আদিপর্ব – অধ্যায় ০৮৭
॥ শ্রীঃ ॥
১.৮৭. অধ্যায়ঃ ০৮৭
Mahabharata – Adi Parva – Chapter Topics
বসুমতঃ শিবেশ্চ যয়াতিনা সংবাদঃ॥ ১ ॥ পুনরষ্টকয়যাতিসংবাদঃ॥ ২ ॥ তত্রাগতয়া মাধব্যা স্বপুত্রান্প্রতি যয়া তের্মাতামহৎবকথনম্॥ ৩ ॥ তদ্বচনেন যয়াতেরষ্টকাদিদত্তপুণ্যস্বীকারপূর্বকমষ্টকাদিভিঃ সহ স্বর্গগমনম্॥ ৪ ॥ যয়াতিনা মার্গে অষ্টকাদীন্প্রতি বিস্তরেণ স্ববৃত্তান্তকথনম্॥ ৫ ॥ যয়াত্যুপাখ্যানশ্রবণাদিফলকথনম্॥ ৬ ॥
Mahabharata – Adi Parva – Chapter Text
১-৮৭-০ (৩৭৯৩)
বসুমানুবাচ। ১-৮৭-০x (৫৩৯)
পৃচ্ছামি ৎবাং বসুমানৌষদশ্বি-
র্যদ্যস্তি লোকো দিবি মে নরেন্দ্র।
যদ্যন্তরিক্ষে প্রথিতো মহাত্মন্
ক্ষেত্রজ্ঞং ৎবাং তস্য ধর্মস্য মন্যে॥ ১-৮৭-১ (৩৭৯৪)
যয়াতিরুবাচ। ১-৮৭-২x (৫৪০)
যদন্তরিক্ষং পৃথিবী দিশশ্চ
যত্তেজসা তপতে ভানুমাংশ্চ।
লোকাস্তাবন্তো দিবি সংস্থিতা বৈ
তেনান্তবন্তঃ প্রতিপালয়ন্তি॥ ১-৮৭-২ (৩৭৯৫)
বসুমানুবাচ। ১-৮৭-৩x (৫৪১)
তাংস্তে দদানি মা প্রপত প্রপাতং
যে মে লোকাস্তব তে বৈ ভবন্তু।
ক্রীণীষ্বৈতাংস্তৃণকেনাপি রাজ-
ন্প্রতিগ্রহস্তে যদি ধীমন্প্রদুষ্টঃ॥ ১-৮৭-৩ (৩৭৯৬)
যয়াতিরুবাচ। ১-৮৭-৪x (৫৪২)
ন মিথ্যাঽহং বিক্রয়ং বৈ স্মরামি
বৃথা গৃহীতং শিশুকাচ্ছঙ্কমানঃ।
কুর্যাং ন চৈবাকৃতপূর্বমন্যৈ-
র্বিধিৎসমানঃ কিমু তত্র সাধুঃ॥ ১-৮৭-৪ (৩৭৯৭)
বসুমানুবাচ। ১-৮৭-৫x (৫৪৩)
তাংস্ৎবং লোকান্প্রতিপদ্যস্ব রাজ-
ন্ময়া দত্তান্যদি নেষ্টঃ ক্রয়স্তে।
অহং ন তান্বৈ প্রতিগন্তা নরেন্দ্র
সর্বে লোকাস্তব তে বৈ ভবন্তু॥ ১-৮৭-৫ (৩৭৯৮)
শিবিরুবাচ। ১-৮৭-৬x (৫৪৪)
পৃচ্ছামি ৎবাং শিবিরৌশীনরোঽহং
মমাপি লোকা যদি সন্তীহ তাত।
যদ্যন্তরিক্ষে যদি বা দিবি শ্রিতাঃ
ক্ষেত্রজ্ঞং ৎবাং তস্য ধর্মস্য মন্যে॥ ১-৮৭-৬ (৩৭৯৯)
যয়াতিরুবাচ। ১-৮৭-৭x (৫৪৫)
যত্ৎবং বাচা হৃদয়েনাপি সাধূ-
ন্পরীপ্সমানান্নাবমংস্থা নরেন্দ্র।
তেনানন্তা দিবি লোকাঃ শ্রিতাস্তে
বিদ্যুদ্রূপাঃ স্বনবন্তো মহান্তঃ॥ ১-৮৭-৭ (৩৮০০)
শিবিরুবাচ। ১-৮৭-৮x (৫৪৬)
তাংস্ৎবং লোকান্প্রতিপদ্যস্ব রাজ-
ন্ময়া দত্তান্যদি নেষ্টঃ ক্রয়স্তে।
ন চাহং তান্প্রতিপৎস্যে হ দত্ৎবা
যত্র গৎবা নানুশোচন্তি ধীরাঃ॥ ১-৮৭-৮ (৩৮০১)
যয়াতিরুবাচ। ১-৮৭-৯x (৫৪৭)
যথা ৎবমিন্দ্রপ্রতিমপ্রভাব-
স্তে চাপ্যনন্তা নরদেব লোকাঃ।
তথাঽদ্য লোকে ন রমেঽন্যদত্তে
তস্মাচ্ছিবে নাভিনন্দামি দায়ম্॥ ১-৮৭-৯ (৩৮০২)
অষ্টক উবাচ। ১-৮৭-১০x (৫৪৮)
ন চেদেকৈকশো রাজঁল্লোকান্নঃ প্রতিনন্দসি।
সর্বে প্রদায় ভবতে গন্তারো নরকং বয়ম্॥ ১-৮৭-১০ (৩৮০৩)
যয়াতিরুবাচ। ১-৮৭-১১x (৫৪৯)
যদর্হোঽহং তদ্যতধ্বং সন্তঃ সত্যাভিনন্দিনঃ।
অহং তন্নাভিজানামি যৎকৃতং ন ময়া পুরা॥ ১-৮৭-১১ (৩৮০৪)
অষ্টক উবাচ। ১-৮৭-১২x (৫৫০)
কস্যৈতে প্রতিদৃশ্যন্তে রথাঃ পঞ্চ হিরণ্ময়াঃ।
যানারুহ্য নরো লোকানভিবাঞ্ছতি শাশ্বতান্॥ ১-৮৭-১২ (৩৮০৫)
যয়াতিরুবাচ। ১-৮৭-১৩x (৫৫১)
যুষ্মানেতে বহিষ্যন্তি রথাঃ পঞ্চ হিরণ্ময়াঃ।
উচ্চৈঃ সন্তঃ প্রকাশন্তে জ্বলন্তোঽগ্নিশিখা ইব॥ ১-৮৭-১৩ (৩৮০৬)
`বৈশম্পায়ন উবাচ। ১-৮৭-১৪x (৫৫২)
অশ্বমেধে মহায়জ্ঞে স্বয়ংভুবিহিতে পুরা।
হয়স্য যানি চাঙ্গানি সংনিকৃত্য যথাক্রমম্॥ ১-৮৭-১৪ (৩৮০৭)
হোতাঽধ্বর্যুরথোদ্গাতা ব্রহ্মণা সহ ভারত।
অগ্নৌ প্রাস্যন্তি বিধিবৎসমস্তাঃ ষোডশর্ৎবিজঃ॥ ১-৮৭-১৫ (৩৮০৮)
ধূমগন্ধং চ পাপিষ্ঠা যে জিঘ্রন্তি নরা ভুবি।
বিমুক্তপাপাঃ পূতাস্তে তৎক্ষণেনাভবন্নরাঃ॥ ১-৮৭-১৬ (৩৮০৯)
এতস্মিন্নন্তরে চৈব মাধবী সা তপোধনা।
মৃগচর্মপরীতাঙ্গী পরিধায় মৃগৎবচম্॥ ১-৮৭-১৭ (৩৮১০)
মৃগৈঃ পরিচরন্তী সা মৃগাহারবিচেষ্টিতা।
যজ্ঞবাটং মৃগগণৈঃ প্রবিশ্য ভৃশবিস্মিতা॥ ১-৮৭-১৮ (৩৮১১)
আঘ্রায়ন্তী ধূমগন্ধং মৃগৈরেব চচার সা।
যজ্ঞবাটমটন্তী সা পুত্রাংস্তানপরাজিতান্॥ ১-৮৭-১৯ (৩৮১২)
পশ্যন্তী যজ্ঞমাহাত্ম্যং মুদং লেভে চ মাধবী।
অসংস্পৃশন্তং বসুধাং যয়াতিং নাহুষং যদা॥ ১-৮৭-২০ (৩৮১৩)
দিবিষ্ঠং প্রাপ্তমাজ্ঞায় ববন্দে পিতরং তদা।
তদা বসুমনাপৃচ্ছন্মাতরং বৈ তপস্বিনীম্॥ ১-৮৭-২১ (৩৮১৪)
ভবত্যা যৎকৃতমিদং বন্দনং পাদয়োরিহ।
কোয়ং দেবোপমো রাজা যাঽভিবন্দসি মে বদ॥ ১-৮৭-২২ (৩৮১৫)
মাধব্যুবাচ। ১-৮৭-২৩x (৫৫৩)
শৃণুধ্বং সহিতাঃ পুত্রা নাহুষোয়ং পিতা মম।
যয়াতির্মম পুত্রাণাং মাতামহ ইতি স্মৃতঃ॥ ১-৮৭-২৩ (৩৮১৬)
পূরুং মে ভ্রাতরং রাজ্যে সমাবেশ্য দিবং গতঃ।
কেন বা কারণেনৈবমিহ প্রাপ্তো মহায়শাঃ॥ ১-৮৭-২৪ (৩৮১৭)
বৈশম্পায়ন উবাচ। ১-৮৭-২৫x (৫৫৪)
তস্যাস্তদ্বচনং শ্রুৎবা স্বর্গাদ্ভ্রষ্টেতি চাব্রবীৎ।
সা পুত্রস্য বচঃ শ্রুৎবা সংভ্রমাবিষ্টচেতনা॥ ১-৮৭-২৫ (৩৮১৮)
মাধবী পিতরং প্রাহ দৌহিত্রপরিবারিতম্।
তপসা নির্জিতাঁল্লোকান্প্রতিগৃহ্ণীষ্ব মামকান্॥ ১-৮৭-২৬ (৩৮১৯)
পুত্রাণামিব পৌত্রাণাং ধর্মাদধিগতং ধনম্।
স্বার্থণেব বদন্তীহ ঋষয়ো ধর্মপাঠকাঃ।
তস্মাদ্দানেন তপসা চাস্মাকং দিবমাব্রজ॥ ১-৮৭-২৭ (৩৮২০)
যয়াতিরুবাচ। ১-৮৭-২৮x (৫৫৫)
যদি ধর্মফলং হ্যেতচ্ছোভনং ভবিতা তব।
দুহিত্রা চৈব দৌহিত্রৈস্তারিতোঽহং মহাত্মভিঃ॥ ১-৮৭-২৮ (৩৮২১)
তস্মাৎপবিত্রং দৌহিত্রমদ্যপ্রভৃতি পৈতৃকে।
ত্রীণি শ্রাদ্ধে পবিত্রাণি দৌহিত্রঃ কুতপস্তিলাঃ॥ ১-৮৭-২৯ (৩৮২২)
ত্রীণি চাত্র প্রশংসন্তি শৌচমক্রোধমৎবরাম্।
ভোক্তারঃ পরিবেষ্টারঃ শ্রাবিতারঃ পবিত্রকাঃ॥ ১-৮৭-৩০ (৩৮২৩)
দিবসস্যাষ্টমে ভাগে মন্দীভবতি ভাস্করে।
স কালঃ কুতপো নাম পিতৄণাং দত্তমক্ষয়ম্॥ ১-৮৭-৩১ (৩৮২৪)
তিলাঃ পিশাচাদ্রক্ষন্তি দর্ভা রক্ষন্তি রাক্ষসাৎ।
রক্ষন্তি শ্রোত্রিয়াঃ পঙ্ক্তিং যতিভির্ভুক্তমক্ষয়ম্॥ ১-৮৭-৩২ (৩৮২৫)
লব্ধ্বা পাত্রং তু বিদ্বাংসং শ্রোত্রিয়ং সুব্রতং শুচিম্।
স কালঃ কালতো দত্তং নান্যথা কাল ইষ্যতে॥ ১-৮৭-৩৩ (৩৮২৬)
বৈশম্পায়ন উবাচ। ১-৮৭-৩৪x (৫৫৬)
এবমুক্ৎবা যয়াতিস্তু পুনঃ প্রোবাচ বুদ্ধিমান্।
সর্বে হ্যবভৃথস্নাতাস্ৎবরধ্বং কার্যগৌরবাৎ॥’ ১-৮৭-৩৪ (৩৮২৭)
অষ্টক উবাচ। ১-৮৭-৩৫x (৫৫৭)
আতিষ্ঠ স্বরথং রাজন্বিক্রমস্ব বিহায়সম্।
বয়মপ্যনুয়াস্যামো যদা কালো ভবিষ্যতি॥ ১-৮৭-৩৫ (৩৮২৮)
যয়াতিরুবাচ। ১-৮৭-৩৬x (৫৫৮)
সর্বৈরিদানীং গন্তব্যং সহ স্বর্গজিতো বয়ম্।
এষ নো বিরজাঃ পন্থা দৃশ্যতে দেবসদ্মনঃ॥ ১-৮৭-৩৬ (৩৮২৯)
বৈশম্পায়ন উবাচ। ১-৮৭-৩৭x (৫৫৯)
`অষ্টকশ্চ শিবিশ্চৈব কাশেয়শ্চ প্রতর্দনঃ।
ঐক্ষ্বাকবো বসুমনাশ্চৎবারো ভূমিপাস্তদা।
সর্বে হ্যবভৃথস্নাতাঃ স্বর্গতাঃ সাধবঃ সহ॥’ ১-৮৭-৩৭ (৩৮৩০)
তেঽধিরুহ্য রথান্সর্বে প্রয়াতা নৃপস্তমাঃ।
আক্রমন্তো দিবং ভাভির্ধর্মেণাবৃত্য রোদসী॥ ১-৮৭-৩৮ (৩৮৩১)
অষ্টক উবাচ। ১-৮৭-৩৯x (৫৬০)
অহং মন্যে পূর্বমেকোঽস্মি গন্তা
সখা চেন্দ্রঃ সর্বথা মে মহাত্মা।
কস্মাদেবং শিবিরৌশীনরোঽয়-
মেকোঽত্যগাৎসর্ববেগেন বাহান্॥ ১-৮৭-৩৯ (৩৮৩২)
যয়াতিরুবাচ। ১-৮৭-৪০x (৫৬১)
অদদদ্যাচমানায় যাবদ্বিত্তমবিন্দত।
উশীনরস্য পুত্রোঽয়ং তস্মাচ্ছ্রেষ্ঠোহি বঃ শিবিঃ॥ ১-৮৭-৪০ (৩৮৩৩)
দানং তপঃ সংত্যমথাঽপি ধর্মো
হ্রীঃ শ্রীঃ ক্ষমা সৌম্যমথো বিধিৎসা।
রাজন্নেতান্যপ্রমেয়াণি রাজ্ঞঃ
শিবেঃ স্থিতান্যপ্রতিমস্য বুদ্ধ্যা॥ ১-৮৭-৪১ (৩৮৩৪)
এবং বৃত্তো হ্রীনিষেবশ্চ যস্মা-
ত্তস্মাচ্ছিবিরত্যগাদ্বৈ রথেন। ১-৮৭-৪২ (৩৮৩৫)
বৈশম্পায়ন উবাচ।
অথাষ্টকঃ পুনরেবান্বপৃচ্ছ-
ন্মাতামহং কৌতুকেনেন্দ্রকল্পম্॥ ১-৮৭-৪২x (৫৬২)
পৃচ্ছামি ৎবাং নৃপতে ব্রূহি সত্যং
কুতশ্চ কশ্চাসি সুতশ্চ কস্য।
কৃতং ৎবয়া যদ্ধি ন তস্য কর্তা
লোকে ৎবদন্যঃ ক্ষত্রিয়ো ব্রাহ্মণো বা॥ ১-৮৭-৪৩ (৩৮৩৬)
যয়াতিরুবাচ। ১-৮৭-৪৪x (৫৬৩)
যয়াতিরস্মি নহুষস্য পুত্রঃ
পূরোঃ পিতা সার্ববৌমস্ৎবিহাসম্।
গুহ্যং চার্থং মামকেভ্যো ব্রবীমি
মাতামহোঽহং ভবতাং প্রকাশম্॥ ১-৮৭-৪৪ (৩৮৩৭)
সর্বামিমাং পৃথিবীং নির্জিগায়
দত্ৎবা প্রতস্থে বিপিনং ব্রাহ্মণেভ্যঃ।
মেধ্যানশ্বানেকশতান্সুরূপাং-
স্তদা দেবাঃ পুণ্যভাজো ভবন্তি॥ ১-৮৭-৪৫ (৩৮৩৮)
অদামহং পৃথিবীং ব্রাহ্মণেভ্যঃ
পূর্ণামিমামখিলাং বাহনেন।
গোভিঃ সুবর্ণেন ধনৈশ্চ মুখ্যৈ-
স্তদাঽদদং গাঃ শথমর্বুদানি॥ ১-৮৭-৪৬ (৩৮৩৯)
সত্যেন মে দ্যৌশ্চ বসুন্ধরা চ
তথৈবাগ্নিজ্বর্লতে মানুষেষু।
ন মে বৃথা ব্যাহৃতমেব বাক্যং
সত্যং হি সন্তঃ প্রতিপূজয়ন্তি॥ ১-৮৭-৪৭ (৩৮৪০)
যদষ্টক প্রব্রবীমীহ সত্যং
প্রতর্দনং চৌষদশ্বিং তথৈব।
সর্বে চ লোকা মুনয়শ্চ দেবাঃ
সত্যেন পূজ্যা ইতি মে মনোগতম্॥ ১-৮৭-৪৮ (৩৮৪১)
যো নঃ স্বর্গজিতঃ সর্বান্যথাবৃত্তং নিবেদয়েৎ।
অনসূয়ুর্দ্বিজাগ্র্যেভ্যঃ স লভেন্নঃ সলোকতাম্॥ ১-৮৭-৪৯ (৩৮৪২)
বৈশম্পায়ন উবাচ। ১-৮৭-৫০x (৫৬৪)
এবং রাজা স মহাত্মা হ্যতীব
স্বৈর্দৌহিত্রৈস্তারিতোঽমিত্রসাহ।
ত্যক্ৎবা মহীং পরমোদারকর্মা
স্বর্গং গতঃ কর্মভির্ব্যাপ্য পৃথ্বীম্॥ ॥ ১-৮৭-৫০ (৩৮৪৩)
ইতি শ্রীমন্মহাভারতে আদিপর্বণি সংভবপর্বণি সপ্তাশীতিতমোঽধ্যায়ঃ॥ ৮৭ ॥
Mahabharata – Adi Parva – Chapter Footnotes
১-৮৭-২ যৎ যৎ তপতে প্রকাশয়তি॥ ১-৮৭-৪ শিশুকাৎ শৈশবমারভ্য॥ ১-৮৭-৭ পরীপ্সমানান্ যাচকান্। নাবমংস্থা নাবমানং কৃতবানসি। স্বনবন্তঃ সংগীতাদিধ্বনিয়ুক্তাঃ॥ ১-৮৭-১০ গন্তারো মৃৎবা প্রাপ্স্যামঃ। নরকং ভূলোকম্॥ ১-৮৭-১১ যতধ্বং কর্তুম্। নাভিজানামি নাঙ্গীকরোমি॥ ১-৮৭-১৩ প্রকাশন্তে দৃশ্যন্তে। জ্বলন্তো দীপ্যমানাঃ॥ ১-৮৭-১৪ অকৃতহোমসমাপ্তীনামবভৃথায়োগাৎ হোমোপি সমাপিত ইত্যাহ। অশ্বমেধ ইতি। পুরা স্বয়ংভুবিহিতে কর্তব্যতয়া বিহিতে অশ্বমেধে অষ্টকাদিভিঃ ক্রিয়মাণে॥ ১-৮৭-৪১ সৌম্যমক্রূরৎবম্। বিধিৎসা পালনেচ্ছা॥ ১-৮৭-৪২ সত্যমেব শ্রেয়ঃসাধনমিতি বিধাতুং পূর্বোক্তপ্রশ্নোত্তরে অনুবদতি। অথাষ্টক ইত্যাদিনা॥ ১-৮৭-৪৪ প্রকাশং প্রাগুক্তমপি স্পষ্টতরম্॥ ১-৮৭-৪৫ এবং কৃতে সতি পুণ্যভাজঃ সন্তঃ দেবা ভবন্তি॥ সপ্তাশীতিতমোঽধ্যায়ঃ॥ ৮৭ ॥