আদিপর্ব – অধ্যায় ০২১

আদিপর্ব – অধ্যায় ০২১

॥ শ্রীঃ ॥

১.২১. অধ্যায়ঃ ০২১

Mahabharata – Adi Parva – Chapter Topics

উচ্চৈঃশ্রবসো দর্শার্থং কদ্রূবিনতয়োর্গমনম্॥ ১ ॥

Mahabharata – Adi Parva – Chapter Text

১-২১-০ (১২৮৮)
সৌতিরুবাচ। ১-২১-০x (৮৭)
ততো রজন্যাং ব্যুষ্টায়াং প্রভাতেঽভ্যুদিতে রবৌ।
কদ্রূশ্চ বিনতা চৈব ভগিন্যৌ তে তপোধন॥ ১-২১-১ (১২৮৯)
অমর্ষিতে সুসংরব্ধে দাস্যে কৃতপণে তদা।
`স্মগরস্য পরং পারং বেলাবনবিভূষিতম্।’
জগ্মতুস্তুরগং দ্রষ্টুমুচ্চৈঃশ্রবসমন্তিকাৎ॥ ১-২১-২ (১২৯০)
দদৃশাতেঽথ তে তত্র সমুদ্রং নিধিমম্ভসাম্।
মহান্তমুদকাগাধং ক্ষোভ্যমাণং মহাস্বনম্॥ ১-২১-৩ (১২৯১)
তিমিংগিলঝষাকীর্ণং মকরৈরাবৃতং তথা।
সৎবৈশ্চ বহুসাহস্রৈর্নানারূপৈঃ সমাবৃতম্॥ ১-২১-৪ (১২৯২)
ভীষণৈর্বিকৃতৈরন্যৈর্ঘোরৈর্জলচরৈস্তথা।
উগ্রৈর্নিত্যমনাধৃষ্যং কূর্মগ্রাহসমাকুলম্॥ ১-২১-৫ (১২৯৩)
আকরং সর্বরত্নানামালয়ং বরুণস্য চ।
নাগানামালয়ং রম্যমুত্তমং সরিতাং পতিম্॥ ১-২১-৬ (১২৯৪)
পাতালজ্বলনাবাসমসুরাণাং চ বান্ধবম্।
ভয়ংকরং চ সত্ৎবানাং পয়সাং নিধিমর্ণবম্॥ ১-২১-৭ (১২৯৫)
শুভং দিব্যমমর্ত্যানামমৃতস্যাকরং পরম্।
অপ্রমেয়মচিন্ত্যং চ সুপুণ্যজলমদ্ভুতম্॥ ১-২১-৮ (১২৯৬)
ঘোরং জলচরারাবরৌদ্রং ভৈরবনিঃস্বনম্।
গম্ভীরাবর্তকলিলং সর্বভূতভয়ংকরম্॥ ১-২১-৯ (১২৯৭)
বেলাদোলানিলচলং ক্ষোভোদ্বেগসমুচ্ছ্রিতম্।
বীচীহস্তৈঃ প্রচলিতৈর্নৃত্যন্তমিব সর্বতঃ॥ ১-২১-১০ (১২৯৮)
চন্দ্রবৃদ্ধিক্ষয়বশাদুদ্বৃত্তোর্মিসমাকুলম্।
পাঞ্চজন্যস্য জননং রত্নাকরমনুত্তমম্॥ ১-২১-১১ (১২৯৯)
গাং বিন্দতা ভগবতা গোবিন্দেনামিতৌজসা।
বরাহরূপিণা চান্তর্বিক্ষোভিতজলাবিলম্॥ ১-২১-১২ (১৩০০)
ব্রহ্মর্ষিণা ব্রতবতা বর্ষাণাং শতমত্রিণা।
অনাসাদিতগাধং চ পাতালতলমব্যযম্॥ ১-২১-১৩ (১৩০১)
অধ্যাত্ময়োগনিদ্রাং চ পদ্মনাভস্য সেবতঃ।
যুগাদিকালশয়নং বিষ্ণোরমিততেজসঃ॥ ১-২১-১৪ (১৩০২)
বজ্রপাতনসংত্রস্তমৈনাকস্যাভয়প্রদম্।
ডিম্বাহবার্দিতানাং চ অসুরাণাং পরায়ণম্॥ ১-২১-১৫ (১৩০৩)
বডবামুখদীপ্তাগ্নেস্তোয়হব্যপ্রদং শিবম্।
অগাধপারং বিস্তীর্ণমপ্রমেয়ং সরিৎপতিম্॥ ১-২১-১৬ (১৩০৪)
মহানদীভির্বহ্বীভিঃ স্পর্ধয়েব সহস্রশঃ।
অভিসার্যমাণমনিশং দদৃশাতে মহার্ণবম্।
আপূর্যমাণমত্যর্থং নৃত্যমানমিবোর্মিভিঃ॥ ১-২১-১৭ (১৩০৫)
গম্ভীরং তিমিমকরোগ্রসংকুলং তং
গর্জন্তং জলচররাবরৌদ্রনাদৈঃ।
বিস্তীর্ণং দদৃশতুরম্বরপ্রকাশং
তেঽগাধং নিধিমুরুমম্ভসামনন্তম্॥ ॥ ১-২১-১৮ (১৩০৬)

ইতি শ্রীমন্মহাভারতে আদিপর্বণি আস্তীকপর্বণি একবিংশতিতমোঽধ্যায়ঃ॥ ২১ ॥

Mahabharata – Adi Parva – Chapter Footnotes

১-২১-৩ ক্ষোভ্যমাণং মকরাদিভিঃ॥ ১-২১-৭ পাতালজ্বলনো বডবাগ্নিঃ॥ ১-২১-১২ গাং পৃথ্বীং বিন্দতা লম্বমানেন॥ ১-২১-১৫ ডিম্বো ভয়বতামাক্রন্দস্তদ্বতি আহবে॥ ১-২১-১৮ তে কদ্রূবিনতে॥ একবিংশতিতমোঽধ্যায়ঃ॥ ২১ ॥