আদিপর্ব – অধ্যায় ১২৬

আদিপর্ব – অধ্যায় ১২৬

॥ শ্রীঃ ॥

১.১২৬. অধ্যায়ঃ ১২৬

Mahabharata – Adi Parva – Chapter Topics

বিদুরস্য বিবাহঃ পুত্রোৎপত্তিশ্চ॥ ১ ॥ ব্যাসস্য বরেণ গান্ধার্যাং ধৃতরাষ্ট্রাদ্গর্ভোৎপত্তিঃ॥ ২ ॥ পাণ্ডোঃ পুত্রোৎপত্তৌ চিন্তা॥ ৩ ॥

Mahabharata – Adi Parva – Chapter Text

১-১২৬-০ (৫৫৩০)
বৈশম্পায়ন উবাচ। ১-১২৬-০x (৭৪৯)
অথ পারসবীং কন্যাং দেবকস্য মহীপতেঃ।
রূপয়ৌবনসংপন্নাং স সুশ্রাবাপগাসুতঃ॥ ১-১২৬-১ (৫৫৩১)
ততস্তু বরয়িৎবা তামানীয় ভরতর্ষভঃ।
বিবাহং কারয়ামাস বিদুরস্য মহামতেঃ॥ ১-১২৬-২ (৫৫৩২)
তস্যাং চোৎপাদয়ামাস বিদুরঃ কুরুনন্দন।
পুত্রান্বিনয়সংপন্নানাত্মনঃ সদৃশান্গুণৈঃ॥ ১-১২৬-৩ (৫৫৩৩)
ততঃ পুত্রশতং জজ্ঞে গান্ধার্যা জনমেজয়।
ধৃতরাষ্ট্রস্য বৈশ্যায়ামেকশ্চাপি শতাৎপরঃ॥ ১-১২৬-৪ (৫৫৩৪)
পাণ্ডোঃ কৃন্ত্যাং চ মাদ্র্যাং চ পুত্রাঃ পঞ্চ মহারথাঃ।
দেবেভ্যঃ সমপদ্যন্ত সন্তানায় কুলস্য বৈ॥ ১-১২৬-৫ (৫৫৩৫)
জনমেজয় উবাচ। ১-১২৬-৬x (৭৫০)
কথং পুত্রশতং জজ্ঞে গান্ধার্যাং দ্বিজসত্তম।
কিয়তা চৈব কালেন তেষামায়ুশ্চ কিং পরম্॥ ১-১২৬-৬ (৫৫৩৬)
কথং চৈকঃ স বৈশ্যায়াং ধৃতরাষ্ট্রসুতোঽভবৎ।
কথং চ সদৃশীং ভার্যাং গান্ধারীং ধর্মচারিণীম্॥ ১-১২৬-৭ (৫৫৩৭)
আনুকূল্যে বর্তমানাং ধৃতরাষ্ট্রোঽত্যবর্তত।
কথং চ শপ্তস্য সতঃ পাণ্ডোস্তেন মহাত্মনা॥ ১-১২৬-৮ (৫৫৩৮)
সমুৎপন্না দৈবতেভ্যঃ পুত্রাঃ পঞ্চ মহারথাঃ।
এতদ্বিদ্বন্যথান্যায়ং বিস্তরেণ তপোধন॥ ১-১২৬-৯ (৫৫৩৯)
কথয়স্ব ন মে তৃপ্তিঃ কথ্যমানেষু বন্ধুষু। ১-১২৬-১০ (৫৫৪০)
বৈশম্পায়ন উবাচ।
ঋষিং বুভুক্ষিতং শ্রান্তং দ্বৈপায়নমুপস্থিতম্॥ ১-১২৬-১০x (৭৫১)
তোষয়ামাস গান্ধারী ব্যাসস্তস্যৈ বরং দদৌ।
সা বব্রে সদৃশং ভর্তুঃ পুত্রাণাং শতমাত্মনঃ॥ ১-১২৬-১১ (৫৫৪১)
ততঃ কালেন সা গর্ভমগৃহ্ণাজ্জ্ঞানচক্ষুষঃ॥ ১-১২৬-১২ (৫৫৪২)
গান্ধার্যামাহিতে গর্ভে পাণ্ডুরম্বালিকাসুতঃ।
অগচ্ছৎপরমং দুঃখমপত্যার্থমরিন্দম॥ ১-১২৬-১৩ (৫৫৪৩)
গর্ভিণ্যামথ গান্ধার্যাং পাণ্ডুঃ পরমদুঃখিতঃ।
মৃগাভিশাপাদাত্মানং শোচন্নুপরতক্রিয়ঃ॥ ১-১২৬-১৪ (৫৫৪৪)
স গৎবা তপসা সিদ্ধিং বিশ্বামিত্রো যথা ভুবি।
দেহান্যাসে কৃতমনা ইদং বচনমব্রবীৎ॥ ১-১২৬-১৫ (৫৫৪৫)
পাণ্ডুরুবাচ। ১-১২৬-১৬x (৭৫২)
চতুর্ভির্ঋণবানিত্থং জায়তে মনুজো ভুবি।
পিতৃদেবমনুষ্যাণামৃষীণামথ ভামিনি॥ ১-১২৬-১৬ (৫৫৪৬)
এতেভ্যস্তু যথাকালং যো ন মুচ্যেত ধর্মবিৎ।
ন তস্য লোকাঃ সন্তীতি ততা লোকবিদো বিদুঃ॥ ১-১২৬-১৭ (৫৫৪৭)
যজ্ঞেন দেবান্প্রীণাতি স্বাধ্যায়াত্তপসা ঋষীন্।
পুত্রৈঃ শ্রাদ্ধৈরপি পিতৄনানৃশংস্যেন মানবান্॥ ১-১২৬-১৮ (৫৫৪৮)
ঋষিদেবমনুষ্যাণামৃণান্মুক্তোঽস্মি ধর্মতঃ।
পিতৄণাং তু ন মুক্তোঽস্মি তচ্চ তেভ্যো বিশিষ্যতে॥ ১-১২৬-১৯ (৫৫৪৯)
দেহনাশে ভবেন্নাশঃ পিতৄণামেষ নিশ্চয়ঃ।
ইতরেষাং ত্রয়াণাং তু নাশে হ্যাত্মা বিনশ্যতি॥ ১-১২৬-২০ (৫৫৫০)
ইহ তস্মাৎপ্রজালাভে প্রয়তন্তে দ্বিজোত্তমাঃ।
যথৈবাহং পিতুঃ ক্ষেত্রে সৃষ্টস্তেন মহাত্মনা॥ ১-১২৬-২১ (৫৫৫১)
তথৈবাস্মিন্মম ক্ষেত্রে কথং সৃজ্যেত বৈ প্রজা। ১-১২৬-২২ (৫৫৫২)
বৈশম্পায়ন উবাচ।
স সমানীয় কুন্তীং চ মাদ্রীং চ ভরতর্ষভঃ॥ ১-১২৬-২২x (৭৫৩)
আচষ্ট পুত্রলাভস্য ব্যুষ্টিং সর্বক্রিয়াধিকাম্।
উত্তমাদবরাঃ পুংসঃ কাঙ্ক্ষন্তো পুত্রমাপদি॥ ১-১২৬-২৩ (৫৫৫৩)
অপত্যং ধর্মফলদং শ্রেষ্ঠাদিচ্ছন্তি সাধবঃ।
অনুনীয় তু তে সম্যঙ্মহাব্রাহ্মণসংসদি।
ব্রাহ্মণং গুণবন্তং হি চিন্তয়ামাস ধর্মবিৎ॥ ১-১২৬-২৪ (৫৫৫৪)
সোঽব্রবীদ্বিজনে কুন্তীং ধর্মপত্নীং যশস্বিনীম্।
অপত্যোৎপাদনে যত্নমাপদি ৎবং সমর্থয়॥ ১-১২৬-২৫ (৫৫৫৫)
অপত্যং নাম লোকেষু প্রতিষ্ঠা ধর্মসংহিতা।
ইতি কুন্তি বিদুর্ধীরাঃ শাশ্বতং ধর্মবাদিনঃ॥ ১-১২৬-২৬ (৫৫৫৬)
ইষ্টং দত্তং তপস্তপ্তং নিয়মশ্চ স্বনুষ্ঠিতঃ।
সর্বমেবানপত্যস্য ন পাবনমিহোচ্যতে॥ ১-১২৬-২৭ (৫৫৫৭)
সোঽহমেবং বিদিৎবৈতৎপ্রপশ্যামি শুচিস্মিতে।
অনপত্যঃ শুভাঁল্লোকান্নপ্রাপ্স্যামীতি চিন্তয়ন্॥ ১-১২৬-২৮ (৫৫৫৮)
`অনপত্যো হি মরণং কাময়ে নৈব জীবিতম্।’
মৃগাভিশাপং জানাসি বিজনে মম কেবলম্।
নৃশংসকর্মণা কৃৎস্নং যথা হ্যুপহতং তথা॥ ১-১২৬-২৯ (৫৫৫৯)
ইমে বৈ বন্ধুদায়াদাঃ ষট্ পুত্রা ধর্মদর্শনে।
ষডেবাবন্ধুদায়াদাঃ পুত্রাস্তাঞ্ছৃণু মে পৃথে॥ ১-১২৬-৩০ (৫৫৬০)
স্বয়ংজাতঃ প্রণীতশ্চ পরিক্রীতশ্চ যঃ সুতঃ।
পৌনর্ভবশ্চ কানীনঃ স্বৈরিণ্যাং যশ্চ জায়তে॥ ১-১২৬-৩১ (৫৫৬১)
দত্তঃ ক্রীতঃ কৃত্রিমশ্চ উপগচ্ছেৎস্বয়ং চ যঃ।
সহোঢো জ্ঞাতিরেতাশ্চ হীনয়োনিধৃতশ্চ যঃ॥ ১-১২৬-৩২ (৫৫৬২)
পূর্বপূর্বতমাভাবং মত্ৎবা লিপ্সেত বৈ সুতম্।
উত্তমাদ্দেবরাৎপুংসঃ কাঙ্ক্ষন্তে পুত্রমাপদি॥ ১-১২৬-৩৩ (৫৫৬৩)
অপত্যং ধর্মফলদং শ্রেষ্ঠং বিন্দন্তি মানবাঃ।
আত্মশুক্রাদপি পৃথে মনুঃ স্বায়ংভুবোঽব্রবীৎ॥ ১-১২৬-৩৪ (৫৫৬৪)
তস্মাৎপ্রহেষ্যাম্যদ্য ৎবাং হীনঃ প্রজননাৎস্বয়ম্॥ ১-১২৬-৩৫ (৫৫৬৫)
সদৃশাচ্ছ্রেয়সো বা ৎবং বিদ্ধ্যপত্যং যশস্বিনি।
শৃণু কুন্তি কথামেতাং শারদণ্ডায়িনীং প্রতি॥ ১-১২৬-৩৬ (৫৫৬৬)
`যা হি তে ভগিনী সাধ্বী শ্রুতসেনা যশস্বিনী।
অবাহ তাং তু কৈকেয়ঃ শারদাণ্ডায়নির্মহান্॥’ ১-১২৬-৩৭ (৫৫৬৭)
সা বীরপত্নী গুরুণা নিয়ুক্তা পুত্রজন্মনি।
পুষ্পেণ প্রয়তা স্নাতা নিশি কুন্তি চতুষ্পথে॥ ১-১২৬-৩৮ (৫৫৬৮)
বরয়িৎবা দ্বিজং সিদ্ধং হুৎবা পুংসবনেঽনলম্।
কর্মণ্যবসিতে তস্মিন্সা তেনৈব সহাবসৎ॥ ১-১২৬-৩৯ (৫৫৬৯)
তত্র ত্রীঞ্জনয়ামাস দুর্জয়াদীন্মহারথান্।
তথা ৎবমপি কল্যাণি ব্রাহ্মণাত্তপসাধিকাৎ।
মন্নিয়োগাদ্যত ক্ষিপ্রমপত্যোৎপাদনং প্রতি॥ ॥ ১-১২৬-৪০ (৫৫৭০)

ইতি শ্রীমন্মহাভারতে আদিপর্বণি সংভবপর্বণি ষড্বিংশত্যধিকশততমোঽধ্যায়ঃ॥ ১২৬ ॥

Mahabharata – Adi Parva – Chapter Footnotes

১-১২৬-২৬ ধর্মসংহিতা ধর্মময়ী॥ ১-১২৬-৩০ ধর্মদর্শনে ধর্মশাস্ত্রে উক্তা ইতি শেষঃ। বন্ধুদায়াদারিক্থহরাঃ। অবন্ধুদায়াদাস্তদন্যে॥ ১-১২৬-৩৫ প্রহেষ্যামি গতিবৃদ্ধিকর্মণো হিনোতে রূপম্। অদ্যেতি ক্ষিপ্রবচনসংয়োগাল্লৃট্। ৎবাং শরণং গতোঽস্মি বর্ধয়ামি বেতি চার্থঃ॥ ১-১২৬-৩৬ বিদ্ধি লভস্ব। শারদণ্ডায়নের্ভার্যাম্॥ ১-১২৬-৩৮ গুরুণা ভর্ত্রা। পুষ্পেণ আর্তবেন নিমিত্তেন স্নাতা॥ ১-১২৬-৪০ যত যতস্ব॥ ষড্বিংশত্যধিকশততমোঽধ্যায়ঃ॥ ১২৬ ॥