সৌপ্তিকপর্ব – অধ্যায় ১৮

সৌপ্তিকপর্ব – অধ্যায় 018
॥ শ্রীঃ ॥
10.18. অধ্যায়ঃ 018
Mahabharata – Sauptika Parva – Chapter Topics
কৃষ্ণেন যুধিষ্ঠিরম্প্রতি রুদ্রস্য কোপপ্রসাদাক্ষ্যাং দেবানাং যজ্ঞনাশতৎপ্রবৃত্তিকথনপূর্বকং তত এবাশ্বত্থামদ্বারা পুত্রাদিবধ সম্ভবকথনম্॥ 1 ॥
Mahabharata – Sauptika Parva – Chapter Text

10-18-0(64752)
কশ্রীভগবানুবাচ। 10-18-0x(5305)
ততো দেবয়ুগেঽতীতে দেবা বৈ সমকল্পয়ন্।
যজ্ঞবেদপ্রমাণেন বিধিবদ্যষ্টুমীপ্সবঃ॥ 10-18-1(64753)
কল্পয়ামাসুরথ তে সাধনানি হবীংষি চ।
ভাগার্হা দেবতাশ্চৈব যজ্ঞিয়ং দ্রব্যমেব চ॥ 10-18-2(64754)
তা বৈ রুদ্রমজানন্ত্যো যাথাতথ্যেন দেবতাঃ।
নাকল্পয়ন্ত দেবস্য স্থাণোর্ভাগং নরাধিপ॥ 10-18-3(64755)
সোঽকল্প্যমানে ভাগে তু কৃত্তিবাসা মখেঽমরৈঃ।
তপসা যজ্ঞমন্বিচ্ছন্ধনুরাদৌ সসর্জ হ॥ 10-18-4(64756)
লোকয়জ্ঞঃ ক্রিয়ায়জ্ঞো গৃহয়জ্ঞঃ সনাতনঃ।
পঞ্চভূতনৃয়জ্ঞশ্চ জজ্ঞে সর্বমিদং জগৎ॥ 10-18-5(64757)
লোকয়জ্ঞৈর্নৃয়জ্ঞৈশ্চ কপর্দী বিদধে ধনুঃ।
ধনুঃ সৃষ্টমভূত্তস্য ষষ্টিকিষ্কুপ্রমাণতঃ॥ 10-18-6(64758)
বষট্কারোঽভবজ্জ্যা তু ধনুষস্তস্য ভারত।
যজ্ঞাঙ্গানি চ চৎবারি তস্য সন্নহনেঽভবন্॥ 10-18-7(64759)
ততঃ ক্রুদ্ধো মহাদেবস্দুপাদায় কার্মুকম্।
আজগামাথ তত্রৈব যত্র দেবাঃ সমীজিরে॥ 10-18-8(64760)
তমাৎকার্মুকং দৃষ্ট্বা ব্রহ্মচারিণমব্যযম্।
বিব্যথে পৃথিবী দেবী পর্বতাশ্চ চকম্পিরে॥ 10-18-9(64761)
ন ববৌ পবনশ্চৈব নাগ্নির্জজ্বাল বৈধিতঃ।
ব্যভ্রমচ্চাপি সংবিগ্নং দিবি নক্ষত্রমণ্ডলম্॥ 10-18-10(64762)
ন বভৌ ভাস্করশ্চাপি সোমঃ শ্রীমুক্তমণ্ডলঃ।
তিমিরেণাকুলং সর্বমাকাশং চাভবৃদ্বৃতম্॥ 10-18-11(64763)
অভিভূতাস্ততো দেবা বিষয়ান্ন প্রজজ্ঞিরে।
ন প্রত্যভাচ্চ যজ্ঞঃ স দেবতাস্ত্রেসিরে তথা॥ 10-18-12(64764)
ততঃ স যজ্ঞং বিব্যাধ রৌদ্রেণ হৃদি পত্রিণা।
অপক্রান্স্ততো যজ্ঞো মৃগো ভূৎবা সপাবকঃ॥ 10-18-13(64765)
স তু তেনৈব রূপেণ দিবিস্থো বৈ ব্যরাজত।
অন্বীয়মানো রুদ্রেণ যুধিষ্ঠির নভস্তলে॥ 10-18-14(64766)
অপক্রান্তে ততো যজ্ঞে সংজ্ঞা ন প্রত্যভাৎসুরান্।
নষ্টসংজ্ঞেষু দেবেষু ন প্রাজ্ঞায়ত কিঞ্চন॥ 10-18-15(64767)
ত্র্যম্বকঃ সবিতুর্বাহূ ভগস্য নয়নে তথা।
পূষ্ণশ্চ দশনান্ক্রুদ্ধো ধনুষ্কোট্যা ব্যশাতয়ৎ॥ 10-18-16(64768)
প্রাদ্রবন্ ততো দেবা যজ্ঞাঙ্গানি চ সর্বশঃ।
কেচিত্তত্রৈব ঘূর্ণন্তো গতাসব ইবাভবন্॥ 10-18-17(64769)
স তু বিদ্রাব্য তৎসর্বং শিতিকম্ঠোঽবহস্য চ।
অবষ্টভ্য ধনুষ্কোটিং রুরোধ বিবুধাংস্ততঃ॥ 10-18-18(64770)
ততো বাগমরৈরুক্তা জ্যাং তস্য ধনুষোঽচ্ছিনৎ।
অথ তৎসহসা রাজংশ্ছিন্নজ্যং বিস্ফুরদ্ধনুঃ॥ 10-18-19(64771)
ততো বিধনুষং দেবা দেবশ্রেষ্ঠমুপাগমন্।
শরণং সহ যজ্ঞেন প্রসাদং চাকরোৎপ্রভুঃ॥ 10-18-20(64772)
ততঃ প্রসন্নো ভগবান্প্রাস্যৎকোপং জলাশয়ে।
স জলং পাবকো ভূৎবা শোষয়ত্যনিশং প্রভো॥ 10-18-21(64773)
ভগস্য নয়নে চৈব বাহূ চ সবিতুস্তথা।
প্রাদাৎপূষ্ণশ্চ দশনান্পুনর্যজ্ঞাংশ্চ পাণ্ডব॥ 10-18-22(64774)
ততঃ সুস্থমিদং সর্বং বভূব পুনরেব হি।
সর্বাণি চ হবীংষ্যস্য দেবা ভাগমকল্পয়ন্॥ 10-18-23(64775)
তস্মিন্ক্রুদ্ধেঽভবৎসর্বমসুস্থং ভুবনং প্রভো।
প্রসন্নে চ পুনঃ সুস্থং জগদ্ভবতি ভারত॥ 10-18-24(64776)
ততস্তে নিহতাঃ সর্বে তব পুত্রা মহারথাঃ।
অন্যে চ বহবঃ শূরাঃ পাঞ্চালস্য পদানুগাঃ॥ 10-18-25(64777)
ন তন্মনসি কর্ব্যং ন চ তদ্দ্রৌণিনা কৃতম্।
মহাদেবপ্রসাদঃ স কুরুকার্যমনন্তরম্॥ ॥ 10-18-26(64778)

ইতি শ্রীমন্মহাভারতে শতসাহস্রিকায়াং সংহিতায়াং বৈয়াসিক্যাং সৌপ্তিকপর্বণি ঐষীকপর্বণি অষ্টাদশোঽধ্যায়ঃ॥ 18 ॥ সমাপ্তং ঐষীকপর্ব ॥ 2 ॥ সৌপ্তিকপর্ব চ সমাপ্তম্॥ 10 ॥


অস্যানন্রং স্ত্রীপর্ব ভবিষ্যতি
তস্যায়মাদ্যঃ শ্লোকঃ। 10-18-1(64779)
10-18-1x(5306)
জনমেজয় উবাচ।
হতে দুর্যোধনে চৈব হতে সৈন্যে চ সর্বশঃ।
ধৃতরাষ্ট্রো মহারাজ শ্রুৎবা কিমকরোন্মুনে॥
Mahabharata – Sauptika Parva – Chapter Footnotes
10-18-5 লোকয়জ্ঞো লোকেষণা সর্বো মাং সাধুমেব জানাৎবিতি বাসনারূপঃ। ক্রিয়ায়জ্ঞঃ গর্ভাধানাদিসংস্কাররূপঃ। গৃহয়জ্ঞঃ পত্নীসাধ্যাগ্নিহোত্রাদিঃ। পঞ্চভূতনৃয়জ্ঞঃ পঞ্চভূতানাং গুণৈঃ শব্দাদিভির্যা নৃণাং প্রীতিস্তদ্রূপঃ। বিষয়জং সুখমিত্যর্থঃ। এতৈরেব চতুর্ভির্যজ্ঞৈঃ সর্বং জগৎসৃষ্টম্॥ 10-18-6 তত্র মধ্যময়োঃ শাস্ত্রোক্তয়োর্যজ্ঞয়োর্নাশার্থং প্রথমচরময়জ্ঞাভ্যামীশ্বরো ধনুঃ কৃতবান্ কিষ্কুর্হস্তঃ॥ 10-18-18 অষ্টাদশোঽধ্যায়ঃ॥