আদিপর্ব – অধ্যায় ০৪৭

আদিপর্ব – অধ্যায় ০৪৭

॥ শ্রীঃ ॥

১.৪৭. অধ্যায়ঃ ০৪৭

Mahabharata – Adi Parva – Chapter Topics

জরৎকারোরুদ্বাহঃ॥ ১ ॥ তস্যাং গর্ভসংভবঃ॥ ২ ॥ সময়োল্লঙ্ঘনেন ক্রুদ্ধস্য মুনেঃ তপোর্থং গমনম্॥ ৩ ॥

Mahabharata – Adi Parva – Chapter Text

১-৪৭-০ (২০০১)
সৌতিরুবাচ। ১-৪৭-০x (২২৪)
বাসুকিস্ৎবব্রবীদ্বাক্যং জরৎকারুমৃষিং তদা।
সনাম্নী তব কন্যেয়ং স্বসা মে তপসান্বিতা॥ ১-৪৭-১ (২০০২)
ভরিষ্যামি চ তে ভার্যাং প্রতীচ্ছেমাং দ্বিজোত্তম।
রক্ষণং চ করিষ্যেঽস্যাঃ সর্বশক্ত্যা তপোধন।
ৎবদর্থং রক্ষ্যতে চৈষা ময়া মুনিবরোত্তম॥ ১-৪৭-২ (২০০৩)
জরৎকারুরুবাচ। ১-৪৭-৩x (২২৫)
ন ভরিষ্যেঽহমেতাং বৈ এষ মে সময়ঃ কৃতঃ।
অপ্রিয়ং চ ন কর্তব্যং কৃতে চৈনাং ত্যজাম্যহম্॥ ১-৪৭-৩ (২০০৪)
সৌতিরুবাচ। ১-৪৭-৪x (২২৬)
প্রতিশ্রুতে তু নাগেন ভরিষ্যে ভগিনীমিতি।
জরৎকারুস্তদা বেশ্ম ভুজগস্য জগাম হ॥ ১-৪৭-৪ (২০০৫)
তত্র মন্ত্রবিদাং শ্রেষ্ঠস্তপোবৃদ্ধো মহাব্রতঃ।
জগ্রাহ পাণিং ধর্মাত্মা বিধিমন্ত্রপুরস্কৃতম্॥ ১-৪৭-৫ (২০০৬)
ততো বাসগৃহং রম্যং পন্নগেন্দ্রস্য সংমতম্।
জগাম ভার্যাম দায় স্তূয়মানো মহর্ষিভিঃ॥ ১-৪৭-৬ (২০০৭)
শয়নং তত্র সংক্লৃপ্তং স্পর্ধ্যাস্তরণসংবৃতম্।
তত্র ভার্যাসহায়ো বৈ জরৎকারুরুবাস হ॥ ১-৪৭-৭ (২০০৮)
স তত্র সময়ং চক্রে ভার্যযা সহ সত্তমঃ।
বিপ্রিয়ং মে ন কর্তব্যং ন চ বাচ্যং কদাচন॥ ১-৪৭-৮ (২০০৯)
ত্যজেয়ং বিপ্রিয়ে চ ৎবাং কৃতে বাসং চ তে গৃহে।
এতদ্গৃহাণ বচনং ময়া যৎসমুদীরিতম্॥ ১-৪৭-৯ (২০১০)
ততঃ পরমসংবিগ্না স্বসা নাগপতেস্তদা।
অতিদুঃখান্বিতা বাক্যং তমুবাচৈবমস্ৎবিতি॥ ১-৪৭-১০ (২০১১)
তথৈব সা চ ভর্তারং দুঃখশীলমুপচারৎ।
উপায়ৈঃ শ্বেতকাকীয়ৈঃ প্রিয়কামা যশস্বিনী॥ ১-৪৭-১১ (২০১২)
ঋতুকালে ততঃ স্নাতা কদাচিদ্বাসুকেঃ স্বসা।
ভর্তারং বৈ যথান্যায়মুপতস্থে মহামুনিম্॥ ১-৪৭-১২ (২০১৩)
তত্র তস্যাঃ সমভবদ্গর্ভো জ্বলনসন্নিভঃ।
অতীব তেজসা যুক্তো বৈশ্বানরসমদ্যুতিঃ॥ ১-৪৭-১৩ (২০১৪)
শুক্লপক্ষে যথা সোমো ব্যবর্ধত তথৈব সঃ।
ততঃ কতিপয়াহস্তু জরৎকারুর্মহায়শাঃ॥ ১-৪৭-১৪ (২০১৫)
উৎসঙ্গেঽস্যাঃ শিরঃ কৃৎবা সুষ্বাপ পরিখিন্নবৎ।
তস্মিংশ্চ সুপ্তে বিপ্রেন্দ্রে সবিতাস্তমিয়াদ্গিরিম্॥ ১-৪৭-১৫ (২০১৬)
অহ্নঃ পরিক্ষয়ে ব্রহ্মংস্ততঃ সাঽচিন্তয়ত্তদা।
বাসুকের্ভগিনী ভীতা ধর্মলোপান্মনস্বিনী॥ ১-৪৭-১৬ (২০১৭)
কিং নু মে সুকৃতং ভূয়াদ্ভর্তুরুত্থাপনং ন বা।
দুঃখশীলো হি ধর্মাত্মা কথং নাস্যাপরাধ্নুয়াম্॥ ১-৪৭-১৭ (২০১৮)
কোপো বা ধর্মশীলস্য ধর্মলোপোঽথবা পুনঃ।
ধর্মলোপো গরীয়ান্বৈ স্যাদিত্যত্রাকরোন্মতিম্॥ ১-৪৭-১৮ (২০১৯)
উত্থাপয়িষ্যে যদ্যেনং ধ্রুবং কোপং করিষ্যতি।
ধর্মলোপো ভবেদস্য সন্ধ্যাতিক্রমণে ধ্রুবম্॥ ১-৪৭-১৯ (২০২০)
ইতি নিশ্চিত্য মনসা জরৎকারুর্ভুজংগমা।
তমৃষিং দীপ্ততপসং শয়ানমনলোপমম্॥ ১-৪৭-২০ (২০২১)
উবাচেদং বচঃ শ্লক্ষ্ণং ততো মধুরভাষিণী।
উত্তিষ্ঠ ৎবং মহাভাগ সূর্যোঽস্তমুপগচ্ছতি॥ ১-৪৭-২১ (২০২২)
সন্ধ্যামুপাস্স্ব ভগবন্নপঃ স্পৃষ্ট্বা যতব্রতঃ।
প্রাদুষ্কৃতাগ্নিহোত্রোঽয়ং মুহূর্তো রম্যদারুণঃ॥ ১-৪৭-২২ (২০২৩)
সন্ধ্যা প্রবর্ততে চেয়ং পশ্চিমায়াং দিশি প্রভো।
এবমুক্তঃ স ভগবাঞ্জরৎকারুর্মহাতপাঃ॥ ১-৪৭-২৩ (২০২৪)
ভার্যাং প্রস্ফুরমাণৌষ্ঠ ইদং বচনমব্রবীৎ।
অবমানঃ প্রয়ুক্তোঽয়ং ৎবয়া মম ভুজংগমে॥ ১-৪৭-২৪ (২০২৫)
সমীপে তে ন বৎস্যামি গমিষ্যামি যথাগতম্।
শক্তিরস্তি ন বামোরু ময়ি সুপ্তে বিভাবসোঃ॥ ১-৪৭-২৫ (২০২৬)
অস্তং গন্তুং যথাকালমিতি মে হৃদি বর্ততে।
ন চাপ্যবমতস্যেহ বাসো রোচেত কস্যচিৎ॥ ১-৪৭-২৬ (২০২৭)
কিং পুনর্ধর্মশীলস্য মম বা মদ্বিধস্য বা।
এবমুক্তা জরৎকারুর্ভর্ত্রা হৃদয়কম্পনম্॥ ১-৪৭-২৭ (২০২৮)
অব্রবীদ্ভগিনী তত্র বাসুকেঃ সন্নিবেশনে।
নাবমানাৎকৃতবতী তবাহং বিপ্রে বোধনম্॥ ১-৪৭-২৮ (২০২৯)
ধর্মলোপো ন তে বিপ্র স্যাদিত্যেতন্ময়া কৃতম্।
উবাচ ভার্যামিত্যুক্তো জরৎকারুর্মহাতপাঃ॥ ১-৪৭-২৯ (২০৩০)
ঋষিঃ কোপসমাবিষ্টস্ত্যক্তুকামো ভুজংগমাম্।
ন মে বাগনৃতং প্রাহ গমিষ্যেঽহং ভুজংগমে॥ ১-৪৭-৩০ (২০৩১)
সময়ো হ্যেষ মে পূর্বং ৎবয়া সহ মিথঃ কৃতঃ।
সুখমস্ম্যুষিতো ভদ্রে ব্রূয়াস্ৎবং ভ্রাতরং শুভে॥ ১-৪৭-৩১ (২০৩২)
ইতো ময়ি গতে ভীরু গতঃ স ভগবানিতি।
ৎবং চাপি ময়ি নিষ্ক্রান্তে ন শোকং কর্তুমর্হসি॥ ১-৪৭-৩২ (২০৩৩)
ইত্যুক্তা সাঽনবদ্যাঙ্গী প্রত্যুবাচ মুনিং তদা।
জরৎকারুং জরৎকারুশ্চিন্তাশোকপরায়ণা॥ ১-৪৭-৩৩ (২০৩৪)
বাষ্পগদ্গদয়া বাচা মুখেন পরিশুষ্যতা।
কৃতাঞ্জলির্বরারোহা পর্যশ্রুনয়না ততঃ॥ ১-৪৭-৩৪ (২০৩৫)
ধৈর্যমালম্ব্য বামোরূর্হৃদয়েন প্রবেপতা।
ন মামর্হসি ধর্মজ্ঞ পরিত্যক্তুমনাগসম্॥ ১-৪৭-৩৫ (২০৩৬)
ধর্মে স্থিতাং স্থিতো ধর্মে সদা প্রিয়হিতে রতাম্।
প্রদানে কারণং যচ্চ মম তুভ্যং দ্বিজোত্তম॥ ১-৪৭-৩৬ (২০৩৭)
তদলব্ধবতীং মন্দাং কিং মাং বক্ষ্যতি বাসুকিঃ।
মাতৃশাপাভিভূতানাং জ্ঞাতীনাং মম সত্তম॥ ১-৪৭-৩৭ (২০৩৮)
অপত্যমীপ্সিতং ৎবত্তস্তচ্চ তাবন্ন দৃশ্যতে।
ৎবত্তো হ্যপত্যলাভেন জ্ঞাতীনাং মে শিবং ভবেৎ॥ ১-৪৭-৩৮ (২০৩৯)
সংপ্রয়োগো ভবেন্নায়াং মম মোঘস্ৎবয়া দ্বিজ।
জ্ঞাতীনাং হিতমিচ্ছন্তী ভগবংস্ৎবাং প্রসাদয়ে॥ ১-৪৭-৩৯ (২০৪০)
ইমমব্যক্তরূপং মে গর্ভমাধায় সত্তম।
কথং ত্যক্ৎবা মহাত্মা সন্গন্তুমিচ্ছস্যনাগসম্॥ ১-৪৭-৪০ (২০৪১)
এবমুক্তস্তু স মুনির্ভার্যাং বচনমব্রবীৎ।
যদ্যুক্তমনুরূপং চ জরৎকারুং তপোধনঃ॥ ১-৪৭-৪১ (২০৪২)
অস্ত্যযং সুভগে গর্ভস্তব বৈশ্বানরোপমঃ।
ঋষিঃ পরমধর্মাত্মা বেদবেদাঙ্গপারগঃ॥ ১-৪৭-৪২ (২০৪৩)
এবমুক্ৎবা স ধর্মাত্মা জরৎকারুর্মহানৃষিঃ।
উগ্রায় তপসে ভূয়ো জগাম কৃতনিশ্চয়ঃ॥ ॥ ১-৪৭-৪৩ (২০৪৪)

ইতি শ্রীমন্মহাভারতে আদিপর্বণি আস্তীকপর্বণি সপ্তচৎবারিংশোঽধ্যায়ঃ॥ ৪৭ ॥

Mahabharata – Adi Parva – Chapter Footnotes

১-৪৭-৭ স্পর্ধ্যং বহুমূল্যম্॥ ১-৪৭-৯ বিপ্রিয়ে কৃতে ৎবাং তব গৃহে বাসং চ ত্যজেয়ম্॥ ১-৪৭-১১ শ্বতকাকীয়ৈঃ অনুকূলৈঃ॥ ১-৪৭-১৫ উৎসঙ্গে অঙ্কে॥ ১-৪৭-১৮ কোপো বা গরীয়ান্ধর্মলোপো বা গরীয়ানিতি কোদিদ্বয়মুপন্যস্য ধর্মলোপমেব গুরুকরোতি। কোপো বেতি॥ ১-৪৭-২২ প্রাদুষ্কৃতঃ উদ্ধৃতঃ অগ্নিহোত্রোঽগ্নিঃ যস্মিন্সঃ। ধর্মসাধনৎবাদ্রম্যঃ। ভূতাদিপ্রচারাদ্দারুণঃ॥ ১-৪৭-২৫ বিভাবসোঃ সূর্যস্য॥ ১-৪৭-৩৯ সংপ্রয়োগঃ সংবন্ধ। মোঘো নিষ্ফলঃ॥ সপ্তচৎবারিংশোঽধ্যায়ঃ॥ ৪৭ ॥