঃ পাণ্ডুরভ্যধাবদ্গিরেস্তটম্।
পততা তেন শতধা শিলা গাত্রৈর্বিচূর্ণিতা॥ ১-১২৯-৬৩ (৫৭৪১)
শিলাং চ চূর্ণিতাং দৃষ্ট্বা পরং বিস্ময়মাগমৎ।
স তু জন্মনি ভীমস্য বিনদন্তং বিনাদিতম্॥ ১-১২৯-৬৪ (৫৭৪২)
দদর্শ গিরিশৃঙ্গস্থং ব্যাঘ্রং ব্যাঘ্রপরাক্রমঃ।
দারসংরক্ষণার্থায় পুত্রসংরক্ষণায় চ॥ ১-১২৯-৬৫ (৫৭৪৩)
সদা বাণধনুষ্পাণিরভবৎকুরুনন্দনঃ।
মঘে চন্দ্রমসা যুক্তে সিংহে চাভ্যুদিতে গুরৌ॥ ১-১২৯-৬৬ (৫৭৪৪)
দিবা মধ্যগতে সূর্যে তিথৌ পুণ্যে ত্রয়োদশে।
পিত্র্যে মুহূর্তে সা কুন্তী সুষুবে ভীমমচ্যুতম্॥ ১-১২৯-৬৭ (৫৭৪৫)
যস্মিন্নহনি ভমস্তু জজ্ঞে ভীমপরাক্রমঃ।
তামেব রাত্রিং পূর্বাং তু জজ্ঞে দুর্যোধনো নৃপঃ॥ ১-১২৯-৬৮ (৫৭৪৬)
স জাতমাত্র এবাথ ধৃতরাষ্ট্রসুতো নৃপ।
রাসভারাবসদৃশং রুরাব চ ননাদ চ॥ ১-১২৯-৬৯ (৫৭৪৭)
তং খরাঃ প্রত্যভাষন্ত গৃধ্রগোমায়ুবায়সাঃ।
ক্রব্যাদাঃ প্রাণদন্ঘোরাঃ শিবাশ্চাশিবনিস্বনাঃ॥ ১-১২৯-৭০ (৫৭৪৮)
বাতাশ্চ প্রববুশ্চাপি দিগ্দাহশ্চাভবত্তদা।
ততস্তু ভীতবদ্রাজা ধৃতরাষ্ট্রোঽব্রবীদিদম্॥ ১-১২৯-৭১ (৫৭৪৯)
সমানীয় বহূন্বিপ্রান্ভীষ্মং বিদুরমেব চ।
অন্যাংশ্চ সুহৃদো রাজন্কুরূন্সর্বাংস্তথৈব চ॥ ১-১২৯-৭২ (৫৭৫০)
যুধিষ্ঠিরো রাজপুত্রো জ্যেষ্ঠো নঃ কুলবর্ধনঃ।
প্রাপ্তঃ স্বগুণতো রাজ্যং ন তস্মিন্বাচ্যমস্তিনঃ॥ ১-১২৯-৭৩ (৫৭৫১)
অয়ং ৎবনন্তরস্তস্মাদপি রাজা ভবিষ্যতি।
এতদ্বিব্রূত মে তথ্যং যদত্র ভবিতা ধ্রুবম্॥ ১-১২৯-৭৪ (৫৭৫২)
`অস্মিঞ্জাতে নিমিত্তানি শংসন্তী হাশিবং মহৎ।
অতো ব্রবীমি বিদুর দ্রুতং মাং ভয়মাবিশৎ॥’ ১-১২৯-৭৫ (৫৭৫৩)
বাক্যস্যৈতস্য নিধেন দিক্ষু সর্বাসু ভারত।
ক্রব্যাদাঃ প্রাণদন্ঘোরাঃ শিবাশ্চাশিবনিস্বনাঃ॥ ১-১২৯-৭৬ (৫৭৫৪)
লক্ষয়িৎবা নিমিত্তানি তানি ঘোরাণি সর্বশঃ।
তেঽব্রুবন্ব্রাহ্মণা রাজন্বিদুরশ্চ মহামতিঃ॥ ১-১২৯-৭৭ (৫৭৫৫)
যথেমানি নিমিত্তানি ঘোরাণি মনুজাধিপ।
উত্থিতানি সুতে জাতে জ্যেষ্ঠে তে পুরুষর্ষভ॥ ১-১২৯-৭৮ (৫৭৫৬)
ব্যক্তং কুলান্তকরণো ভবিতৈষ সুতস্তব।
তস্য শান্তিঃ পরিত্যাগে গুপ্তাবপনয়ো মহান্॥ ১-১২৯-৭৯ (৫৭৫৭)
`এষ দুর্যোধনো রাজা মধুপিঙ্গললোচনঃ।
ন কেবলং কুলস্যান্তং ক্ষত্রিয়ান্তং করিষ্যতি॥’ ১-১২৯-৮০ (৫৭৫৮)
শতমেকোনমপ্যস্তু পুত্রাণাং তে মহীপতে।
ত্যজৈনমেকং শান্তিং চেৎকুলস্যেচ্ছসি ভারত॥ ১-১২৯-৮১ (৫৭৫৯)
একেন কুরু বৈ ক্ষেমং কুলস্য জগতস্তথা।
ত্যজেদেকং কুলস্যার্থে গ্রামস্যার্থে কুলং ত্যজেৎ॥ ১-১২৯-৮২ (৫৭৬০)
গ্রামং জনপদস্যার্থে আত্মার্থে পৃথিবীং ত্যজেৎ।
স তথা বিদুরেণোক্তস্তৈশ্চ সর্বৈর্দ্বিজোত্তমৈঃ॥ ১-১২৯-৮৩ (৫৭৬১)
ন চকার তথা রাজা পুত্রস্নেহসমন্বিতঃ।
ততঃ পুত্রশতং পূর্ণ ধৃতরাষ্ট্রস্য পার্থিব॥ ১-১২৯-৮৪ (৫৭৬২)
অহ্নাংশতেন সংজজ্ঞে কন্যা চৈকা শতাধিকা।
গান্ধার্যাং ক্লিশ্যমানায়ামুদরেণ বিবর্ধতা॥ ১-১২৯-৮৫ (৫৭৬৩)
`বৈশ্যা সা ৎবম্বিকাপুত্রং কন্যা পরিচচার হ।
তয়া সমভবদ্রাজা ধৃতরাষ্ট্রো যদৃচ্ছয়া॥’ ১-১২৯-৮৬ (৫৭৬৪)
তস্মিন্সংবৎসরে রাজন্ধৃতরাষ্ট্রান্মহায়শাঃ।
জজ্ঞে ধীমাংস্ততস্তস্যাং যুয়ুৎসুঃ করমো নৃপ।
এবং পুত্রশতং জজ্ঞে ধৃতরাষ্ট্রস্য ধীমতঃ॥ ১-১২৯-৮৭ (৫৭৬৫)
মহারথানাং বীরাণাং কন্যা চৈকা শতাধিকা।
যুয়ুৎসুশ্চ মহাতেজা বৈশ্যাপুত্রঃ প্রতাপবান্॥ ॥ ১-১২৯-৮৮ (৫৭৬৬)

ইতি শ্রীমন্মহাভারতে আদিপর্বণি সংভবপর্বণি একোনত্রিংশদধিকশততমোঽধ্যায়ঃ॥ ১২৯ ॥

Mahabharata – Adi Parva – Chapter Footnotes

১-১২৯-২১ ঐন্দ্রে জ্যেষ্ঠানক্ষত্রে। অষ্টমে অভিজিতেঽভিজিতি ত্রিংশন্মুহূর্তস্যাহ্নোঽষ্টমে মুহূর্তে। দিবা শুক্লপক্ষে। মধ্যগতে তুলায়নগতে। তিথৌ পূর্ণে পূর্ণায়াং পঞ্চম্যাম্। অয়ং যোগঃ প্রায়েণাস্বিনশুক্লপঞ্চম্যাম্॥ ১-১২৯-২৮ লোহাষ্ঠীলা লোহপিণ্ডিকা॥ ১-১২৯-৬২ বজ্রবদ্বজ্রিচোদিতঃ বজ্রিচোদিতবজ্রবদিত্যর্থঃ॥ ১-১২৯-৬৪ বিনাদিতং নাদং। বিনন্দং কুর্বাণম্॥ ১-১২৯-৬৯ রুরাব চ ননাদ চ ব্যক্তমব্যক্তং চ শব্দং খরসদৃশমেবাকরোৎ॥ ১-১২৯-৮৭ করণ ইব করণঃ ক্ষত্রিয়াদ্বৈশ্যায়াং জাতৎবান্ন তু বৈশ্যাচ্ছূদ্রায়াম্॥ একোনত্রিংশদধিকশততমোঽধ্যায়ঃ॥ ১২৯ ॥