আদিপর্ব – অধ্যায় ১২৫

আদিপর্ব – অধ্যায় ১২৫

॥ শ্রীঃ ॥

১.১২৫. অধ্যায়ঃ ১২৫

Mahabharata – Adi Parva – Chapter Topics

ব্রহ্মলোকং জিগমিষোঃ পাণ্ডোঃ তব পুত্রা ভবিষ্যন্তীত্যুক্ৎবা ঋষিভিঃ প্রতিনিবর্তনম্॥ ১ ॥

Mahabharata – Adi Parva – Chapter Text

১-১২৫-০ (৫৫০৮)
বৈশম্পায়ন উবাচ। ১-১২৫-০x (৭৪৩)
তত্রাপি তপসি শ্রেষ্ঠে বর্তমানঃ স বীর্যবান্।
সিদ্ধচারণসঙ্ঘানাং বভূব প্রিয়দর্শনঃ॥ ১-১২৫-১ (৫৫০৯)
সুশ্রূষুরনহংবাদী সংয়তাত্মা জিতেন্দ্রিয়ঃ।
স্বর্গং গন্তুং পরাক্রান্তঃ স্বেন বীর্যেণ ভারত॥ ১-১২৫-২ (৫৫১০)
কেষাংচিদভবদ্ভ্রাতা কেষাংচিদভবৎসখা।
ঋষয়স্ৎবপরে চৈনং পুত্রবৎপর্যপালয়ন্॥ ১-১২৫-৩ (৫৫১১)
স তু কালেন মহতা প্রাপ্য নিষ্কল্মষং তপঃ।
ব্রহ্মর্ষিসদৃশঃ পাণ্ডুর্বভূব ভরতর্ষভ॥ ১-১২৫-৪ (৫৫১২)
অমাবাস্যাং তু সহিতা ঋষয়ঃ সংশিতব্রতাঃ।
ব্রহ্মাণং দ্রষ্টুকামাস্তে সংপ্রতস্থুর্মহর্ষয়ঃ॥ ১-১২৫-৫ (৫৫১৩)
সংপ্রয়াতানৃষীন্দৃষ্ট্বা পাণ্ডুর্বচনমব্রবীৎ।
ভবন্তঃ ক্ব গমিষ্যন্তি ব্রূত মে বদতাং বরাঃ॥ ১-১২৫-৬ (৫৫১৪)
ঋষয় ঊচুঃ। ১-১২৫-৭x (৭৪৪)
সমাবায়ো মহানদ্য ব্রহ্মলোকে মহাত্মনাম্।
দেবানাং চ ঋষীণাং চ পিতৄণাং চ মহাত্মনাম্।
বয়ং তত্র গমিষ্যামো দ্রষ্টুকামাঃ স্বয়ংভুবম্॥ ১-১২৫-৭ (৫৫১৫)
বৈশম্পায়ন উবাচ। ১-১২৫-৮x (৭৪৫)
পাণ্ডুরুত্থায় সহসা গন্তুকামো মহর্ষিভিঃ।
স্বর্গপারং তিতীর্ষুঃ স শতশৃঙ্গাদুদঙ্মুখঃ॥ ১-১২৫-৮ (৫৫১৬)
প্রতস্থে সহ পত্নীভ্যামব্রুবংস্তং চ তাপসাঃ।
উপর্যুপরি গচ্ছন্তঃ শৈলরাজমুদঙ্মুখাঃ॥ ১-১২৫-৯ (৫৫১৭)
দৃষ্টবন্তো গিরৌ রম্যে দুর্গান্দেশান্বহূন্বয়ম্।
বিমানশতসংবাধাং গীতস্বরনিনাদিতাম্॥ ১-১২৫-১০ (৫৫১৮)
আক্রীডভূমিং দেবানাং গন্ধর্বাপ্সরসাং তথা।
উদ্যানানি কুবেরস্য সমানি বিষমাণি চ॥ ১-১২৫-১১ (৫৫১৯)
মহানদীনিতম্বাংশ্চ গহনান্গিরিগহ্বরান্।
সন্তি নিত্যহিমা দেশা নির্বৃক্ষমৃগপক্ষিণঃ॥ ১-১২৫-১২ (৫৫২০)
সন্তি ক্বচিন্মহাদর্যো দুর্গাঃ কাশ্চিদ্দুরাসদাঃ।
নাতিক্রামেত পক্ষী যান্কুত এবেতরে মৃগাঃ॥ ১-১২৫-১৩ (৫৫২১)
বায়ুরেকো হি যাত্যত্র সিদ্ধাশ্চ পরমর্ষয়ঃ।
গচ্ছন্ত্যৌ শৈলরাজেঽস্মিন্রাজপুত্র্যৌ কথং ন্বিমে॥ ১-১২৫-১৪ (৫৫২২)
ন সীদেতামদুঃখার্হে মা গমো ভরতর্ষভ। ১-১২৫-১৫ (৫৫২৩)
পাণ্ডুরুবাচ।
অপ্রজস্য মহাভাগা ন দ্বারং পরিচক্ষতে॥ ১-১২৫-১৫x (৭৪৬)
স্বর্গে তেনাভিতপ্তোঽহমপ্রজস্তু ব্রবীমি বঃ।
সোঽহমুগ্রেণ তপসা সভার্যস্ত্যক্তজীবিতঃ॥ ১-১২৫-১৬ (৫৫২৪)
অনপত্যোঽপি বিন্দেয়ং স্বর্গমুগ্রেণ কর্মণা। ১-১২৫-১৭ (৫৫২৫)
ঋষয় ঊচুঃ।
অস্তি বৈ তব ধর্মাত্মন্বিদ্ম দেবোপম শুভম্॥ ১-১২৫-১৭x (৭৪৭)
অপত্যমনঘং রাজন্বয়ং দিব্যেন চক্ষুষা।
দৈবোদ্দিষ্টং নরব্যাঘ্র কর্মণেহোপপাদয়॥ ১-১২৫-১৮ (৫৫২৬)
অক্লিষ্টং ফলমব্যগ্রো বিন্দতে বুদ্ধিমান্নরঃ।
তস্মিন্দৃষ্টে ফলে রাজন্প্রয়ত্নং কর্তুমর্হসি॥ ১-১২৫-১৯ (৫৫২৭)
অপত্যং গুণসংপন্নং লব্ধা প্রীতিকরং হ্যসি। ১-১২৫-২০ (৫৫২৮)
বৈশম্পায়ন উবাচ।
তচ্ছ্রুৎবা তাপসবচঃ পাণ্ডুস্চিন্তাপরোঽভবৎ॥ ১-১২৫-২০x (৭৪৮)
আত্মনো মৃগশাপেন জানন্নুপহতাং ক্রিয়াম্॥ ॥ ১-১২৫-২১ (৫৫২৯)

ইতি শ্রীমন্মহাভারতে আদিপর্বণি সংভবপর্বণি সংভবপর্বণি পঞ্চবিংশত্যধিকশততমোঽধ্যায়ঃ॥ ১২৫ ॥

Mahabharata – Adi Parva – Chapter Footnotes

১-১২৫-৫ অমাবাস্যাং প্রাপ্য॥ ১-১২৫-১০ বিমানশতেন সংবাধং সংকটং যস্যাং সা॥ ১-১২৫-১৯ অব্যগ্রো বিন্দতেঽতো ব্যগ্রো মাভূরিত্যর্থঃ॥ ১-১২৫-২০ লভতে ইতি লব্ধা তাদৃশোঽসি লপ্স্যসীত্যর্থঃ॥ পঞ্চবিংশত্যধিকশততমোঽধ্যায়ঃ॥ ১২৫ ॥