আদিপর্ব – অধ্যায় ০৪১

আদিপর্ব – অধ্যায় ০৪১

॥ শ্রীঃ ॥

১.৪১. অধ্যায়ঃ ০৪১

Mahabharata – Adi Parva – Chapter Topics

মুনিপুত্রাচ্ছৃঙ্গিণঃ পরীক্ষিতঃ শাপঃ॥ ১ ॥

Mahabharata – Adi Parva – Chapter Text

১-৪১-০ (১৮১৫)
সৌতিরুবাচ। ১-৪১-০x (১৯০)
এবমুক্তঃ স তেজস্বী শৃঙ্গী কোপসমন্বিতঃ।
মৃতধারং গুরুং শ্রুৎবা পর্যতপ্যত মন্যুনা॥ ১-৪১-১ (১৮১৬)
স ত কৃশমক্ষিপ্রেক্ষ্য সূনৃতাং বাচমুৎসৃজন্।
অপৃচ্ছত্তং কথং তাতঃ `সর্বভূতহিতে রতঃ॥ ১-৪১-২ (১৮১৭)
অনন্যচেতাঃ সততং বিষ্ণুং দবেমতোষয়ৎ।
বন্যান্নভোজী সততং মুনির্মৌনব্রতে স্থিতঃ।
এবংভূতঃ স তেজস্বী’ স মেঽদ্য মৃতধারকঃ॥ ১-৪১-৩ (১৮১৮)
কৃশ উবাচ। ১-৪১-৪x (১৯১)
রাজ্ঞা পরিক্ষিতা তাত মৃগয়াং পরিধাবতা।
অবসক্তঃ পিতুস্তেঽদ্য মৃতঃ স্কন্ধে ভুজঙ্গমঃ॥ ১-৪১-৪ (১৮১৯)
শৃঙ্গ্যুবাচ। ১-৪১-৫x (১৯২)
কিং মে পিত্রা কৃতং তস্য রাজ্ঞোঽনিষ্টং দুরাত্মনঃ।
ব্রূহি তৎকৃশ তত্ৎবেন পশ্য মে তপসো বলম্॥ ১-৪১-৫ (১৮২০)
কৃশ উবাচ। ১-৪১-৬x (১৯৩)
স রাজা মৃগয়াং যাতঃ পরিক্ষিদভিমন্যুজঃ।
সসার মৃগমেকাকী বিদ্ধ্বা বাণেন শীঘ্রগম্॥ ১-৪১-৬ (১৮২১)
ন চাপশ্যন্মৃগং রাজা চরংস্তস্মিন্মহাবনে।
পিতরং তে স দৃষ্ট্বৈব পপ্রচ্ছানভিভাষিণম্॥ ১-৪১-৭ (১৮২২)
তং স্থাণুভূতং তিষ্ঠন্তং ক্ষুৎপিপাসাশ্রমাতুরঃ।
পুনঃপুনর্মৃগং নষ্টং প্রপচ্ছ পিতরং তব॥ ১-৪১-৮ (১৮২৩)
স চ মৌনব্রতোপেতো নৈব তং প্রত্যভাষত।
তস্য রাজা ধনুষ্কোট্যা সর্পং স্কন্ধে সমাসজৎ॥ ১-৪১-৯ (১৮২৪)
শৃঙ্গিংস্তব পিতা সোঽপি তথৈবাস্তে যতব্রতঃ।
সোঽপি রাজা স্বনগরং প্রস্থিতো গজসাহ্বয়ম্॥ ১-৪১-১০ (১৮২৫)
সৌতিরুবাচ। ১-৪১-১১x (১৯৪)
শ্রুৎবৈবমৃষিপুত্রস্তু শবং স্কন্ধে প্রতিষ্ঠিতম্।
কোপসংরক্তনয়নঃ প্রজ্বলন্নিব মন্যুনা॥ ১-৪১-১১ (১৮২৬)
আবিষ্টঃ স হি কোপেন শশাপ নৃপতিং তদা।
বার্যুপস্পৃশ্য তেজস্বী ক্রোধবেগবলাৎকৃতঃ॥ ১-৪১-১২ (১৮২৭)
শৃঙ্গ্যুবাচ। ১-৪১-১৩x (১৯৫)
যোঽসৌ বৃদ্ধস্য তাতস্য তথা কৃচ্ছ্রগতস্য হ।
স্কন্ধে মৃতং সমাস্রাক্ষীৎপন্নগং রাজকিল্বিষী॥ ১-৪১-১৩ (১৮২৮)
তং পাপমতিসংক্রুদ্ধস্তক্ষকঃ পন্নগেশ্বরঃ।
আশীবিষস্তিগ্মতেজা মদ্বাক্যবলচোদিতঃ॥ ১-৪১-১৪ (১৮২৯)
সপ্তরাত্রাদিতো নেতা যমস্য সদনং প্রতি।
দ্বিজানামবমন্তারং কুরূণাময়শস্করম্॥ ১-৪১-১৫ (১৮৩০)
সৌতিরুবাচ। ১-৪১-১৬x (১৯৬)
ইতি শপ্ৎবাতিসংক্রুদ্ধঃ শৃঙ্গী পিতরমভ্যগাৎ।
আসীনং গ্রোব্রজে তস্মিন্বহন্তং শবপন্নগম্॥ ১-৪১-১৬ (১৮৩১)
স তমলক্ষ্য পিতরং শৃঙ্গী স্কন্ধগতেন বৈ।
শবেন ভুজগেনাসীদ্ভূয়ঃ ক্রোধসমাকুলঃ॥ ১-৪১-১৭ (১৮৩২)
দুঃখাচ্চাশ্রূণি মুমুচে পিতরং চেদমব্রবীৎ।
শ্রুৎবেমাং ধর্ষণাং তাত তব তেন দুরাত্মনা॥ ১-৪১-১৮ (১৮৩৩)
রাজ্ঞা পরিক্ষিতা কোপাদশপং তমহং নৃপম্।
যথার্হতি স এবোগ্রং শাপং কুরুকুলাধমঃ।
সপ্তমেঽহনি তং পাপং তক্ষকঃ পন্নগোত্তমঃ॥ ১-৪১-১৯ (১৮৩৪)
বৈবস্বতস্য সদনং নেতা পরমদারুণম্। ১-৪১-২০ (১৮৩৫)
সৌতিরুবাচ।
তমব্রবীৎপিতা ব্রহ্মংস্তথা কোপসমন্বিতম্॥ ১-৪১-২০x (১৯৭)
শমীক উবাচ। ১-৪১-২১x (১৯৮)
ন মে প্রিয়ং কৃতং তাত নৈষ ধর্মস্তপস্বিনাম্।
বয়ং তস্য নরেন্দ্রস্য বিষয়ে নিবসামহে॥ ১-৪১-২১ (১৮৩৬)
ন্যায়তো রক্ষিতাস্তেন তস্য পাপং ন রোচয়ে।
সর্বথা বর্তমানস্য রাজ্ঞো হ্যস্মদ্বিধৈঃ সদা॥ ১-৪১-২২ (১৮৩৭)
ক্ষন্তব্যং পুত্র ধর্মো হি হতো হন্তি ন সংশয়ঃ।
যদি রাজা ন সংরক্ষেৎপীডা নঃ পরমা ভবেৎ॥ ১-৪১-২৩ (১৮৩৮)
ন শক্নুয়াম চরিতুং ধর্মং পুত্র যথাসুখম্।
রক্ষমাণা বয়ং তাত রাজভির্ধর্মদৃষ্টিভিঃ॥ ১-৪১-২৪ (১৮৩৯)
চরামো বিপুলং ধর্মং তেষাং ভাগোঽস্তি ধর্মতঃ।
সর্বথা বর্তমানস্য রাজ্ঞঃ ক্ষন্তব্যমেব হি॥ ১-৪১-২৫ (১৮৪০)
পরিক্ষিত্তু বিশেষেণ যথাঽস্য প্রপিতামহঃ।
রক্ষত্যস্মাংস্তথা রাজ্ঞা রক্ষিতব্যাঃ প্রজা বিভো॥ ১-৪১-২৬ (১৮৪১)
অরাজকে জনপদে দোষা জায়ন্তি বৈ সদা।
উদ্বৃত্তং সততং লোকং রাজা দণ্ডেন শাস্তি বৈ॥ ১-৪১-২৭ (১৮৪২)
দণ্ডাৎপ্রতিভয়ং ভূয়ঃ শান্তিরুৎপদ্যতে তদা।
নোদ্বিগ্নশ্চরতে ধর্মং নোদ্বিগ্নশ্চরতে ক্রিয়াম্॥ ১-৪১-২৮ (১৮৪৩)
রাজ্ঞা প্রতিষ্ঠিতো ধর্মো ধর্মাৎস্বর্গঃ প্রতিষ্ঠিতঃ।
রাজ্ঞো যজ্ঞক্রিয়াঃ সর্বা যজ্ঞাদ্দেবাঃ প্রতিষ্ঠিতাঃ॥ ১-৪১-২৯ (১৮৪৪)
দেবাদ্বৃষ্টিঃ প্রবর্তেত বৃষ্টেরোষধয়ঃ স্মৃতাঃ।
ওষধিভ্যো মনুষ্যাণাং ধারয়ন্সততং হিতম্॥ ১-৪১-৩০ (১৮৪৫)
মনুষ্যাণাং চ যো ধাতা রাজা রাজ্যকরঃ পুনঃ।
দশশ্রোত্রিয়সমো রাজা ইত্যেবং মনুরব্রবীৎ॥ ১-৪১-৩১ (১৮৪৬)
তেনেহ ক্ষুধিতেনৈত্য শ্রান্তেন মৃগলিপ্সুনা।
অজানতা কৃতং মন্যে ব্রতমেতদিদং মম॥ ১-৪১-৩২ (১৮৪৭)
কস্মাদিদং ৎবয়া বাল্যাৎসহসা দুষ্কৃতং কৃতম্।
ন হ্যর্হতি নৃপঃ শাপমস্মত্তঃ পুত্র সর্বথা॥ ॥ ১-৪১-৩৩ (১৮৪৮)

ইতি শ্রীমন্মহাভারতে আদিপর্বণি আস্তীকপর্বণি একচৎবারিংশোঽধ্যায়ঃ॥ ৪১ ॥

Mahabharata – Adi Parva – Chapter Footnotes

১-৪১-১০ গজসাহ্বয়ং হস্তিনপুরম্॥ ১-৪১-১৩ কৃচ্ছ্রগতস্য মৌনব্রতধরস্য। রাজা চাসৌ কিল্বিষী চ রাজকিল্বিষী॥ ১-৪১-২১ বিষয়ে দেশে॥ ১-৪১-২২ পাপং দ্রোহম্॥ ১-৪১-২৭ দোষাঃ দস্যুপীডাদয়ঃ॥ ১-৪১-৩০ মনুষ্যাণাং হিতং ধারয়ন্ কুর্বন্॥ ১-৪১-৩১ ধাতা পোষকঃ॥ ১-৪১-৩২ ব্রতমজানতেতি সংবন্ধঃ॥ একচৎবারিংশোঽধ্যায়ঃ॥ ৪১ ॥