আদিপর্ব – অধ্যায় ০৮৬

আদিপর্ব – অধ্যায় ০৮৬

॥ শ্রীঃ ॥

১.৮৬. অধ্যায়ঃ ০৮৬

Mahabharata – Adi Parva – Chapter Topics

স্বর্গাচ্চ্যুতস্য যয়াতেরষ্টকাদিয়জ্ঞভূমিং প্রত্যাগমননিমিত্তকথনম্॥ ১ ॥ অষ্টকপ্রতর্দনয়োর্যযাতিনা সংবাদঃ॥ ২ ॥

Mahabharata – Adi Parva – Chapter Text

১-৮৬-০ (৩৭৭১)
অষ্টক উবাচ। ১-৮৬-০x (৫২৬)
কতরস্ৎবনয়োঃ পূর্বং দেবানামেতি সাম্যতাম্।
উভয়োর্ধাবতো রাজন্সূর্যাচন্দ্রমসোরিব॥ ১-৮৬-১ (৩৭৭২)
যয়াতিরুবাচ। ১-৮৬-২x (৫২৭)
অনিকেতো গৃহস্থেষু কামবৃত্তেষু সংয়তঃ।
গ্রাম এব বসন্ভিক্ষুস্তয়োঃ পূর্বতরং গতঃ॥ ১-৮৬-২ (৩৭৭৩)
অপ্রাপ্য দীর্ঘমায়ুস্তু যঃ প্রাপ্তো বিকৃতিং চরেৎ।
তপ্যতে যদি তৎকৃৎবা চরেৎসোঽন্যত্তপস্ততঃ॥ ১-৮৬-৩ (৩৭৭৪)
পাপানাং কর্মণাং নিত্যং বিভীয়াদ্যস্তু মানবঃ।
সুখমপ্যাচরন্নিত্যং সোঽত্যন্তং সুখমেধতে॥ ১-৮৬-৪ (৩৭৭৫)
যদ্বৈ নৃশংসং তদসত্যমাহু-
র্যঃ সেবতে ধর্মমনর্থবুদ্ধিঃ।
অস্বোঽপ্যনীশশ্চ তথৈব রাজং-
স্তদার্জবং স সমাধিস্তদার্যম্॥ ১-৮৬-৫ (৩৭৭৬)
অষ্টক উবাচ। ১-৮৬-৬x (৫২৮)
কেনাসি হূতঃ প্রহিতোঽসি রাজ-
ন্যুবা স্রগ্বী দর্শনীয়ঃ সুবর্চাঃ।
কুতঋ আয়াতঃ কতরস্যাং দিশি ৎব-
মুতাহোস্বিৎপার্থিবং স্থানমস্তি॥ ১-৮৬-৬ (৩৭৭৭)
যয়াতিরুবাচ। ১-৮৬-৭x (৫২৯)
ইমং ভৌমং নরকং ক্ষীণপুণ্যঃ
প্রবেষ্টুমুর্বীং গগনাদ্বিপ্রহীণঃ।
`বিদ্বাংশ্চৈবং মতিমানার্যবুদ্ধি-
র্মমাভবৎকর্মলোক্যং চ সর্বম্’।
উক্ৎবাঽহং বঃ প্রপতিষ্যাম্যনন্তরং
ৎবরন্তি মাং লোকপা ব্রাহ্মণা যে॥ ১-৮৬-৭ (৩৭৭৮)
সতাং সকাশে তু বৃতঃ প্রপাত-
স্তে সঙ্গতা গুণবন্তশ্চ সর্বে।
শক্রাচ্চ লব্ধো হি বরো ময়ৈষ
পতিষ্যতা ভূমিতলং নরেন্দ্র॥ ১-৮৬-৮ (৩৭৭৯)
অষ্টক উবাচ। ১-৮৬-৯x (৫৩০)
পৃচ্ছামি ৎবাং মা প্রপত প্রপাতং
যদি লোকাঃ পার্থিব সন্তি মেঽত্র।
যদ্যন্তরিক্ষে যদি বা দিবি স্থিতাঃ
ক্ষেত্রজ্ঞং ৎবাং তস্য ধর্মস্য মন্যে॥ ১-৮৬-৯ (৩৭৮০)
যয়াতিরুবাচ। ১-৮৬-১০x (৫৩১)
যাবৎপৃথিব্যাং বিহিতং গবাশ্বং
সহারণ্যৈঃ পশুভিঃ পার্বতৈশ্চ।
তাবল্লোকা দিবি তে সংস্থিতা বৈ
তথা বিজানীহি নরেন্দ্রসিংহ॥ ১-৮৬-১০ (৩৭৮১)
অষ্টক উবাচ। ১-৮৬-১১x (৫৩২)
তাংস্তে দদামি মা প্রপত প্রপাতং
যে মে লোকা দিবি রাজেন্দ্র সন্তি।
যদ্যন্তরিক্ষে যদি বা দিবি শ্রিতা-
স্তানাক্রম ক্ষিপ্রমপেতমোহঃ॥ ১-৮৬-১১ (৩৭৮২)
যয়াতিরুবাচ। ১-৮৬-১২x (৫৩৩)
নাস্মদ্বিধোঽব্রাহ্মণো ব্রহ্মবিচ্চ
প্রতিগ্রহে বর্ততে রাজমুখ্য।
যথা প্রদেয়ং সততং দ্বিজেভ্য-
স্তথাঽদদং পূর্বমহং নরেন্দ্র॥ ১-৮৬-১২ (৩৭৮৩)
নাব্রাহ্মণঃ কৃপণো জাতু জীবে-
দ্যা চাপ্যস্যাঽব্রাহ্মণী বীরপত্নী।
সোঽহং নৈবাকৃতপূর্বং চরেয়ং
বিধিৎসমানঃ কিমু তত্র সাধুঃ॥ ১-৮৬-১৩ (৩৭৮৪)
প্রতর্দন উবাচ। ১-৮৬-১৪x (৫৩৪)
পৃচ্ছামি ৎবাং স্পৃহণীয়রূপ
প্রতর্দনোঽহং যদি মে সন্তি লোকাঃ।
যদ্যন্তরিক্ষে যদি বা দিবি শ্রিতাঃ
ক্ষেত্রজ্ঞং ৎবাং তস্য ধর্মস্য মন্যে॥ ১-৮৬-১৪ (৩৭৮৫)
যয়াতিরুবাচ। ১-৮৬-১৫x (৫৩৫)
সন্তি লোকা বহবস্তে নরেন্দ্র
অপ্যেকৈকঃ সপ্তসপ্তাপ্যহানি।
মধুচ্যুতো ঘৃতপৃক্তা বিশোকা-
স্তে নান্তবন্তঃ প্রতিপালয়ন্তি॥ ১-৮৬-১৫ (৩৭৮৬)
প্রতর্দন উবাচ। ১-৮৬-১৬x (৫৩৬)
তাংস্তে দদানি মা প্রপত প্রপাতং
যে মে লোকাস্তব তে বৈ ভবন্তু।
যদ্যন্তরিক্ষে যদি বা দিবি শ্রিতা-
স্তানাক্রম ক্ষিপ্রমপেতমোহঃ॥ ১-৮৬-১৬ (৩৭৮৭)
যয়াতিরুবাচ। ১-৮৬-১৭x (৫৩৭)
ন তুল্যতেজাঃ সুকৃতং কাময়েত
যোগক্ষেমং পার্থিব পার্থিবঃ সন্।
দৈবাদেশাদাপদং প্রাপ্য বিদ্বাং-
শ্চরেন্নৃশংসং ন হি জাতু রাজা॥ ১-৮৬-১৭ (৩৭৮৮)
ধর্ম্যং মার্গং যতমানো যশস্যং
কুর্যান্নৃপো ধর্মমবেক্ষমাণঃ।
ন মদ্বিধো ধর্মবুদ্ধিঃ প্রজান-
ন্কুর্যাদেবং কৃপণং মাং যথাঽত্থ॥ ১-৮৬-১৮ (৩৭৮৯)
কুর্যাদপূর্বং ন কৃতং যদন্যৈ-
র্বিধিৎসমানঃ কিমু তত্র সাধু।
`ধর্মাধর্মৌ সুবিনিশ্চিত্য সম্য-
ক্কার্যাকার্যেষ্বপ্রমত্তশ্চরেদ্যঃ॥ ১-৮৬-১৯ (৩৭৯০)
স বৈ ধীমান্সত্যসন্ধঃ কৃতাত্মা
রাজা ভবেল্লোকপালো মহিম্না।
যদা ভবেৎসংশয়ো ধর্মকার্যে
কামার্থৌ বা যত্র বিন্দন্তি সম্যক্॥ ১-৮৬-২০ (৩৭৯১)
কার্যং তত্র প্রথমং ধর্মকার্যং
যন্নো বিরুধ্যাদর্থকামৌ স ধর্মঃ ১-৮৬-২১ (৩৭৯২)
বৈশম্পায়ন উবাচ।’
ব্রুবাণমেবং নৃপতিং যয়াতিং
নৃপোত্তমো বসুমানব্রবীত্তম্॥ ॥ ১-৮৬-২১x (৫৩৮)

ইতি শ্রীমন্মহাভারতে আদিপর্বণি সংভবপর্বণি ষডশীতিতমোঽধ্যায়ঃ॥ ৮৬ ॥

Mahabharata – Adi Parva – Chapter Footnotes

১-৮৬-১ অনয়োঃ কুটীচকবহূদকয়োঃ॥ ১-৮৬-২ গৃহস্থেষু শরীরস্থেষ্বিন্দ্রিয়েষু॥ ১-৮৬-৩ দীর্ঘমায়ুঃ প্রাপ্তঃ সিদ্ধিমপ্রাপ্য যো বিকৃতিং পাপং চরেৎ। তৎকৃৎবা তপ্যেত যদি সোন্যত্তপঃ প্রায়শ্চিত্তং চরেৎ॥ ১-৮৬-৪ কর্মণাং সকাশাৎ বিভীয়াৎ। সুখং যথেচ্ছম্॥ ১-৮৬-৫ নৃশংসং হিংস্রং যৎকর্ম তদসত্যং অসৎসংবন্ধি। অনর্থবুদ্ধিঃ ফলেচ্ছারহিতঃ। অনীশঃ ঈশৎববুদ্ধিরহিতঃ॥ ১-৮৬-৬ কেন কতরস্যাং দিশি প্রহিহিতোসীত্যন্বয়ঃ॥ ১-৮৬-৭ বিপ্রহীণশ্চ্যুতঃ। উক্ৎবা আপৃচ্ছ্য। বো যুষ্মান্। ব্রাহ্মণাঃ ব্রহ্মনিয়ুক্তাঃ॥ ১-৮৬-১২ অব্রাহ্মণঃ ব্রাহ্মণেতরঃ ব্রাহ্মণস্যৈব ভিক্ষাবৃত্তিৎবাৎ। ব্রহ্মবিদ্বেদার্থবেৎ। ন বর্ততে ন প্রবর্ততে। প্রত্যুত পূর্বমদদমেব॥ ১-৮৬-১৩ কৃপণো যাচকঃ। যা চাপ্যস্য ক্ষত্রিয়স্য অব্রাহ্মণী ক্ষত্রিয়া সাপি কৃপণা নজীবেৎ। তদ্বিধিৎসমানঃ কর্তুমিচ্ছুঃ তত্র তদা কিমু সাধুঃ স্যাং অপিতু নৈবেত্যর্থঃ॥ ১-৮৬-১৫ প্রত্যেকং সপ্তসপ্তাপ্যহানি সেবিতাঃ সন্তো নান্তবন্তঃ। মধুচ্যুতঃ সুখস্রবঃ। ঘৃতপৃক্তাস্তেজোয়ুক্তাঃ। তে ৎবাং প্রতিপালয়ন্তি প্রতীক্ষন্তে॥ ১-৮৬-১৭ নৃশংসং নিন্দ্যং॥ ১-৮৬-১৯ অন্যৈ রাজভির্যৎপ্রতিগ্রহাখ্যং ন কৃতং তদপূর্বম্॥ ষডশীতিতমোঽধ্যায়ঃ॥ ৮৬ ॥