আদিপর্ব – অধ্যায় ০৩৯

আদিপর্ব – অধ্যায় ০৩৯

॥ শ্রীঃ ॥

১.৩৯. অধ্যায়ঃ ০৩৯

Mahabharata – Adi Parva – Chapter Topics

এলাপত্রোপদেশেন বাসুকিভগিন্যা জরৎকার্বা রক্ষণম্॥ ১ ॥

Mahabharata – Adi Parva – Chapter Text

১-৩৯-০ (১৭৬৭)
সৌতিরুবাচ। ১-৩৯-০x (১৮২)
এলাপত্রবচঃ শ্রুৎবা তে নাগা দ্বিজসত্তম।
সর্বে প্রহৃষ্টমনসঃ সাধুসাধ্বিত্যপূজয়ন্॥ ১-৩৯-১ (১৭৬৮)
ততঃপ্রভৃতি তাং কন্যাং বাসুকিঃ পর্যরক্ষত।
জরৎকারুং স্বসারং বৈ পরং হর্ষমবাপ চ॥ ১-৩৯-২ (১৭৬৯)
ততো নাতিমহান্কালঃ সমতীত ইবাভবৎ।
অথ দেবাসুরাঃ `সর্বে মমন্থুর্বরুণালয়ম্॥ ১-৩৯-৩ (১৭৭০)
তত্র নেত্রমভূন্নাগো বাসুকির্বলিনাং বরঃ।
সমাপ্যৈব চ তৎকর্ম পিতামহমুপাগমন্॥ ১-৩৯-৪ (১৭৭১)
দেবা বাসুকিনা সার্ধং পিতামহমথাব্রুবন্।
ভগবঞ্শাপভীতোঽয়ং বাসুকিস্তপ্যতে ভৃশম্॥ ১-৩৯-৫ (১৭৭২)
অস্যৈতন্মানসং শল্যং সমুদ্ধর্তুং ৎবমর্হসি।
জনন্যাঃ শাপজং দেব জ্ঞাতীনাং হিতমিচ্ছতঃ॥ ১-৩৯-৬ (১৭৭৩)
হিতো হ্যযং সদাস্মকং প্রিয়কারী চ নাগরাট্।
প্রসাদং কুরু দেবেশ শময়াস্য মনোজ্বরম্॥ ১-৩৯-৭ (১৭৭৪)
ব্রহ্মোবাচ। ১-৩৯-৮x (১৮৩)
ময়ৈব তদ্বিতীর্ণং বৈ বচনং মনসাঽমরাঃ।
এলাপত্রেণ নাগেন যদস্যাভিহিতং পুরা॥ ১-৩৯-৮ (১৭৭৫)
তৎকরোৎবেষ নাগেন্দ্রঃ প্রাপ্তকালং বচঃ স্বয়ম্।
বিনশিষ্যন্তি যে পাপা ন তু যে ধর্মচারিণঃ॥ ১-৩৯-৯ (১৭৭৬)
উৎপন্নঃ স জরৎকারুস্তপস্যুগ্রে রতো দ্বিজঃ।
তস্যৈষ ভগিনীং কালে জরৎকারুং প্রয়চ্ছতু॥ ১-৩৯-১০ (১৭৭৭)
এলাপত্রেণ যৎপ্রোক্তং বচনং ভুজগেন হ।
পন্নগানাং হিতং দেবাস্তত্তথা ন তদন্যথা॥ ১-৩৯-১১ (১৭৭৮)
সৌতিরুবাচ। ১-৩৯-১২x (১৮৪)
এতচ্ছ্রুৎবা তু নাগেন্দ্রঃ পিতামহবচস্তদা।
সংদিশ্য পন্নগান্সর্বান্বাসুকিঃ শাপমোহিতঃ॥ ১-৩৯-১২ (১৭৭৯)
স্বসারমুদ্যম্য তদা জরৎকারুমৃষিং প্রতি।
সর্পান্বহূঞ্জরৎকারৌ নিত্যযুক্তান্সমাদধৎ॥ ১-৩৯-১৩ (১৭৮০)
জরৎকারুর্যদা ভার্যামিচ্ছেদ্বরয়িতুং প্রভুঃ।
শীঘ্রমেত্য তদাঽঽখ্যেয়ং তন্নঃ শ্রেয়ো ভবিষ্যতি॥ ॥ ১-৩৯-১৪ (১৭৮১)

ইতি শ্রীমনমহাভারতে আদিপর্বণি আস্তীকপর্বণি একোনচৎবারিংশোঽধ্যায়ঃ॥ ৩৯ ॥

Mahabharata – Adi Parva – Chapter Footnotes

১-৩৯-৪ নেত্রং রজ্জুঃ॥ ১-৩৯-১৩ জরৎকারৌ জরৎকারুঋষিনিমিত্তং। তদন্বেষণায়েত্যর্থঃ॥ একোনচৎবারিংশোঽধ্যায়ঃ॥ ৩৯ ॥