আদিপর্ব – অধ্যায় ১১৭

আদিপর্ব – অধ্যায় ১১৭

॥ শ্রীঃ ॥

১.১১৭. অধ্যায়ঃ ১১৭

Mahabharata – Adi Parva – Chapter Topics

মাণ্ডব্যং ঋষিং জ্ঞাৎবা ভীতেন রাজ্ঞা তস্য শূলাদ্বিমোক্ষণম্॥ ১ ॥ অণীমাণ্ডব্যস্য যমেন বিবাদঃ॥ ২ ॥ মাণ্ডব্যং ন যমস্য শাপঃ॥ ৩ ॥

Mahabharata – Adi Parva – Chapter Text

১-১১৭-০ (৫২১৯)
বৈশম্পায়ন উবাচ। ১-১১৭-০x (৭০৭)
ততঃ স মুনিশার্দূলস্তানুবাচ তপোধনান্।
দোষতঃ কং গমিষ্যামি ন হি মেঽন্যোপরাধ্যতি॥ ১-১১৭-১ (৫২২০)
তং দৃষ্ট্বা রক্ষিণস্তত্র তথা বহুতিথেঽহনি।
ন্যবেদয়ংস্তথা রাজ্ঞে যথাবৃত্তং নরাধিপ॥ ১-১১৭-২ (৫২২১)
রাজা চ তমৃষিং শ্রুৎবা নিষ্ক্রম্য সহ মন্ত্রিভিঃ।
প্রসাদয়ামাস তদা শূলস্থমৃষিসত্তমম্॥ ১-১১৭-৩ (৫২২২)
প্রজোবাচ। ১-১১৭-৪x (৭০৮)
যন্ময়াঽপকৃতং মোহাদজ্ঞানাদৃষিসত্তম।
প্রসাদয়ে ৎবাং তত্রাহং ন মে ৎবং ক্রোদ্ধুমর্হসি॥ ১-১১৭-৪ (৫২২৩)
বৈশম্পায়ন উবাচ। ১-১১৭-৫x (৭০৯)
এবমুক্তস্ততো রাজ্ঞা প্রসাদমকরোন্মুনিঃ।
কৃতপ্রসাদং রাজা তং ততঃ সমবতারয়ৎ॥ ১-১১৭-৫ (৫২২৪)
অবতার্য চ শূলাগ্রাত্তচ্ছূলং নিশ্চকর্ষ হ।
অশক্নুবংশ্চ নিষ্ক্রষ্টুং শূলং মূলে স চিচ্ছিদে॥ ১-১১৭-৬ (৫২২৫)
স তথান্তর্গতেনৈব শূলেন ব্যচরন্মুনিঃ।
কণ্ঠপার্শ্বান্তরস্থেন শঙ্কুনা মুনিরাচৎ।
পুষ্পভাজনধারী স্যাদিতি চিন্তাপরোঽভবৎ॥’ ১-১১৭-৭ (৫২২৬)
স চাতিতপসা লোকান্বিজিগ্যে দুর্লভান্পরৈঃ॥ ১-১১৭-৮ (৫২২৭)
অণীমাণ্ডব্য ইতি চ ততো লোকেষু গীয়তে।
স গৎবা সদনং বিপ্রো ধর্মস্য পরমার্থবিৎ॥ ১-১১৭-৯ (৫২২৮)
আসনস্থং ততো ধর্মং দৃষ্ট্বোপালভত প্রভুম্।
কিং নু তদ্দুষ্কৃতং কর্ম ময়া কৃতমজানতা॥ ১-১১৭-১০ (৫২২৯)
যস্যেয়ং ফলনির্বৃত্তিরীদৃশ্যাসাদিতা ময়া।
শীঘ্রমাচক্ষ্ব মে তত্ৎবং পশ্য মে তপসো বলম্॥ ১-১১৭-১১ (৫২৩০)
ধর্ম উবাচ। ১-১১৭-১২x (৭১০)
পতঙ্গিকানাং পুচ্ছেষু ৎবয়েষীকা প্রবেশিতা।
কর্মণস্তস্য তে প্রাপ্তং ফলমেতত্তপোধন॥ ১-১১৭-১২ (৫২৩১)
স্বল্পমেব যথা দত্তং দানং বহুগুণং ভবেৎ।
অধর্ম এবং বিপ্রর্ষে বহুদুঃখফলপ্রদঃ॥ ১-১১৭-১৩ (৫২৩২)
অণীমাণ্ডব্য উবাচ। ১-১১৭-১৪x (৭১১)
কস্মিন্কালে ময়া তত্তু কৃতং ব্রূহি যথাতথম্।
তেনোক্তং ধর্মরাজেন বালভাবে ৎবয়া কৃতম্॥ ১-১১৭-১৪ (৫২৩৩)
অণীমাণ্ডব্য উবাচ। ১-১১৭-১৫x (৭১২)
বালো হি দ্বাদশাদ্বর্ষাজ্জন্মতো যৎকরিষ্যতি।
ন ভবিষ্যত্যধর্মোঽত্র ন প্রজ্ঞাস্যতি বৈ দিশঃ॥ ১-১১৭-১৫ (৫২৩৪)
অল্পেঽপরাধেঽপি মহান্মম দণ্ডস্ৎবয়া ধৃতঃ।
গরীয়ান্ব্রাহ্মণবধঃ সর্বভূতবধাদপি॥ ১-১১৭-১৬ (৫২৩৫)
শূদ্রয়োনাবতো ধর্ম মানুষঃ সংভবিষ্যসি।
মর্যাদাং স্থাপয়াম্যদ্য লোকে কর্মফলোদয়াম্॥ ১-১১৭-১৭ (৫২৩৬)
আ চতুর্দশকাদ্বর্ষান্ন ভবিষ্যতি পাতকম্।
পরতঃ কুর্বতামেব দোষ এব ভবিষ্যতি॥ ১-১১৭-১৮ (৫২৩৭)
বৈশম্পায়ন উবাচ। ১-১১৭-১৯x (৭১৩)
এতেন ৎবপরাধেন শাপাত্তস্য মহাত্মনঃ।
ধর্মো বিদুররূপেণ শূদ্রয়োনাবজায়ত॥ ১-১১৭-১৯ (৫২৩৮)
ধর্মে চার্থে চ কুশলো লোভক্রোধবিবর্জিতঃ।
দীর্ঘদর্শী শমপরঃ কুরূণাং চ হিতে রতঃ॥ ॥ ১-১১৭-২০ (৫২৩৯)

ইতি শ্রীমন্মহাভারতে আদিপর্বণি সংভবপর্বণি সপ্তদশাধিকশততমোঽধ্যায়ঃ॥ ১১৭ ॥

Mahabharata – Adi Parva – Chapter Footnotes

১-১১৭-১ দোষতঃ কংগমিষ্যামি ন কমপি দোষিণং কথয়ামি। স্বকৃতমে ভুঞ্জে ইত্যর্থঃ॥ ১-১১৭-৯ অণী শূলাগ্রং তদ্যুক্তো মাণ্ডব্যঃ॥ ১-১১৭-১০ উপালভত গর্হিতবান্॥ ১-১১৭-১৫ দিশো দেশনাঃ ধর্মশাস্ত্রাণি যতো ন প্রজ্ঞাস্যতি বালৎবাৎ॥ ১-১১৭-১৬ ব্রাহ্মণবধো ব্রাহ্মণপীডনম্॥ ১-১১৭-২০ দীর্ঘদর্শী সর্বকালপরামর্শী। শমপরো নির্বৈরঃ॥ সপ্তদশাধিকশততমোঽধ্যায়ঃ॥ ১১৭ ॥