আদিপর্ব – অধ্যায় ১১৯

আদিপর্ব – অধ্যায় ১১৯

॥ শ্রীঃ ॥

১.১১৯. অধ্যায়ঃ ১১৯

Mahabharata – Adi Parva – Chapter Topics

ধৃতরাষ্ট্রবিবাহার্থং ভীষ্মবিদুরসংবাদঃ॥ ১ ॥ ধৃতরাষ্ট্রস্য গান্ধার্যা বিবাহঃ॥ ২ ॥

Mahabharata – Adi Parva – Chapter Text

১-১১৯-০ (৫২৭৪)
ভীষ্ম উবাচ। ১-১১৯-০x (৭১৫)
গুণৈঃ সমুদিতং সম্যগিদং নঃ প্রথিতং কুলম্।
অত্যন্যান্পৃথিবীপালান্পৃথিব্যামধিরাজ্যভাক্॥ ১-১১৯-১ (৫২৭৫)
রক্ষিতং রাজভিঃ পূর্বং ধর্মবিদ্ভির্মহাত্মভিঃ।
নোৎসাদমগমচ্চেদং কদাচিদিহ নঃ কুলম্॥ ১-১১৯-২ (৫২৭৬)
ময়া চ সত্যবত্যা চ কৃষ্ণেন চ মহাত্মনা।
সমবস্থাপিত ভূয়ো যুষ্মাসু কুলতন্তুষু॥ ১-১১৯-৩ (৫২৭৭)
তচ্চৈতদ্বর্ধতে ভূয়ঃ কুলং সাগরবদ্যথা।
তথা ময়া বিধাতব্যং ৎবয়া চৈব ন সংশয়ঃ॥ ১-১১৯-৪ (৫২৭৮)
শ্রূয়তে যাদবী কন্যা স্বনুরূপা কুলস্য নঃ।
সুবলস্যাত্মজা চৈব তথা মদ্রেশ্বরস্য চ॥ ১-১১৯-৫ (৫২৭৯)
কুলীনা রূপবত্যশ্চ তাঃ কন্যাঃ পুত্র সর্বশঃ।
উচিতাশ্চৈব সংবন্ধে তেঽস্মাকং ক্ষত্রিয়র্ষভাঃ॥ ১-১১৯-৬ (৫২৮০)
মন্যে বরয়িতব্যাস্তা ইত্যহং ধীমতাং বর।
সন্তানার্থং কুলস্যাস্য যদ্বা বিদুর মন্যসে॥ ১-১১৯-৭ (৫২৮১)
বিদুর উবাচ। ১-১১৯-৮x (৭১৬)
ভবান্পিতা ভাবন্মাতা ভবান্নঃ পরমো গুরুঃ।
তস্মাৎস্বয়ং কুলস্যাস্য বিচার্য কুরু যদ্ধিতম্॥ ১-১১৯-৮ (৫২৮২)
বৈশম্পায়ন উবাচ। ১-১১৯-৯x (৭১৭)
অথ শুশ্রাব বিপ্রেভ্যো গান্ধারীং সুবলাত্মজাম্।
আরাধ্য বরদং দেবং ভগনেত্রহরং হরম্॥ ১-১১৯-৯ (৫২৮৩)
গান্ধারী কিল পুত্রাণাং শতং লেভে বরং শুভা।
ইতি শুশ্রাব তত্ৎবেন ভীষ্মঃ কুরুপিতামহঃ॥ ১-১১৯-১০ (৫২৮৪)
ততো গান্ধাররাজস্য প্রেষয়ামাস ভারত।
অচক্ষুরিতি তত্রাসীৎসুবলস্য বিচারণা॥ ১-১১৯-১১ (৫২৮৫)
কুলং খ্যাতিং চ বৃত্তং চ বুদ্ধ্যা তু প্রসমীক্ষ্য সঃ।
দদৈ তাং ধৃতরাষ্ট্রায় গান্ধারীং ধর্মচারিণীম্॥ ১-১১৯-১২ (৫২৮৬)
গান্ধারী ৎবথ শুশ্রাব ধৃতরাষ্ট্রমচক্ষুষম্।
আত্মানং দিপ্সিতং চাস্মৈ পিত্রা মাত্রা চ ভারত॥ ১-১১৯-১৩ (৫২৮৭)
ততঃ সা পটমাদায় কৃৎবা বহুগুণং তদা।
ববন্ধ নেত্রে স্বে রাজন্পতিব্রতপরায়ণা॥ ১-১১৯-১৪ (৫২৮৮)
নাভ্যসূয়াং পতিমহমিত্যেবং কৃতনিশ্চয়া।
ততো গান্ধাররাজস্য পুত্রঃ শকুনিরভ্যযাৎ॥ ১-১১৯-১৫ (৫২৮৯)
স্বসারং পরয়া লক্ষ্ম্যা যুক্তামাদায় কৌরবান্।
তাং তদা ধৃতরাষ্ট্রায় দদৌ পরমসৎকৃতাম্।
ভীষ্মস্যানুমতে চৈব বিবাহং সমকারয়ৎ॥ ১-১১৯-১৬ (৫২৯০)
দত্ৎবা স ভগিনীং বীরো যথার্হং চ পরিচ্ছদম্।
পুনরায়াৎস্বনগরং ভীষ্মেণ প্রতিপূজিতঃ॥ ১-১১৯-১৭ (৫২৯১)
গান্ধার্যপি বরারোহা শীলাচারবিচিষেটিতৈঃ।
তুষ্টিং কুরূণাং সর্বেষাং জনয়ামাস ভারত॥ ১-১১৯-১৮ (৫২৯২)
`গান্ধারী সা পতিং দৃষ্ট্বা প্রজ্ঞাচক্ষুষমীশ্বরম্।
অতিচারাদ্ভৃশং ভীতা ভর্তুঃ সা সমচিন্তয়ৎ॥ ১-১১৯-১৯ (৫২৯৩)
সা দৃষ্টিবিনিবৃত্ত্যা হি ভর্তুশ্চ সমতাং যয়ৌ।
নহি সূক্ষ্মেপ্যতীচারে ভর্তুঃ সা ববৃতে তদা॥ ১-১১৯-২০ (৫২৯৪)
বৃত্তেনারাধ্য তান্সর্বান্গুরূন্পতিপরায়ণা।
বাচাপি পুরুষানন্যান্সুব্রতা নান্বকীর্তয়ৎ॥ ১-১১৯-২১ (৫২৯৫)
তস্যাঃ সহোদরীঃ কন্যাঃ পুনরেব দদৌ দশ।
গান্ধাররাজঃ সুবলো ভীষ্মেণ চ বৃতস্তদা॥ ১-১১৯-২২ (৫২৯৬)
সত্যব্রতাং সত্যসেনাং সুদেষ্ণাং চাপি সংহিতাম্।
তেজশ্শ্র্বাং সুশ্রবাং চ তথৈব নিকৃতিং শুভাম্॥ ১-১১৯-২৩ (৫২৯৭)
শংভ্বঠাং চ দশার্ণাং চ গান্ধারীর্দশ বিশ্রুতাঃ।
একাহ্না প্রতিজগ্রাহ ধৃতরাষ্ট্রো জনেশ্বরঃ॥ ১-১১৯-২৪ (৫২৯৮)
ততঃ শান্তনবো ভীষ্মো ধানুষ্কস্তাস্ততস্ততঃ।
অদদাদ্ধৃতরাষ্ট্রস্য রাজপুত্রীঃ পরশ্শতম্॥’ ॥ ১-১১৯-২৫ (৫২৯৯)

ইতি শ্রীমন্মহাভারতে আদিপর্বণি সংভবপর্বণি একোনবিংশত্যধিকশততমোঽধ্যায়ঃ॥ ১১৯ ॥

Mahabharata – Adi Parva – Chapter Footnotes

১-১১৯-৫ যাদবী যাদবস্য কুন্তিভোজস্য অপত্যম্॥ ১-১১৯-১১ প্রেষয়ামাস দূতমিতি শেষঃ॥ ১-১১৯-১৩ দিৎসিতং দাতুমিষ্টম্॥ ১-১১৯-১৪ বহুগুণং বহুধাগুণিতম্॥ ১-১১৯-১৫ নাভ্যসূয়াং পত্যুরভিভবং ন কুর্যাম্॥ একোনবিংশত্যধিকশততমোঽধ্যায়ঃ॥ ১১৯ ॥